لحساسية الإستشارة وأهميتها المجتمعية أي تعليق غير قانوني أو غير متعلق بالمجال الطبي سأقوم بحظر صاحبة حظر دائم وحذف تعليقة الرجاء الإلتزام بالتعليق في المكان المخصص له من الوارد ⭕🔴 السلام عليكم بخصوص قروب وروني حقوقي. اذا ممكن انزل استشارة بدون اسمي. عايزة اعرف اذا في اجراء قانوني بتم عشان استنفر زملائي ونوقف العبث بحياة الناس دي.
انا صيدلانية، وبحكم عملي بلغت كم مرة في مخالفات بتلاقيني في صيدليات او شركات او دواء غير مطابق جاء عن طريق التهريب وغيره، ولاحصل طوال السنوات الفاتت الببلغ فيها حصل تحرك . قدمت استقالتي كم مرة من الصيدليات والشركات بسبب المخالفات والعبث البتم دة .
المشكلة الحاصلة انه حاليا في كمية بتاعة قروبات بيتم فيها بيع وشراء لدربات وحقن وادوية منقذة للحياة من ناس ماعندهم علاقة بالمجال دة وكيفية حفظ الدواء بصورة سليمة ولا بهمهم يراعو لصلاحية الدواء عشان مايفسد وبدل يعالج المريض يبقي سبب في زيادة امد مرضه لو ماتسبب في موته. دة غير انه بيتم شبه تجفيف للادوية في الشركات والامدادات من التجار وبفضل المريض في حالة لف ومعاناة مستمرة عشان يلقي دواه وهو في الحقيقة موجود سوق اسود (دة غير تعقيدات الجانب البخص الدولة في توفير الدواء) .
في قروبات تانية بيتم فيها بيع ادوية مهربة ومامعروف مصدرها وهل هي صالحة للاستخدام وهل تم التلاعب بيها ولا لآ.
الحاجة التالتة حاليا داخل الخرطوم بيتم تصنيع دواء(ديكساميثازون) الخاص بعلاج المشاكل الروماتيزمية وعدد من الأمراض الجلدية والحساسية الشديدة والربو ومرض الانسداد الرئوي المزمن وغيره كتير وعنده القدرة علي تغيير استجابة الجسم المناعية. وبتم تغليفه وبيعه في العطارات باسم حبوب الحلبة والدنقلاوي بغرض التسمين ودي مصيبة وكارثة بحق صحة الانسان لايعلمها الا متخصص بعرف عواقب استخدام الدواء دة بدون مبرر وبدون اشراف طبي.
البحصل دة كله بيتم تحت سمع وبصر إدارة الرقابة في وزارة الصحة وعارفين الحاصل وماف زول بتحرك. سؤالي هل بامكاني مقاضاة جهة زي ادارة الصيدلة في تقصير زي دة؟ واذا في اجراء قانوني بتم كيف؟ وهل الشكوي بحق جهة زي دي بكلفني ماديا كتير لاني غير قادرة علي تحمل نفقات محاكمة ضد جسم في الدولة. او لو ماممكن هل القانونيين عندهم علم كيف نلفت نظر الجهة المختصة بطريقة فعالة تضمن وقف العبث دة؟ شكرا.
01-22-2021, 08:41 PM
Asim Ali Asim Ali
تاريخ التسجيل: 01-25-2017
مجموع المشاركات: 13493
وسائط التواصل اصبحت من اخطر ادوات السوق الاسود المنظم فى مجالات مختلفه فى مجال الادويه التليقرام مليان قروبات تدير السوق الاسود سواء فى مجال الطب -وصلت حتى اسطوانات الاكسجين والاجهزه الطبيه - ناهيك عن الوارد ذكرها فى فى الاستغاثه اعلاه واجهزه الدوله بشكل خاص حمايه المستهلك فى حاله غياب تام السوق الاسود المنظم السوق الاسود المنظم
01-22-2021, 11:33 PM
Asim Ali Asim Ali
تاريخ التسجيل: 01-25-2017
مجموع المشاركات: 13493
وجه اخر للقضيه هى صلاحيه الادويه والمواد المتداوله قبل فتره لجنه تفتيش تابعه لوزاره الصحه على بعض المختبرات الخاصه المعروفه وجدت بعض المواد المستخدمه فى عمليات التحاليل منتهيه الصلاحيه
01-23-2021, 10:29 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
الموضوع مهم جدا وشايك ومعقد وتحتاج الصيدليات للكثير من الرقابة حتى هناك للاسف الشديد فروقات كبيرة في الاسعار بين الصيدليات وحينما اقول فروقات اعني نفس الدواء ونفس الشركة المصنعة لدرجة انني وصلت لقناعة تامة انه لافرق بين الصيدليات ودلالة الحمير
هجمة مرتدة طلب مني احد الاصدقاء السعوديين عامل حسابات لصيدلية وقال ان الصيدلي الذي معه ياكل قروش الصيدلية ويريد احدهم ليكتب اسم الدواء وسعر البيع
وصاحبنا ماشاء الله قام بتنظيم الحسابات وترتيب الصيدلية ولكن تفاجات به يتصل بي ويقول ان مفتشي الشؤون الصحية اغلقوا الصيدلية قلت ليه ان شاء الله مايكون في عوجة وبكون وجدوا عندكم ادوية منتهية الصلاحية او ممنوعة فرد ببراءة عجيبة لقوا كيس التمباك حقي في الثلاجة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
Asim Ali
ابوحراز
فيس بوك
تويتر
انستقرام
يوتيوب
بنتيريست