|
Re: Sexsim and Homophobia: backwardness and reactionarism (Re: سيف النصر محي الدين)
|
قولك اخ سيف
Quote: إن لم تقدك سعة إطلاعك وقراءتك نحو النور لتصبح اكثر قبولا للاخر المختلف واكثر استعدادا لفهم الدوافع والأسباب الموضوعية التي جعلت احدا ما او مجموعة ما اكثر انحيازا لخيارات مختلفة عن خياراتك الشخصية فانت انسان رجعي بلا جدال. |
نفهم الاخر وله الحق ان يقف اي موقف يتلاءم مع ذاته ولكن نقف ضده عندما يدعو الاخرين للالتحاق به او عندما يروج لامر هو لا يعمل به ولو افترضنا ان امل هباني تزوج عليها زوجها بامرأة اخرى ما اظنها ستتخذ صديقا كما دعت له لاني على ثقة ان امل العفة تسكن دارها ودار ابيها وجدها وبنيها هذا إن قلنا أن امل لا تعمل بدعوى الاسلام
| |
|
|
|
|
|
|
Re: Sexsim and Homophobia: backwardness and reactionarism (Re: زهير عثمان حمد)
|
أنا من زمان عندي نظرية أصلو ما خابت على الواقع العملي الزول المؤدب لما تقول ليه فلانة كعبة طوالي بنفي ليك الموضوع لااا لا ياخ ما تقول كدة وما تتهم بنات الناس .. انت شفتها بي عينك؟ بينما النسوانجي يستحيل يقتنع ليك بي إنه في بت في الدنيا نضيفة .. أي بت في نظره كعبة .. يا زول بعرفها فلانة دي جارة الشارع وبلعبها فلان .. تقول ليه انت شفتهم بي عينك يقول ليك يا زول نحن الكعبة دي من مشيتها بنعرفها
الإفراط في الجنسانية دة باقي لي اسقاط أو تنفيس عن هواجس داخلية يعني الزول الـ straight ما بدقق كتير في مسألة المثلية دي وفي الغالب بقول ليك بي طريقتهم أو يحتقرهم بينه وبين نفسه، لكن ما بنصب نفسه فحيص عشان يميزهم من بين الناس الواحد البكون شايف الناس كلها مثليين حتى الما قابلهم دة أكيد عنده مشكلة متعلقة بالموضوع دة يا إما تعرض لإعتداء قبل كدة يا إما شغوف بالموضوع دة وبفتش ليه في أي مكان والشتائم دي إفصاح عن رغباته أو أي حاجة بالشكل دة
| |
|
|
|
|
|
|
Re: Sexsim and Homophobia: backwardness and reactionarism (Re: سيف النصر محي الدين)
|
عندنا قروب فيسبوك عاملينو ناس الحلة مدخليني فيه لكن ما قاعد اشارك عشان كدة ما بظهر لي أيام الجوطة بتاعة فيديوهات محمد عمر المثلي داك كل ما افتح الفيسبوك يجيني واحد من نفرين مشارك فيديو ورادم آيات وأحاديث ويسرد مكارم الشعب السوداني في محاربة الخيابة وكدة على كم مرة كدة ضغطت على الرابط الأصلي بتاع صفحة محمد عمر من خلال مشاركاتهم دي لقيت الجوز ديل مستلمين لايفاته وشغالين فيه شتائم وتحذير وتهديدات المشكلة إنه الجوز ديل أكبر قمبرجية في حلتنا :) والله صحي طوالي فرزتهم لما محمد عمر قال الناس البشتموا بي تحت ديل كلهم قاعدين يشحدوني في الخاص
| |
|
|
|
|
|
|
Re: Sexsim and Homophobia: backwardness and reactionarism (Re: muntasir)
|
Quote: يا أحمد المشكلة الخلل السوداني القمبرجي 🦅 ما بيعتبر نفسه مثلي رغم إنه بيمارس المثلية الجنسية |
لو وقفت علي كلامك دا ياداموس تكون الحكاية بسيطة
اصلا هم مامهتمين بالمصطلحات ، يعني شايفين انفسهم اتجاه واحد دائما
قمبرجية وبس ، ولكن بما ان اللذات الجسدية هشة جدا ، فالنتيجة الحتمية
لطول لعب دور القمبرجي ، هي الاتجاه المضاد ! فاللذة تستهلك نفسها ولاتعود
ممتعة الا بسلوك الاتجاه العكسي ، فكل قمبرجي طويل الامد مثلي بالمعني الشائع
حتي ولو نكر ! (القمبرجية لمرة او مرتين مستثنيين من القاعدة اعلاه !)
| |
|
|
|
|
|
|
Re: Sexsim and Homophobia: backwardness and reactionarism (Re: عبداللطيف حسن علي)
|
إن لم تقدك سعة إطلاعك وقراءتك نحو النور لتصبح اكثر قبولا للاخر المختلف واكثر استعدادا لفهم الدوافع والأسباب الموضوعية التي جعلت احدا ما او مجموعة ما اكثر انحيازا لخيارات مختلفة عن خياراتك الشخصية فانت انسان رجعي بلا جدال. شكرا سيف لهذا التعبير الذكى والدقيق والذي يصلح لكل المواقف ايا كانت يصلح للسياسة والادب والدين وكل مناحى الحياة ان نكتسب من سعة المزاج والذوق والعقل ما يجعلنا ليس فقط تقبل الآخر المختلف بل حتى فهمه دون تصنيفه اومحاكمته اخلاقيا او دينيا او فكريا او سياسيا تشكر جدا
| |
|
|
|
|
|
|
Re: Sexsim and Homophobia: backwardness and reactionarism (Re: أحمد محمد عمر)
|
يسعد اوقاتكم حباب دكتور سيف
دكتورنا العزيز , سودانيزاونلاين كما البحر تطهر نفسها بمقدرتها على تطوير المتفلتين فما اكثر ما مروا عليها وتطورت مفاهيمه فيها وتعلموا كيف يحترموا الخلاف ,,,,
سعيد بطلتك
الاخ سناري ,, امسح في وشنا ,,,
| |
|
|
|
|
|
|
|