|
Re: البعشوم ينتفض ويوجه الضربات القاضية (Re: مازن سخاروف)
|
تعرف يا عمر التاج في البداية تحياتي من شوية بدا كل الاساتذة والعباقرة في الحزب العظيم بالكلام عن انو البعشوم وزهيرعثمان ديل صنائع الهالك صلاح قوش شوف السذاجة بالله المهم أعتبروا الحاصل الان حملة ضد حزبهم العظيم بالرغم أن هناك تصريحات من المؤتمر الشعبي بأن هذا الحزب هم الذين أوجده بالساحة المهم تعال نرصد ح نسمع عجائب ونري الحقائق بعين الباحث عن الحق
| |
|
|
|
|
|
|
Re: البعشوم ينتفض ويوجه الضربات القاضية (Re: Hafiz Bashir)
|
جهلا منى كنت اظن تكرار معلومات او وقائع قديمه بسبب الشفقه واللهفه لنشر خبر مثير حاليا تغير الوضع ....هناك من ينشر وينقل اخبار بتوقيت معلوم لتهيئ الراى العام فى احتقار الاجسام الديمقراطيه اى كانت والقبول ب مؤسسه عسكريه وطنيه تتضمن جنجويد صلح عملهم وغسلوا ايديهم فى النهر الخالد بعثا جديد
| |
|
|
|
|
|
|
Re: البعشوم ينتفض ويوجه الضربات القاضية (Re: محمد البشرى الخضر)
|
هي من ناحية بياخة فهي فعلاً بياخة وبياخة بايخة كمان لأنها غير متعوب فيها. كل تكافتها كوبي بيست كليك، والنتيجة لم تستغرق غير 0.51 ثانية على ذمة قوقل. نوع البياخة دي بعد تعملها ما بكون عندك أي إحساس بجمال الاستباخة. رفع الفراش مبكراً فيه تمنى بأن يكون الفراش القادم على مستوى من التحدي. الدنيا رمضان والصيام حوالي 50000 ثانية ودايرين لينا حاجة تاخد زمن عشان نعدي بيها الوقت.
| |
|
|
|
|
|
|
Re: البعشوم ينتفض ويوجه الضربات القاضية (Re: muntasir)
|
Quote: بتبالغ في اعتقادك دة! لخصلة شعر ظاهرة من رأس امرأة أشد على عمر التاج من قتل ألف مواطن |
الغريبة الكيزان ديل كانو كبكابين و بكايين مع البنّوت ايام الجامعة .. الواحدة كان بس وصلت و قالت ليو (يا شيخنا) .. يرقد موية .. و كانوا اكتر طرّاحات شغالة النشاط - داخلية البنات و بالعكس .. هسي بعد ( التمكين ) .. نفضوا ريشهم ..
| |
|
|
|
|
|
|
Re: البعشوم ينتفض ويوجه الضربات القاضية (Re: يحي قباني)
|
ما اتغير شئ ياهو نفس الحال الكواريك بتاعة استروا النسوان ومكانهم البيوت دي ما ياها جرسة العرمة القالها منتصر دي
نسيبي دقنه للسرة من قامت الثورة قبل تجي الحكومة ذاتو ما عندو شغلة في الفيسبوك غير انحلال البنات والعلمانية والأفكار الغربية الحتخرب لينا ديننا بكتب بمعدل 3 منشورات يومياً في العلمانية ومخالفتها للدين قبل كم اسبوع رسل لي رابط هجرة لي كندا عشان أقراهو واقدم ليه فيه وكل يومين تلاتة يسألني عملت لي شنو في موضوع كندا
| |
|
|
|
|
|
|
Re: البعشوم ينتفض ويوجه الضربات القاضية (Re: محمد البشرى الخضر)
|
ماشاء الله شلة الشنافة كالعادة تتلم حول قطعة السكر لكي تلحس رأس القارئ بتوافه الخبر ١٠ مداخلات ومافي زول اتداخل الا في موضوع التاريخ - بخلاف زهير طبعا- حقائق من نار اتجاهلتوها عشان تقولوا كلام البعشوم ليهو سنة .. وفي ديباجة البوست انا ارفقت كلام صريح عن التاريخ-قبل المداخلة الاولى زااتو- عشان الناس تركز في الموضوع، ولكن كالعادة في ناس ما بتهمهم الا توافه الأمور .. ماعلينا .. ثم ماذا بعد كل ذلك الحديث عن حزب المؤتمر؟ يلا جاوبوا أو استعينوا بجديد نفس بوست البعشوم
| |
|
|
|
|
|
|
Re: البعشوم ينتفض ويوجه الضربات القاضية (Re: عمر التاج)
|
اوكي ما مشكلة! طيب انت جبت بوست عن مستندات فساد شركة ما كشفها البعشوم و يفهم من حديثه ان القطاع القانوني في المؤتمر قاضاه او هدد بذلك! طيب ادينا تفاصيل الحاصل شنو و الشركة دي ياتها و المستندات شنو و بما ان الموضوع قديم فا ورينا انتهى على شنو؟ ولا عايز الناس تعلف اي شي و تعطي عقولها اجازة و تقع لخ في المؤتمر ساي كدا بدون ما نفهم الموضوع.
| |
|
|
|
|
|
|
Re: البعشوم ينتفض ويوجه الضربات القاضية (Re: محمد البشرى الخضر)
|
Quote: - مفهوم الهبوط الناعم والأحزاب والكيانات التي تتبناه. - هل قيادات حزب المؤتمر السوداني كانت مع إسقاط حكومة البشير قبل انطلاق الثورة، ام كانت مؤمنة بالانتخابات واستمرار البشير في الحكم. (ولدينا فيديو كامل نستدل به على ذلك). - تمويل حزب المؤتمر السوداني، هل يأتيه من الخارج وهل هنالك دول ومؤسسات بعينها تقوم بتمويله ؟ "بالأدلة" - هل هنالك عملاء ممن ينتمي للحزب من القيادات لدول من اجل تحقيق مصالحها على مصلحة السودان. - هل اجتمع حزب المؤتمر السوداني ببعض أعضاء المجلس العسكري اجتماعات غير معلنة؟. - ما دار في قضية ترشيح رئيس الوزراء وما كان يدور في التنسيقيات واللجان. - إستثمارات وأملاك آل الشيخ. - استثمارات وأملاك آل الدقير. وتفاصيل خلاف "الدقير" مع الإمارات. - هل تورطت "بعض" قيادات الحزب في فض الإعتصام؟ وكثير من الملفات الأخرى التي سننشرها |
الكلام ده بالمناسبة موجود في المداخلة الأولى نفسها..
| |
|
|
|
|
|
|
Re: البعشوم ينتفض ويوجه الضربات القاضية (Re: عمر التاج)
|
Quote: حقائق من نار اتجاهلتوها عشان تقولوا كلام البعشوم ليهو سنة .. |
Quote: هل هنالك عملاء ممن ينتمي للحزب من القيادات لدول من اجل تحقيق مصالحها على مصلحة السودان. |
إنت يا كافي البلا ما قريت عربي؟ ما أدوكم إنو الكلام ينقسم إلى إنشاء وخبر؟ هل دي من ادوات الإستفهام، لذلك ما ممكن تبدأ كلام بهل وينتهي بنقطة. مفروض ينتهي بعلامة إستفهام.
| |
|
|
|
|
|
|
|