انور بغض النظر عن راى فى جمال حسن سعيد وستلاهكة لموهبته فى التمثيل خلال الاعوام الماضة في اعمال درامية واعلانات اكل عيش.... بس فى هذه الاغنية ابان عن موهبة شعرية تفوق موهبته فى التمثيل ومصطفانا بدع في اللحن والاداء
10-01-2020, 10:56 AM
محمد مجيدو
محمد مجيدو
تاريخ التسجيل: 07-06-2013
مجموع المشاركات: 2392
انا ممتنع و الله لكن جاتني الرسالة دي في الواتساب من الاخ الصديق و الجار د.محمد عبدالوهاب اخصائي ال Speech Therapy و الامانه اقتضت توصيلها:
سلام يا هندسه معليش بس لو ممكن توصل لي بدرالدين الامير ( عربي أربجي )* الرساله دي وقول ليهو ياخي جمال حسن سعيد كتب: " تعرفي يا مافي وماليه الفجه نبضك دقه وهزه وريد الشارع الخالي وضجه يا واقف في اقصي مكان للضيق الشده" دي براها تخليهو اشعر شعراء الكوكب مع تحياتي محمد عبدالوهاب
* ) ) مع الاسف عربي اربجي دي مني للتعريف)
10-01-2020, 03:26 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 23051
بكسر الظاء و النون و تسكين الكاف جمال يا بدر الدين فنان شامل شاعر و مسرحي و عازف و مغني و حكاي مرة في الامارات اتقابلنا انا و جمال و كان عازمنا زميلنا المخرج صالح مطر لمعرض فنون في حتة اسمها بر دبي لاقيت جمال و ركبنا تاكسي بتاع التاكسي دخل بينا في نفق و طلع وصلنا جمال قال ليهو النفق دا اسمو شنو يا كبتن قال ليهو دا اسمو نفق الشندقة و صلنا المكان و كان في كافتريا كبيرة و ترابيز و كراسي و الجو حلو جمال قال لي ياخ نمشي نقعد في البينشات المطلة على البحر دا قعدنا و بنتصل على صالح مطر و بقول لينا لسه في السكة جمال قال لي ياخ زولك دا حيتأخر كدي زح لي شوية خلينا ارقد في البينش دا قلتا ليهو دي معناها شنو قال لي دي شندقة ورقاد واطة :) جمال ,عالم من الجمال
10-02-2020, 04:47 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 23051
خضر ياود الطيب لولاقيت الفنان محمد السنى دفع الله اساله عن زيارتهم الاولى لسوريا للمشاركة في مهرجان مسرحى والخرمجة الخرمجها جمال بعد انتهاء العررض السودانى وصعود الممثلات السوريات المسرح لتهنئة اعضاء الفرقة السودانية بنجاح العرض والتهنئة كانت بالقبل على الخدود حاتموت من الضحك
10-02-2020, 04:35 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 23051
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة