|
Re: المدنيون يضعفون أمام العسكر (Re: اسماعيل عبد الله محمد)
|
Quote: حملة الدرجات العلمية الرفيعة عندما يستشكل عليهم أمر من امور الادارة والسياسة وشئون الحكم، يلجأون إلينا ويقولون: (يا سعادتك نعمل شنو)، |
تعرف يا سمعه... العيب مش في العساكر ... منذ العام ١٩٥٨ تعاني البلد من ضعف مريع عند السياسيين ... الطبقة السياسية السودانية تعاني من ضعف في الشخصية وتعاني من عدم رشد سياسييها و٩٠% من سياسي البلد دخلو المجال بالصدفة أو عكس ما خططو لحياتهم ... يعني فجأة لقو رقبتم سياسيين ... ياخي عندنا ملايين من السياسيين والبلد حكموها العسكر ٥٢ سنة من مجموع ٦٥ سنة منذ الإستقلال ... دا إسمو الفشل والخيبه والعار المفروض تعلق في جبين كل سياسي سوداني ...
| |
|
|
|
|
|
|
Re: المدنيون يضعفون أمام العسكر (Re: Salah Zubeir)
|
تحياتي ابو صلاح
Quote: الطبقة السياسية السودانية تعاني من ضعف في الشخصية |
معاناة المدنيين مع العسكر بدأت منذ صراع نميري مع المدنيين الشيوعيين / عبد الخالق والشفيع ثم الترابي وعمر البشير وفي الاخر تجد العسكري الموصوف بانه غبي يسوق ليك ناس دكتور فلان وبروف فرتكان سواقة الجن.
Quote: ٩٠% من سياسي البلد دخلو المجال بالصدفة أو عكس ما خططو لحياتهم ... يعني فجأة لقو رقبتم سياسيين |
هذه هي المصيبة.
| |
|
|
|
|
|
|
Re: المدنيون يضعفون أمام العسكر (Re: اسماعيل عبد الله محمد)
|
سلام يا اسماعيل موضوعك ده كلو مبني علي فرضية ان العباسي قال المكون العسكري لا يرغب في تفكيك التمكين باب التهليل والتكبير والمدح ده كلام جاء في سياق الادانة من باب الذم وليس المدح
انت بتعيب علي المدنيين في السيادي الصمت وبتعيب علي المدنيين في قحت الكلام
وطبعا بصورة عامة ضعف المدنيين في مواجهة المكون العسكري متفق فيهو معاك لكنها مسالة وقت والتغيير جاي جاي رضي او رفض العسكر
| |
|
|
|
|
|
|
Re: المدنيون يضعفون أمام العسكر (Re: اسماعيل عبد الله محمد)
|
قوووول بكره دي العسكر دخلو الثكنات وصارت الساحة خالصة للمدنيين ... ونفرض إنو حمدوك انسحب او إستقال ... أها من ياتو حزب او نيله حا تجيبو رئيس وزراء او حكومة ... كع وكوف حا ترقد هبترش ويا خوفي كل السياسيين يمشو يعتصمو أمام القيادة مطالبين بي توسط العسكر ... لينا ٦ شهور منتظرين تكوين الحكومة ... ولي هسي ما حصل ... العديد من الجهات السياسية طالبت صراحة بتوسط العسكر لتقريب وجهات النظر لتكوين الحكومة والمجلس التشريعي ... ديل سياسيين غير راشدين لم يبلغو الحلم بعد ... ولو خلوهم براهم لن ينجزو شيء ... الحل موجود عند رئيس منتخب وبرلمان منتخب ليحكمو بي طريقة ديكتاتورية الأغلبية ... غير كدا ليس هناك من هو مؤهل ليحكمنا ميري ساكت كدا ... بالنسبة للشرعية الثورية فقد قبرت يوم التف صقور الاحزاب حول غنيمة الحكومة وأقرو المحاصصات ...
| |
|
|
|
|
|
|
Re: المدنيون يضعفون أمام العسكر (Re: Salah Zubeir)
|
Quote: قوووول بكره دي العسكر دخلو الثكنات وصارت الساحة خالصة للمدنيين |
دي ما بتحصل يا ابو صلاح. متوقع اختلاط الحابل بالنابل ومجيء مدني فرضت عليه الظروف ان يكون عسكري ويحزم الامر وتكوين حكومة انتقال طويلة الامد باشراف أممي
| |
|
|
|
|
|
|
Re: المدنيون يضعفون أمام العسكر (Re: اسماعيل عبد الله محمد)
|
تحياتي سمعة المدني لو ملأ بدلته وكرب كرفتته ، مافي عسكري بطلع فوق رأسه او يملي عليه قرار لكن لمن ينفنس يخلي على رأس كل لجنة عسكري ، وينفزر يجيب عسكري خلا يدير اقتصاد البلد يبقى لازم العساكر يطلعوا فوق راس المدنيين ويبقى عادي العسكري يضرب واحد مدني بالدبشك في رأسه في نص السوق القوة تبدأ من فوق، والسلطة تتنزل من أعلى ، لذلك كان لزاما على الثورة ان تعين القوي الأمين في مواقع اتخاذ القرار
| |
|
|
|
|
|
|
Re: المدنيون يضعفون أمام العسكر (Re: عمر التاج)
|
ود التاج حبابك
Quote: تحياتي سمعة المدني لو ملأ بدلته وكرب كرفتته ، مافي عسكري بطلع فوق رأسه او يملي عليه قرار لكن لمن ينفنس يخلي على رأس كل لجنة عسكري ، وينفزر يجيب عسكري خلا يدير اقتصاد البلد يبقى لازم العساكر يطلعوا فوق راس المدنيين ويبقى عادي العسكري يضرب واحد مدني بالدبشك في رأسه في نص السوق القوة تبدأ من فوق، والسلطة تتنزل من أعلى ، لذلك كان لزاما على الثورة ان تعين القوي الأمين في مواقع اتخاذ القرار |
صحيح.
استحضر المرحوم حسن الترابي في احدى الحوارات سأله المحاور : اذا قدر لك ان تعود الى السلطة عبر انقلاب هل ستفعل؟ كان رده ساخراً مثل سخريته المعهودة والمصحوبة بالضحك. قال :(لو جاءتني جيوش الدنيا بغضها وغضيضها لما فعلت ذلك).
ما شايف اخوانا الشيوعيين بكرهوا الكاكي قدر شنو المعضي الدابي بخاف من مجر الحبل
مافي امة تقدمت تحت قيادة البوت..
| |
|
|
|
|
|
|
Re: المدنيون يضعفون أمام العسكر (Re: عمر التاج)
|
Quote: منذ العام ١٩٥٨ تعاني البلد من ضعف مريع عند السياسيين ... الطبقة السياسية السودانية تعاني من ضعف في الشخصية وتعاني من عدم رشد سياسييها و٩٠% من سياسي البلد |
ما صدفة لكن مبنى علي حق الامتياز في ادارة الدولة. الحل بسيط, تأسيس دولة!
| |
|
|
|
|
|
|
Re: المدنيون يضعفون أمام العسكر (Re: Mahjob Abdalla)
|
Quote: و٩٠% من سياسي البلد دخلو المجال بالصدفة أو عكس ما خططو لحياتهم ... يعني فجأة لقو رقبتم سياسيين . |
الهبيب إتا قاصد المقطع دا ... بس غلبني أفهم حق الإمتياز في إدارة الدولة وياريت المزيد من الشرح ...
| |
|
|
|
|
|
|
|