بحسب الانتباهة : الشفيع خضر منذ إعلان الحكومة وربما قبل إعلانها خرجت أصوات تتحدث عن ان القيادي المفصول من الشيوعي في 2016م، دكتور الشفيع خضر يعد من ابرز مفكري الحكومة الانتقالية ومن المقربين لحمدوك، وان الرجل يقدم استشاراته لرئيس الوزراء لجهة انه من مجايليه في جامعة الخرطوم، وان كلاهما غادر دار الحزب العجوز مفصولاً او مغاضباً. غير ان الشفيع خضر علق لـ(الانتباهة) حول قربه من حمدوك بالقول هذه الأصوات اعتبرها غير مدركة للحقيقة، وقال من يقولون انني مستشار حمدوك لا يدركون الحقيقة. الشيخ خضر برز مؤخراً اسم الشيخ خضر وانه من المقربين لرئيس الوزراء د. عبدالله حمدوك، وانه يعد بمثابة الساعد الأيمن لحمدوك وابلغ مصدر عليم (الانتباهة) ان الشيخ خضر عُين في منصب مستشار لحمدوك وانه يتواجد بصورة دائمة في مجلس الوزراء، في المقابل تحصلت (الانتباهة) على معلومات شحيحة حول شخصية الشيخ خضر، فان ابرز المعلومات تقول انه من كوادر الحزب الشيوعي، غادر حزبه بمحض ارادته في خواتيم الثمانينات، عمل بوزارة المالية إبان الديمقراطية الثالثة متخصصاً في الاقتصاد، وطبقاً لمعلومات مؤكدة فان الشيخ خضر يفضّل العمل في الظل ولا يجيد العمل تحت الاضواء وربما اكسبته تجربته في الحزب الشيوعي خاصية العمل تحت الاضواء الخافتة، ورشحت انباء ان عمله في منظمة تقدم بعض الاستشارات للبنك الدولي.
..............
تعرف تقول ( طبقى طبق طبقكم ) ههههههههههه هذه هى
............
تحياتى
08-19-2020, 07:05 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23076
والله يا محمد الشيخ هو لحدي هسة ما عمل حاجة تثبت إنه ما قاعد ساي بل مارس سلبية واضحة في قضايا مصيرية أنا شايف موضوع (شلة المزرعة) زي ما بسموها محاولة لإنقاذه من النقد بالحنك الزمان بتاع هو كويس لكن الناس الحوالينه كعبين الثوار ديل يا محمد مشغولين بمعاش الناس ودة ماشي في انحدار مستمر فما لم تعمل حاجة في الجانب دة ما حيرضوا عنك حمدوك الناس ارتضته لأنه اقتصادي مهني يقدر يقيل عثرة اقتصادنا لكن فاجأهم بي إنه عمل حميدتي رئيس الآلية الاقتصادية !!
08-19-2020, 10:53 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا احمد عمر كدي جيب آدم سميث مسكو اقتصاد السودان في الوضع دا وخليه يعوس ليك منو ان شا الله طرقة واحدة! الوضع كالآتي: يسيطر الجيش و المليشيات على اغلب الموارد الممكن تتصدر و تجيب عملة حرة من دهب و ثروة حيوانية و محاصيل اتفاقيات ممتدة لسنوات عديدة تمنح اراضي زراعية و تسهيلات استثمارية للتصدير و تعفي من الضرائب و من توريد حصائل الصادر لشركات اجنبية عشرات بل مئات الشركات عبارة عن اسماء اعمال فقط تمارس التصدير لمرة او مرتين و تغلق او تهرب قبل توريد ما عليها من التزامات تجاه الدولة حدود مفتوحة على بلدان مغلقة وجائعة تجاه كل منتج سوداني أو مستورد ومدعوم من بترول و قمح و ادوية و الجهات المناط بها ضبط الحدود ووقف التهريب لا تخضع لسلطة حمدوك بل و تعمل في الخفاء لإفشال التجربة الديمقراطية على طريق سيناريو مصر و سترى لو لاقدر الله و حكم العسكر كيف سيتوفر كل شيئ من محروقات و دقيق و ادوية و تستقر الكهرباء و ينزل سعر الدولار في غمضة عين تماما كما حدث في بداية عهد السيسي وما تقول لي يطلع يوري الناس الحاصل اي واحد بلعن حمدوك اليوم عارف الحاصل و الغريبة يوم واحد ما سمعناهم انتقدوا البرهان ولا حميدتي
الحاجات القلتها دي كلها واضحة للجميع يا محمد لكن السؤال ما هو دور حمدوك في محاربتها؟ آدم سميث ما بقدر على اقتصادنا معناهو نجدعو لحميدتي؟؟ الشركات الماسكة الاقتصاد دي محتاجة اقتصادي بفهم في القانون التجاري ويكون ماسك أكبر منصب في الدولة عشان يقدر يحسمها .. الحاجات دي كلها اتوفرت لحمدوك ثم قال لينا ارجو حميدتي
حمدوك العندو دكتوراة في الاقتصاد جايب لينا العقلية التحت دي لحل مشاكل السودان الاقتصادية!!
نفيير انت تجيب قدحك وانا أجيب قدحي والمرة المسافرة دبي نوزن دهبها في المطار وكان ما رجعت بيه 10 سنة سجن !!! تخيل معاي زول ماسك منجم جبل عامر وبهرب الدهب بالأطنان داير يحارب تهريب الدهب في يد امرأة مسافرة !!! هسة سنين السجن القالها دي صادقت عليها وزارة العدل ولا سناها في المكرفون طوالي؟
08-19-2020, 11:56 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
الخضران يقال أنهما أخوان .. يا ريت من يؤكد أو ينفى المعلومة (اخوان أشقاء .. ما اخوان التانية)
يا محمد البشرى .. آدم سمث كإقتصادى لو جابوه (وقبل المنصب) حسب صفته التخصصية الإقتصادية، بيحاول يعمل شى فى الإقتصاد بما هو متاح، ما بقعد بتفرج ويفتش الأعذار. حمدوك دا قاعد ساى ومنتظر الفرج قروض تنهال عليه من البنوك وصناديق النقد الدولية. يعنى أساًسأ تكليفه للمنصب خطأ ومفروض تكليف شخص سياسى يستطيع بشغل سياسى تنظيف إسم السودان (بدون خسائر سياسية وسوابق على البلد) .. ولو القروض إنبهلت على السودان ما محتاجين حتى لوزير مالية (مهنى) ، ومحتاجين لمن يستطيع إدارة الدولة فى أمور إقتصادية وغير إقتصادية لتعقيدات السودان المختلفة، ودى حمدوك الشايفنو دا غير مؤهل لها مثل أنه غير مؤهل للملف الإقتصادى. الزول دا ما صادق مع نفسه خليك مع الآخرين والبلد والشعب. لو صادق مع نفسه لما قبل أن يكون رئيس وزراء أو حتى يفكر يكون وزير إقتصاد.
08-19-2020, 12:39 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
مشكلتي مع السؤال دا يا أحمد انو الاجابة النظرية ساهلة جدا, اي أحدهم ممن يجاوب عليها,من فوق التنظير سهل احفر بي جاي ووسع هناك لكن تعال امسك الأزمة أو الكوريك و حتشوف الصورة الحقيقية بمعوقاتها و تحدياتها الغير ظاهرة للناس من برة تصرف واحد عملو حمدوك اقنعني تماما بيه و باستراتيجيته لتحقيق الهدف الرئيس - و ربما الوحيد - المطلوب منه وهو اكمال الانتقال و تسليم السلطة لمدني منتخب هذا التصرف هو موضوع الاستعانة بالامم المتحدة تحت الفصل السادس - المعلن أو الستة ونص كما هو فعلا - هذا التصرف يوريك طبيعة التحديات مع الشريك العسكري و المحاور و القيامة الوراه المتربصة بالثورة و كيف عمل حمدوك لجعل موضوع الانتقال شأنا أمميا سيتم بإذن الله بضمان الامم المتحدة
و الله يا نادر كونك شايفه قاعد ساي و منتظر القروض دا رايك بقى ولا اظن حتى لو حمدوك نفسه جاب قائمة بخططه و محاولاته و ما فعل و ما سيفعل ح تصدقه و تغير رايك, لكن برضو معاك حق الى حد ما ففي النهاية تتحدث النتائج و النتائج القدامنا تغني عن السؤال, لكن بالنسبة لي لن احكم بفشله المطلق بسبب النتائج فقط فأنا ارى الاسباب و العوامل المعوقة لعمله او عمل اي من سيستلم مكانه الحكومة ليها سنة فيها اربعة او خمسة اشهر اغلاق عالمي بسبب الكورونا افشلت كل الخطط المتعلقة بالتعاون الدولي لكن رغم كدا في رايي الاساس لعودة علاقات السودان الدولية ووضعه جيد و يسير ببطء لكن يتقدم
يلا أنا على العكس من كل المنتقدين ما رامي طوبة حمدوك ولا قنعان من خيراً فيه لكن شايف رايح ليه الدرب في الموية واستعداله ما صعب بس هو كيف يقدر يلامس الشارع ويعرف إنه هو صاحب الكلمة وليس الميري
08-19-2020, 12:58 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23076
يازول حمدوك دا أنا من أقاصى البحار قاريوه صح من قبال ما يستلم وظيفته وكان أكثر وضوحا ومكشوف بعد إستلامه .. ياخ أى موظف لو موظف عادى أو مدير أو رئيس تنفيذى لأى شركة أو عمل، مدة إختباره ثلاثة شهور فقط بيتعرف الفيهو يا إستمر يا تمت إقالته لأنه إمكانياته بتبين وممكن يقدم شنو وليس الإنتظار عليه حتى سنة واحدة خليك من أربعة سنوات عشان تقييم النتائج! تستفيد الشركة أو البلد شنو لو بعد أربعة سنوات المحصلة كانت سيئة؟ الإجراء الصحيح أولا التعيين بمعايير صحيحة، والأقالة خيار متوفر فى أى لحظة. الثورةوالبلد ضيعت سنة كيرى ساى مع حمدوك .. إستمراريته ضياع زمن .. وكما ذكرت لك القروض لو جات ليس هو المؤهل للتصرف مثلما هو عاجز الآن فى تصريف أمور كثيرة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدر الدين الأمير
Mahjob Abdalla
ANWAR SAYED IBRAHIM
Deng
MOHAMMED ELSHEIKH
محمد البشرى الخضر
نادر الفضلى
فيس بوك
تويتر
انستقرام
يوتيوب
بنتيريست