|
Re: حمدوك، زول ساكت ساهي.... (Re: عبدالمنعم الطيب حسن)
|
اشاروا ليك بالشورة المهببة دي، وانتا عاد عشان زول ساهي ساكت طوالي اتدسيت، والعساكر المعاك فرحانين، وما مصدقين انك تقع في المطب، ولكن، معذور حرقت نفسك يابا خلاص اتكشفت واللي كان كان، واصبحت بلا اي شعبية في الشارع، غلطة العمر غلطة البليد، متوقعة....
،،،،، وقاتلة
| |
|
|
|
|
|
|
Re: حمدوك، زول ساكت ساهي.... (Re: عبدالمنعم الطيب حسن)
|
سلامات منعم لا ادري حقيقة ما جرى وهل هي كما تفضلت شورة سوء ام اساءة تقدير من حمدوك أم فعلا مشغول لكن الحقيقة التي لا خلاف عليها ان عواقب عدم خروجه لتسلم المذكرة كبيرة و اثرها سيئ جدا في النفوس كمان دا غير ما قامت به الشرطة من عنف كأنهم كانوا ينتظرون الفرصة ! حقيقة يا حمدوك دي كانت غلطة الشاطر بألف و ليست بعشرة, الحاجة التتي تميزك عن كل الساسة السودانيين هي الاجماع - أو لنقل الغالبية - عليك لكن بما حدث أمس فقدت جزء كبير منه وهذا الاجماع عليك هو صمام امان استمرار سفينة الانتقالية بأمان وسط المخاطر المحدقة و المتربصة بها من الاعداء ومن الاصدقاء على السواء
| |
|
|
|
|
|
|
Re: حمدوك، زول ساكت ساهي.... (Re: Yasir Elsharif)
|
Quote: سلامات منعم لا ادري حقيقة ما جرى وهل هي كما تفضلت شورة سوء ام اساءة تقدير من حمدوك أم فعلا مشغول لكن الحقيقة التي لا خلاف عليها ان عواقب عدم خروجه لتسلم المذكرة كبيرة و اثرها سيئ جدا في النفوس كمان دا غير ما قامت به الشرطة من عنف كأنهم كانوا ينتظرون الفرصة ! حقيقة يا حمدوك دي كانت غلطة الشاطر بألف و ليست بعشرة, الحاجة التتي تميزك عن كل الساسة السودانيين هي الاجماع - أو لنقل الغالبية - عليك لكن بما حدث أمس فقدت جزء كبير منه وهذا الاجماع عليك هو صمام امان استمرار سفينة الانتقالية بأمان وسط المخاطر المحدقة و المتربصة بها من الاعداء ومن الاصدقاء على السواء
|
مرحبتين محمد حبابك الف، قال الشاعر اذا هبت رياحك فاغتنمها فلكل خافقة سكون، نعم اجماع شعبي حصل عليه الرجل لم يتذوقه اي سياسي سوداني على الاطلاق، الرجل اضاع فرصا بالتردد والشورة المهببة التي وراها غرض ومرض، ولكنه ليس حصيفا سياسيا كفاية ليفهم ان بيخسر كل يوم اراضي وجماهير وشوارع،، حتى السبب المعلن لمشغوليته ساذج تماما قال كان ونلاين مع رئيس جنوب افريقيا بناقش في سد النهضة والله لو كنت مع ترامب وببلغك حا يرفع الحظر برضو ما مبرر تقفل الخط وتعتذر لانو عندك ضيوف بالباب،، فشلوك خلاص اتحرق وقلب الشعب اباهو تب مفروض لو حصيف يغادر اليوم، لانو بكرة المواكب والاعتصامات بتجيهو لحدت قصرو ام بنايا قش، وسراديب واكاذيب وانفاق ونفاق،، ساعود للتعليق عن ما قامت به الشرطة من تعديات في سياق هذا شكرا محمد لاثراء الحوار،،،
| |
|
|
|
|
|
|
Re: حمدوك، زول ساكت ساهي.... (Re: عمر سعيد علي)
|
Quote: الاخ عبدالمنعم سلامات.. هو متين ما كان (ساكت وساهي)؟ انا بس متمني زول يقول لينا انجاز وااااحد عمله من قعد في الكرسي دا.. عملها كلها (تغريد). الغواصة غرقت |
هلا معتصم كيفك، الثورة اخطتفها الهبوط الناعم، واغرقوها من ساعتها في الوحل سرعان ما اكتشفوا ان الرجل بدون فكرة مركزية توجهه، تاخذ بيده ساعة المنعرجات، والزنقات، وكمان اضانو خفيفة فكثر الزن، من مستشارين لهم غبائن وطموحات، فياتي الرجل لمكتبه صباحا خالي الوفاض، وفاضي، ومنفس، فياتي سلك وامجد والشفيع، والروبي واخرون،،، تاتي المزرعة، ويبدا النفخ والزن، والاول سابق، اخر النهاية يكون الرجل الفاضي وقد امتلأ هواءا زائفا ونتنا، وهبوطا وناعما، وشمارات، ليس هكذا تُدار دولة الثورة والثورة
| |
|
|
|
|
|
|
Re: حمدوك، زول ساكت ساهي.... (Re: عمر سعيد علي)
|
ما قلنا ليكم ماسورة ومصدية راجل فارق وعقلو افرق والعمل بالامم المتحدة ليس شفيعا ان يجعله حفي بالمنصب والله دا لو كان البشير الاقتلعتو نفس الجماهير لتجبره وتجبر نظامة ولجعل البلاد خاوية على عروشها والله كان مرق ولاقاهم ورقص كمان كان جابو (فرفور) بس نقول شنو؟ السودان لم تقوده الرجال والنساء الذين يستحقون قيادته استقيل يا ثقيل ولا ستقال بمليونية
| |
|
|
|
|
|
|
Re: حمدوك، زول ساكت ساهي.... (Re: Ali Alkanzi)
|
Quote: أخطأ حمدوك بعدم خروجه لمقابلة الموكب واستلام المذكرة. ارتباط إيه هذا الذي يمنع من مقابلة الثوار؟؟6 |
دكتور ياسر تحايا وسلام،،، بالمناسبة ناس الهبوط الناعم والطماعين في المنصب لقوا في حمدوك ركوب الفزرة، وكانت اخر احلامهم ان يوافق الرجل على عدم مقابلة حاضنته الشعب ولكن راهنوا على ضعفه وهوانه، فرموا الحجر في بركته الضحلة، فوافق الرجل وسط دهشة مستشاريه الحفارين، اكبر مسمار اندق في قلب الثورة ياهو السيد فشلوك دا،،، ،،،، وكويس انو الثورة والثوار عرفوا اعداءهم والناس النص نص السغار ديل، ... الثورة مستمرة و سننتصر نحن الشعب
| |
|
|
|
|
|
|
Re: حمدوك، زول ساكت ساهي.... (Re: Awad Omer)
|
Quote: تحياتي عبد المنعم . . والي ولاية نهر النيل تلتقي لجان المقاومة بنهر النيل ما ضراك يا حمدوك لو التقيتهم . . |
حبابك عمر علي سعيد، وهكذا فعل والي الجزيرة، خرج واستقبل الموكب، والناس رجعت مبسوطة،،، بالعكس سياسيا حمدوك كان حا يكسب، ناس جوك سلميا وشايلين مطالبهم مكتوبة، ولكنه الغباء السياسي وانسداد الافق، ودي المحكات البتصنع القادة، القادة الفطريين، وليس القادة الارتفيشال المصنوعين صناعة، ودافنين دقن، ومدفونين دفن الليل ابكراعا برة، وهو زي دفن النعامة في الرملة الهابطة وناعمة، #فشلوك-يمين_يسار_يودوك
| |
|
|
|
|
|
|
Re: حمدوك، زول ساكت ساهي.... (Re: عبدالمنعم الطيب حسن)
|
Quote: عتقد دة من ترتيب عمر اونيس ...اللذي يدير حمدوك بالكامل في اي اتجاه شاء ... ..وهو شائل الجمل بما حمل ...مع شلة المزرعة |
مرحب استاذنا عوض، منيس كوز مكتمل الهبوط الناعم، هسا حكومة حمدوك بموافقة ومباركة واقتراحات وفرض هذا المنيس الما دسيس بتعين في الكيزان موظفين كبار في الخدمة المدنية في الخارجية والداخلية وادارة الولايات،، ياخ بعد يجيبو كوز والي تاني فضل شنو،،، انه فريق عمل متكامل بداءا من منيس وليس انهاءا بسلك، ضارب يعملون ليس نهار لصالح محاور دولية واقليمية، والشعب اخر اهتماماتهم، وحمدوك ليس لديه راي او فكر او كاريزما قيادة، عشان كدة بوقع بلا احساس بالوطن وبالمواطن،،
| |
|
|
|
|
|
|
Re: حمدوك، زول ساكت ساهي.... (Re: عبدالمنعم الطيب حسن)
|
اعتقد إنه الناس الحوله خافوا من الهتاف ضده أو أي تصرفات مفاجئة ما محسوب حسابها والي الجزيرة ووالية نهر النيل منذ تسلمهم المناصب ظلت أبوابهم مفتوحة للجمهور وكانوا حاضرين في الأسواق وسطهم يعني متدربين كويس على شغل الجماهير لكن حمدوك لم يدخل أي مخاطبة جماهيرية من قبل ولعل اللقاء الوحيد له مع الجمهور كان أوائل أيام تسلمه رئاسة الوزراء لما سأله واحد عن ابراء الذمة شكلو مكتب حمدوك متابع السوشيال ميديا شديد وعارف إنه اسكوره في النازل وتقريباً كل الناس أجمعت على عدم نجاحه في إدارة الفترة الديمقراطية والواقفين معاهو واقفين خوفاً من البديل العسكري أو تقويض الوثيقة الدستورية وهي الضامن الوحيد للفترة الانتقالية
| |
|
|
|
|
|
|
Re: حمدوك، زول ساكت ساهي.... (Re: أحمد محمد عمر)
|
على حمدوك تقديم استقالته اليوم قبل بكرة حفاظاً على تاريخه وماء وجهه قبل ان يرغمه الشارع على ذلك . ياخ معقولة صادر الماشية للمرة السابعة على التوالى يتم اعادتها من السعودية !؟؟ وتصدير الماشية الحية الى مصر ايضا لا زال مستمر . الكيزان لازالوا يسيطرون سيطرة تامة على سوق الماشية وتصديرها . حمدوك فى بداية توليه المسئولية قال : لن يتم تصدير المواد الخام من الآن فصاعدا استبشر الشعب بذلك ولم تمضى فترة طويلة حتى عادت حليمة لعادتها القديمة . وحمدوك ولا كأنه هنا . اتضح انه انسان ضعيف الشخصية وفاشل . حمدوك اقل قامة من قامة الثورة العظيمة .
| |
|
|
|
|
|
|
Re: حمدوك، زول ساكت ساهي.... (Re: علاء سيداحمد)
|
Quote: اعتقد إنه الناس الحوله خافوا من الهتاف ضده أو أي تصرفات مفاجئة ما محسوب حسابها والي الجزيرة ووالية نهر النيل منذ تسلمهم المناصب ظلت أبوابهم مفتوحة للجمهور وكانوا حاضرين في الأسواق وسطهم يعني متدربين كويس على شغل الجماهير لكن حمدوك لم يدخل أي مخاطبة جماهيرية من قبل ولعل اللقاء الوحيد له مع الجمهور كان أوائل أيام تسلمه رئاسة الوزراء لما سأله واحد عن ابراء الذمة شكلو مكتب حمدوك متابع السوشيال ميديا شديد وعارف إنه اسكوره في النازل وتقريباً كل الناس أجمعت على عدم نجاحه في إدارة الفترة الديمقراطية والواقفين معاهو واقفين خوفاً من البديل العسكري أو تقويض الوثيقة الدستورية وهي الضامن الوحيد للفترة الانتقالية
|
مرحب احمد يعني داسينو، خوفا من الهتاف، لو اعتقادك صحيح يبقى هم السذاجة ذاتا لانو اصلا الجماهير الجات لجرد الحساب، وتقويم، ولو هتف واحد او الف وين المشكلة، حمدوك سياسي جابتو الظروف، يعمل لبدوك، ويقطع الهتاف في حنان الشيخ خدر، امكن يلحقو وينجدو، الهدف النهائي للموكب هو استعدال مسار الثورة، لحين،، بكرة بتجي مواكب مش عاوزة مقابلتو هدفها فقط اسقاط حمدوك،، ليس رهاننا كشعب على اسم بقدر ما رهاننا على برامج،، متى ما لم تتحق ما عاشت الاسماء،، والمستشارين البنبحوا خوفا على ضنبم، بكرة المواكب دي بتقطع ضنب الهابطين اعداء الشعب،، شوف في تويتر، ياخ امجد فريد اتزعمط زعمطة من امها،، بلعو التغريدة، اظنها التغريدة الاخيرة،، يحنن الولد هههههها ،،،،،،، با فشلوك ما تتضارى وراء الشورات الهباب، والمستشارين خاتفين لونين والكتلة من الشيخ، وفوق المزرعة دي انا تاني ما بجي، والشمار كتير انا تاني ما بجي،،
| |
|
|
|
|
|
|
Re: حمدوك، زول ساكت ساهي.... (Re: أحمد محمد عمر)
|
Quote: على حمدوك تقديم استقالته اليوم قبل بكرة حفاظاً على تاريخه وماء وجهه قبل ان يرغمه الشارع على ذلك . ياخ معقولة صادر الماشية للمرة السابعة على التوالى يتم اعادتها من السعودية !؟؟ وتصدير الماشية الحية الى مصر ايضا لا زال مستمر . الكيزان لازالوا يسيطرون سيطرة تامة على سوق الماشية وتصديرها . حمدوك فى بداية توليه المسئولية قال : لن يتم تصدير المواد الخام من الآن فصاعدا استبشر الشعب بذلك ولم تمضى فترة طويلة حتى عادت حليمة لعادتها القديمة . وحمدوك ولا كأنه هنا . اتضح انه انسان ضعيف الشخصية وفاشل . حمدوك اقل قامة من قامة الثورة العظيمة . |
حبابك علاء اوجزت فكرة البوست الاساسية، هذه ثورة كل الشعب، هو ملهما -اي الشعب- وحاديها ودليلا، اي ساقط يغادر ويستمر قطار الثوار وجهته حرية سلام وعدالة،،، وزاد حمدوك الطينة بللان بان ارسل عساكر شرطة الكيزان بكامل قلة ادبم، فعاثوا في الوجه وفي الاجسام وفي المناخير وفي الاجواء بنبانا حارقا وثقيلا ، وظهرت بكاسي الامن السيئة اعتقالات، وحمدوك حتى تاريخه لم يتكلم حتى عن الموضوع،، العزلة تضيق، والراتق يتسع والرقعة مبوشة، ليس امام فشلوك سوى المغادرة بالذوق والا بالمواكب والاعتصامات،،، ...... احمد محمد عمر بالله شوف الظعط لامجد فريد في تويتر، وشوف تغريدتو تافهة كيف... وفوق تويتر دا انا تاني ما بجي اووووبعلي بصوت ماما اميرة،،
| |
|
|
|
|
|
|
|