|
Re: حميدتي يعلن إعفاء (Re: muntasir)
|
تاق برس عاجل .. حميدتي يعلن إعفاء ولاة الولايات ويكشف عن اجراءات الحكومة بشان الأحداث الدموية في كسلا و بورتسودان الخميس، ١٥ اكتوبر / تشرين الأول ٢٠٢٠Quote: تاق برس عاجل .. حميدتي يعلن إعفاء ولاة الولايات ويكشف عن اجراءات الحكومة بشان الأحداث الدموية في كسلا و بورتسودان الخميس، ١٥ اكتوبر / تشرين الأول ٢٠٢٠
الخرطوم تاق برس قال النائب الأول لرئيس مجلس السيادة الانتقالي، الفريق أول محمد حمدان دقلو، الخميس، إنه بموجب اتفاق السلام سيتم إعفاء ولاة الولايات، وأعلن عن تشكيل لجان لحل مشكلة شرق السودان بالتراضي، مشيراً إلى الأحداث المؤسفة التي وقعت في ولاية كسلا بسبب إقالة الوالي، ووجه القوات النظامية بفرض هيبة الدولة والقيام بواجبها تجاه حماية المواطنين
وأفاد دقلو في تصريحات صحفية عقب لقائه الإدارات الأهلية بالشرق، أنه ناقش مع الإدارات قضايا الشرق، وأكد أن مسار الشرق تم التوقيع عليه بحضور دولي وأقر قيام مؤتمر الشرق التشاوري بالتوافق ودون إقصاء لأحد
ودعا النائب الأول أهل الشرق للتحلي بالصبر والحكمة ونبذ العنف والعنصرية، وقال إنه سيتم تشكيل لجان من الخبراء والأعيان والإدارات الأهلية لحل مشكلة الشرق حلاً جذرياً، ودعا للإعداد الجيد لمؤتمر الشرق
وناشد ناظر البني عامر، علي إبراهيم دقلل، أهل الشرق بالتحلي بالصبر، وقال: نحن مع الدولة لوضع الحلول التي وعدتنا بها ، وأضاف أن الخطأ لا يعالج بالخطأ، مشيراً إلى أن الأحداث بسبب تعيين وإقالة والي كسلا، وأكد دقلل أنه سيأتي الحل الذي يرضي للجميع
من جانبه، أكد مك البوادرة المك متوكل حسن دكين، أن ما حدث في الشرق بسبب بعض المطامع السياسية، وقال إننا التقينا النائب الأول لرئيس مجلس السيادة وشرح لنا اتفاق السلام وإعفاء الولاة، وأضاف عرفنا منه الكثير من الأمور الغائبة عنا ، وأكد أن أهل الشرق سيعملون من أجل سلامة البلاد على التصالح والتصافي، وأن الخطأ لن يعالج بالخطأ، وأشار إلى أن المؤتمر التشاوري لأهل الشرق منصوص عليه في اتفاقية السلام، وناشد المواطنين بالتحلي بالصبر، ودعا للدخول في إعداد المؤتمر من أجل وحدة أهل الشرق ورتق النسيج الاجتماعي
ودعا ناظر الأمرأر علي محمود، أهل الشرق لضبط النفس والحكمة ونبذ الفتنة، وقال إننا تلقينا تنويراً من النائب الأول لرئيس مجلس السيادة الانتقالي حول السلام ومساعيه لإنزال اتفاق السلام لأرض الواقع وحل مشكلة الشرق السياسية والاجتماعية والتنفيذية والحدودية بالتوافق بين مكوناته كافة، وناشد أهل الشرق بضبط النفس وعدم التعدي وتقبل الآخر لتمرير ما أسماها بالفتنة السياسية، وأوصى بالعودة إلى جادة الصواب
ودعا ناظر الحباب كنتباي حامد، لتهدئة الأوضاع بشرق السودان، وأكد أن كل سوداني سيجد حقوقه كاملة بعد تنفيذ اتفاق السلام، وقال إننا سنقف مع الحكومة لحل مشاكل البلاد، مشيراً إلى أن النائب الأول لرئيس مجلس السياة وعد بحل مشاكل الشرق، وقال: لن نعود إلى الوراء.. سنواصل مع النائب في عقد المؤتمر التشاوري
|
العنوان في السبيل و المتن في الردمية يا المفلقص
| |
|
|
|
|
|
|
Re: حميدتي يعلن إعفاء (Re: عمر سعيد علي)
|
حبيبنا منتصر .. تحياتي يا جميل رفقاً بنا .. نحن ناس ضواحي الدنيا .. غير الناطقين ( هههه ) حاولت افهم موضوع البوست .. وبصراحة ياجميل 90% من مداخلات لا أفهمها .. بل بالنسبة لي كإختبار ..
تحياتي يا جميل ..
| |
|
|
|
|
|
|
Re: حميدتي يعلن إعفاء (Re: muntasir)
|
شكر الحبيب محجوب المقصود هو الوالي والبرادو تحياتي منتصر .. يا سلام الامير بدرالدين نموذج نستفيد منه ونطبق نظرياته
مودتي الحبيب منتصر
| |
|
|
|
|
|
|
Re: حميدتي يعلن إعفاء (Re: اخلاص عبدالرحمن المشرف)
|
Quote: الشفيع وراق او اسماعيل وراق |
ما فرقت .. سيم سيم الاتنين لو لقوا سلطة بطلعوا بي سقف البرادوا* .. ومعاهم عمر البشير
__________ *ورد في الحديث الضعيف إنه بلال في الآذان كان بقول أسهد بدل أشهد قام النبي قال ليهم سين بلال عند الله شينا فاااا شنو مشوها لي كدة أوباما الناس عند العريبي برادو :)
| |
|
|
|
|
|
|
Re: حميدتي يعلن إعفاء (Re: muntasir)
|
Quote: حميدتي الحشرة بقى يعفي ويصرح يا للمهزلة
|
حميدتي لقى قحط حمام ميت و جاتو مدردقة ان شاء الله يضقل بي (حضن الاسى).
القصة عايزه دك و شك وتوزيع من جديد
| |
|
|
|
|
|
|
Re: حميدتي يعلن إعفاء (Re: Nasser Amin)
|
Quote: Abubakr Ahmed Abbas يا أحمد عمر، يا أخي، كلما أشوفك في بوست بدور لي طريقة أكتب مداخلة أجيب فيها سيرة الحلق، زي ما كنت بتعمل معاي في حكاية كودنتي |
انت قايلني مستنير بعد الدوام زيك كدة! ماااا عندي أيييي مشكلة مع المثلية ولا المثليين ولا الحلقان في فيلم عمارة يعقوبيان - أظن - هند صبري بتشتكي لي أمها من تحرش مديريها في الشغل قالت ليها آخر واحد فتح لي سوستة البنطلون .. أمها ردت ليها: كل واحد حر في هدومه ياختي المهم هدومك انتي اللي تفضل عليك فدحين أي حاجة بعيدة عن سوستة بنطلوني بي جازها كعب المستنيرين وقت الفراغ في أول اختبار يدرعوا سكين الضراع ويقولوا طالعني الخلا :)
__________ أوووو عاطف عمر بركة الشوفة :) غياب 3 يوم نعل ما عوجة! فاتتك حلويات ياخ .. الناس شغالة تفتي في الدين سااااي ما لاقين البهنضبهم بي تحت :) ياخي أنا انشرحت لمن قربت أعلن نفسي خامس الأئمة
| |
|
|
|
|
|
|
Re: حميدتي يعلن إعفاء (Re: عبدالمنعم الطيب حسن)
|
تؤتي الملك من تشاء .. حميدتي دا بقى يجتمع مع الاعيان ويحل مشاكل السودان الاجتماعية والداخلية والسياسية والاقتصادية والاقليمية والدولية ؟!! أ لأنه اؤتى سعة من المال وزيادة في الجنجويد؟ ولكن مع ذلك لم يؤت الحكمة ولم يزده بسطة في العلم اضعف واغبى واجبن من مروا على السودان هم ناس (قحت) .. حتى المتفرجين من منازلهم اشرف منهم
| |
|
|
|
|
|
|
Re: حميدتي يعلن إعفاء (Re: أحمد محمد عمر)
|
عندي صاحبي شغال في المستشفى وفي عمك كبير كدة عندو عملية بواسير معاهو زوجته متجرس من العملية جرسة شديدة كل دقيقتين ينادي صاحبي : يا دكتور العملية دي فيها غلط أصلو الموضوع دة ما ممكن يكون مؤلم كدة ومرتو تضحك ساااااي يا راجل اركز العنبر دة كلو ما فيه زول متجرس زيك مشى معاهو الممرض طلع ليه الفتيلة وجاء داخل العنبر مشتّح قال لي صاحبي: والله يا ولدي اللوايـ ....ـة ديل أرجل ناس
| |
|
|
|
|
|
|
Re: حميدتي يعلن إعفاء (Re: محمد البشرى الخضر)
|
عارف وودو انا حنيت علي استنارته بقى يحكى في قصص في تركيا قبضوهنا ناس داعش ووقفونا صفين وقالوا لينا يا نكتلكم أو نكتلكم انا قربت أقول لي اها وكتلوكم ، بعدين يا ودو الوعاء ما ضمان لأنه بعامل الزمن بيكون في تهريب وتسريب 😂
| |
|
|
|
|
|
|
Re: حميدتي يعلن إعفاء (Re: muntasir)
|
يا منتصر التهريب والتسريب إلا يكون محبل 😂 الأنبوبة لما تسرب بتنفجر 😂 قال ليك اتنين مساطيل ماشين في الشارع لقو رأس زول مجدوع واحد سأل أخوه وين باقي الزول. تم الباقي 😂
| |
|
|
|
|
|
|
Re: حميدتي يعلن إعفاء (Re: muntasir)
|
أيام الداخلية برلوم عريبي أطرش ما عارفها داخلية البروليتاريا بقى يسأل في الشباب واحد واحد داير لي 50 جنيه دين أي زول يسأله يرد ليه نفس الرد: سمح استناني النشغلها واجيك لمن زهج وقف لينا في نص الحوش وبقى يكورك: هوي انتو شنو كلكم شابكيني النشغلها؟ وروني محل بتشتغل وبراي بجيب القروش انتو قايلين ما عندي واحدة؟
دحين إن الحلق بجيب فيزا هدي أضاني
| |
|
|
|
|
|
|
Re: حميدتي يعلن إعفاء (Re: عبدالحفيظ ابوسن)
|
يا اب سن الموضوعين ياهم حميدتي قال ليهم تكاتلوا وتكتلوا في بعض والوالي سوداني والوالي أريتري وهي كلها يومين والولاة كلهم حيمشوا الزقاق سلام جوبا حيجيب ولاة جداد فالبتعملوا فيهو ده مثلية منكم ساكت ، شفت الجنجويدي ده نجيض كيف
| |
|
|
|
|
|
|
Re: حميدتي يعلن إعفاء (Re: muntasir)
|
قايمين عليها ساي الشغلة دي .. لكن عندها فوائد
Quote: في عيد ميلادي التسعين أهدتني السكرتيرات ملابس داخلية من الحرير مطبوع عليها آثار قبلات، وبطاقة يعرضن علي فيها نزعها عني. وخيل لي أن أحد امتيازات الشيخوخة هي الإثارة التي تسمح للصديقات من الفتيات أن يعتقدن أننا خارج الخدمة. |
ماركيز، ذاكرة غانياتي الحزينات
| |
|
|
|
|
|
|
Re: حميدتي يعلن إعفاء (Re: عبدالمنعم الطيب حسن)
|
Quote: ههههههها الزول دا نعل مو من الجماعة الطيبين، ول من الجماعة البقومو بلزة، والود دا معروف؟ معروف الرصافي يا احمد، |
فى واحد يوتيوبر اسمو شت مان وتانى كم واحد متكلمين عنو فى فيديوهاتهم ايام استقبال المره دى لغايه ماقالو رفع قضايا فيهم
| |
|
|
|
|
|
|
Re: حميدتي يعلن إعفاء (Re: Asim Ali)
|
ياخي انحنا بريئين براءة كان كدة !! دخلنا وعملنا الموضوع جدي جدا وجادي وقلنا حميدتي دا قايل نفسه طالوت. واتاري البوست مدور حاجات غريبة ..... وانا بقيت زي عمك علي مافاهم هسي عمك العندو بواسير دا والمرتو بتضحك فوقو وجا مشتح وقال (الل....ة) ارجل ناس منو الارجل ناس ديل ؟ عارف يمتنع
| |
|
|
|
|
|
|
Re: حميدتي يعلن إعفاء (Re: Arif Nashed)
|
الصحافة حصل ليها شنو في السودان؟ ...... ذهبت مع الريح يا محجوب عبدالله يا اخوى ولو دايرهم تلقاهم فى بيت(سجاد) و(عشة الجبل)و (أحى يا لطيف)... وهلم جرا..
| |
|
|
|
|
|
|
|