حذف البوست بعد 46 كرت، مع أول تلاتة كروت! استرحام سادس بأسلوب معتاد! في المرة الأولى جاء الاسترحام بعد أول كرتين! هذه المرة لم يتجاوز الكرت الثالث، وهي (خطوة) عملاقة قياساً بمقدراته الأكاديمية.
نواصل، الظاهر في سرقات كتيرة (دأب) البائع على مواراتها كما يواري السنور خراءه.
Quote: إن هناك تباينًا كبيرًا بين مقدرات الأعضاء الفكرية، واللغوية، والتواصلية، وغيرها من الملكات، ولكنك تجد العوام يتداخلون في موضوعات متخصصة جنبًا إلى جنب مع المتخصصين. أيعقل هذا؟ هل يمكن أن يعقد المهندسون ندوة لمناقشة موضوع متخصص في الهندسة ويكون المدعوون من الأطباء، أو اللغويين، أو المتخصصين في أصول الفقه مثلاً؟ Re: لم يمر على المنبر زول بمقدرات حاتم إبراهي�Re: لم يمر على المنبر زول بمقدرات حاتم إبراهي�
اتقال الكلام الفوق دا بعد حوالي سنة من استلام المذكور للكرتونة، ودي المحاذير الأنا لسنوات ظللت أطلقها للتنبيه من أنصاف المتعلمين وأشباه الأكاديميين، وكل الساعين للشهادة بدلاً عن العلوم الحقيقية، وأهو زي ما واضح، تقسيم الناس (لعوام) و(سارقين فقرات).
غني عن الذكر إنو أنا من ديك الأيام بحاول أعرف الزول دا تخصصه شنو بالضبط، قرأ شنو يخليهو يتنمر ويتبجح بوقاحة على الناس ويبتزهم ويهددهم؟
Quote: وأرجو أن تبرد نفسك وألا تحمل المعاني أكثر مما تحتمل، لأنني لم استعمل كلمة (العوام) للتقليل من شأن أحد، إنما قصدت بها (غير المتخصصين)، وأنا من العوام في أي علم إلا ما درسته دراسة أكاديمية. Re: لم يمر على المنبر زول بمقدرات حاتم إبراهي�Re: لم يمر على المنبر زول بمقدرات حاتم إبراهي�
ونسألك يا أخينا، أنت دا سميت نفسك متخصص، أدينا اسم التخصص وقول (أنا دكتور فلان والله اتخصصت في كذا) ما عندي مانع اتخيلك (لغوي) بس ياخي رجاءاً تعال وقول بشجاعة (مجال تخصصي اللغوي كذا) وسميهو بس عشان أنا أخاطبكم باللغة الأكاديمية المناسبة، الإسبلنغ والإعراب وتوجيه الشتائم دا ما تخصص أكاديمي، ولا المغلف الأنت نشرته بغرض البيع دا بيعكس محتوى أكاديمي حقيقي أو أصلي في مستوى ماجستير، ممكن يصلح لبحث تكميلي للبكلاريوس.
أنت هنا زيك وزي أخينا الكان بيشنف سد النهضة وعنده زي سبعة ولا تسعة شهادات وأول ما طلبنا منه يدلنا على البحوث النال بيها الشهادات هرب! ما وجهنا ليهو أي اتهام، اعترفنا ليهو بالكراتين، لكن طلبنا منه يورينا إضافاته للمجال شنو، بس! قام بوشو وليوم الليلة.
فعليك تعمل حساب وأنا حأشرح ليك الطريقة وأرسلها لحساب إليكساندر، احتمال خلال ساعات، لو ما رد علي حأضطر أعمل الفحص بنفسي! عليك تجهز النص بتاع المغلف إلكترونيا، بي دي إف مثلاً وتزود المنصة برسالة الدكتوراة بتاعة الراجل من جنوب أفريقيا السرقت منها وتكتب عناوين المواقع الإلكترونية الأنا كشفت سرقاتك منها وتشغل المنصة وتنتظر التقرير، هو بشكل عام ما حيطلع ليك حكم إدانة ويقول (حرامي) لكن بيديك نسب التشابه في النصوص المسروقة، وبعدها عندهم مستويات لمدى سوء السلوك الأكاديمي وأصالة البحث، في كل الحالات إذا أنت سارق فقرة ولا اتنين التقرير حيكون ملطف، بس من جهتي أنا ما يهمني سوى الإضافة للمجال، يا كرتوني يا حقيقي، نظامنا كدة!
بعد تعمل الفحص دا، تجي تعرض لينا التقرير! ومنها نشوف تقديراتك، جايز أنا في حاجات غابت عني! أنا الفحص بتاعي كان قائم على الركاكة، يعني بشوف مثلاً أي فقرة ما فيها أكتر من تلاتة ولا أربعة أداة (of) بعرفها دي ما حقتك، يعني إما إحالة أو اقتباس أو سرقة، مافي أي احتمال آخر، لكن المنصة عندها موارد مهولة خلاف الخمسة الأنا قدرت أضبطهم.
==============================================
بخصوص العوة بتاعتك في ضلف النقل الحرفي، أنا كتبت للأستاذة جوديث وطلبت تعليقهم على التسمية (transliteration) فيما يتعلق بالرومنة للغة العربية تحديداً، مشكورة ردت خلال ساعات وقالت هم أصلاً بصدد مراجعة الكتير من المعروض.
Regarding ALA-LC Arabic romanization table From Cannan, Judith on 2020-10-22 12:21
Thank you for your interest in the Romanization Tables. The Library of Congress is now looking at how and when to revise our Romanization tables after a two-year hiatus. Your comments are very timely and will be taken into consideration when LC begins accepting updates.
Judith Cannan Chief, PTCP
يبقى بتوقع يصححوا الجداول عشان (العوام) الزيك كدة، القابضين في الضبان بتاع المفردات شوية كدة يتعلموا، وغالباً حيتم التعديل في الوثائق التخصصية مش في الجداول المعروضة لأنها عندها ضوابط محددة للصيغ والفقرات إلخ ودا شعر أنت ما عندك ليهو رقبة، أقيف بعيد وخليك في الإسبلنغ، متى ما جاني الرد بشوف الوقت المناسب لو لغاية الوقت داك إنت متوفر هنا للقراية عشان (تشوف) النتيجة بعينك.
الرسالة الفوق دي (المفروض) تكتبها أنت مش أنا، فأنا عارف بقول في شنو، لكن لما الواحد يقتحم مجال الأكاديميات ينبغي إنو يمتلك العقل النقدي مش النقلي ويقعد للخمالة والكسل العلمي اعتماداً على أنه (تمت إجازة البحث ومنحت الدرجة العلمية) الناس البتكتب الوثائق دي مجرد بشر ممكن يغلطوا وممكن تكون في تعقيدات خافية على أمثالك من أنصاف الأكاديميين.
___ اعتقد كافي.
10-26-2020, 01:16 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2725
البوست المحذوف كان ممكن يكون مفيد للناس جدآ اذا كان التركيز على "بسط" العلم عوضآ عن البحث عن إنتصار شخصي. البوست ده خلوهو يكون بعيد عن الشخصنة عشان الناس تقدر تتابع وتستفيد لأنو طرق البحث والترجمة والمترادفات دي حاجات مهمة وبتفيد الناس.
10-26-2020, 01:58 PM
محمد صديق عبد الله
محمد صديق عبد الله
تاريخ التسجيل: 09-05-2017
مجموع المشاركات: 1643
هههههه حلقات جنة الأطفال دي الظاهر حا تتواصل مع بتاع الأشلان ده.
والله مستوى الواحد يخجل يتمادى في المناتلة مع صاحبه.
أنا ما شفتَ لي زول بيقع في نفس الأخطاء بالكربون زي الراجل ده!
شوفوا الراجل ده (desperate) لأي درجة عشان يحقق نصر. لما يلقى ليهو حاجة ما بيفكر ويروح هابد من طرف هههههههه
يا المترجم القلقان إنت بتكتب في منبر الأعضاء فيهو عارفين نظامه كويس. عشان كده بطّل البروباغاندا بتاعتك دي. الناس عارفة أنه الحذف حق حصري لبكري أبو بكر وأنه يا إما بكري بيبادر بالحذف حسب تقديراته، أو استجابة لشكوى أو تنبيه من أحد الأعضاء.
المسيكين ده الظاهر كتب في غوغل عنوان البوست جاتو الرسالة دي: طوالي راح مفسرّها بنفس اللقافة الأولى لصالحه بأني حذفت البوست.
البوست لا اتحذف ولا حاجة يا بتاع اللام الشمسية. كلّف نفسك أرجع 4 صفحات لي وراء بتنجلط للمرة التانية وتلقاهو قاعد في محله. البوست أكيد حا يرجع للصفحات التالية. عشان كده ما تتلاقف لو ما لقيتو في صفحة 4. أرجع لي وراء زيادة هههههه بعدين يا المترجم القلقان واضح أنه الأمور جاطت في راصك وما عارف تشوت على وين.
قال ليكم:
Quote: ننتهي من النشاط الإجرامي ده في مهده
ههههههه يا زول مالك قاعد تلخبط في الكيمان؟ العلاقة شنو بين كتابي وجرائم المعلوماتية في بريطانيا اللي إنت جايب ليها رابط هنا؟ رابطك ده تعتّلوا وتمشي ترميهو في بوست كلماسوفت والأليكساندرية اللي إنت عارِد منه بي هناك.
هسي لو ما لقافة منك، لو الموضوع خوف من تهديداتك الخايبة دي عن إنهاء النشاط الإجرامي، مش المفروض أنا أسعى إلى حذف بوست كلماسوفت والأليكساندية بدل بوست عارف حجاوي؟ لكن نعمل شنو من المنطق الضعيف! ههههههه
أنا قلت ليك يا حاتم إنت مشكلتك ما أكاديمية بس. إنت زول بسيط جدًا في تفكيرك ومنطقك عاجز. قدراتك في الدفاع راقدة سلطة. يعني بلغة الكورة دفاعك شوارع وحارسك شعيرية. بتحب دائمًا تكون إنت في خانة المهاجم والشخص الآخر المدافع. وده واحد من أسباب خوفك من دخول بوست كلماسوفت والأليكساندرية. أصحاب الجلالات عارفين مقدراتك الدفاعية تعبانة عشان كده نصحوك إنك تتجاهله وحتى لما دخّلت رويسك، سحبته بسرعة وكبّيت الزوغة ههههههه
المهم، ما علينا أدّيني يومين تلاتة وبجيك بالدرب. عارفك مجقلب من موضوع النيابة وأمر القبض. بعدين إنت قايل إنك لما تقعد تجيب في روابط جرائم المعلوماتية في بريطانيا بتخوفني من أني أرسل خطاب النيابة لبكري. أنا شغّال معاك بنظام الـ(suspense)، وإنت ركبينيك يتضاربوا ومرّات شكلك بتكون عايز الموضوع ينتهي من باب "كتلوك، ولا جوك جوك" هههههه
كلّمتك قبل كده "الأسهل" و"الأرخص" ليك تنتهي من "النشاط الإجرامي" ده في الخرطوم. وأنا أجدّد ليك العرض بأني أتعهد قدّام أهل المنبر ده بأني أدفع ليك أتعاب المحامين ورسوم رفع الدعوى في الخرطوم أو لندن. بس إنت أكرب قاشك واتشجع كده وقلّع من حفرتك دي يا بتاع الكوابل.
--- كسرة:
* أخبار أليكساندر الرابع عشر شنو؟ *أخبار التلفزيون العربي شنو؟ * أخبار جوديث شنو؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة