رفض حتي الاستماع.للجان المقاومة بحجة هيبة الدولة ولو سمع كلامهم الولاية كلها حتعتصم قرابة الاسبوع لجان المقاومة معتصمة امام محلية كوستي لجان.المقاوكة تقدمت بطلبات محددة جدا وطالبته بالاستماع لها
مرحب خالد سخرية الامر انو بقيف ضد الآلية الجابتو للموقع دة وبفتكر نفس عقلية الانقاذ ان الانصياع لهم سيفقد الدولة هيبتها مابالضرورة تنفذ مطالبهم بمجرد مطالبتهم بها . لكن اسمع وجهة نظرهم وهم ادري منك بخبايا الولاية مشيت زرت الشباب واستمعت ليهم . بالاضافة للكلام الفوق بقولو في 52300 جوال دقيق تقريبا اتباعت من حصة الولاية بواسطة اللجنة الاقتصادية لي تجار بالاسم ومعلقين الكلام دة برة في لافتة قماش من ضمن مطالبهم كل المطلوب منو يسمع رايهم ويرد ليهم ويعاملهم بالاحترام الواجب
09-02-2020, 09:16 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
حبيبنا أبوسن .. تحياتي تصرف هذا الوالي يدعو الى العنف ما دام الأمر يتم بطريقة سلمية كان عليه أن يشكرا الشباب على تصرفهم الحضاري ويستمع اليهم .. ( حتى لو لم يستجيب لطلباتهم ) مثل هذه الممارسات تولد العنف لأن الشباب يعتبرون هذا التصرف اهانة لهم وهم أصحاب الثورة قدموا له النصح بأن التعالي على آخر يولد العنف ماذا لو قام هؤلاء الشباب بالحرق والتدمير ..
العقل الجمعي خطير ولا بد من التعامل معه بحكمة ودراية
تحياتي الحبيب ابوسن ..
09-02-2020, 09:23 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
* ولم يصل منحنى نادي برشلونة الأسباني إلى الصفر إلا لأنه كان يتعاقد في السنوات الخمس الأخيرة مع لاعبين لايمتلكون DNA البارسا! * إفتقاد الجدد لDNA البارسا حول العملاق الكتالوني إلى مجرد قزم كتالوني! * من المؤكد أن الDNA الخاص بالبارسا يختلف عن الDNA الخاص بالثورة، أي أن لكل مكان الDNA الخاص به والذي يناسبه. * والأمر الذي يجعل قطار الثورة يسير بسرعة السلحفاة؛ هو تعيين أشخاص يفتقدون الحمض النووي "DNA" الخاص بالثورة والمسئول عن إكساب الشخص للصفات الثورية، والذين تم تعيينهم في مناصب مهمة وحساسة للغاية، سواء على مستوى الحكومة الاتحادية أو على مستوى الولايات! * والي النيل الأبيض إسماعيل وراق، منذ أن وطأت أقدامه أرض الولاية لم يتخذ قرارا ثوريا واحدا..!! * طريقة دخوله للولاية، المتمثلة في وقوفه عبر سقف الفارهة، لم تكن تشبه الثوار، والإحتفال الضخم الذي أُقيم على شرف إستقبال سيادته؛ أثبت أن هذا الشخص لايحمل الDNA الخاص بثورة ديسمبر! * بما أن هناك كائن يسمى كوز بالمخالطة فلابد أن يكون في المقابل ثائر بالمخالطة، وكان يمكن لوراق أن يكتسب وصف ثائر بالمخالطة لو إنه قام بمخالطة الثوار في الشارع.. * مخالطة شاب واحد من لجان المقاومة خير له من مخالطة الجيش الجرار الموجود في أمانة الحكومة. * ربما كان والي النيل الأبيض يعتقد أن مطلب لجان مقاومة كوستي بإقالة المدير التنفيذي ناصر الأغبش يعتبر تدخلا في مهامه.. * ولكن على إسماعيل وراق أن يعلم إنه لولا دماء الشهداء، وتضحيات هؤلاء الشباب؛ لما وصل لمنصب الوالي أصلا، وبالتالي ليس هناك أي مجال ليتنكر لهم. * لو كان والي النيل الأبيض يمتلك الحد الأدنى من DNA الثورة؛ لنزل من سقف السيارة الذي يطل عبره، ولسار على قدميه، ليشاهد بنفسه تحول مدينة كوستي إلى (كوشة كبيرة) في عهد ناصر الأغبش! * وليسأل وراق المواطنين في الشارع العام عن تاريخ فتح بعض مصارف الخريف، والتي تم حفرها بعد أن قام الثوار بحرق (لستك) أمام مكتب المدير التنفيذي للمحلية. * بما أن المدير التنفيذي قد وجه بإنشاء بعض المجاري بعد حادثة حرق (اللستك)؛ فهذا يعني تلقائيا إنه كان قادرا على القيام بذلك قبل حلول الخريف، ولكنه لم يفعل، فلماذا لم يفعل؟! * وبعدها فليدلف وراق نحو أحد الأسواق، ليرى فوضى الأسعار، وغياب تنظيم الأسواق! * وبعد أن يتملكه الإحباط، سيأخذ طريقه نحو مباني محلية كوستي، ولكن عليه أن يدخلها من البوابة الجنوبية، ليشاهد المحل التجاري الذي تم إنشاءه بجوار المدخل! * ولعلها المرة الأولى في التاريخ التي يتم فيها تشييد محل تجاري عند مدخل محلية، والتي حدثت في عهد ناصر الأغبش، المدير التنفيذي لمحلية كوستي، الذي دخل التاريخ من أسوأ أبوابه! * وهنا نتساءل: لماذا يتغاضى والي النيل الأبيض عن إقالة موظف بكل هذا السوء..؟ * هل يحتفظ به وراق حتى يقوم بتشييد المزيد من المتاجر في بقية بوابات المحلية.. أم رغبة منه في زيادة حجم (الكوش)؟ * "نفس القانون" الذي إستخدمه والي النيل الأبيض في إقالة المدير التنفيذي لمحلية الدويم حمزة الدسيس، ثم تعيينه كمدير لديوان شئون الحكم المحلي؛ يمكن أن يستخدمه لإقالة الأغبش، بالإضافة لمدراء الوحدات الإدارية الأربعة. * من المضحك والمبكي في آن واحد قيام وراق بترقية حمزة الدسيس، الذي تم طرده من قِبل لجان مقاومة الدويم، من مدير تنفيذي إلى مدير عام لديوان شئون الحكم محلي!! * وهذه الحادثة شبيهة بحادثة ترقية عبدالرحيم اللمبي، من وزير داخلية إلى وزير دفاع، بعد أن تسبب في إنهيار عمارة جامعة الرباط!! * من الضروري جدا جدا جدا أن يعي السيد والي النيل الأبيض، أن 90% من أصحاب الدرجات الوظيفية الكبيرة، تحديدا من الدرجة الأولى وحتى الرابعة، يعتبروا أحد أسباب دمار الخدمة المدنية.. * وبالتالي فإن إحداث ثورة في الخدمة المدنية يتطلب وضع أصحاب الدرجات الصغرى في موقع إتخاذ القرار. * وعندما أقول أصحاب الدرجات الصغرى فأقصد الشباب الموجودين في الدرجات الخامسة، والسابعة، والثامنة، والتاسعة. * هذا ليس تحاملا على أصحاب الدرجات الوظيفية العليا، ولكن واقع حال الخدمة المدنية يشير إلى فشلهم في السنوات السابقة، ولابد من إستبدالهم بأسماء شابة تعيد الخدمة المدنية إلى المسار الصحيح. * الغباء هو أن تعيد التجربة أكثر من مرة، وبنفس الأسماء، وتنتظر تغيرا في النتائج..! * والذكاء هو أن تعيد التجربة أكثر من مرة، وبأسماء مختلفة، لتنتظر نتائج مختلفة. * عموما، إذا إقتدى وراق بعمر بن الخطاب "رضي الله عنه"، وسار في الشوارع بنفسه، سيقتنع أن الثوار على حق، وسيقوم بإقالة المدير التنفيذي لمحلية كوستي على الفور. * وإذا إختار الإطلالة عبر السقف العلوي لسيارته، أو البقاء في أمانة الحكومة، فإن DNA الفشل لن يفارقه! * الجيش الجرار الموجود في أمانة الحكومة لايحمل سوى DNA الفشل، والدليل على ذلك فشل كل الولاة السابقين! * أمام السيد إسماعيل وراق والي النيل الأبيض طريقان لاثالث لهما.. _أولهما: النزول للشارع، ومخالطة الثوار لإكتساب DNA الثورة. _ثانيهما: البقاء في أمانة الحكومة لإكتساب DNA الفشل. * ولكن من يقنع وراق بالنزول للشارع، لمخالطة الثوار، والإستماع لهم؟ * شخصيا أتمنى أن يكتسب وراق سريعا الDNA الخاص بثورة ديسمبر المجيدة، ليزيح غمام الفشل والفساد، الذي يحيط بسماء النيل الأبيض منذ سنوات طويلة.. * ونتمنى ذهاب السحب السوداء عن سماء الولاية، التي أرهقها الفشل والفساد طوال فترة حكومة الإنقاذ، لتشرق شمس الحق من جديد على أرضها، ونيلها، وإنسانها، وحيوانها، وجمادها. * كلمة أخيرة: في المرة القادمة سأروي قصة لجان مقاومة حي الرابعة بكوستي، مع وزارة الصحة ممثلة في المدير العام د.سارة لافينيا.
منقول
09-02-2020, 09:29 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
Quote: أثبت أن هذا الشخص لايحمل الDNA الخاص بثورة ديسمبر!
يا عبدالحفيظ، إذا كان رئيس حزبه، الصادق الصديق، لا يحمل (الDNA الخاص بثورة ديسمبر) فلا غرو على الوالي. المهم، استفيدوا من هذه التجربة عند القيام بالثورة القادمة.
09-02-2020, 10:28 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: ياودو انا مشيت عديل وسمعت من بعضهم ودة تعبير كم زول منهم البخليني اصدقهم انو لم يقابلهم والكلام دة بقولو فيهو بالمكرفون يوميا عندهم مخاطبات
تصدقهم طبعا في انو ما قابلهم, لكن شبب عدم المقابلة وهل هو رفض من جانبه أم لأسباب اخرى انت لسة ما سمعت منه فقط من طرف واحد ودا لا يكفي للحكم طبعا دا غير سبب عدم المقابلة - او رفض المقابلة كما اسموها - كونه يكون هيبة الدولة دا امر غريب و صراحة لا استطيع تصديقه عموما الحكمة تقول تسمع من سيد التسع و تسعين نعجة قبل الحكم
تسمع عدم سماعو دي كيفن بس؟ زول ما قعد مع المواطنين دي حقيقة ماثلة لا يدحضها إلا يجي من يقول إنه كان يمشي في الأسواق ويأكل الطعام مع الناس من خارج فتحة البرادو غير كدة ليه ما يسمعهم دي ما عندها أي معنى .. هو والي يسمعهم غصباً عن عين اللي عينو ما شفت والي الجزيرة ووالية نهر النيل مندمجين مع الشعب كيف؟ كل يومين تلاتة فيديوهات ليهم في السوق وسط المواطنين .. واثقين من رووحهم وما خايفين من حاجة وفاهمين إنهم جايين يخدموا جماهير الشوارع دي ما ضباط المحليات العينتهم الانقاذ وراق من فتحة سقف البرادو للمكتب المكيف وتاني ما سمعنا بيه إلا في عزومة ضابحين ليه تور أظن أنا شايف يركب البرادو بتاعته دي ويرجع الخليج احسن ليه .. الشغلة ما كاميرات ومناصب .. فيها لساتك بتتحرق
09-02-2020, 11:59 AM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
تويتر شنو ياااا اب ملاحاً ساقط يقولوا ليك معتصمين ليه قدام المكاتب بالمايكروفونات تقول يكتب ليهم تغريدة؟ :)
قبل كم يوم مجموعة صغيرة اعتصموا قدام مجلس الوزراء قالوا دايرين يقابلوا حمدوك لمشكلة المواصلات جات ولاء البوشي صبتها معاهم زي الما حاصل حاجة .. قاعدة في وسطهم وكمان بتحنسهم يدوها المذكرة عشان تديها لي حمدوك وهم الرافضين بقولوا ليها انتي بتاعة شباب ورياضة ما عندك علاقة بموضوعنا .. بل حتى اتكلمت معاهم إنه في قرار بخص موضوعهم اتوقع أمس في مجلس الوزراء ولاء كانت بتتكلم عاااااادي ولا في زول حارسها وهي البتحنس في الناس يتكلموا موش بحنسوها تتكلم
09-02-2020, 12:35 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
دي عنطزة النخب وراق ما ثوري ولا حيكون، فما تتوقعوا منو اي فعل ثوري، ديل نخب احزاب تركة افندية. وواحد من مشاكل احزاب الكهوف بتاعتنا دي انها ما بتصقل الكادر بتاعا باي تجارب او تدريب حتي الكوادر الكبيرة ما عندها اي خبرة سياسية في التعامل مع الجماهير والشارع لانها كلها احزاب بيات بتنوم وتصحي علي كيفا او بزبطوا ساعتهم بتوقيت الثورة حتي يمكنهم تسلقها في الوقت المناسب. اصبحت اكثر انفتاحا لتقبل فكرة اختيار المناصب السياسية الهامة من الداخل فقط، ناس الدياسبورا ديل بس "تسمع بالمعيدي خيرا من ان تراه". علاقتك مع قيادة حزبك سمن علي عسل انت رجل المرحلة بغض النظر عن الكفاءة.
09-02-2020, 01:00 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
ختيت صباعك علي محل الالم يا Abdullah Idress كل الكوادر تعاني من ضعف و زولكم ده من اول دقيقة بان وكمان ق حت وافقت علي مسلكه ، ق حت انتهازية ولها موقف ضد الامام بان في تعيين الولاة ، وراق و صالح عمار .
09-02-2020, 01:40 PM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
Quote: Nadir Hamad يا وراق لجان المقاومة هي برلمان الشعب الحقيقي، ديل من صنعوا التغيير، من صنعوا هيبة الدولة القائمة على حرية سلام وعدالة، مش هيبة الدولة بتاعة الكيزان: سرقة حرب، ظلم واستعباد، انا لو مكانك ابدأ يومي بلجان المقاومة، أعمل منهم برلمان ما امشي خطوة بدون اسمع كلامهم واشوف طلباتهم، أقعد معاهم في واطات الله، ديل الاساس الساس والراس. يا وراق لجان المقاومة طلباتها أوامر، ديل نبض الثورة، ديل الأمل في غد مشرق.
Quote: Nadir Hamad يا وراق انتهى زمن الوزارة والولاية تشريف وجاء زمن التكليف، انتهى زمن الكيزان الحرامية والامنجية العواليق، زمن كان الداخل للوزارة (وقيل المأكلة) مولود، والخارج منها مفقود، الداخل يعمل صيوان للتهانئ والخارج صيوان لتقبل التعازين لا تنتهي مراسيم العزاء بإنتهاء مراسيم الرفد،
Quote: Nadir Hamad يا وراق الناس الناس استبشرت بيك وكت اخترت الوطن وبعدت من درب اللمام، ما تخذل الناس دي وتخذل نفسك، تكون في الاخر مرقت من الاتنين وقيل التلاتة، لا أماما مسكت لا شعبا ارضيت ولا كفيلا لميت (كفيل السعودية)
Quote: Nadir Hamad زمن الكيزان الحرامية كان جهاز الأمن والمخابرات بيعين الناس! تخيل أمنجي عواليق ما يسوى نكلة، هو البيعين الحرامية دة وزير ودة والي، انتهى زمن المأكلة وجاء زمن الشعب. الشعب الان صاحب الكلمة هو صاحب العمل، هو المخدم، هو الكفيل، ذهب اللصوص الكيزان وامنجيتهم الى كوبر وهرب بعضهم الى تركيا ، وبقي شعبنا العظيم. انتهى زمن التشريف يا وراق. وجاء زمن التكليف، والتكليف حسابه ولد، وحتقيف قدام الشعب يوم لا تنفع هيبة سلطة زائفة، الا من اتى بقلب سليم، الا من سهر الليالي طلبا لرضا مخدمه: الشعب.
Quote: Nadir Hamad ألحق نفسك يا حبيب، لجان المقاومة هي ضمير شعبنا الباسل، هي صوته الأمين، هي نبض قلب ثورته، شعبنا الباسل الذي فجّر واحدة من اعظم الثورات في التاريخ، ورمى بالكيزان والامنجية اللصوص الى مزبلة التاريخ.
Quote: Nadir Hamad مسرحية صغيرة، على وزن عشة صغيرة: مين في الباب؟ - انا عصام الكوز! كوز؟ - أيوة كوز! وجايي ليه بالباب يا كوز؟ - أجي بي وين يعني؟ تجي بالحيطة! #الكوز_حرامي
قلنا ننقل مشاركات أخوانا في الفيسبوك لإثراء النقاش بس ما أكون نسيت لي مشاركة مهمة ما نقلتها !
09-02-2020, 02:11 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: قلنا ننقل مشاركات أخوانا في الفيسبوك لإثراء النقاش بس ما أكون نسيت لي مشاركة مهمة ما نقلتها !
والله انا شايف في مداخلات سقطت منك سهواً لشيخ عاطف .. رغم اني ما عارف أهميتها لكن نساعدكم/
Quote:
Atif Omer Mohamed Ali
ختيت صباعك علي محل الالم يا Abdullah Idress ..... يا اختنا الموضوع(اعمق) من داخل وخارج! في مقطع لوزير الري في رحلته لامريكا بتكلم فيهوو مع الحضور الأمريكي من السودانيين عندما شاف جوطتهم وهرجلتهم قال ليهم: انا قايلكم احسن من ناسنا الهناك! وواصل: ما تخلوني افلت! ههههههههههههههههههههههههه اها دا وزير داخلي بتاع عتان وخرفان! هههههههههههههههههههههههههه ما فضل ليهوو إلا يجيب الصوت ويقع فيهم خبت! هههههههههههههههههههههههههه
القصة هرجلة وبرجلة وحبة يسار عايز يحكم من وراء جدار! والله صحي!
ههههه ياخي مش اخير من صم بكم بعدين المرة الاولي لمن ( حدث ما حدث) كان الرد في تويتر انت تويتر ده قايلو هين ترمب جاري ليهو 4 سنوات هسي عشان يحصل اوباما غايتو اظنو لحد تنتهي ولايتو بس بقرب لي جوستن بيبر لكن اوباما ما اظن نرجع لي موضوعنا اظنها اللفة الجاية
وعودة تانية لتويتر اظنو عايز يلحق واصل علي يا واصل انا تابعتك في تويتر رد المتابعة قل ما امسحك من تويتر وسودانيز اونلاين وكل السشويال ميديا
---------- مسئولين من الخير ما دام جات سيرة السوشيال ميديا عاطف عمر الفي نافذة الفيسبوك ما عنده حساب في سوداميز اونلاين لي كم سنة اظنها عايز اسال السؤال ده
09-02-2020, 02:41 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تحياتي ليكم جميعا الفعل الاهم انه.لم يقابلهم ولم يسمع ذلك واعتصامهم.امام باب المحلية لا تخطؤه عين ولا اذن وتم اغلاق شارع رئيسي في مدخل السوق هي الآلية التي بها تم توليته الولاية
09-02-2020, 03:33 PM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4488
يا "أحدهم" انت ما بتوب من قصة تلفح رواية من طرف واحد وتقوم جاري بيها , مستعجل لي شنو لازم تصدر حكمك! ما تتريث شوية و تسمع تفسير الطرف التاني ولاّ الفكرة اي مسؤول مدان وغلطان حتى يثبت العكس
09-02-2020, 05:10 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
ههههههها يا محمد شوقتا الشعب، المداخلة عادية... ولكني عدلتها، من منطلق ان معرفتك الشخصية، لا ينبغي لك ان تتصيدها لخدمة فكرتك السياسية، المنبر العام للعام، وهو كتير، هذا كل مافي الامر،، تحياتي،
نسمع طرفين كيفن بس يا محمد؟ عليك الله كان تشرحها لي ناس معتصمين عاوزين يقابلوا الوالي عشان عندهم مذكرة .. دي حقيقة الوالي ما قابلهم .. دي حقيقة تانية وينو الرأي هنا عشان نسمعو؟ لو في حاجة ممكن تغير وجهة نظري وهي ظهور حقيقة مغايرة زي إنه مافي معتصمين في كوستي أو إنه الوالي كان صابيها معاهم لكن بحسب كلام أب سن - وهو مصدق عندي - غير الشفتو في الفيسبوك فالوالي ما قابلهم
لاحظ أنا هنا ما بسأل ما قابلهم ليه؟ دة ما موضوعي .. أسبابه دي يلفها في ورقة ويجدعها بي سقف البرادو أنا المهم عندي إنه في اعتصام حاصل بالمايكروفونات والوالي أبى يطلع للناس هنا لو فيها تويتر معناها يوتر لينا فيديو الطلعة .. ما عاوزين يورينا ليه ما طلع .. لأنه هو في وظيفته دي خادم للجماهير المعتصمة دي وغصباً عن عينو يسمعهم
____________ بالمناسبة ما أي مسؤول عندي غلطان .. البطلع بي سقف البرادو بس
آآي وعشان ما نفقد الحساب يا البشرى كدة قول تلاتة التعايشي مع مجموعة كلنا حميدتي ووالي الخرطوم الأبى يقابل لجان التغيير وهسة بتاع البرادو البطنه طامة من المواطنين كلهم قلت نرجى ردهم ولي الليلة ردك ما وصل زعلانة ولا شنو الحصل .. أو كما غنى ترباس
الكلام دة في بري آخر محطة جامع انصار السنة مايكروفوناته بتصل الجريف شرق .. تهجد رمضان يقومني مخلوع وانا شغال الصباح من الزعلة بمشي كبري المنشية كداري أشرب شيشة لحدي ما ينتهي التهجد :) شفت كيف
09-02-2020, 07:20 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
تصرف الوالي مُدان يا أب سن لجان المقاومة المستنكف يقابلها هم السبب في وصوله لكرسي الولاية المتوهط فيهو ده فأخير ينزل من فتحة البرادو ويقعد مع لجان الشباب ويسمع منهم مش بس وكده بل يعطي وجهة نظرهم الأولوية لانه ما حيلقى جهة حادبة على مصلحة المواطن وتعبر عنه أكتر من لجان المقاومة - الوالي ده من دخلته الغبرا ديك فولته لبتها بانت عموما لا مجال لتهميش أو تجاهل لجان المقاومة فهم الاصلح لتولي كل شأن المحليات وما يمس حياة المواطنين .. ناس معتصمين وبيطالبوا بالمكرفون في بلد صغير زي كوستي ما محتاج مكرفون عشان تعرف الحاصل فيهو شنو تجي السوق تعرف كل الحاصل فسبب واااحد بيخلي الوالي يعمل ميت مافي قال هيبة دولة قال - وينا الهيبة دي اصلا !!! .......
يأخ الناس الجايين من بره ديل كل يوم فجيعتنا فيهم تزيد
09-02-2020, 07:24 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
القصة مبدأ يا أحمد! ما صاح تحكم على موقف او تصرف أو شخص دون ان تسمعه حتى و تكتفي برواية طرف واحد اكيد سمعت بقصة شكوى اهل العراق على الوالي سعيد بن عامر! قالوا في يوم ما مرق لينا خالص! ..الى آخر باقي القصة سيبك منها عارف ثقافتك الدينية زي ذوقك في التعامل مع القوارير :) اديك قصة ود ابراهيم الشيخ مع لجان مقاومة بري! ناس بري ديل بقى جيفارات الثورة طبعا و ابوها و امها وكلامهم قرآن منزل عند ثوار الفيس بوك! طلع شنو في النهاية! اها الناس اللعنت و شاكلت وحرقت لساتك في صفحة المؤتمر السوداني موقفهم شكلو كيف بعد عرفو حقيقة القصة دي العايز اقولها, لا احد يملك الحقيقة المطلقة وفي السودان صار للرواية الواحدة الف وجه وكل واحد شايف هو الصاح و هو الثوري و الباقين خونة و هبوط ناعم! وكمان الناس انطباعية جدا, اسي انت من منظر وراق طالع في سقف الجي اكس آر - ما برادو ما تفضحنا يا عربي - خلاص اخدت انطباع سلبي كان جاك وراق زاتو شايل لستكو وحرقو لايمكن ترجع تشوفوا ثوري أبدا
09-02-2020, 07:26 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
يا محمد ما تلخبط الكيمان .. موقف ابراهيم الشيخ ما ممكن احكم عليه لأني ما عارف حيثيات القضية ولا شفت ورقها بي نفسي بالتالي ما بقدر أقول أي كلمة في الوقود داك منطقك دة بنلجأ ليه في حالة شح المعلومات لكن هنا ما عندنا معلومة ناقصة مواطنين معتصمين عاوزين يقابلوا الوالي وبس الوالي إذا ما بقدر يواجه الجماهير زي ما قالت نعمات المتولي ليها شنو .. الله يسهل عليه الوالي يا محمد جابتو الجماهير الواقفة دي ومن حقها عليهم يطلع زيه وزي أي موظف حكومي ويسمعهم .. بخاف منهم يسلم العهدة ويمشي وريني بس المعلومة الناقصة عندنا عشان ننتظر توضيحها (ما طلع للناس) دي أم الكبائر عندي .. أسبابه ما مهمة لأنه باختصار إذا عندو عذر يمنعه مقابلة الجمهور أياً كان العذر دة فهو غير صالح لخدمة الجمهور دة ينتظرنا بعد ننجز الحكومة الالكترونية وبنجيبه والي اونلاين
09-02-2020, 08:16 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
Quote: يرسل من ينوب عنه ،مساعد،سكرتير او مدير عام.
لو وراق عندو كورونا البقية بكونوا مخالطين ده عذر مقبول بالنسبة لي لكن ده ما حايحصل ولا حايقول عندو كورونا انا بس عايز اعرف حيقول شنو؟ وبعدين الزول يطلق الاحكام النهائية --------------- ما تخافي لو ماجات في اللفة دي مع وراق حتي في اللفة الجاية
09-02-2020, 09:48 PM
عبدالله محمد احمد بلة عبدالله محمد احمد بلة
تاريخ التسجيل: 01-21-2010
مجموع المشاركات: 944
لجان المقاومة اجتمعت مع الوالي وقدمت مطالبها الاربعة والوالي وافق تماما على كل مطالبهم بالنسبة لاقالة المدير التنفيذي وافقهم وقال ليهم رشحو زول اعينو ليكم طوالي وهم قالو الترشيح ماشغلهم قال ليهم خلاص نشوف قوى اعلان الحرية والتغيير وبالفعل هناك مرشحين الان تحت الفحص وسيتم تعيين مدير تنفيذي قريبا بالنسبة لمطلب تكوين لجنة تفكيك النظام السابق الوالي قال ليهم اللجنة دي جاهزة بس تبقى فقط ممثل قوى اعلان الحرية والتغيير ودي منقسمة قسمين في ولايتنا قال ليهم نحل الموضوع ده وتتكون اللجنة بالنسبة لحل اللجنة الاقتصادية وبيع الدقيق الوالي قال ليهم اول مرة اسمع بالكلام ده ووعد بالتحقيق فيه لجان المقاومة طلعت من الاجتماع مبسوطة جدا جدا وطلعت بيان جميل جدا جدا حافتشوا واجيب ليكم ثم اعلنت لجان المقاومة الاعتصام وشخصيا لم لم افهم دواعي الاعتصام طالما الوالي متفق مع كل مطالبهم وتنفيذها مسالة وقت وتتطلب اجراءات ادارية وهيكلية عموما الوالي طيلة فترة الاعتصام كان في الخرطوم لمتابعة بعض مشاكل الولاية ووصل امس لجان المقاومة تطلب ان يحضر الوالي بنفسه الي الشارعه ليتفاهم معها ولا اعتقد ان حضور الوالي او عدم حضوره مهم .. المهم ان الطرفان متفقان علي المطالب .. والمهم ان ينفذها الوالي كما وعدهم
يلا بي فرض صحة كلامك دة يا عبد الله تبقى عندنا مشكلة communication كبيرة بين الوالي واللجان ومشكلة في إعلام الولاية ومكتب الوالي مفرض اجتماعه بلجان المقاومة يتم نشره في بيان صحفي ومعاهو كافة الإجراءات اللي اتخذها أو مفروض يتخذها يعني مثلاً انت قلت وافق على إقالة المدير التنفيذي وطلب ترشيح يبقى يوقع قرار الإقالة ويكلف النائب بأداء المهام إلى حين تعيين مدير جديد التصعيد في كوستي معلن من نهاية اغسطس وبقى بي صيوان وساوند سيستم من 1 سبتمبر أو احتمال قبله بي كم يوم لكن أنا شخصياً أول فيديو شفته كان بالتاريخ دة الوالي ما قادر يفهم إنه بتعامل مع شرعية ثورية ولا عارف يتعامل مع لجان المقاومة .. كمثال بمجرد ما انتهى الاجتماع مفروض يكون لجنة مشتركة من مكتبه ولجان المقاومة لمتابعة القضايا .. كدة خلاص هم بقوا جزء من الحل وما بحتاجوا يصبوها كونه يقعد في الخرطوم الأيام دي كلها وبلده ما مستقرة أمنياً دة تقصير شديد منه .. مهما كانت المهام اللي بينجز فيها ي الخرطوم ممكن يجي بي فتحة سقف البرادو خفسة كوستي ويرجع في نفس اليوم .. الموضوع ما صعب مسألة حضوره أو عدم حضوره ما مهم دة برضو تقصير شديد من الفريق الشغال معاهو لأنه الشباب الشايفهم في الفيديوهات ديل ناس واعيين ومثقفين وكلامين .. أي نعم فيهم صلابة وعناد ماركة مسجلة لشباب كوستي لكن وعيهم عالي جداً وحضوره شخصياً ممكن ينهي الاعتصام دة في 10 دقايق والناس كلها تهتف ليه وتطلع في روسين البيوت ويطلع ليهم بي فتحة سقف البرادو
__________ إخلاص أنا ذاتي بشجع البنية الحلوة كان من يدي كان جات في وشي
وهل إجتمع معاهم لمعرفة وتوضيح طلباتهم قبـل يعلنوا الإعتصام في نهاية أغسطس والا ما إجتمع ؟
هم معلنيين قالوا بدء التصعيد من 26 أغسطس ... ويوم 2 سبتمبر بيقولوا مرت 4 يوم للإعتصام .. في فرق يومين هنا .. :) :)
لو إجتمعوا مع سيدنا الوالي وارق ووعدهم بالعمل على المطالب .. ماشين تاني معتصمين لي شنو؟ هل عشان الوالي يجيهم محل الاعتصام ويعمل ليهم خطبة من فتحة السقف ويعلن انه سمع كلامهم وحا ينفذ مطالبهم؟ وليه جماهيرياً هل في عدم ثقة أم المسألة مرتبطة بإثبات انهم هم ديكة الولاية وأصحاب الحل والربط ؟
وإذا الوالي فعلاً اجتمع معاهم واتفق قبل تصعيدهم .. ليه ماعاوز يمشي يقابلهم محل الاعتصام؟ خجلان مثلاً والا مستكبر وبيحمى حمى الأخت هيبة الدولة ؟ واللخت هيبة الدولة ذاتها محتجبة والا متنقبة والا عندها عذر عشان ما تقابل الجمهور وتقول ليهم القالته من وراء الحجاب ؟
مسألة خروج وراق صحبة هيبة الدولة لمدة عشرة دقائق في محل اعتصام الجمهور ما أظن حاتكون خلوة غير شرعية أو بتخضع لقوانين النظام العام .. هو النظام العام زاتو اتلغى ؟ والا ما اتلغي ؟
جنس لخبطة غايتو .. وسبب اللخبطة كلها السلفي الإعتباري البيورجغ تحت المنبر دا ..؟
عموماً وراق غلطان ...
09-03-2020, 07:04 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: (ما طلع للناس) دي أم الكبائر عندي .. أسبابه ما مهمة لأنه باختصار إذا عندو عذر يمنعه مقابلة الجمهور أياً كان العذر دة فهو غير صالح لخدمة الجمهور
تقوم طوالي تفتش قصة الوالي سعيد بن عامر! تاني شي يا عريبي تمبول انت, ما تخوتني بي قصة الجمهور و الجماهير دي, زي الصحافة الرياضية الواحد عايز يمرر كلام يقول ليك جمهور الهلال يرفض التمديد لفلان! الجماهير دي قاولتك متين؟ ومنو الادى اي حد سلطة الحديث باسم الجمهور! هل عقدت استفتاءات او انتخابات مثلا ! هسي اتوقع الحصل في اكثر من صوت يتحدث باسم لجنة او لجان مقومة كوستي ويصدر بيانات, و انت عارف طبعا الحركة السودانية البايخة بتاعة ما كلمونا ما ساقونا ما ورونا البدوها الأحزاب من اول يوم تفاوض! عادي جدا ممكن يكون الوالي اجتمع او اتواصل مع مجموعة جانوا بام لجان مقاومة و اتفاهم معاهم وانتهى الموضوع, مجموعة تانية ما عارفة - او عارفة لكن ما ساقوها مثلا - طلعوا بي بيان ما جانا و معتصمين و حنصعد! اكيد انت عارف انو في مشكلة تنسيق و ادارة حقيقية في اللجان و القواعد بتاعتها سواء لجان مقاومة او لجان خدمات, روح الثورة متملكة الشباب و ما مستعدين يرأسوا عليهم اي زول و البجيب لستكه اول و بهتف بصوت اعلى ممكن ياخد قرار باعتصام او تصعيد او تتريس شارع ويا ويل البناقشه او يعارضه طوالي خاين و هبوط ناعم وما تدي قفاك للعسكر! الشي التاني الجراة على المسؤولين المدنيين في تخوينهم وتجهيلهم و نقدهم! مش ديل القاتل الثوار لتوليهم المسؤولية و هتاف مدنيااااو كان يشق السماء من وسط الجروح و الدماء! يقوموا يجوا المدنيين نستلمهم قلبة و عدلة ونحميهم الشغل و اي فيسبوكابي بعرف احسن من اي وزير او والي كيف يمشي الشغل!
يا دكتورة نعمات انا ما ح اقع في فخ التبرير او البحث عن مبررات للوالي, دا ما موضوعي, موضوعي تحديدا في الحكم المسبق بفساد اي مسؤول جابته الحرية و التغيير خاصة كمان لو بقى حزب أمة او اتحادي! زي ضابط المرور السعودي اتصل عليه العسكري في حادث حركة قال طوالي غلطان الوافد قال ليه الاتنين وافدين قال غلطان المصري!! الشي التاني في تنصيب انفسنا قضاة لازم نصدر حكم على اي شي يعرض علينا وللاسف قضاة بجدول مزحوم لا وقت لسماع الطرف الاخر يكفي سماع الاعلى صوتا للحكم بفساد وغلط الطرف الآخر, طيب طالما بقينا قضاة فلنحكم بالعدل, ونسمع من الجميع على الأقل.
يا احدهم! ردك على عبدالله يندرج تحت باب : ما تخرب الموت بالرفسي :) أكلها من سكات
09-03-2020, 07:45 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: هسي اتوقع الحصل في اكثر من صوت يتحدث باسم لجنة او لجان مقومة كوستي ويصدر بيانات, و انت عارف طبعا الحركة السودانية البايخة بتاعة ما كلمونا ما ساقونا ما ورونا البدوها الأحزاب من اول يوم تفاوض! عادي جدا ممكن يكون الوالي اجتمع او اتواصل مع مجموعة جانوا بام لجان مقاومة و اتفاهم معاهم وانتهى الموضوع, مجموعة تانية ما عارفة - او عارفة لكن ما ساقوها مثلا - طلعوا بي بيان ما جانا و معتصمين و حنصعد! اكيد انت عارف انو في مشكلة تنسيق و ادارة حقيقية في اللجان و القواعد بتاعتها سواء لجان مقاومة او لجان خدمات, روح الثورة متملكة الشباب و ما مستعدين يرأسوا عليهم اي زول و البجيب لستكه اول و بهتف بصوت اعلى ممكن ياخد قرار باعتصام او تصعيد او تتريس شارع ويا ويل البناقشه او يعارضه طوالي خاين و هبوط ناعم وما تدي قفاك للعسكر!
شكراً باش محمد على الرد
المقتبس من مداخلتك يبدأ بي "أتوقع"، أها انا برضو ختيت إحتمالات و تساؤلات و ليس حكم قطعي.
توقعك مقابل توقعي، لكن كلنا مع الثورة.
يعني انا ملت لمطالب اللجان و انت ملت لإيجاد عذر المسؤول لكن المهم عندي تتحقق المطالب الممكنة
خاصة العاجلة و أهو الوالي اتعلم كيف يستبق التصعيد في المرة الجاية.
نديها اسبوع اسبوعين و ح يكون بيان لجان المقاومة هو التقييم المنصف للوالي.
09-03-2020, 10:01 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
Quote: دي عنطزة النخب وراق ما ثوري ولا حيكون، فما تتوقعوا منو اي فعل ثوري، ديل نخب احزاب تركة افندية. وواحد من مشاكل احزاب الكهوف بتاعتنا دي انها ما بتصقل الكادر بتاعا باي تجارب او تدريب حتي الكوادر الكبيرة ما عندها اي خبرة سياسية في التعامل مع الجماهير والشارع لانها كلها احزاب بيات بتنوم وتصحي علي كيفا او بزبطوا ساعتهم بتوقيت الثورة حتي يمكنهم تسلقها في الوقت المناسب. اصبحت اكثر انفتاحا لتقبل فكرة اختيار المناصب السياسية الهامة من الداخل فقط، ناس الدياسبورا ديل بس "تسمع بالمعيدي خيرا من ان تراه". علاقتك مع قيادة حزبك سمن علي عسل انت رجل المرحلة بغض النظر عن الكفاءة.
من أجمل وأصدق ما قرأت والله ... نحتاج لاحزاب جديدة من الشباب وبأفكار الشباب وأي واحد من جيلنا الذين تخطوا الستين يجب ان يجلسوا على الشرفات مراقبين ويبتعدوا عن العمل السياسي والجماهيري ويتركوا لشباب الثورة ادارة ثورتهم والحفاظ عليها ..
09-03-2020, 10:55 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هههه الجزء الببدا بي اتوقع دا لفلان داك يا دكتورة, انت حقك دا
Quote: يا دكتورة نعمات انا ما ح اقع في فخ التبرير او البحث عن مبررات للوالي, دا ما موضوعي, موضوعي تحديدا في الحكم المسبق بفساد اي مسؤول جابته الحرية و التغيير خاصة كمان لو بقى حزب أمة او اتحادي! زي ضابط المرور السعودي اتصل عليه العسكري في حادث حركة قال طوالي غلطان الوافد قال ليه الاتنين وافدين قال غلطان المصري!! الشي التاني في تنصيب انفسنا قضاة لازم نصدر حكم على اي شي يعرض علينا وللاسف قضاة بجدول مزحوم لا وقت لسماع الطرف الاخر يكفي سماع الاعلى صوتا للحكم بفساد وغلط الطرف الآخر, طيب طالما بقينا قضاة فلنحكم بالعدل, ونسمع من الجميع على الأقل.
ولا فيه ميل لوالي ولا للجان, حديث عن مبدأ عام - كان جاك اعور يشكيلك استنى خصمه قبل لا تحكم له فلربما فقأت عيناه الاثنتين
يا "أحدهم" مع انو الفكرة ما في التفاصيل لكن وقت وصلنا هنا, سؤال: المجموعة دي نظمت رقبتها و اتشكلت وشكلت مكتبها التنفيذي في امانة الله, هل هناك ما يمنع اي مجموعة شباب أخرى لا تنتمي لهذه المجموعة ان تعلن اعتصام في محلية كوستي و تطالب باقالة المدير التنفيذي الجديد و تشيل لساتكها و حللها و عدتها و تسمي نفسها مقاومة كوستي؟ ولو الوالي ما قابلهم يطلعوا يقولوا الوالي ما جانا!
Quote: السؤال البفرض نفسه هل قال ما بجتمع مع المعتصمين عشان هيبة الدولة والا ما قال :)
ود ابسن في احد الردود فوق قال الفعل الاهم انه لم يقابلهم, غالبا قصة هيبة الدولة دي بتكون شوية بهارات اضافها احد الشباب لتسبيك الحلة, قصة هيبة الدولة دي ممكن يقولها والي عسكري, لكن والي مدني قضى معظم عمره في معارضة النظام - الدولة - لا اعتقد انه يقول بها كعذر لعدم مقابلة الشباب الفعلهم دا كان احد اسباب قدوم المدنية الناضل عمره كله من اجلها.
Quote: هل هناك ما يمنع اي مجموعة شباب أخرى لا تنتمي لهذه المجموعة ان تعلن اعتصام في محلية كوستي و تطالب باقالة المدير التنفيذي الجديد
دي هي نفسها اللجنة العاملة التصعيد والاعتصام أنا قلت ليك ما بعرف لجنتين في كوستي .. انت هل افتراضك دة عندو ما يدعمو؟ في كلام عبد الله الفوق ما أشار للجنة تانية خالص وإنما قال ذات اللجنة طلعوا فرحانين ثم بعد داك دقوا جرس يبقى التفتيش بكون في كيف حصل سوء التفاهم وليس وضع فرضيات لا يسندها واقع يعني كلامك عن وجود لجنتين مفروض يكون مدعوم ببيان من لجنة تانية غير الفي الورقة أعلاه أو حتى إشارة من أي شخص قريب للوالي والأحداث بالمعنى دة عليه - وإلى حين إشعار آخر - شيل الفرض بتاعك دة ولفوا براحة ختو جمب الكورونا في الركن البي هناك داك وآخر حاجة مسألة ننتظر لحدي ما نسمع من المسؤول دي بتبقى لما يكون الحدث في اليوم الأول أو التاني لكن مايكروفونات اعتصام ليها قريب اسبوع والوالي ما فتح سقف البرادو ما ظنيتك تسمع منه بعد دة
09-03-2020, 12:08 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
لا لا يا حبة انا زي ما قلت ما عندي شغلة بافتراضات او تبريرات, دي مهمة الوالي لما تسمعوه :) أنا بهمني مبدا عدم الاستعجال و الحكم وأخذ جانب و التحيز تعليقي عن مجموعة تانية من الشباب - وليس لجنة تانية - ليس افتراضا, كدي اقرا تاني تقديمي ليه (يا "أحدهم" مع انو الفكرة ما في التفاصيل لكن وقت وصلنا هنا, سؤال:) , دا موضوع عام عن كل لجان المقاومة و شرعيتها لتمثيل الحي و المنطقة بشكل حصري وما تقول لي الشرعية الثورية, كلهم ثوار لا احد يزايد على احد, فا في نفس المنطقة او المدينة هل جرت انتخابات مثلا لتحديد ان المجموعة إكس هي اللجنة الوحيدة التي لها الحق ف التحدث باسم الحي او المنطقة فا شنو! موضوعي دا زي ما قلت ليك عام ولا يتعلق بموضوع البوست و بتسيقية كوستي تحديدا وهو تساؤل جابته السيرة العب غيرها يا عربي :)
09-03-2020, 12:23 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
Quote: لا لا يا حبة انا زي ما قلت ما عندي شغلة بافتراضات او تبريرات, دي مهمة الوالي لما تسمعوه :) أنا بهمني مبدا عدم الاستعجال و الحكم وأخذ جانب و التحيز تعليقي عن مجموعة تانية من الشباب - وليس لجنة تانية - ليس افتراضا, كدي اقرا تاني تقديمي ليه (يا "أحدهم" مع انو الفكرة ما في التفاصيل لكن
كيف ما عندك شغلة بإفتراضات يا ود البشرى؟ طيب السيناريو الأنا أقتبسته فوق البيبدأ بي أتوقع، دي ما إفتراضات؟ و مالك ما استنيت أبو 99 نعجة؟ إنا مانكرت اني لومت الوالي لأنه ما طلع. انت فصلت توقعاتك و ناكر أنها إفتراضات، فهل عندك مصدر للتفاصيل في المقتبس الأول ؟ برجع بعدين جاني خبر وفيات.
Quote: في رأيك موضوع بأهمية الخبز وتعيين شركة للإشراف عليه بدون إعلان أو توضيح وتسفيه دور اللجان التي ظلت تؤدي مهمة المتابعة ورفع التقارير الميدانية طوال الفترة السابقة، في رأيك المفروض الرد يتم متين؟
سؤالي كان عن الحد الزمني بحسب رؤيتك لتصريح الطرف الآخر .. بس لمجرد إنه ما اتكلم معناها ما نحكم لحدي ما يتعطف علينا بتصريح ولو ما صرح دة الله ودي إرادته! أنا بقول ليك كدي لأنه شاعر بي نفس الشعور بتاع البوست دة قلت ليك نرجى الحلو والحلو عمل نايم .. وأتوقع ذات النوم في العسل هنا
قلت ليك فوق لما الموضوع يفوت اسبوع ببقى ما استعجال .. الاستعجال دة في اليومين الأوائل بمنطق عدم الاستعجال بتاعك دة معناها ما ندين أي مسؤول ما لم يتكلم .. إذا الجوطة حاصلة وهو ما اتكلم يبقى برئ لحدي ما يموت البعير ولا الأمير ولا الفقير
09-03-2020, 01:17 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: بمنطق عدم الاستعجال بتاعك دة معناها ما ندين أي مسؤول ما لم يتكلم .. إذا الجوطة حاصلة وهو ما اتكلم يبقى برئ لحدي ما يموت البعير ولا الأمير ولا الفقير
كمبدأ قانوني عام اي متهم بريئ حتى تتم الادانة, دي افتكر متفق معاي فيها ولا كيف؟ لو ما متفق خلاص لو اذنت لا باكر ما ح اقدر اقنعك, لو متفق ممكن نمش لا قدام طيب النقول متفق قدّامك حدث او خلاف سمعت فيه وجهة نظر واحدة فقط, وما سمعت التانية هل في رأيك دا يكفي لتصدر حكم؟ ما سمعت التانية ليه؟ هل اصدرها صاحبها لكن انت ما اتوفقت تسمعها أو تطلع عليها أم لم يفعل اساسا, ولو التانية لماذا لم يفعل؟ هل عايز يعالج الموضوع مع الطرف الآخر بدون اعلام او حقارة منو بيهم مثلا؟ دي شجرة اسئلة ح تتفرع إلى ما لانهاية لكن برضو اذا مقتنع بمبدأ براءة المتهم حتى ثبوت الإدانة ما ح تفرق معاك تتبع الافرع حتى تصل للحقيقة إذا بالك ما بال خواجة أو ما مقتنع بالمبدأ العام دا, خلاص بي راحتك احكم و لخ و اصدر اداناتك السايبرية كما تحب بناء على وجهة نظر الطرف الوصلك قبل رفيقه و احكم لسيد النعجة يعني ح تكون احسن من نبي يوحى إليه :)
09-03-2020, 01:09 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ان شا الله البركة فيكم يا دكتورة تاني.. تعليقي دا برضو لأحمد عمر, انت هدا تعليقي على حديثك
Quote: ولا فيه ميل لوالي ولا للجان, حديث عن مبدأ عام - كان جاك اعور يشكيلك استنى خصمه قبل لا تحكم له فلربما فقأت عيناه الاثنتين
و السيناريو الاقتبستيه زي ما أنا قدّمته كتوقع ممكن تقولي طيب فهمي او تفسيري ليه بعد ما اجتمع ممثلين من لجان المقاومة مع الوالي و استجاب لمطالبهم و طلعوا مبسوطين كما تفضل عبد الله محمد أحمد بعد كم يوم قالوا كلام الزعل الفي البوست! يمكن تقولي لي انتظر كلام ناس المقاومة او البيان القال عبدالله انه صدر بقول ليك اوكي في دي معاك حق انتظر ابو النعجة طالما سمعت من ابو التسع و تسعين عبارة فصلت توقعاتي و ناكر انها افتراضات ما فهمت بالضبط تقصدي شنو, اذا تعليقي لأحمد اني ما شغلتي افتراضات فدا سياق مختلف, عايز اقول لأحمد أنا ما ح اقدم اي تبرير عن الوالي له أو عليه و ابني عليه دا القصدته بافتراض لما احمد تساءل و انت ايضا عن مصدر ان اللجنة التي اجتمعت غير المجموع التي اعتصمت, دا ما افتراض ابني عليه و ادافع عنه طبعا و اجيب ليه مصادر, زيما قلت ليك فهم و تفسير لا الزم به أحد او ابني واحاكم عليه آخرين, ودا عين البطلبوا من كل من اصدر حكمه على موقف الوالي دون ان يسمع منه و اكتفى بما اورده ابو سن على لسان (بعض) افراد لجان المقاومة- اقول بعض لأنه ما اصدروا بيان على صفحتهم الرسمية يقولوا الوالي رفض يقابلنا- وإن فعلوا يبقى نسمع من الوالي
خلافنا ما في المبدأ خلافنا في السقف الزمني يا عباس انت سقفك الزمني مفتوح يعني التعايشي العملها قبل 3 شهور ولحدي هسة ما صرح عندك برئ معناها أي زول بعمل أي حركة ويعمل نايم ما نقدر ندينه إلى أبد الآبدين .. وبالتالي مافي داعي يصرح ذاتو مادام عدم تصريحه بعفيه من الإدانة في أحداث مفروض يكون فيها سقف زمني .. يعني مثلاً الاعتصام دة مفروض يكون الشغل الشاغل للوالي وكل ما زاد أمده كل ما زادت الأزمة بالتالي مفروض أعذره ضمن إطار زمني محدد .. لكن ما أقول هو برئ إلى أن تثبت إدانته بعد يتكلم وإن لم يتكلم فقد برئ لنفسه ومنصبه وفتحة البرادو بتاعته
09-03-2020, 04:29 PM
عبدالله محمد احمد بلة عبدالله محمد احمد بلة
تاريخ التسجيل: 01-21-2010
مجموع المشاركات: 944
هناك انباء عن مخاطبة الوالي اسماعيل لوراق للمعتصمين من لجان المقاومة في السادسة من مساء اليوم .. يمكنكم متابعة اللقاء بين الوالي ولجان المقاومة من خلال الرابط :
مع انو القصة ما كدا لكن مشينيها رضينا! قول انا بالي خواجة و سقفي الزمني ثقة الاستثنائية - اله يطراها بالخير - حدها السما هههه, قال ليك اخوك فتش ليه سبعين عذر! خليك انو ديل ولاتنا المدنيين الجو بالدم و الدموع! نجاحهم نجاح للثورة وفشلهم فشل ذريع ليها بدل نقيف معاهم وندعمهم في ظل التربص و العراقيل من العساكر و الفلول و اعداء الثورة لا نقيف ليهم على الواحدة وعندنا الولاة و المسؤولين المدنيين مدانين و فاسدين و خونة حتى لو ثبتت براءتهم. دا فيما يليني! اها انت سقفك الزمني كم؟ بتدي المسؤول المتهم فرصة كم كدا قبل ما تحكم عليه بالادانة و تبد التنفيذ و تلخ! عشرة ثوان؟ خمسطاشر؟ على بال ما قريت البوست و عملت لايك و فتحت نافذة اضف رد للنطق بالحكم!
ثم مين عباس دا
09-03-2020, 11:16 PM
عبدالله محمد احمد بلة عبدالله محمد احمد بلة
تاريخ التسجيل: 01-21-2010
مجموع المشاركات: 944
تمرين ديمقراطي ومواجهة عنيفة وشفافة تمت مساء اليوم علي الهواء الطلق بين الوالي وراق وشباب لجان المقاومة بكوستي .... حضر الوالي الي ميدان الاعتصام وخاض حوارر مباشر مع لجان المقاوومة لجان المقاومة قدمت مطالبها المتمثلة في اقالة المدير التنفيذي لمحلية كوستي ومدراء الوحدات الادارية وحل اللجنة الاقتصادية وتكوين لجنة ازالة التمكين الوالي امن علي جميع هذا المطالب .. لكنه قال انه لا يفضل حل المشاكل بالقطاعي وانه اعطي نفسه مهلة شهر لللاستماع لللاخرين وقراءة المشهد بالولاية ومن ثم سيقوم باتخاذا قرارات شاملة للاصلاح تشمل الولاية باكملها الوالي قال انه وجه جميع الاجهز بعدم اعتراض الاعتصام وخير لجان المقاومة بين الاستمرار في الاعتصام لحين صدور قرارته او انهاء الاعتصام الان المتحدث باسم لجان المقاومة قال انهم يمهلون الوالي 72 ساعة لاقالة المدير التنفيذي والوالي رد بحسم انه يرفض تماما اي املاء او ضغوط او منحه مهلة ... وانه سيتخذ قرارات شاملة بعد الدراسة وقال ليهم لو الوالي اتخذ قرار تحت الضغط انتو يفترص تطالبوا باقالته انتهى الحوار بصورة ودية وجميلة واستمتع الناس بنسمات الديمقراطية ودعاش الحرية
09-04-2020, 04:57 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تشكروا جميعا . وتشكر عبدالله لايراد الاخبار . مشكلة في النت منعتني من التواصل وصل البوست غايته ان استمع الوالي للثوار دعوني انقل رأي عضو المنبر كتو وابن كوستي ادناه في الفيس
ثوار كوستى المعتصمين فى المحليه ليهم اسبوع .. عندهم تلاته مطالب : ١/ اعفاء مدير محلية كوستى . ٢/ تكوين لجنة تفكيك التمكين للولاية .. ٣/ حل اللجنة الاقتصادية بالولاية .. الحصل قبل شوية انو جاهم الوالى الجديد اسماعيل وراق .. واتذكرت مقولة حميد : من الله خلقنا وشفنا خلقنا ... دا أول ريس زاتو يجينا وكونو يجينا يقنب بينا... يشوف البينا .... كفاية علينا آ الجابرية يجوكي الحكماء آ الجابرية تواصلي البرة آ الجابرية ولادك تقرا خطب وراق بنهج الثورة الحازم وصارم .. وقال : مابيقدر يعفى مدير محلية كوستى ، لأنو القانون مابسمح ليهو الا بعد يعدلوه - وراق اظنو زى فيصل محمد صالح ، زول اتعين بالثورة والشرعية الثورية ، ويجى يقول ليك ما بتعامل تعامل ثورى مع الموظفين والاحداث .. طيب المقعدك فى الكرسى دة شنو يا فيصل الوراق ؟! اما المطلب التانى فقال الوراق : ح نعيين فى الفترة الجاية لجنة ازالة التمكين ( وعايزنكم تساعدونا عبر صفحتنا تدونا مقترحات ) .. الوالى دة ليهو شهر ، ٣٠ يوم ، ٤ اسابيع بالتمام والكمال .. لاعندو طوارىء لا فيضان زى ايمن نمر ولا ولاية كبيرة ومعقدة ، بعد دة جاى يفتش الحلول عبر الصفحات بعد ٣٠ صباح ؟ معناها عايز تانى ٦٠ صباح اضافى عشان يقدر يكون فكرة عن لجنة ازالة التمكين فى الولاية ولا شنو ؟! المطلب التالت قال عليهو : انو اللجنة الاقتصادية عايزة مراجعه فعلا - فهتفوا الثوار ( حل ما مراجعة ) .. استدرك وقال ليهم ماهو المراجعه ممكن تبقى حل .. فى العموم .. مافى اى مطلب اتنفذ من مطالب اعتصام محلية كوستى ، وكل الطلعوا بيهو الثوار عبارة عن وعود ( بدون جدول زمنى محدد ) .. وراق محتاج سياسيا لجماهير كوستى ، السند الكان لاقينه الولاة السابقين من المركز ( احمد محمد الفاشاشوية و نافع على نافع ) ما ح يلقاهو وراق او اى والى قادم للولاية ، فالسند فى جماهيرها وتلبيه رغباتها وتطلعاتها الثورية .. ف وراق مننا وفينا .. ابن من ابناء الولاية .. يرى احلامها .. ويتوسد قراراتها .. فشله فشلنا ونجاحه نجاحنا .. لذا نتمنى انو يغير نظرتو لطريقة الحكم .. عشان ... ما نمشي الليلة نصاقر الرادي ونمشي الليلة نحضر النشرة ونبقى نرجع في كلماتو ويجونا الستة من الجابرية ... يقولوا تعبكم خارم بارم يذهب حاكم خلف الحاكم والجابرية تظل في حالها ...
يا احمد الكلام دة قالو كم واحد سمعو من الوالي قبل اللقاء زاتو مع انو من سلطات الوالي تعين شخص وفي الدرجة القيادية كمان ماممكن ترفد جدا لكن ممكن تعفي من الوظيفة وتنقلو مكان تاني والموظفين بسموها تركنو عموما بعد كلامو دة والقراءة ماوراء السطور اميل لتصديق الحديث عن هيبة الدولة
09-04-2020, 10:15 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سمح الغنا من خشم سيده, من خشم الآخر ممكن ينسى كوبليه يطلع صولة ما في محلها و هكذا هاك اسمع من ابو التسع و تسعين
حتة مطالب المعتصمين و اقالة المدير التنفيذي من الدقيقة 33 لكن النصيحة لله ما فهمت بالضبط المشكلة وين, قال ما بقدر ينقل من ولاية لولاية لأنه محكوم بقانون خدمة مدنية لكن بقدر يعفي! طيب ما تعفي و خلاص عموما قال في معالجات وحتشوفوها خلال يومين تلاتة
09-04-2020, 10:32 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
السلام عليكم قريت العشرة الأوائل في البوست وفهمت انو السيد الوالي ما قعد واستمع للجان المقاومة. تعليقي أي مسؤول ما يقعد في الواطة دي ويستمع بصبر للجان المقاومة حتى لو كانوا عايزين يجربو صوتم في نشيد العلم دا ما نافع ولا يستحق كرسي الثورة .......... بغض النظر
09-04-2020, 10:32 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: بعد كلامو دة والقراءة ماوراء السطور اميل لتصديق الحديث عن هيبة الدولة
انت كنت مصدق حاجة غير كده يا أب سن ؟!! بتبالغ يأخ .. الشغله ما تبقى حُسن نوايا مع انعدام ما يسندها حتكون وقتها ليها مسمى تاني خالص الحكاية وااااضحة من السبب الاتسبب بيهو الوالي ومن كونه كان في الخرطوم .. التقول الخرطوم دي في القطب الشمالي دي فركة كعب ساعتين ونص تلاتة بجيبنو ده لو اصلا كان جادي في مشاورة لجان المقاومة والاستماع لهم وتنفيذ مطالبهم الرفضها .. فهم اصحاب حق وحق أصيل كمان طبعا هيبة الدولة التي تمثل قميص عثمان .. لجان المقاومة تقوّي شكيمتا وما تتنازل عن مطالبها اطلاقا وكان قعد وراق يعمل هيبة دولة وما عارف أيه يصبوها ليهو قدام الولاية ويمنعوهو من دخولها خليهو يشغّل آلة القمع عشان يتفضح ويقعد أم فكو هؤلاء لا يشبهون الثورة وما فيهم ريحة ثورية خالص البشوف حركاتهم دي يقول هم القلبوا نظام الكيزان .. اليفهموا ويفوت أضانهم بي غادي لجان المقاومة لن تتنازل ولن تتهاون ولن تخاف لأنها تعبر عن الثورة وعن المواطن وتعتل هم معيشته الكفاف .. وهي البتعرف مكان الفساد وين والفاسد منو لا بتضاري ولا بتتضارى ولا بتخاف من أي جهة كانت التحية والقومة لثوار كوستي ولجان مقاومة كوستي التحية لكوستي البلد الرائع إنسانه ... كوستي بكل تفاصيلها وناسها وشوارعها ما بتتنسى خالص
بعدين حلوة حكاية إنه ما بقدر يقيل المدير التنفيذي دي .. ده والي شنو كمان البغلبوا يشيل موظف مرفوض لفساده ! المانعو منو ؟ والمانعو شنو ؟ ده سؤال المليون يا سيدي وإجابة السؤال ده بتوريك إنه وراق ما حيفيد كوستي بي تعريفه يمش يشوف مصالحو وين أخير ليهو من ضياع زمنو في الفاضي لجان مقاومة كوستي لن تتركه وإن اعتقد ذلك فهو واهم
09-04-2020, 10:51 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
طيب ما أهو السيد الوالي قعد ووقف مع لجان المقاومة حتى لو كان الكلام دا بعد حين . حكاية طنشم دي جبتوها من وين يا عملاء ؟؟ خخخخخخ ............... اعتقد في ناس فاهمين النقد غلط
الإيجابيات 1- قابل الجماهير واتكلم معاهم في مكان الاعتصام 2- وراهم إنه مع مطالبهم وإنه حامل معاهم هم الثورة 3- بين إنه متاح للجماهير في البيت والشارع والمكتب وعمل صفحة مخصوصة لطلبات المواطنين 4- قال كون لجنة إزالة التمكين وحيرفعها للحرية والتغيير منتصف الاسبوع القادم ..قبلنها إيجابية (الحاء) ما بيناتنا 5- ما عندو مشكلة في مواجهة الجمهور والسماع لمطالبهم 6- أعلن ترحيبه بجميع المبادرات وسعادته بتبنيها
السلبيات 1- لم يقدم أي مبرر لتأخره في مقابلتهم 10 أيام منذ بداية التصعيد 2- لم يقدم حلول 3- كلامه عن إقالة المدير التنفيذي عبارة عن تضليل متعمد .. دخل فيها قانون الحكم المحلي وتوزيع الناس في الدرجة الأولى والتحويل بين الولايات وباقي المدراء التنفيذيين وحاجات ما عندها أي علاقة بمطلب المعتصمين .. قالوا عاوزين أعفاء المدير التنفيذي من منصبه كمدير تنفيذي يعني يبقى موظف عادي وانت مؤمن على طلبهم يبقى تعفيه من منصبه زي ما بحصل في كل محليات السودان يومياً .. معليش لو عندك اعتراض على الطلب نفسه وشايفه زول كويس دي حاجة تانية 4- لجنة التموين قال حتتم مراجعتها .. أصلاً مفروض كان يدعمها بعناصر من لجان التغيير زي ما في باقي الولايات أو حتى يضم ليها ناس من لجان المقاومة .. في النهاية هي لجنة ما وظيفة ثابتة 5- كلامه الختامي بتاع خليكم واثقين في تقديراتي وما تفرضوا علي حاجة يفتقد للديبلوماسية والحصافة تماماً .. مفروض يوحي للمستمعين إنه مهتم بتنفيذ طلباتهم موش إنه هو بعمل الفي راسه وعلى الناس ترضى 6- غضبه الواضح وهو يرفض مسألة تحديد سقف زمني للمطالب يفتقد لأدنى مهارات التواصل وكفايات العمل العام .. انت عاوز الناس تكتب ليك شيك على بياض!! 7- اتضح إنه لجان المقاومة وعيها السياسي أكبر بكتير من الوالي وظل كل المتحدثين يؤكدوا على إنه بيمثلهم وبدعموهو وكانوا إيجابيين جداً 8- أي زول مسؤول كان ممكن يكسب الدعم اللي لقاهو دة في إنه بعد نهاية خطابه حيعلن عن اجتماع مصغر مع ناس التنسيقية لصياغة الخطة الجاية وتوضيح كيفية مشاركتهم في صنع القرار .. لكن بي طلاشة غريبة قال أي زول بفرض علي زمن بختلف معاو ولو دايرين تواصلوا الاعتصام واصلوهو وخلوا لي التصرف براي وانا عندي رؤيتي
انطباعاتي: وراق ما عندو حلول ، معتد بنفسه للغاية وما شايف زول في الدنيا أفهم منه ، ما مهتم بمطالب لجان المقاومة وشغال بخطة واضعها براهو ، ممكن يسمع أي زول لكن في النهاية بنفذ الفي راسه ، لا يعرف ولا يهتم بامتصاص غضب المستمعين .. من ناس محل رهيفة تنقد
في كلام البشرى فوق يا هيثم بقول لي نقيف مع ولاتنا المدنيين الجابتهم الثورة كنت داير ارد ليه ببساطة وراق ما جابتو الثورة جابو اللمام اللمام اللي لما الناس عملت من مسجد الأنصار انطلاقة مظاهرات كل جمعة في 2012 تقريباً طلعوا بيان يرفضوا طلوع المظاهرات من المسجد اللمام اللي لمن الناس قالت شارك في ثورة 2018 نفاها بي ببيان وقالوا كان ماشي يعزي لا طلع ثورة ولا حاجة اللمام اللي أولاده ووزراءه قاعدين في الحكومة لحدي ما سقطت واللي شغال عجينة عكننة للحكومة الانتقالية أنا ممكن أقيف مع الوزراء المقياسهم الكفاءة لكن ما بقيف مع ترشيحات حزبية إلا من أحزاب لم تشارك مع الإنقاذ
09-04-2020, 02:43 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
و الله يا أحمد كلامك دا مؤسف جدا! من كم ناحية, خليني افنّطن ليك: أولا: قولة "اللمام" دي تفسد اي حوار, مهما كان رأيك في السيد الإمام فلا تنسى ان اختلافك معه سياسي وليس شخصي, ولو ما قاصد الاهانة الفيها فغيرك يستخدمها بقصد, على الأقل احترم انه رئيس لحزب اعضاؤه شركاءك في النضال و وأكيد ايام الجامعة تذكر مساهمات و نضالات شباب الأحباب في كسر شوكة الاسلاميين. ثانيا: كون موقفك من الوالي مبني على انتمائه السياسي فدا أمر غير عادل. كدا ح تخليني اقرا نقدك له من زمن فتحة اللاندكروز لحدي احكامك الهنا قبل حتى تسمعه ثم بلتون السلبيات الطلعته دا من باب موقفك من انتماؤه السياسي وليس نقدا حقيقيا لأفعاله و تصرفاته. ثالثا: ولاة حزب الأمة ما جابهم الحزب, اكيد مر عليك موقف الحزب الرسمي من ترشيح منسوبيه لمقاعد الولاة, وراق والآخرين جابتهم الحرية و التغيير و اعتمدهم رئيس الوزراء دا الموقف الرسمي المفترض تاخذ بيه, الباقي اجتهادات شخصية و تحليلات ممكن تكون غير سليمة أو خاضعة للايك وديسلايك رابعا: ما ذكرته عن مواقف حزب الأمة في 2012 و في 2018 من الهبات و الحراك الشعبي و الثورة هل تظن انه غايب عن الحرية و التغيير مثلا! او لجان المقاومة! ليه يتوافقوا على منح الحزب ثلث مقاعد الولاة في رأيك رغم هذه المواقف التي ذكرتها من الثورة؟الحزب خلو هل تظن لاباقي اقل وطنبة ووعي منك ام لم يسمعوا بهذه المواقف مثلا أخيرا: تقول اولاد الامام ووزراؤه السقطوا مع البشير, الولاده ووزراؤه جمع يعني اكثر من واحد, طيب عدا عن عبد الرحمن اذكر اسم واحد من الباقين! وما تقول لي بشرى! بزعل ترى
طيب أنا لا أحترم الصادق المهدي ولفظ اللمام مقصود بيه تحقير كل مواقفه المهاودة للإنقاذ والمعادية للثورة والمكسرة لمقاديف الفترة الانتقالية وكل ما تسبب فيه بخيباته السياسية ثانياً موقفي من الوالي ما مبني على انتماؤه الحزبي .. فمثلاً أحترم والية نهر النيل جداً رغم رأيي السالب في حزبها التجمع الديمقراطي فتحة السيارة حركة إنقاذية لو جات من حمدوك ذاتو أدينها وأدين أبوها .. باختصار أي حاجة عندها علاقة بالنظام السابق وسلوكه الجماهيري مدانة عندي الولاة كان اسمهم مرشحي حزب الأمة لحدي ما اعترض الصادق المهدي وطالبهم بالانسحاب عشان ادوهو مقاعد شوية .. ما أظن في منطق بخلي قوى الحرية تعين من حزب الأمة بدون الرجوع لحزب الأمة!! .. ما ياهو الصادق يعني حيعمل شنو! وفي حزب الأمة المعروف إنه متحكم الصادق وأسرته من سنة حفروا البحر ولحدي أحفاد أحفاد المنصورة (على منو ما عارف!) مواقف الحرية والتغيير بتتعامل مع شعبيات الأحزاب ودي معادلات خارجة عن تقييمي الشخصي .. أنا بالنسبة لي بيان هيئة شؤون الأنصار اللي منعت فيه قيام المظاهرات من مسجد ود نوباوي دة أكبر صفعة للثورة وقتها .. دة مفهومي أنا للوطنية ومفهوم كل الناس وقتها .. كونه الناس نست الحادثة ما بشيل منها دمغة الخيانة الصادق أولاده في الانقاذ وبناته في المعارضة من زمان وهو تقريباً أكتر واحد دخل في اتفاقيات مهادنة لتثبيت شرعية الإنقاذ آخرها كان التراضي الوطني وقبلها اتفاق جيبوتي وقبلها جنيف يعني لم يكن في أي يوم من الأيام معارض حقيقي للإنقاذ بينما ظهرت معاداته للحكومة الانتقالية الحالية منذ اليوم الأول وحتى الآن
طالما ماخد المسألة بشكل شخصي فلا داع للنقاش فا العديل راي و الاعوج برضو راي خلينا في المقتبس وفي الحقائق التي لا تحتمل الرأي بعوجه وعديله التلاتة المذكورين لا ينتمون لحزب الأمة القومي برئاسة سيدي الإمام وحقيقة لا تقبل الجدل لم يشارك حزب الأمة في أي من مؤسسات الإنقاذ طيلة الثلاثين عام ولا حتى برلمان نيفاشا الشارك فيه عدد من الاحزاب
ماهو يا محمد ما ممكن تقول لي البشير عين عبد الرحمن المهجي وجعفر الميرغني كمستشارين لكفاءاتهم .. صاح ولا لأ؟ ولا بتقدر تقنعني إنهم شاركوا بعدم رضاء أباؤهم الموضوع ضحك على الدقون ليس إلا الوزراء لم يستوزروا إلا لأنهم تابعين لحزب الأمة بطريقة ما وفي النهاية كانوا حزب أمة برضو بس جناح تاني
09-04-2020, 06:52 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الراي حاجة ممكن اقنعك او ما اقنعك بيه, لكن تبقى الحقائق حقائق, تصدقها ودا الشي الطبيعي أو ترفض تصديقها و تنكرها ودا أمر عادي وما جديد لكنه لن يؤثر على كونها حقائق بعدين ما في حاجة اسمها حزب أمة جناح تاني! دا حزب مختلف, اللحظة المرق من الحزب الاصلي و عمل حزب تاني خلاص صار حزب آخر حتى لو احتفظ بالاسم زي ما ممكن تقول الشيخ خضر ينتمي للحزب الشيوعي!
طيب خيانة هيئة شؤون الأنصار لثورة 2012 برضو موقف شخصي؟ شكلك نسيتها انت خش هنا بس ما تجي تقول لي دي برضو ما تابعة لي حزب الأمة !! في النهاية ماسكها الصادق
09-04-2020, 07:21 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
طيب في نفس الرابط اقرا بيان شباب وكوادر حزب الامة - في آخر مداخلة لنجلاء سيد أحمد الشباب المنهم اسماعيل وراق دا زاته الأول مآخذك عليه انو ينتمي لحزب الأمة!
ذر الرماد في العيون قفلوا المسجد في وشهم وطردوهم وكلام عبد المحمود واضح قال ليهم مسجدنا دة ما عندو شغلة بالسياسة ما قال ليهم الصلاة في المسجد التاني شغل ملايقة ساي .. ديل بحاولوا ينقذوا ما يمكن إنقاذه من سمعتهم الانتهت وقتها ياها حركات الصادق وشعرة معاوية ما بقدر أحدد لي زول انتماؤه السياسي لكن بستغرب لزول بنتمي لحزب عائلي !!!! حزب يتم توريث رئاسته ولا تخرج من بيت العائلة ولا بقدر أفصل حركة عندنا مسجدين واحد للعبادة وواحد للثورة دي من الأدوار اللي ظل يقوم بيها الصادق المهدي كأكبر ألعبان سياسي في السودان يعلن عندم مشاركته في حكومة الإنقاذ وبهناك يلز ولده للقصر الجمهوري ما بنشارك في مؤسسات الحكم لكن بنقعد في كل اتفاقيات الإنقاذ وندعمها .. ياخي العارفهم أنا براي 3 اتفاقيات كان فتشت عادي ممكن ألقى أكتر
09-04-2020, 09:04 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
طيب يا أحمد زي ما قلت ليك الاعوج راي و العديل راي, الحقائق برضو عادي نكرانها لا داع لاضاعة الوقت و الجهد في الجدال بس عايز انبه لحاجة مهمة, حاليا العدو ليس الامام ولا حزب الامة ولا اي من الاحزاب التي وقعت على الميثاق او لم توقع ولكن وقفت ضد الانقاذ ولم تكن معها في الحكم يوم 11 ابريل العدو حاليا معروف من هو و ماذا يريد, الكجار مع شركاء الثورة ومع الولاة المدنيين و الوزراء يصب في صالح اجندتهم الكجار لا اعني به النقد المقوم و الهادف للصالح العام بالطبع. فا أوهام ديل هبوط ناعم والتخوين و شنو وشنو اول من تخدمه هو الثورة المضادة في موضوع الولاة المدنيين احد اهم اولويات تعيينهم هي انشاء و ترأس لجان التفكيك و العمل على تفكيك قبضة النظام و منسوبيه في الولايات ودا موضوع خطير جدا على الكيزان البتتساقط كل يوم قلاعهم واحد آخر القلاع المتبقية هي الولايات وسيعملون ما في وسعهم لافشال الولاة المدنيين باي طريقة, عنصرية زي الفي كسلا, جندرية زي الفي الشمالية و نهر النيل, عوارة زي الفي النيل الابيض و غيرها و غيرها الناس توعى و تفوت الفرصة قدر ما تقدر
ودو قلت لي مافي داعي لتضييع الوقت في الجدال 😂 ياخ انت الجدال فارش برشو وماكل برشو والكويفر غالات اكتر منه ، غايتو يا ودو لوكنت في زمن الانبياء كان تكون اول كافر به كان نجضتهم في الغلات وكان كنت من قوم موسى كان لي جدادة ما ضبحوها 😂😂
09-04-2020, 08:00 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
هسه الايجابي في كلام وراق القالوا ده شنو ؟ .. غايتو شخصيا شايف إنه الوالي ما زول شورة .. والفي راسه حيسويهو .. لانه نبرة التحدي وفرز العيشه الاتكلم بيها دي الا كان زول (طيب) ساي يلقى فيها ريحة استجابة لمطالب لجان المقاومة اللهم إلا قلع ضرس لكن طوعا وبي اختياره - ما ظنيتو يستجيب فلجان المقاومة تشوف شغلها وتبني على عدم استجابة وراق .. وتبقى شمس ما تبقى رقراق ..
التحية للجان مقاومة كوستي وهم يقفون سدا منيعا أمام جعلهم حصان طروادة لتجيير الثورة لصالح أهواء الأحزاب وحرفها عن مسار هم المواطن ومعيشته والقضاء على الفساد اللي يبدو إنه غول قادر على استمالة واستئناس الولاة وابتزازهم فمن بوابة هؤلاء الأشاوس لن تُؤتى الثورة وإن طال الزمن ....
وراق إعادة انتاج لفشل حزب الأمة وطريقته في إدارة صراعاته السياسية أديني حل واحد قدمه حتى الحاجات المتفق فيها مع الشباب ديل ما عاوز ينفذها لأنه شكله الفريق الحوله مزين ليه إنه لو استجاب معناها ضعيف ومعناها بكرة بجهوهو يأمروهو بحاجة تانية عندي رأي سالب برضو في نمر اللي أول عمل قام بيه تلميع الدعم السريع لكن مبسوط جداً من والي الجزيرة مثلاً فكرة إنه الناس تمشي ليهم الغلط عشان نفوت الفرصة دي بصراحة عدالة انتقائية والوالي المدني مفروض يتحاسب أول بي أول عشان ما يستبد .. أهو زي دة استبد قبل يتم الشهر ذاتو اعتصام شغال 10 حتى يجيهم !! ما بنفذ ليكم أي مطالب وبشتغل بمزاجي ما تفرضوا علي حاجة .. تضليل متعمد وراق دخل النيل الأبيض بطريقة إنقاذية وخطابه في الاعتصام برضو انقاذي أديني سبب واحد يا محمد بخليني أقيف معاهو في البسوي فيه دة هل إنت قدرت تطلع بأي جملة مفيدة منو؟ هل شفت فيه أي حكمة أو كفاءة لتولي المنصب؟ الكعب بنقول عليه كعب زي أسماء بتاعة الخارجية مثلاً العينها حمدوك شخصياً خلي المعينو اللمام الشايفو عليك انت واقف معاهو بصورة عاطفية بدون أي منطق الناس المعتصمين ديل ما فلول النظام السابق ديل شباب الثورة القلبهم عليها فما ممكن تقيف معاهو ضدهم عشان تفوت الفرصة على عدو متخيل صعب يدخل تجمع شباب كوستي دة
09-04-2020, 09:54 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا احمد عشان اللخبطة دي قلت ليك انا لا اتحدث عن النقد البناء الذي يقوّن انا اتحدث عن الكجار, كجار زي انك تاخد موقف منه فقط لأنه ينتمي لحزب! بعدين شنو الدخلة الانقاذية دي! جون كيندي اغتالوه في دلخة انقاذية برضك يعني ولا كيف؟ تاني شي لاحظ لكلامي الفوق كلو ما اتناولت الموضوع بأنو الوالي Vs لجان المقاومة ولا شايف الموضوع كدا عكسك انت وربما بعض الزملاء و طبعا ود القوز حتى في تعليقي على خطابه تناولت كلامه بعمومية انه سيحدث معالجات خلال ايام وهو ما يبدو انه تقبله المعتصمين, و اشرت لأني لم افهم قصده من انه لا يستطيع ان ينقل لكن يستطيع الاعفاء ما عارف كيف بدا لك اني واقف معاه بشكل عاطفي, من اول لوهلة انا واقف ضد الاحكام المسبقة و الادانة الاتبرعتوا بيها قبل حتى ان تسمعوه
منص: استحقيت واحد جـ***ـك, هنيئا لك, تقطعها بالعافية :)
09-04-2020, 09:44 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: غايتو شخصيا شايف إنه الوالي ما زول شورة .. والفي راسه حيسويهو ..
ياهو دا ياود القوز .. الوالي مركب وش ولي أمــر هيبة الدولة " المركزية ".. وماخد امور الولاية وفق مبدأ الهبوط الناعم والحلول الوسطية واللجلة الرضعها من حزبه ومنهج الصادق.. المافيهو أي ثورية أو فعل ثوري بيخلق تغيير جذري.. ودا منهج شخصياً بحيرني برضو وقت تلقاهو بيحكم سلوك حزب أو طائفة وهو عكس ما يرسخ في البال عن شخصية صناع ثورة كالمهدية الامام محمد احمد المهدي وخليفته عبدالله التعايشي، الانتظمت ثورتهم وفق مبدأ ثوري وعدم المواضعة بسياسة الحلول الوسطى سواء في سياستهم الداخلية أو الخارجية.. حزب يديك إحساس إنه دعوني أعيش .. يآخي شهر يا اسماعيل وراق في حكومة ثورية ولسه عاوز تاني فترة تستوعب ! وإسبوع عشان تشوف قواعد حكومة ولايتك معتصمين وتخاطبهم بشجاعة عن تقصيرك .. وبعد اسبوع يبقى كلامك ياهو فعلك في شهر ومصر علي الفي رأسك الواضح انه مافيهو شئ لانك لسه عاوز تعرف ..؟
اسماعيل وراق شكلو عاجباهو حكاية والي وبروسيجر ازلام السلطة مع شوية طنقعة وفرض رأي.. واصطدم مع واقع انه في فئات من الشباب حارسة مطالبها المرفوعة من ثورة ديسمبر بالإضافة لأنه عندها الكبيـر الجمل ومهتمة بإسماع صوتها في التعبيـر عن رأيها..
غايتو لو إديكن زيادة وتأزم الموقف و نادوا وطالبو بتغييره أصلو ما حا أقول مفروض قانون وهيبة دولة وغيره لأنه الموقف بيختلف تماماً عن صالح العمار .. دا فعلاً والي لايمثل الثورة من اول يوم يومو الطلع فيهو من السقف ..
أحححح أخيراً active runinning ورحمة الله .. طلع زيتي ياخ
يلا يا داب فضيت ليك يا محمد :) أنا من قبيل كنت برد سريع وانا شغال في السيرفر الفوق دة .. والله صحي
أولاً انت افترضت مجرد افتراض إني سبب موقفي هو حزبه بينما حزبه دة سبب إضافي ساي ما عندو علاقة بي موقفي وقلت ليك إنا أقدس والية نهر النيل رغم رأيي السالب في حزبها الدخلة بي سقف البرادو دي العالم كلو أدانها إلا انت واسماعيل وراق .. أظنه لما قال هنالك من استحسنها قاصدك انت .. عموماً لو شايفها حاجة عادية وما سلوك انقاذي ما بعصر عليك دة اختلاف وجهات نظر لكن ما شكلته من رأي عام وتداول يوضح إنها ما حاجة عادية فاتخيل لي لو راجعت معايير الاعتياد يمكن تغير رأيك الموضوع هو أصلاً الوالي VS لجان المقاومة .. أنا ما عارفك انت فاهمه شنو؟ ماهو لجان المقاومة معتصمة 10 يوم عشان يقابلوهو وطلباتهم هو اللي بنفذها ليهم أمال لجان المقاومة ماشة تقيل المدير التنفيذي براها ولا كيف؟ لما سألتك عن السقف الزمني البتديهو للمسؤول لحدي ما يرد على ما يثار قلت بالك خواجة وثقتك حدها السماء .. دة كلام مغرق في العاطفية .. مافي زول بستاهل شيك على بياض في الدنيا دي وأي زول بغلط منطقك بتاع ما ندين المسؤول لحدي ما نسمع منه ببقى منطقي لما يكون في فترة معينة مفروض نسمع فيها منه .. لكن انت بتعتبر عدم كلامه مراقة طالما هو ما اتكلم يبقى خلاص برئ ودة منطق معوج جداً وعاطفي شديد لأنه كد البوضح ويصرح تتم إدانته ومحاسبته والبعمل نايم الله اداهو صك براءة من البشرى
في البوست دة يا محمد لا يوجد مبرر إطلاقاً لعذر وراق أو الوقوف معاهو بأي طريقة من الطرق سألتك جيب لي المبرر وقلت لي كلام عاطفي بتاع تفويت الفرصة على المتربصين والكيزان .. الاعتصام دة ما فيه كيزان يا عباس ديل لجان المقاومة .. هنا معركة وراق أبو راس ناشف ضد لجان مقاومة وليس كيزان هدفهم واحد أو هكذا يبدو لكن وراق معتبر الولاية ضيعة حقته يتصرف فيها بمزاجه بدون الرجوع لأي جهة لم يقدم وراق في المعركة دي ما يشفع للدفاع عنه
09-05-2020, 05:52 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالحفيظ ابوسن
محمد البشرى الخضر
علي عبدالوهاب عثمان
عمر سعيد علي
محمد الأمين موسى
Abdullah Idrees
HAIDER ALZAIN
عبدالمنعم الطيب حسن
نعمات عماد
جمال ود القوز
Mahjob Abdalla
قرشـــو
طلحة عبدالله
فيس بوك
تويتر
انستقرام
يوتيوب
بنتيريست