|
Re: حمدوك مشى بي وشو (Re: معاوية المدير)
|
نفس الزول ____________ نفس الزول الكاتل ولدك. حاكم بلدك.. نفس الزول القاتل ولدك.. شال لي روحو الفاتحه وقلدك.. حاكم بلدك.. (رمز سيادة) شال من ايد الكوز (السوط والسلطه) وجلدك.. نفس الكوز في وجه جديد نفس الكلب في الرقبة (قلادة) نفس كتائب الظل والغل نفس جهاز الامن والخوف هم بي أمرك (فضو قيادة) وقامت ثورة.. وحصدت لجنة...! فاخر عيش الوزراء الجونا.. بس في الغالب كعبة العجنة.. جائز تحكم غصباً أمه وتقلب كل ايامه ضلمه ويبقى مصيرك سقطة و(سجنه) وقامت ثورة.. حصدت من ارواح اولادنا الطاهرة.. لمن زاد الغل في نفوسهم رسمو الخرطة هناك في القاهرة.. سمو شيهدنا الباسل (شاذ) وسمو البت مطلوقه وقاهرة.. دسو العيش والخير والجاز.. ونامت عين الشرطة الساهرة.. وقامت ثورة.. *********** #يوسف_الدوش #مجزره_القياده_العامه #القصاص للشهداء#
| |
|
|
|
|
|
|
Re: حمدوك مشى بي وشو (Re: عبدالحفيظ ابوسن)
|
Quote: يوم طلعنا كنا قايلين بكرة أجمل وكنا فاكرين انو بالتغيير حنوصل يوم طلعنا كنا شايلين الاماني للوطن مستقبل افضل واعتصمنا وما انهزمنا ولا انقسمنا وقلنا يرحل الا يرحل الا يرحل! وقام رحل جيتونا انتو جيتو يا خيبة رجانا جيتو من وين لي اذانا ولي عذابنا ولي شقانا؟ وين كلامك يا (سنعبر)؟ يا (سنصمد) يا (سنصبر)؟ ووين وعودك بالتقدم ولا قاصد بالتأخر؟ ووين (حنبني) وما (حنشحد)؟ وبكرة يا سودانا تكبر؟ وموية مافي وغازنا مافي وكهربتنا الجيت لقيتها هسة مافي وجازنا مافي لا في بنزين في الطلمبات لا المصافي عيشنا مافي امنِ مافي وانت شغال لينا سينات (سوف نفعل) و(سوف نترك) ياخي قوم لف وانت اصلاً كنت لافي يا الخبير الاحترافي! كنا عايشين نعمة قبلك كهربا وموية ومشافي مواصلاتنا كتيرة وافرة وكلو بالدعم الاضافي وجيتو يا وجع المنافي جيتو يا الوجع الخرافي وزدتو وجعتنا العلينا جيتو جوعتونا اكتر وما قدرتو على البدينا جيتو خربتو اللقيتو ويا شماتة الناس علينا💔
|
أعجبني فأحببت أن أشارككم فيه
| |
|
|
|
|
|
|
Re: حمدوك مشى بي وشو (Re: عبدالحفيظ ابوسن)
|
عبد الحفيظ التحية لك وعبرك تحية حارة لعلي محجوب النضيف ان الان في حالة احباط حتي الكتابة عندي أصبحت افكار مجتمعة عندي اقلبها عند النوم وسرعان ماتطش الأفكار بيرو
| |
|
|
|
|
|
|
Re: حمدوك مشى بي وشو (Re: النذير بيرو)
|
حمدوك ظهيرو منو الان ؟ ماقصدى ق ح ت الاصبحت زى خرقه القماش كل هبشه تتمزع منها حته قصدى الشارع هل فعلا فى اجماع حولو بعد التجربه كمسئول -مفترض- عن اداره دوله بوزارتها وولاياتها ؟ (بخلاف الاعلام) طبعا الحجات الخارجيه رفع اسم السودان او خلافو اللى اعتقد كلها حتكون من صالح وضع قادم مامارق من اتنين هبوط ناعم وانقاذ2 ...او عسكر مدعوم دوليا كبديل لتحالفات مدنيه متصارعه فى موقع استراتيجى زى السودان حمدوك ماشى فى اتجاه الخياردا وفقد الشارع اللى اتشظى الان الشارع عينو على مطالب الثوره ومجتمع حولها دا الشىء الاكيد لكن حمدوك و ق ح ت وين هم الان من الشارع ؟؟؟
| |
|
|
|
|
|
|
Re: حمدوك مشى بي وشو (Re: Asim Ali)
|
حمدوك رجل بلا أي قدرات سياسية ولا أي خبرات في المجال السياسي
وبالتالي كان طبيعي أن يصبح لعبة في أيدي جهات كتيرة جداً
وأنا أعتقد أنو تم اختياره بعناية شديدة ليلعب دور الدمية بامتياز يحسد عليه
| |
|
|
|
|
|
|
Re: حمدوك مشى بي وشو (Re: Elhadi)
|
Quote: وأنا أعتقد أنو تم اختياره بعناية شديدة ليلعب دور الدمية بامتياز يحسد عليه
|
دا القلناهو من زمان انو الكيزان -لما حبو ينسحبو من المشهد بدايه للعبه الحاصله الان سيطره عكر وانتاج انقاذذ2 - عارفين عاطفيه السودانيين ومدى خدا وسيطره الوسائط فى توجيه الراى العام وصدرو فى المشهد بترشيحو للماليه وموضوع الرفض -سواء مدبر او حقيقى - حيعمل ليهو رصيد عاطفى اعمى عند الشعب ودفره باعلام الوسائط حتوصلو كرسى رئاسه الحكومه
| |
|
|
|
|
|
|
Re: حمدوك مشى بي وشو (Re: Asim Ali)
|
هو من جعل ذلك مقبولا يا الصاوى حمدوك لايمثل الثورة ولا طموحاتها وصدقنى رغم قساوة التعبير الا ان حياة الناس كانت اقل قساوة من الان
| |
|
|
|
|
|
|
Re: حمدوك مشى بي وشو (Re: Ali Alkanzi)
|
لن نكون مثل الكيزان يا جلال ونغالط الحقايق مامر موقف حرج ومفصلى والا كان صدق ظننا صحيح في حمدوك دائما يتخذ الموقف ضد اشواق الناس شفنا موقف مع د. اكرم وحاليا مع مشكلة المناهج وموقفه من الفشقة والجنينة الفارق وسوف نراه في والى نهر النيل
| |
|
|
|
|
|
|
Re: حمدوك مشى بي وشو (Re: عبدالحفيظ ابوسن)
|
يلا يا عبد الحفيظ خُم او صُر ----------------------------------------- صدقت اخى حامد الصاوى,,,,,, عبد الحفيظ وكل القايمين على حمدوك فقط يرون نصف الكوب الفارغ فاكرين حمدوك عندو عصا سحرية يرفعها فتضئ الانوار فى الشوارع ويتحول الظلام القاتم الى شموس مشرقة ولكن اللوم برضو على حمدوك لانه لا يصارح الشعب بما يواجهه من صعاب حمدوك من المفروض ان تكون له طلة يومية عبر التلفزيون يتحدث فيها بكل صراحة عن اوضاع البلد
| |
|
|
|
|
|
|
Re: حمدوك مشى بي وشو (Re: Hassan Farah)
|
ابدا والله حسن شايفين نص الكوب المليان البنقص يوماتي ماقمنا بالثورة عشان مفاهيم وقيم مجردة قمنا لانو عجزنا ان نحيا بكرامة وتحت حد معقول حاليا معيشتنا ضنكا . وكل رؤوس الفساد قاعدة ومتحكمة حياتنا تزداد بؤسا علي بؤس وضع اقتصادى متردي سؤ تعليم وصحة وامن جبناها عشان يعمل شنو يعني؟ الدولار ياخطى حاجز ال300 السكر بتخطى الجوال عشرة الف انبوبة الغاز بالشي الفلاني الرغيفة عشرة ج وماشة المواصلات لا سقف لها مرقنا عشان لقمة العيش وصبرنا لانو ظنينا خير فيهو لكن هو مشغول
| |
|
|
|
|
|
|
Re: حمدوك مشى بي وشو (Re: عبدالحفيظ ابوسن)
|
Quote: ابدا والله حسن شايفين نص الكوب المليان البنقص يوماتي ماقمنا بالثورة عشان مفاهيم وقيم مجردة قمنا لانو عجزنا ان نحيا بكرامة وتحت حد معقول حاليا معيشتنا ضنكا . وكل رؤوس الفساد قاعدة ومتحكمة حياتنا تزداد بؤسا علي بؤس وضع اقتصادى متردي سؤ تعليم وصحة وامن جبناها عشان يعمل شنو يعني؟ الدولار ياخطى حاجز ال300 السكر بتخطى الجوال عشرة الف انبوبة الغاز بالشي الفلاني الرغيفة عشرة ج وماشة المواصلات لا سقف لها مرقنا عشان لقمة العيش وصبرنا لانو ظنينا خير فيهو لكن هو مشغول |
و الحاجات دى بتتحل كيف يا سنّو نسمع مقترحاتك
| |
|
|
|
|
|
|
Re: حمدوك مشى بي وشو (Re: جلالدونا)
|
لو اهتم بيها يا جلال كان حلاها انا ما رئيس لكن بعرف الزعيم البهمو حسسنا . والبعرف وجعنا ماعندى اي حل شخصيا عشان كدة اخترتو ظاني فيهو الخير ظاني فيهو الاهتمام بوجعنا الكتب الكلام الفوق دة صديق شخصي لحمدوك وخاب ظنو فيهو
| |
|
|
|
|
|
|
Re: حمدوك مشى بي وشو (Re: جلالدونا)
|
تحياتي أخي عبدالحفيظ ..
كلنا نشعر بمدى الصعوبات التي يعاني منها الشعب السوداني معاناة تفوق حد الوصف. ولكن كما ذكــر أخونا جلال الموضوع ده حله ليس بالامر الهين والحكومة المدنية تحارب بكل انواع السلحة حتى من بعض الشركاء للاسف. حمدوك يعمل ومن تحته نيران تشتعل لحرق الفترة الانتقالية ويمكن السودان كله . حرب من الداخل والخارج لمصالح بعيدة عن اشواق وتمنيات الشعب الذي خرج باعظم ثورة. أعتقد بانه يحارب بذكاء كبير وليس من السهل أن يصارح الشعب بكل الإمور حتى لا تحترق الأوراق. حمدوك يحظي باحترام دولي وثقة كبيرة من المجتمع الدولي لوضع السودان في مساره الصحيح. وأعتقد ايضا ان الطريق تلآن أصبح أكثر سهولة للانطلاق في هذا العام للامام. البنية التحتية منتهية وتحتاج لعمل صعب يحتاج دعم مالي كبير حتي نستطيع العبور لاستثمار مفيد للبلد.
| |
|
|
|
|
|
|
Re: حمدوك مشى بي وشو (Re: عبدالحفيظ ابوسن)
|
Quote: مرقنا عشان لقمة العيش وصبرنا لانو ظنينا خير فيهو لكن هو مشغول |
ما بين مطرقة شروط البنك الدولي ورفع الدعم
وصولجان اللجنة الأمنية وتحكم الفلول في مفاصل الاقتصاد
وخواء جراب الحركات
وتكلفة اتفاق السلام
سوف يسحق الشعب وتضيع آماله في التغيير
ومع قرب دخول البعثة الأممية مدعومة بقانون الكونغرس لحماية الديموقراطية
حتى خيار انقلاب عسكري وطني حلم بعيد المنال
فقط مبشرين بالمزيد من الضيق
سلام يا صاح
عبرك أقول دينق اختشي
| |
|
|
|
|
|
|
Re: حمدوك مشى بي وشو (Re: حسن حماد محمد)
|
Quote: ومع قرب دخول البعثة الأممية مدعومة بقانون الكونغرس لحماية الديموقراطية
حتى خيار انقلاب عسكري وطني حلم بعيد المنال
|
احزابنا وحركاتنا مفككه ضعيفه ومتهافته على السلطه رغم قله حبرتها و الخواجات دايرين خيار يدعمو يكون مطيع ليهم وقوى على ناسو والعسكر من خلف قناع شخصيه مدنيه مقبوله دوليا هو المتوقع غالبا
| |
|
|
|
|
|
|
|