|
Re: كوميديا حميدتي ومدني عباس مدني (Re: نعمات عماد)
|
مدني عباس: رداً على الفيديو المتداول حول ورشة أزمة صادرات الماشية (دي حركة تشبه مجمل الانحطاط والتدليس الذي تتم محاولة فرضه على الرأي العام) 2020-10-11 ردّ وزير الصناعة والتجارة مدني عباس مدني، على ما جاء في فيديو تمّ تداوله على نطاق واسع في مواقع التواصل الاجتماعي. قائلاً: سلامي للجميع : نص البوستات البكتبها بقت نفي وتوضيح، دي حاجة مرتبطة بسيل الاخبار المكذوبة الذي تحتشد بها وسائل نقل الأخبار، اقتطاع مقتطف من حديثي أمام ندوة صادر الماشية بالشكل الذي يخل بسياقة دي حركة تشبه مجمل الانحطاط والتدليس الذي تتم محاولة فرضه على الرأي العام. علق أحد المتحدثين في الندوة بأن الإجراءات تأخذ وقتاً في الوزارات المختلفة يتجاوز الثلاثة أيام، كان ردي على هذه النقطة بأن الإجراءات حالياً تأخذ وقتاً أكثر من الثلاثة أيام وبسخرية أنه لو ثلاثة أيام هينة هي بتاخد اكثر من كدا.. ودا اشكال وتحدي نعترف به، وفي مشروع إصلاح يشمل مشروع النافذة الموحدة ودا من شأنه انه يسهل الإجراءات، لاغراض مختلفة تم نشر الحديث في مقطع متداول بشكل مبتور ليصور وكأن الوزارة تستخف بأوقات المتعاملين، عموماً يبقى ما ينفع الناس، ماشين في مشروع الإصلاح القانوني وإصلاح الخدمة العامة ومحاربة الفساد دا الحيفضل ولن تنجح أي محاولة عبثية لإيقافه. كوش نيوز
| |
|
|
|
|
|
|
Re: كوميديا حميدتي ومدني عباس مدني (Re: Gafar Bashir)
|
Quote: وبسخرية أنه لو ثلاثة أيام هينة هي بتاخد اكثر من كدا. |
دي مصيبة شنو دي؟ معقول وزير يسخر من معاناة الناس وضياع زمنهم في ملاحقة الإجراءات داخل وزارته. ياخي مفروض تعاملك مع الإخفاقات وأوجه القصور يكون بيتسم بجدية تامة. وكل وجه من أوجه القصور، وحتى ولو لم يكن لك يد فيه ولا تملك حلوله، يفترض كلما تذكره تتبعه او تسبقه بإعتذار وأسف. وشنو كمان وبكل طمأنينة جايي تهاجم تبرر لموقفك وترمي الخطأ على وسائل نقل الأخبار. ردك يا مدني يوحي بعدم المسؤلية والإحساس.
| |
|
|
|
|
|
|
Re: كوميديا حميدتي ومدني عباس مدني (Re: Hafiz Bashir)
|
سلامات جعفر
Quote: سخرية القدر و المؤلم جدا ان يطبل لهذا مثقفون و رواد وعي اسه يعني انتوا فرحانين كده علي اساس انه حميدتي الرجل الوطني و مدني هو الكعب والله بالجد من سخريات القدر ان يوضع مدني و حميدتي في مجرد مقارنه خليه الناس تطبل لحميدتي حميدتي اصبح الان رجل الوطنية و الوطن و المصالح ليعلم الجميع ان سر الغضبه علي مدني ليس الوطن اطلاقا وانما حماية اصحاب المصالح و النفوذ الح يكسره قانون التجارة الذي في مجلس الوزراء يعاني من عدم التمرير و الاجازة حاولوا اسالوا من بنود قانون التجارة و من ضوابط الصادر ح تعرفوا سر الحكاية وان ذهب مدني ستندمون كما ندمتم علي ذهاب البدوي حينا تدركون من يسعي للوطن ومن يحمي المصالح واقعدوا طبلوا كده لما تفقدوا الوطن و يستولي عليه السماسره بعدين ما تخم الناس لفينا العالم ده كلوا البدلعوا الناس هم ناس الاستثمار ما وزارة التجارة شوف برضوا قانون الاستثمار ما اجيز لحدي اسه ليه
|
| |
|
|
|
|
|
|
Re: كوميديا حميدتي ومدني عباس مدني (Re: Nasser Amin)
|
Quote: تألمت وأنا أشاهد قائد الدعم السريع "حميدتي" يثقف وزير التجارة والصناعة مدني عباس أمام الناس وكاميرات الفضائيات، كيف لا أحزن لمدني وهو الذي قضى سنين عمره متنقلا من فصل دراسي لآخر ومن مرحلة لأخرى حتى تخرج من جامعة الخرطوم "الجميلة ومستحيلة".. وبعدها قضى نحو عقدين من الزمان "سنة تنطح سنة"، ناشطا يتنقل كالفراشة من منظمة مجتمع مدني لأخرى، وينظر لسنوات في صوالين بيوتات الخرطوم شرق عن الثورة والحرية واقتلاع الكيزان.
حزنت عندما سمعت حميدتي "يثقف" مدني ويطلعه على تجربة رواندا في النهضة، وكيف تتعامل الدول مع المستثمرين، قائلاً له: "الدول بتنتظر المستثمرين في المطارات وبتستضيفهم في مكاتب vib وبتجهز ليهم أوراقهم في ساعة وتقول ليهم أتفضلوا"!!
حميدتي الذي قضى سنوات عمره في العمل المسلح، يحدث مدني عن تجارب الدول ونهضتها، ومدني يستمع له كالطالب!! أي هوان هذا؟
لماذا يا مدني لم تنتزع المايك من المنصة وتكاشف حميدتي بأنه أحد أسباب الأزمة الاقتصادية التي تمر بها البلاد، وأنه أحد أسباب عدم الاستقرار السياسي الذي تعيشه البلاد، وأنو لولا "سخرية القدر" لما مسك المايك وتحدث في ورشة عن مشاكل الصادر، وانه لولا "البشير" الذي اقتلعه الشعب، لما وصل لرتبة الفريق أول دون المرور ببوابة الكلية الحربية، ووووو.. هل هذا صعب؟
حتى متى ستظل عاجزا يا مدني؟ وما الذي يجعلك تتمسك بكرسي الوزارة بعد كل هذا؟ من الأكرم أن تدفع باستقالتك قبل أن يأتي يوم وتغادر الوزارة وسط هتافات الجماهير "استقيل يا ثقيل"!!. |
| |
|
|
|
|
|
|
Re: كوميديا حميدتي ومدني عباس مدني (Re: usama Babiker)
|
Quote: لماذا يا مدني لم تنتزع المايك من المنصة وتكاشف حميدتي بأنه أحد أسباب الأزمة الاقتصادية التي تمر بها البلاد، وأنه أحد أسباب عدم الاستقرار السياسي الذي تعيشه البلاد، وأنو لولا "سخرية القدر" لما مسك المايك وتحدث في ورشة عن مشاكل الصادر، وانه لولا "البشير" الذي اقتلعه الشعب، لما وصل لرتبة الفريق أول دون المرور ببوابة الكلية الحربية، ووووو.. هل هذا صعب؟ |
شكله مستحيل ياخي ماهو معقول ابناء الثورة كلهم بتكلموا وراسهم في الارض بينما اعداء الثورة وبقايا نظام البشير رافعين راسهم ويتمسخروا يتمسخروا علينا لاننا اصلا مع قيادات زي دي مسخرة
| |
|
|
|
|
|
|
Re: كوميديا حميدتي ومدني عباس مدني (Re: Nasser Amin)
|
سلام ناصر اولا البدوي ذهب غير ماسوف عليه مافي زول بشكر فيهو الا صاحب المقال علي شنو ما عارف والموضوع ما حميدتي ولا عندو علاقة بحميدتي الموضوع قيادات اقصر قامة من الثورة وبتصرفوا كانهم اطفال بعدم مسئولية كبير من البدوي علي اكرم علي مدني علي والي النيل الابيض كانهم ياخي ما عارفين الناس جايبنهم لي شنو ولا عارف مواطن قوتهم وضعف خصومهم ، يبقوا مسخرة للقاصي والداني الله يعوض الشعب السوداني
| |
|
|
|
|
|
|
Re: كوميديا حميدتي ومدني عباس مدني (Re: Hafiz Bashir)
|
Quote: وكل وجه من أوجه القصور، وحتى ولو لم يكن لك يد فيه ولا تملك حلوله، يفترض كلما تذكره تتبعه او تسبقه بإعتذار وأسف. |
بالضبط يا مولانا هل معقول زول يقول ليك ياخ في بطء في الاجراءات يكون ردك علي المواطن احمدوا الله تلاتة يوم وبعدها تعترف وتقول في بطء ونحنا عندنا برنامج نافذة وبطيخ وبطيخ
| |
|
|
|
|
|
|
Re: كوميديا حميدتي ومدني عباس مدني (Re: Gafar Bashir)
|
Quote: سيل الاخبار المكذوبة الذي تحتشد بها وسائل نقل الأخبار، اقتطاع مقتطف من حديثي أمام ندوة صادر الماشية بالشكل الذي يخل بسياقة دي حركة تشبه مجمل الانحطاط والتدليس الذي تتم محاولة فرضه على الرأي العام. |
ما عارف مدني بتكلم عن شنو هنا فيديو فيهو هو بتكلم الا ينكر يقول ده ما انا
| |
|
|
|
|
|
|
Re: كوميديا حميدتي ومدني عباس مدني (Re: Gafar Bashir)
|
Quote: سلام ناصر اولا البدوي ذهب غير ماسوف عليه مافي زول بشكر فيهو الا صاحب المقال علي شنو ما عارف
|
سلامات جعفر وحاتك نفس السياسة و يمكن اقسي انا كنت عايز اسأل سؤال و من قبل فترة ليه شالو البدوي و السياسة بتاعتو البرفضوها بطبقوا فيها. اصلا البدوي ما طلب اكتر من الحصل.
| |
|
|
|
|
|
|
Re: كوميديا حميدتي ومدني عباس مدني (Re: Nasser Amin)
|
Quote: انا كنت عايز اسأل سؤال و من قبل فترة ليه شالو البدوي و السياسة بتاعتو البرفضوها بطبقوا فيها. |
ده مربط الفرس نتو البطبق فيها؟ لمن كان البدوي في وهسي لمن كان مافي ؟ نحن الاتنين ما شايفين اختلاف يبقي البدوي وجوده زي عدموا منو المتحكم في اقتصادنا نسال حمدوك كان فاهم حاجة
| |
|
|
|
|
|
|
Re: كوميديا حميدتي ومدني عباس مدني (Re: Gafar Bashir)
|
Quote: ما تجي تدي طلقة يا حميدتي وتلحقه اخوانه
|
هههههه قرب يديهو طلقة صور مقلووووبة شديد بدل الحكومة المدنية تكون في موقف هجومي علي العسكر وفلول الكيزان قاعدين في موقف دفاعي وتبريرات يومية ولي منو؟ للفلول بلد عجيبة
| |
|
|
|
|
|
|
Re: كوميديا حميدتي ومدني عباس مدني (Re: Gafar Bashir)
|
سلام يا ناصر
Quote: اسه يعني انتوا فرحانين كده علي اساس انه حميدتي الرجل الوطني و مدني هو الكعب والله بالجد من سخريات القدر ان يوضع مدني و حميدتي في مجرد مقارنه خليه الناس تطبل لحميدتي |
أصلاً الموقف دا ما مفروض يستدعي مقارنة بين حميدتي ومدني ولا هم الآن في كفتي ميزان عشان ترجح أحدهما الأخرى ولا كعوبية حميدتي بتصلح كدفاع عن مدني ولا كعوبية حميدتي بتعني إنو مدني كويس. ما قاله مدني يستحق الإدانة ويستحق مراجعة كفائته في أداء دوره كوزير مدني هو الوزير المسؤول عن وزارة التجارة وسير أدائها وذلك بفض النظر عن ما يقوله حميدتي. والذي يستحق الإهتمام هو حديث مدني وليس حديث حميدتي حميدتي أصلاً منصبه الحالي والذي يتستر به على جرائمه لا يتيح له التدخل في سير عمل الوزارات لولا هوان الوزراء.
| |
|
|
|
|
|
|
|