|
Re: ***** حريقة ***** (Re: ABUHUSSEIN)
|
كتب د. علي الكوباني في موقع النيلين :- خطرفات من وحي حريقه😅 اول شي ما فعله (حريقه) المصيبة يستوجب الحساب العسير من سجن وجلد والنفي من كل (الاسافير)😡 وللما عارفين..الولد حريقه سجل رقم قياسي في الحبكانة وكان بحب ليهو 45 بنت في نفس الوكت..وللاسف كمان فيهن عدد من اسرة واحدة😳😰😡 ولما كان التعليم عن بعد في زمن الكورونا قلنا نجرب الطب الشرعي والتشريح لحريقة عن بعد: – اول شي يجب ان نقر ونعترف بأنو حريقه عندو حنك سنين جدا وقدرات في الكذب غير مسبوقة ومقدرة على التلون وهو من فصيلة(الرخم)..لذلك(حريقه لمجلس الشركاء)😎 ـ أكيد حريقه زول (عاطل وشفاتي وقاعد ساي).. لأنو فاضي وعندو جدول مناوبات للجكيس يومي على راس الساعة لكل البلي من الصباح للمساء ولا بد يكون عندو تمويل اصغر او (نثريات مكتبية معتبرة) تعينو على تفعيل انترنت 4G غير محدود واتصال محلي ودولي..وامكن عزومات اسكريم وعضة وفارهات بوقودها تحت اليد..والذي منو..اذن(حريقه للسيادي)😎🙈😂 ـ ثبت بما لا يدع مجال للشك قدرة حريقه على التلاعب بمشاعر الناس.. والايحاء لهم بأنه كفوء وخبير وقادر على تولي المسئولية والشراكة المستقبلية في البناء والتعمير والعمل في (تناغم) والعبور مع الشركاء مهما تتعددوا..اذن (حريقة لمجلس الوزراء)🤪😎 عشان كده نغني ليهو..(دنيا غيرك يا حريقه..أصلي ما بقدر اطيقا..)😅 # (اعلموا يا قوم..لو كبُر هذا الفتى ليكونن اعجوبة زمانه)🤪😂 بِسس يا حريقه😏😅 * تعديل: يعني معقول تشرح لبعض الناس انو دي استعارات كوميدياء سوداء للواقع السياسي… دي مصيبة شنو دي😏
بقلم د. علي الكوباني
| |
|
|
|
|
|
|
Re: ***** حريقة ***** (Re: النذير حجازي)
|
Quote: سلامات ابوحسين الزول عامل ضجه قالو البرنس استلمو طوالى بلقاء البد مليانه حرايق لكن حريقه دا تعتر ليهو العضم فى الكرشه |
و عليكم السلام اخونا عاصم و الله حيرنا حريقة و الاكتر من 45 جكساية حيرونا اكتر .... جكس قاعد علي الهبشة و زي ما قال د. الكوباني حريقة حنكو سنين جدا 😂😂😂
| |
|
|
|
|
|
|
Re: ***** حريقة ***** (Re: ABUHUSSEIN)
|
Quote: هو النصيحة الموضوع مضحك وتناول الناس ليه بوضح إنه السودان كله حرايق لكن بإمكانياته الكلامية الشفتها دي غالباً بكون عندو حبيتين كشفن بعض وعملن فيه المقلب دة أو حتى واحدة بس
أما المنظر الحقيقي شفت في التايم لاين حقي عند واحدة نجاضة صاحبة صاحبي .. حسابها فاتح للعامة ومليان بصورها الشخصية بظهر لي البوست بتاعها لأنه صاحبي كل دقيقتين بشارك فيه عملت منشور قالت معقولة أنا بشعة لدرجة إنه حريقة ما يفكر يطرح لي؟ أول واحد معلق صاحبي كاتب ليه انتي ذاتك حريقة .. وعينك ما تشوف إلا النور ظهروا قائمة الضحايا بتاعينها وطلع حريقة بالنسبة ليها تلميذ فتشت البوست ما لقيتو كلو كلو .. الشمار حرقني رسلت لي صاحبي أسأله عنه قال لي مسحته بت اللذينة .. يا زووووول البوست أتملا ضحايا لمن فكرنا نعمل قروب واتساب |
قلت لي صاحبة صاحبك ...؟؟؟؟؟؟ عليك دينك تعال جر القنبور الفي نص صلعتي دا ....
| |
|
|
|
|
|
|
Re: ***** حريقة ***** (Re: ABUHUSSEIN)
|
Quote: قصة الشاب السوداني “حريقة” 2020/12/080 فيسبوك
قصة حريقة قصة قصيرة تتلخص فيها تقريبا كل مشاكل المجتمع السوداني : (1) الاهتمام بسفاسف الامور ( كثرة التفاعل مع القصة البيزنطية) (2) نقص الوازع الديني ( عدم استنكار اي زول لمسالة انو اصلا في علاقة معترف بيها اسمها حبيبة بس كل المشكلة في عدد الحبيبات ) 3) النفاق ( نص او اكتر من نص شباب السودان دة زي حريقة دة و ابعد منو كمان لكن عاملين فيها مخلوعين بالقصة و اول مرة يمر عليهم شاب غاشي ٥٠ بت او بت غاشة كمية شباب …مع انو كل البميز الاخ دة انو هو اتقبض و هم لسة ) و تقريبا الشافع الفي الثانوي حاليا بكون دقا الرقم ١٠ و رامي قدام … (4) تمجيد الفارغة و تسميتها بالمسميات التي يحبها اهلها لما دخل المتطرف المنفسن قبل سنتين مسجد في نيوزيلندا و قتل المصلين و جات (جاسيندا) رئيسة الوزراء النيوزيلندية تتكلم عن الموضوع قالت جملة قمة في البلاغة … قالت he’s a criminal … but he will (when i speak) be nameless يعني عارفاهو كايس الشهرة و عايز يسموهو فلان الخطير الشفت السفاح …… لكن سمتو بمسماهو الحقيقي … ( مجرم) فقط و دون حتى ذكر اسمو ……. نحنا هنا مالين الفيس حريقة و سندالة و اي زول تافه بنديه الشهرة العايزها و انا تقريبا في البوست دة لأول مرة وقعت في نفس الخطأ بغرض التوضيح نحنا هنا زي حريقة دة بتبدو تعملوا ليهو هيلمانة حتخلي حتى الشباب الصغار يشوفو الحاجة دي نوع من البطولة …. مع انو مسماهو الحقيقي ( واحد كذاب ) ان صحت القصة بالزبط زي ما بنسمي الزول البخش الطرمبة خلف ( مفتح و حناك ).. مع انو المسمى الصحيح ( اناني و عديم ذوق) …… و البيتلفظ بنسميهو (دراع و ما عندو شي لزول يا عمك) مع انو المسمى الحقيقي ( شخص تافه ) (5) اللفحي و الختف تقريبا كل الناس متفاعلة نتيجة القصص القروها و السكرينات و ما جا على بالهم انو ممكن الشغل دا يكون مطبوخ او كذب او ممكن يتاذوا منه ناس بصورة مباشرة او غير مباشرة…. لكن نحنا معقول ما نشارك؟ نحنا لازم نلفح و نشارك في اي قصة…و هل حتى ان صحت القصة هل هي قضية رأي عام للتداول؟؟؟ يعني انا هسي لو عرفتا فلان طلق مرتو (وهو فعلا طلق مرتو) مفروض اجي طوالي اتناول الموضوع دة للونسة و الظرافة … ولا في قضايا تعتبر بتخص اصحابها ما قضايا رأي عام للتداول على نطاق واسع؟
Ahmed Crash |
| |
|
|
|
|
|
|
Re: ***** حريقة ***** (Re: ABUHUSSEIN)
|
Quote: في واحد اسمو حريقه في فيسبوك قبضو في قروب مرتبط مع ١٧ بت وحقيقه بعدما قريت الاسكرينات لازم اعرف الزول عشان لمن افتح شركه اجيبو مدير مشاريع لانو عظيم في ادارة الوقت وطول البال والتخطيط ١:٠٩ م · ٦ ديسمبر ٢٠٢٠·Twitter Web App ٢٦١ إعادة تغريد ٢٧٧ تغريدة اقتباس ٣٫٢ ألف إعجابًا |
| |
|
|
|
|
|
|
Re: ***** حريقة ***** (Re: MOHAMMED ELSHEIKH)
|
Quote: ٦ ديسمبر، الساعة ٥:٢٢ م · للماعارفين حريقة د منو ......وحده نزلت بوست ف قروب اسمه سيسترز البوست عبارة عن اسكرين لمحادثه مع حبيبها وتتغزل فيه تقريبا 😹فجأه ظهروا حبيباته التانيات وكل وحده نزلت اسكرين وطلعوا 25 وحده وكلهم سايقهم بالخلاء 😹😹😹😂💔حريقة مكمل الشفتنةة 😹 |
| |
|
|
|
|
|
|
Re: ***** حريقة ***** (Re: Abdullah Idrees)
|
ألحق الموضوع وصل قناة سي بي سي
دة جزء من الردود على تغريدة رضوى الشربيني - واحد اتعرض لازمة نفسية بسبب أنه 45 بنت كانو بلعبو بيه .. حسبي الله ونعم الوكيل في البنات - في واحد كان عندو حريقة في قلبو جامدة اوي قام جاب حوالي ٧٠ بت عشان يطفوها، ادعيلو محتاج دعواتك - قلنا خلوها مشاكل عائلية،، سمعو الجيران ودخلو الأجاويد - لو راجعتي ال DM ممكن يكون حبيبك عادي - ده أخطر واحد حاليا في إدارة الوقت - فضحننا الخفيفات
| |
|
|
|
|
|
|
Re: ***** حريقة ***** (Re: ABUHUSSEIN)
|
حبيبنا أبوحسين .. تحياتي شكرا على نشرك لهذه الظاهرة الغريبة ربنا يشفيه ولدنا ده كان مهم إنك نقلت لينا حاجة كنا نجهلها بعد هذا البوست أقرأ وأبحث عن ظاهرة ( حريقة ) وزميلي في المكتب نبهني لواحد اسمه ( تسريحة ) لا أذكر الاسم الأول واسمعني من جواله بعض احاديث ( تسريحة )
الحبيب أبوحسين لا بد من دراسة هذه الظواهر بعمق وشكرا على البوست أنا في دهشة منذ أن قرأت البوست لا بد من دارسة هذه الظاهرة والاسباب التي دعته الى هذا المآل
Quote: في نهاية دفتر الملاحظات قال (يمكن أن تكون السعادة هي الحرية في حب إمرأتين في وقت واحد) ف حقيقي أنا ما عارف كيف حريقة دا قدر يدير العدد دا من الحبيبات خلال ال24 ساعة دي 😂 ف خلونا ننظر للموضوع دا من جانب تاني و نتكلم عن البنات و نطالبهم ب قدر أكبر و أعلى من الإهتمام و الإحتواء لأن طالما انا شبعان ما ح أمشي افتش لي فتة بوش أو سندوتش بيرقر😅. حريقة دا ظاهرة أو حالة ممكن الناس تدرسها و تشوف الأسباب الخلتو يعمل كدا عشان نتفادي حدوث حوادث مشابهه و الناس تعيش في تبات و نبات🙂 و خلونا نتفق إن الحب ليه مفعول السحر علي اي حاجه في الدنيا الحب بكل أنواعه
بقلم Alnazeer Alabwabi |
| |
|
|
|
|
|
|
Re: ***** حريقة ***** (Re: علي عبدالوهاب عثمان)
|
صدقني الموضوع ما خطير البلد كلها حرايق مرة قاعد مع واحد حريقة برضو من شبابنا الصغار ديل وكل دقيقتين تلفونه يرن من واحدة ويرد ليها بعبارات غزل تبين إنها الوحيدة في قلبه لما سألتو دة شنو دة! انت بتحب ديل كلهن؟ قال لي: القلب الوسيع بشيل الجميع :)
| |
|
|
|
|
|
|
|