Quote: يا طلحة انا جني وجن الزول المنافق.. يقول ليك الكلام ده صحيح.. تقول ليه طيب طبقه في اسرتك يقول ليك ما تدخل الأسرة في الموضوع ده .. طيب انت عايزه يطبق في المجتمع كله وما بترضى تطبقه على أهل بيتك ده ما نفاق وسوء اخلاق .. .
دا ردا على مطالبتي ليهو بعدم الابتزاز الفكري وزج الأهل والأسرة والحركات القاعد يعملا للناس دي في نقاش لا يزال في طور التداول .. طيب ... يتبع ....
05-06-2021, 11:51 PM
عمر التاج
عمر التاج
تاريخ التسجيل: 02-08-2008
مجموع المشاركات: 3467
معك يا صاحب حتى يستبين الحق حق، فيرزقنا اتباع .. وبالله عليك خلي قضية فضيل بعيدة لانه غير مشارك في المنبر .. خلينا في قصة واحد مقتنع بفكرة أو مبدأ وبيدافع عنها ، ولم تقول له طبق هذا المبدأ في نفسك أو اهل بيتك ، يقوم يزعل ويقولك الكلام ده ما عنده علاقة بأهلي .. وليكن القياس باي فكرة تختارها .. وعن نفسي أضع حديث: يا رسول الله، ائذن لي بالزنا .. ليكون محورا للقياس..
Quote: عن أبي أمامة رضي الله عنه قال: إن فتى شابًّا أتى النبيَّ صلى الله عليه وسلم فقال: يا رسول الله، ائذن لي بالزنا! فأقبل القوم عليه فزجروه، وقالوا: مه مه! فقال: ((ادنه))، فدنا منه قريبًا، قال: فجلس، قال: ((أتحبه لأمك؟))، قال: لا والله، جعلني الله فداءك، قال: ((ولا الناس يحبونه لأمهاتهم))، قال: ((أفتحبه لابنتك؟))، قال: لا والله يا رسول الله، جعلني الله فداءك، قال: ((ولا الناس يحبونه لبناتهم))، قال: ((أفتحبه لأختك))، قال: لا والله، جعلني الله فداءك، قال: ((ولا الناس يحبونه لأخواتهم))، قال: ((أفتحبه لعمتك؟))، قال: لا والله، جعلني الله فداءك، قال: ((ولا الناس يحبونه لعمَّاتهم))، قال: ((أفتحبه لخالتك))، قال: لا والله، جعلني الله فداءك، قال: ((ولا الناس يحبونه لخالاتهم))، قال: فوضع يده عليه، وقال: ((اللهم اغفر ذنبه، وطهر قلبه، وحصِّن فَرْجَه))، فلم يكن بعد - ذلك الفتى - يلتفت إلى شيء؛ رواه أحمد بإسناد صحيح
05-07-2021, 00:03 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18112
صدقني أو لا تصدقني يا عمر التاج أنا ما عايز أغلظ عليك ودائما بتخير على قدر المستطاع أكثر العبارات لطفا متجنبا ما أمكن التلميحات والمطاعنات حتى ولو كانت على سبيل المزاح عشان بس الواحد يبتعد عن الشبهات وتجنبا للمشاكل أو ما يقود لها خصوصا مع ناس أعزاء. طيب .. لاحظت ليك هنا في البورد دا بتقحم عبارات وأراء على سبيل ابتزاز وارهاب الطرف الآخر في النقاش مثل هل تقبل على بيتك هل تقبل على أهلك الخ الخ الخ ولما قلت ليك دا ابتزاز ما في داعي ليهو قلت لي تلميحا أنت منافق .. أنا ما زعلت من الوصف دا رغم أنو لا ينطبق على حتى وفقا للقياس الجبتو لأنو أصلا قلت ليك أنا ضد البتعارضو أنت وبما أنك بتعارض الاتفاقية اذا أنا مؤيد ليها وبالتالي طلعت من زمرة المنافقين الفي خيالك ديل والحاجة دي فاتت عليك في غمرة اندفاعك وتهورك المعهود في معظم البوستات البتفتحا أو بتدخل ليها.. شفت كيف ؟؟ نجي للموضوع عايز أقول ليك الناس هنا عادي ممكن تعاملك بالمثل رغم أنها طريقة ما أخلاقية أبدا في نظري حتى مع الأعداء.. يعنى مثلا يا عمر التاج (هل تستطيع أن تقول ما قلته هنا عن توقيع السودان للاتفاقية في السعودية التى تعمل بها وهي أيضا موقعة ؟؟) أية إجابة منك طوالي أنت منافق بالنسبة لي لو قلت أيوة بقولو بقول ليك ما بتقدر حتى تشير لحرف فيهو ولو قلت لا ما بقدر أقولو يبقي أنت منافق بقياسك أنت .. شفت كيف الحاجات دي سهلة وبسيطة ؟؟ يتبع ..
05-07-2021, 00:09 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18112
ومن هسة ما تجي تقول لي ديك ما بلدي ويا غريب كن أديب وما عارف شنو لأنو بقول ليك طوالي أنت هنا بتدافع عن الدين الذي دونه الرقاب والجماجم المدفوقة والورراك عاك جاك ماك يبقي أنت تداقع عن الدين ولا تخشي فيه لومة لائم في أي فجة من فجاج الأرض .. ثم اقحام البلد الما بلدك ياهو زي اقحام الأهل والأسر في نقاش ما عندهم بيهو علاقة .يتبع لسة ......... .......................... خخخخخخخخخخ
05-07-2021, 00:09 AM
كمال عباس
كمال عباس
تاريخ التسجيل: 03-06-2009
مجموع المشاركات: 17214
Quote: صدقني أو لا تصدقني يا عمر التاج أنا ما عايز أغلظ عليك ودائما بتخير على قدر المستطاع أكثر العبارات لطفا متجنبا ما أمكن التلميحات والمطاعنات حتى ولو كانت على سبيل المزاح عشان بس الواحد يبتعد عن الشبهات وتجنبا للمشاكل أو ما يقود لها خصوصا مع ناس أعزاء. طيب ..
وصدقني انا ما الزول البطاعن والبلاعن وما بحب اغلظ على زول إلا إذا كانت دي الطريقة الوحيدة الفرضها لي للتعامل معه واي بوست مافيه وجه ضاحك في بدايته تأكد انه جاد ومافيه سخرية ولا مطاعنة صحيح بميل للسخرية وبتعمد اللامبالاة في كثير من المواضيع، ولكن بكون واضح في هدفي ورسالتي وحاتشوف بنفسك من خلال نقاش معك هادئ في هذا البوست.. ما كنت هادئ وكنت طلحة الذي أعرف .. يلا .. انداح وترفق..
05-07-2021, 00:29 AM
Deng
Deng
تاريخ التسجيل: 11-28-2002
مجموع المشاركات: 52577
عمر التاج قال:- (انا ما الزول البطاعن والبلاعن وما بحب اغلظ على زول إلا إذا كانت دي الطريقة الوحيدة الفرضها لي للتعامل معه) ----- اعتراف واضح وصريح من شخص مسلم ..وبيده وقلبه ولسانه،بأنه طعان ولعان و-غليظ- وسيكون هذا اسلوبه اذا فرضها عليه زول.
05-07-2021, 12:39 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18112
سريع كدا من وجهة نظري مشكلة عمر التاج الكبيرة تكمن في انو دائما بتورط في مساجلات لا يملك ادواتها الفكرية ولما يلقى نفسو مزنوق ومعلم الله وبدل ما ينزل إلى حيث التواضع النبيل واللى هو من خصل الاسلام السمح ويقول جلا يلجأ للتغطية عن عجزه لاسلوبو الخبيث المعتاد في توزيع عبارات الإبتزاز والتلميحات الخبيثة المشار اليها والغريبة انو مفتكر كدا ممكن يسكت محاورية ويفحمهم وبالتالي يرجح الكفة لصالحه وينتابه شعور البطولة الزائفة. وفي أفضل الحالات بستعمل سلاح الملاوة والجرجرة والغلاط من باب ( ان طارت عنزة)، ثم لا يفيد ولا يستفيد .. بس كواريك سوق. ما عارف لشنو مصر على الأسلوب دا رغم أنه أثبت فشله في اسكات محاورية أو تجنبه، كما يحاول هو أن يفعل ياخي لو مصر على الخبث دا حاول جدد الطريقة الكلاسيكية الفاشلة دي وشوف ليك سلاح جديد.. الأسلحة تطورت بدل كانت السيف والمقلاع والنبال أصبحت دمار شامل ونووى وكيماوي تعال رش الناس بواحد من ديل وريحهم وارتاح..خخخخخ
كدا يا عمر التاج وبنظرة سريعة لمداخلاتك شوف كمية اللولوة والتناقضات الفيك دي... أنت افترعت بوست ( فضيل يمثلني) ولما قالوا ليك كيف قلت لا دا هاشتاق ولما سألوك مباشرة قلت لا فضيل لا يمثلني ويمثل طلحة وبعد مداخلتين بس مليت البوست كلو تغزلا بملكات فضيل ومواهبو ومقدراته وقررت كسر رقبة أن تلاتة أرباع الشعب السوداني يمثله فضيل و..و..و دي كيف بس ؟؟ ولما دا كلو ما نفع قلبتها شعارات حنجورية وهتافية واستعرت لسان الشعب السوداني وقراره وقعدت تكورك على جثثنا وعلى جماجم الشعب ودا برضو من أساليبك البتلجأ ليها كلما يزنقوك في زقاق وأنت ما شاء الله عاشق للزنقة وشكلك لو ما اتزنقت واتمردغت يوميا كأنك ما شربت شاي الصباح أو ما بخبخت سجارة أو دقرت ليك سفة ان كنت تسف وتسجر وتشرب الشأي. أنا شايف يا عمر حقو تراجع نفسك ودا بحتاج منك تاخذ اجازة مفتوحة من المنابر والسوشال ميديا لفترة ولما تشعر بالهدوء الداخلي وانو افكارك بقت مرتبة وقابلة للعرض على الناس تعال تاني بعد ما تعالج العوار والسلبيات وتصحح الأخطاء العبيطة الوقعت فيها طوال تواجدك هنا. يتبع ..... ................ عندي باقي كلام لسة لكن ممكن أتأخر عشان كدا لو عايز ترد رد وركز لينا على جزئية هل تسل سيفك وتنادي بالويل والأشلاء والجثث والجماجم والرقاب ردا على توقيع السعودية للاتفاقية اللى ضد الدين والشرع دي كما تعتقد واللا بتلتزم جانب النعامة ؟؟ ولو ما عايز ترد عادي أنت مخير وأصلا دا سؤال من بقجتك أنت وشخصيا لا أقبل هذه الطريقة ولا أقرها واعتبرها لا أخلاقية كما وضحت ليك.
05-07-2021, 01:18 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18112
في مسألة ال 75% من الشعب البمثلهم فضيل حسب زعم عمر أنا يخيل لي عمر في كتابته لمسودة مداخلتو الفيها النسبة دي في البداية قال أقول 90% بعدين لقاها مبالغة أكبر من استيعاب الناس وما بصدقوه فيها قال خلاص النص بالنص نقول 50% لكن رجع تاني قال طيب كدا الموضوع بكون لصالح المنافقين لازم أزيد فقال 60% لقاها شوية على الصحابة في الآخر اتوكل على الله وقال 75% ودا آخر كلام . ............................ خخخخخخخخخخخخخخخخ
05-07-2021, 04:14 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
المنبر دائما ما يفاجىء الفارىء في مواضيع معينة. الاسلوب والمباشرة او جزالة اللغة او في المعلومة واحدة من هذه الاشراقات والتجليات....هنا... دقة تحليل طلحة لشخصية واسلوب وحوار ومداخلات وكتابات بل حتى الحالة النفسية للاخ/ عمر التاج حقيقة ممكن هذا التحليل يقودنا الى ان طلحة عبدالله ممكن يكون اخصائي نفسي او على الاول محلل نفسي
05-07-2021, 10:43 PM
عمر التاج
عمر التاج
تاريخ التسجيل: 02-08-2008
مجموع المشاركات: 3467
Quote: اعتراف واضح وصريح من شخص مسلم ..وبيده وقلبه ولسانه،بأنه طعان ولعان و-غليظ- وسيكون هذا اسلوبه اذا فرضها عليه زول
اخونا احمد يس بعد ان انضم القطيع اصبح لا يرينا الا مايرى ويفسر بعين البغض كل ما بكتب.. وبدليل انك تجاهلت النفي الصريح في مداخلتي عشان تثبت الاستثناء .. انا ما حا احاول اقنعك تلبس نظارة شفافة شوية .. وماعايز اقول ليك أكثر من حب دينق وأمثاله عسى الله أن يبعثك معه ولكن بقول ليك .. نعم انا رقيق في وقت الرقة وغليظ في مقام الغلظة وربنا سبحانه وتعالى أمر النبي بانتهاء منهج الغلظة في بعض المواقف .. نجي لطلحة وقبل ما يستفحل في موضوعه ، وارجعه للنقطة بتاعة النفاق.. انا لما اخاطب أحد بقولي .. اترضاه لأهل بيتك ، في الحقيقة لا اشخصن النقاش ولا اقصد الشخص المخاطب في شخصه .. بل النداء اوجهه لعزيزي القارئ وكل مسلم .. ويقيني ان المجتمع يتكون من مجموع هذه الأسر ومن يرضى بتطبيق منكر في للمجتمع فهو يقبل بتطبيقه في أسرته بشكل مباشر .. فمثلا اذا تجرأ واحد وقال .. ان من حق أي امرأة ان تمارس الجنس مع من تحب دون أن يكون لوليها عليها أمر .. في الحالة دي طوالي بتخيل انه هذا القائل يفتح بيته على مصراعيه وينادي اهل المنبر ان هلموا فاخواتي وزوجتي رهن لاشارتكم وفي هذه الحالة عندنا أقول له : أترضى هذا الكلام لزوجتك.. فيفترض ما يزعل ولا يغضب بل يجب عليه أن يستفيق من غفلته ويعلم أن ما يوافق علي تطبيقه في المجتمع .. سيطبق فيه وفي أهل بيته وان طال الزمن .. ويصدق بالتالي قولي في ان النفاق وقمة النفاق.. ان تنادي بشئ لعامة الناس، ولا ترضاه لأهل بيتك وخواصك
05-07-2021, 10:57 PM
Abureesh
Abureesh
تاريخ التسجيل: 09-22-2003
مجموع المشاركات: 30182
شكرا للمتداخلين والشكر أجزله للحبيب أحمد يسن للإطراء مع انو حالة عمروف دي والله ما عايزة ليها أية نباهة زول يجيك مقنطر نفسو وانت ما عليك إلا تمط النبلة وتفكها ولو جليت معناها حالتك ميؤوس منها.. ..................
05-09-2021, 01:24 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18112
يا عمر أنت أصلا تفترض وتظن الظن السوء لشنو لمجرد آراء قابلة للخطأ والصواب ؟؟ زي ما قال ليك كمال عباس البتعمل فيهو دا يدل على افلاسك الفكري وعجزك عن المحاججة .. أنت تعال أول اقنع برأيك وقول الاتفاقية دي ما صاح لأنو كيت وكيت وكيت، ولما تحكم حجتك بدون ما تترك فيها ثغرات تعال ظن انو الناس ديل ببذلوا أخواتهم وبزجوا بيهن مكامن العيب والفجور كما تقول. بعدين شنو التسامى المقيت البتمارس فيهو على الأخت والزوجة والمرأة عموما دا؟ .. أنت شايف نفسك أعقل منها لدرجة أنك تحميها من شرور نفسها وأخطائها فعلى أي القواعد والمنطق استندت ؟؟ أو من وين جبت التوكيل البخليك أنت ترضى أو ما ترضى للمرأة كمخلوق من طين مثلك ربنا أداها عقل تفكر بيهو زيك وبالتالي هي قادرة على تمييز الخبيث من الطيب بما يجعلها تتخذ القرار الصاح وربما بطريقة أفضل منك كرجل . العارفو أنا المرأة في عصرنا دا تحديدا قادرة على أنها تحمي نفسها وتحمى الرجل معاها كمان . ما تتصور للحظة انك أنت لو ما كنت قريب من المرأة دي ممكن تورد نفسها موارد الهلاك زيها وزي اية بهيمة وتأكد انو هي ما بترضى ما يشوهها كانسان حر زيك بالضبط أو بدرجة حرص أكبر كمان يعنى مثلا لو الاتفاقية دي اشاعت الحاجات الفي راسك دي والسودان قبل بيها ما تفتكر انو المرأة سواء كانت أخت أو زوجة أو غيرها ممكن ترضى لنفسها العيب أو تنتظر لغاية ما تجي أنت ما ترضاه ليها .. خليك واثق في أهلك بيتك وأسرتك وما تمرض نفسك بالشكوك والريبة في المرأة كما كان يفعل الأولون. يا عمر أحمى نفسك أنت أول من هواجسك الداخلية الشريرة ولا ترضاها لنفسك وثق تماما أن المرأة قادرة على أن تتخذ قرارها بالرضى أو عدمه في شئونها وحياتها .. خليك عندك ثقة في أهل بيتك من أخوات وزوجات وأمهات فالمرأة هي التى علمتك المشى وحمتك من شرور نفسك قادرة على أن تحمى نفسها ولا ترضى لها العيب وما محتاجة ليك عشان ترضى أو ترضى ليها .. انت يا عمر المحتاج للعناية والحماية وليس المرأة .. لانو على الأقل المرأة ما عندها الهواجس العندك دي . ................ ما جاوبتني على السؤال المن بقجتك بتاع السعودية .. أنا ما عايز احرجك لكن عايز أوريك انو الأسئلة الزي دي في مواضع الاختلافات الفكرية الفيها اخذ وعطا ما اخلاقية وتبطن الكثير من الخبث الشيطاني فما تلجأ ليها هداك الله .
05-09-2021, 03:03 PM
عمر التاج
عمر التاج
تاريخ التسجيل: 02-08-2008
مجموع المشاركات: 3467
موضوعك ياطلحة مطرقش من أوله .. انت بديت بموضوع النفاق.. وعايز تثبت انه الزول عادي ممكن يحب للناس عمل الشر .. سيداو والاباحية وهلم جرا ولكن مافي زول يدخل سيرة الاهل في الموضوع ده .. وانا مازلت أرى في ذلك نفاقا كبيرا والإسلام دين شفاف.. وماتحبه لغيرك يجب أن تحبه لنفس وماتبغضه لنفسك ، يجب أن تبغضه لغيرك ، وهذا من كمال الإيمان.. قبل كده واحد صاحبك جاني في بوست إحسان الهربت لجوبا مع حبيبها وقال لي .. آي من حقها تخالف ابوها وتسافر مع حبيبها اي بلد تأني وتعرس بالمحكمة دون ولي وغصبا عن أهلها .. قلت ليه تمام .. وان شاء الله بكرة تهرب اختك مع حبيبها وما تسمع بعرسها في انجمينا من الإعلام قام زعل واتجنن وعمل فيها الولد شخصنت الموضوع .. شفت النفاق ده كيفن .. أما في موضوع سيداو .. فغض النظر عن رأي فضيل وابن الباز ومحمد سيد أحمد وغيرهم .. سيداو فيها مخالفات واضحة للدين الإسلامي .. ومن يحب تطبيقها أتمنى أن تطبق فيه قبل أن تطبق في بلدنا ماتقولي حا نتحفظ على بعض البنود وحا توافق على البعض .. انت من البداية عندك أحكام دين واضحة .. اذا انت مقتنع بالدين وانه دستور حياة وبيحفظ للمرأة والرجل كرامته .. فما داعي تجيب قوانين وضعية تخالف دين ربنا .. واذا أنت شايف انه الدين الإسلامي ظلم المرأة .. فما في مانع تقيف في صف صاحبك دينق داك وتعلنها صراحة بس برضو ده ما بديك الحق في انك تفرض الاتفاقية على الشعب دون تفويض ولذا مشيت استفتيت الشعب السوداني، اكيد حاتسقط كل قوانين العلمانية والكفر الدخلت البلد ده
05-09-2021, 03:32 PM
كمال عباس
كمال عباس
تاريخ التسجيل: 03-06-2009
مجموع المشاركات: 17214
عمر التاج كتب ( ما تقولي حا نتحفظ علي بعض البنود وحا نوافق علي البعض ...انت من البداية عندك احكام دين واضحةُ) دا تزمت وتطرف منقطع النظير يا اخي زول يقول ليك انا حا أخذ من سيداو ما يتناسب معي واترك ما لايتناسب معي او حا أخذ ثمينها واترك غثها - سا أخذ الايجابي من سيداو واترك ما اري انه سلبي تجي تقول ليهو my way or high way! ولا راي لكم الا ما اري وأنا راي قطعي ونهائي يا تقبلو او انت ضال عن طريق الإسلام ؟ ماهذا ؟ كدي ياعمر التاج ورينا احكام الدين الواضحة من منظور. المذاهب والتيارات الاسلامويةً - هناك تيارات. ترفض تولي المراة للرئاسة وترفض توليها لمنصب الوالي والقاضي والوزارةً وعضوية البرلمان هناك من يرفض كل هذا ومن يقبل بعضه ويرفض بعضه وهناك من يكفل لها كافة هذه الحقوق والكل يحتج بالإسلام ونصوصه فمن نصدق ؟ حا تجي تقول في حالة التنازع نرد الامر للكتاب والسنة طيب ردوه للكتاب والسنة واطرحوا لنا رؤية محددة- وين الروية المحددة ؟ المشكلة انو كل فرقة وصاحب راي يحتج بالكتاب والسنة - في سلب او كفالة بعض او كل الحقوق التي أوردناها في أعلاها مافي وضوح يا عمر التاج ! يا اخي حتي في شهادة المراة البعض يري ان لا شهادة لها في الحدود والبعض يري نصفية شهاداتها في الأمور المالية فقط - هل تغني هل تمثل هل صوتها عورة ؟ - هل الميراث المنصوص عليها في النصوص حد ادني للمرأة بجوز ان تمنح. فوقه بوصية ام لا ؟ - هل تعمل المراة مطلقا ام تعمل في بعض المهن فقط ؟ / الإسلام ترك بعض شئون الدنيا للبشر - كشكل الحكم وكيفية اختيار الحاكم الخ الخلاصة جكايةً رفضك للوجهة القائلة بقبول بعض بنود سيداو والتحفظ علي بعضها فيه غلو وشطط وتزمت وادعاء امتلاك الحقيقة تحسدك عليه داعش والقاعدة اصحي يا بريش !
05-09-2021, 05:33 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18112
يا عمر خلاص أنت الصاح والباقين اللى في البورد دا كلهم غلط وما فاهمين إلا اتنين أو تلاتة مناصرين رأيك وبالمرة ممكن تعتبر نفسك أعلم من الفقهاء والعلماء والحقوقيين في جميع الدول الاسلامية والعربية الموقعة على الاتفاقية. أبشر طب أنت محنك ومقطعا والناس دي كلها تتعلم منك .. السؤال هو ... أنت ضد سيداو دي لأنها ضد شرع الله وأنت بتدافع عنو واللا لأنك ما بتقبل تطبق بنودا على أهلك وأسرتك؟؟ اذا قلت لأنها ضد شرع الله وما جاء في كتابه فيبنغى عليك أن تدافع عنه في أية فجة بما في ذلك السعودية إلا اذا كنت تعتبر شرع الله دا بختلف في السودان عنه في البلاد الاسلامية التانية. وإذا قلت ضدها لأنك ما بتقبل تطبقا على أهل بيتك وأسرتك فشنو الفهم من أنك تقول الكلام دا على الملأ، لشنو عايز الناس تعرف سياسة عمر التاج في ادارة شئون أهل بيته ؟؟ إذا ما عايز تجاوب على السؤالين ديل انت حر بعفيك لكن كمان بالمقابل وعشان نقتنع انك فاهم وما متلقى حجج أو عندك أجندة خاصة فجيب لينا كل بند من بنود سيداو على حده وطلع لينا العوار الفيهو وقول دا ما بصلح نطبقو لانو كدا وكدا بس عشان ما يكون الكلام مرسل وعايم وعوك عاك ساي زي ما أنت بتعمل هسة. .............. يا كمال عباس والله نصيحتي ليك عمر دا ناقشو بفهمو بس ما تحاجو بحجج الدين والشرع لانو بتهدر جهدك ووقتك ساي. فزي ما أنت شايف وواضح للجميع عمر من خلال نقاشو هنا انو قدر البجود بيهو في النقاشات الدينية حافظو وما فاهمو.. عادي ممكن يديها خفسة لعمك قوقل يخمخم منو فتاوى وآراء فقهية تراثية ويجي يكبها ليك هنا ويقول (ردوه لله ورسوله) وممكن تكون الآراء العتلا جابا دي تستعبد المرأة وتعاملا كالبهائم لكن هو ما جايب خبر
05-09-2021, 06:32 PM
كمال عباس
كمال عباس
تاريخ التسجيل: 03-06-2009
مجموع المشاركات: 17214
سلام طلحة انا ما فاتح معاه نقاش فكري او فقهي حول الدين - لانوعارف حدود قدراتو شنو في قضايا. الفكر انا قصدي اقول ليهو ما يتعامل بقطعيةووثوقية مع قضايا الفقه- لانو الفقه والاجتهادات وفهم النصوص - لايحتمل التزمت وادعاء امتلاك الحقيقة في اختلافات كبيرة وتباين كثير من المسائل وبالتحديد قضايا المراة. والموقف. من حقوقها ووضعها ! ما يبيحه فقيه او مذهب يحرمه اخر او يقول بكراهته ثلاث وجيبت ليهو كثير من القضايا فيه خلافات. جذرية وخليهو من دا التمثيل دا زاتو في فقهاء عندهم فيهو راي وخصوصا تمثيل المراة !
05-09-2021, 11:50 PM
Abureesh
Abureesh
تاريخ التسجيل: 09-22-2003
مجموع المشاركات: 30182
يا عمر قول للمرة دى أرجعى ورا عشان أحميك.. عمرها 82 سنة وتعدى على بيتها وهى وحيدة حرامى شاب قوى.. ما خلصه منها إلا البوليس لما جاء وأخذ الحرامى للمستشفى.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة