|
|
|
 Re: توفير الجازولين للزراعة (Re: اخلاص عبدالرحمن المشرف)
|
شن فائدة مسيرة والناس جياع
لا يستر عرينا ويقيم أودونا سوي
عمل يدنا
حرثنا وزرعنا
دعوة يخدر ضراعك من الامات
ويد البدري تقومي بدري تحرثي
بدري تحصدي بدري وشوفي كان
تقدري.
قالها فرح ود تكتوك في زمن ( فاهم)
ونقولها الان لحمدوك في زمن اغبر
زمان الناس تلف من صباحها ولي
مساءها ، صغارها قبل كبارها
ونساءها قبل رجالها وما تحصل رغيف
من دون غموس
وفروا الجازولين للناس الجادة وانسونا
من وزارات وزارات ومحاصصات
| |
 
|
|
|
|
|
|
|
|
Re: توفير الجازولين للزراعة (Re: اخلاص عبدالرحمن المشرف)
|
الخير وفير والتقصير من الافندية
والتقصير من جيش ال ...
ال صار كله ضباع .
ضاع الميناء
والمطار صار مطار تهريب
حتي مطارات الجيش !!!!
يا زمن الكأبة ال عشعشت جوه النفوس
زمن البيع ال من غير فلوس
زمن صف الرغيف وال كل يكوس
يا زمن ال مافي وشح الايادي
وشح النفوس
نعيب زماننا والعيب فينا
| |
|
|
|
|
|
|
|
|
|
Re: توفير الجازولين للزراعة (Re: اخلاص عبدالرحمن المشرف)
|
د. اخلاص .. شكرا على هذا النداء
المشكلة ناس ضواحي الدنيا والهوامش اصواتهم ما مسموعة
ابناءنا لجان المقاومة والثوار في العاصمة احتجاجهم على المواصلات
في العاصمة فقط ..
يا ريت كان يرفعوا شعار زراعة القمح اهم من كل شيء
وكان شعارهم شعارهم أيضاً (( القمح أولا ))
ثم بعد ذلك الى الاولويات الاخرى
الحكومة لاتسمع إلا الناس في شوارع العاصمة والكباري
كنت اتمنى من لجان المقاومة (القمح اولا )و
بدل جازولين الرقشات والبصات .. فقط لمدة شهر والموسم الشتوي
ذروته شهرين فقط ..
تحياتي الدكتورة شكراً على البوست ..
| |
|
|
|
|
|
|
|
|
|
Re: توفير الجازولين للزراعة (Re: علي عبدالوهاب عثمان)
|
استاذنا علي عبدالوهاب عثمان
اللجان ومقاومتها رغم اهميتها الا
انها تأتي بعد المزارع ، المزارع هو
من يطعمنا اما وزارتي ووزارتك وتجمعي
وتجمعك ف ترف لا ينتج قمحاً ولا يشبع
ما يحدث في الخرطوم يجعلنا نفكر
ونسأل اين اتحادات المزارعين اين
صوت المزارع المنتج الاول ، لقد استغل
افندية المدن المزارع ونهبه جهده والان
حان الوقت لنطلب منه توفير مدخلات الانتاج
وابسطها الجازولين
الجازولين يا حكومة
الجازولين يا لجان
| |
|
|
|
|
|
|
|
|
|
Re: توفير الجازولين للزراعة (Re: اخلاص عبدالرحمن المشرف)
|
د. اخلاص .. تحياتي
الحكومة ، قحت ، التجمع
من البداية كان يرفعوا شعار واحد فقط
( القمح أولا) قبل كل شيء
أي مطالب اخرى للجازولين وغيره
كان يقولوا ( الاولوية للقمح ) وهذا شعار قومي
اي مطالب بعد الموسم الشتوي
حتى الشعب كان اقتنع بأن هناك هدف
ولكن ثورة بدون هدف مشكلة
تحياتي
| |
|
|
|
|
|
|
|
|
|
Re: توفير الجازولين للزراعة (Re: علي عبدالوهاب عثمان)
|
سلام عليكم يا اخلاص
توفير الجاز للزراعة من أوهم أولويات الحكومة الان
واللهم من ذلك توفيرها بأسعار معقولة...
لان الوقود سيصبح لازم الفائدة اذا أذا تخطت تكلفة الزراعة عوائدها ..
وبالمناسبة، في قطاعات عديدة اتعطلت تماما بعد تحرير اسعار الوقود ..
ومن ضمنها زراعة المحاصيل والنقل بالشاحنات .. الخ.
| |
|
|
|
|
|
|
|
|
|
Re: توفير الجازولين للزراعة (Re: عمر التاج)
|
اهلاً استاذ عمر
زي ما قال حكيمنا استاذ علي الهدف
يكون زراعة القمح ، توفير الجازولين
والتقاوي قبل ما تفوت المواعيد حتي
نوفر القمح والمطاحن تشتغل ، ناس ما
فاصية من كرسيني وكرسيك ومنصبي
ومنصبك ، الناس عندها حاجات لازم تتوفر
الموسم منتظرينه والزراعة دي مصدر دخلهم
بدل ما يساعدوهم يقعدوا في المناكفات
| |
|
|
|
|
|
|
|
|
|
Re: توفير الجازولين للزراعة (Re: اخلاص عبدالرحمن المشرف)
|
علي كل من يخرج في مسيرة من الشباب
ان يعلم أنه مسئول في حال لم ينجح الموسم
ولم نزرع قمحنا ، ويستعد لصف الرغيف
من دغشاً بدري في البرد الجاي.
طالبوا بتوفير الجازولين من دون لساتك
ف ( الدخاخين ) في زمن الكورونا ما معروفة
الغريبة ما في زول جاب سيرة الكورونا
لساتك تتحرق عشان منصب خداع
مسيرة عشان وزير شالو خداع
وشن فائدة مسيرة والناس جياع
| |
|
|
|
|
|
|
| |
علي عبدالوهاب عثمان
عمر التاج
فيس بوك
تويتر
انستقرام
يوتيوب
بنتيريست