|
Re: اربعيني يوجه لكمة خاطفة لزوجته بسبب منادت (Re: محمود الدقم)
|
ونحن كمان نردد وراك اللهم لا نسألك رد القضاء ولكن نسألك اللطف فيه ... بس كمان زوجته دي كانت تقول ليه التدليل ده بالعربي ما بالانجليزي .. ...يعني مثلا تقول ليه يا طفلي الصغير ...يمكن كمان حيقتلها إذا سمعها بالعربي... ..طبعا اتذكرت النكتة بتاعة الزوجة الكانت بتحضر المسلسل التركي..وحفظت كلمات الحب والغرام وقالت تطبقها على زوجها وبقت تقول ليه يا روحي، يا قلبي ، يا حبيبي.. الراجل افتكر ان زوجته جنت....
| |
|
|
|
|
|
|
Re: اربعيني يوجه لكمة خاطفة لزوجته بسبب منادت (Re: اخلاص عبدالرحمن المشرف)
|
Quote: وبالرغم من تدخل شقيقته وإيضاح تفسير تلك الكلمة له على أنها تقال لـ (تدليل) الزوج ، ألا أنه رفض الإنصات لها ،
وبحسب صحيفة السوداني أصر على أن زوجته قامت بنطق تلك الكلمة للتقليل من شأنه والإستهتار به |
يا دقم .. كلمة (بيبي) مثلها مثل كثير من الكلمات بتتحمل التأويل حسب نوعية وجو الحوار الدائر بين الزوجين وحسب تنغيم نطقها .. هنا غايتو (وحسب إنها شكلة ) في الغالب بتكون وردت بصيغة تهكمية .. لكن حكاية ضرب الزوجة دي أنا شخصيا ضدها تماما الراجل يمسك نفسه ويضبط أعصابه فهو القوّام على أهل بيته وكان خلاص شايف إنه زوجته دائمة السخرية منه ودي ما أول مرة .. ولا تصلح له كزوجة فالتسريح بإحسان أفضل ويوافق قدسية الحياة الزوجية والحفاظ على كرامة الزوجة مافي داعي للضرب لانه حيلة عاجز وقليل الفهم ...
| |
|
|
|
|
|
|
Re: اربعيني يوجه لكمة خاطفة لزوجته بسبب منادت (Re: جمال ود القوز)
|
بعدين كلمة (بيبي ) دي بتاعة جيل التسعينات وانت نازل وحسب ما هو أربعيني هذا الجيل لا يناسبه وبينها الكثير من الفوارق وكان بقت موافقه ليهو أي جيل ثمانينيات فده جهل منها ساي دي ما لغتها ولا ده توبها التلبس توب جيلها على الأقل تساير زوجها
هسه أنا كان قالوا لي بيبي وحاة الله بزعل .. خخخخخخ
| |
|
|
|
|
|
|
Re: اربعيني يوجه لكمة خاطفة لزوجته بسبب منادت (Re: نادر الفضلى)
|
Quote: براحة ممكن تكون 20 .. 25 سنة .. |
يكون جنى على نفسه بالزواج منها .. وهي جنت على نفسها لامن وافقت دي هوة اختلاف مهولة لايمكن ردمها حتى الحب ما بردم هوة زي دي .. أمسك لي واقطع ليك كان بي فهم مالو .. غايتو كان بقت من أريافنا بتنجح .. لكين بناتنا حقات الخرطوم والله ولا تغامر تاخد ليك فروجه زي دي .. أكيد ستذهب السكرة وتأتي الفكرة ...
ـــــــــــــــــــــــــــــــــــــــــــــــــــــــ
زي العريس الاتمقلب شايفها طوال فترة الخطوبة وحتى مرحلة الزفاف والحفلة بالمكياج .. لامن الصباح صحت جنبه في السرير عاين ليها - اتهجم ( لقى عبد الرازق نايم جنبه ) خخخخخخخ ....
| |
|
|
|
|
|
|
Re: اربعيني يوجه لكمة خاطفة لزوجته بسبب منادت (Re: ولياب)
|
Quote: عُقد بس ، وفرد عضلات على شريكة حياتو ،،، يا خي لمن تكون في حضن أمك يا بني آدم ،،، أنت بيبي ولمن تكون في حضن زوجتك ( أنت برضو بيبي) . |
نعم متعقد ولو واحد زميلو في الشغل قالوا بيبي ما كان ضربو كثيرين يستقون ويتنمرون علي اسرهم لكنهم مع الاخرين نعامة ليس الا شكرا اخ ولياب
| |
|
|
|
|
|
|
Re: اربعيني يوجه لكمة خاطفة لزوجته بسبب منادت (Re: عزالدين عباس الفحل)
|
Quote: المسكين واقف في صف البنزين ، ونهارو في صف العيش ، وثلاثة يوم في صف الغاز ، وصف المواصلات ، ودافع فاتورة الكهرباء بالتمااااام ، والكهرباء قاطعة ، والمغسة الحارة في جوفو ، بعدين ي Baby الحمد لله برضو ، ما كانت بالضربة القاضية ، |
الاخ عزالدين الفحل دا واجب ودا شغلو يقيف في الصف ويكابد ويعافر من اجل بيته لكن كونو يرجع البيت ويصف جام غضبه علي زوجته دا العيب نتعم الحمدلله ما كانت الضربة القاضية شكرا لك كثيرا
| |
|
|
|
|
|
|
Re: اربعيني يوجه لكمة خاطفة لزوجته بسبب منادت (Re: nour tawir)
|
شكرا العزيزة اخلاص المشرف وشكرا الفضلي الوضع يا نور تور في السودان فعلا بقي يحير للغاية وفي ظل الضغوطات المعيشية الصعبة والفشل التام علي المستوي الشعبي والرسمي كانت الافرازات والنتائج ما نراها الان ماثلة للعيان هنالك انقراض تام لبعض القيم والاخلاق ضرب النساء والطلاق والخيانات الزوجية وهروب رب الاسرة من عياله واختفاءه لمدة تترواح الاربعة سنوات و اكثر اعرف جار لي بكامل قواه العقلية ترك البيت فجاءة واختفي وعثر عليه بعد اربع او خمسه سنوات في احد الولايات او الاقاليم والسبب خلافاته المستمرة مع زوجته وعندو اربعة بنات تقريبا وغيرها من القصص التراجيدية الاخري قبل الاكل والشرب نور تاور نحنا في اشد الحوجة لاطباء واخصائيين نفسيين بصورة ملحة شكرا للجميع بدون فرز
| |
|
|
|
|
|
|
Re: اربعيني يوجه لكمة خاطفة لزوجته بسبب منادت (Re: جمال ود القوز)
|
Quote: يا دقم .. كلمة (بيبي) مثلها مثل كثير من الكلمات بتتحمل التأويل حسب نوعية وجو الحوار الدائر بين الزوجين وحسب تنغيم نطقها .. هنا غايتو (وحسب إنها شكلة ) في الغالب بتكون وردت بصيغة تهكمية .. لكن حكاية ضرب الزوجة دي أنا شخصيا ضدها تماما الراجل يمسك نفسه ويضبط أعصابه فهو القوّام على أهل بيته وكان خلاص شايف إنه زوجته دائمة السخرية منه ودي ما أول مرة .. ولا تصلح له كزوجة فالتسريح بإحسان أفضل ويوافق قدسية الحياة الزوجية والحفاظ على كرامة الزوجة مافي داعي للضرب لانه حيلة عاجز وقليل الفهم .. |
سلام ود القوز: كلمة بيبي دي بقت عبارة مشهورة ومتداولة بكثرة وسط الناس وتعني حبيبي والانكليز اختصرو الكلمة وبقول بييب بدلا بيبي، لكن المشلكة في كثير من المجتمعات السودانية وليس كل المجتمع انو المراة لو تغزلت في زوجها بقوم الزوج (وليس بالمطلق بطبيعة الحال) اعتبار انو المراه دي طلعت من طورها وبقت تتعلم كلام المسلسلات التركية والمصرية وحان الاوان لتاديبها من جديد عن طريق الضرب، وكذلك المراة لو زوجها قال ليها كلمة غزل بتعتبر انو اتغير وممكن عامل علاقة مع واحدة اخري ومبسوط\ وجاي يمثل عليها دور الخ اتفق معك في بقية كلامك وتسلم كثيبر
| |
|
|
|
|
|
|
Re: اربعيني يوجه لكمة خاطفة لزوجته بسبب منادت (Re: امتثال عبدالله)
|
Quote: ونحن كمان نردد وراك اللهم لا نسألك رد القضاء ولكن نسألك اللطف فيه ... بس كمان زوجته دي كانت تقول ليه التدليل ده بالعربي ما بالانجليزي .. ...يعني مثلا تقول ليه يا طفلي الصغير ...يمكن كمان حيقتلها إذا سمعها بالعربي... ..طبعا اتذكرت النكتة بتاعة الزوجة الكانت بتحضر المسلسل التركي..وحفظت كلمات الحب والغرام وقالت تطبقها على زوجها وبقت تقول ليه يا روحي، يا قلبي ، يا حبيبي.. الراجل افتكر ان زوجته جنت.... |
العزيزة امتثال سلامات مهما كاانت المبررات ومهما كانت الاسباب ما عندو حق ابدا يوجه لكمة لزوجته لانو فعلا اثبت انو طفل احمق ليس لا مشكلة العواطف والود بين الازواج السودانيين متدنية خااااالص ان لم تكن معدومة في الشارع العام تجد الزوج والاطفال ماشين قدام والام متاخرة ماشي وراء يعني نحن مطبقين التباعد الاجتماعي منذ الحكم التركي 🤣🤣 شكرا كثيرا اخت امتثال
| |
|
|
|
|
|
|
Re: اربعيني يوجه لكمة خاطفة لزوجته بسبب منادت (Re: محمود الدقم)
|
سلام أخي محمود طرح أخونا نادر نقطة هامة جداً Quote:
يا ود القوز الزوج أربعينى .. لكن المسكينة دى ممكن من جيل التسعيناات وإنت طاع |
فعلاً الوضع راح يكون كما وصفه نادر. لم أكن اصدق أن امرأة في الثلاثينات يمكن أن ترتبط برجل في الخمسينات أو الستينات حتى عايشت هذه الحالة ليس مرة واحدة بل أن أكثر من مرة، كنت عندما اسمع بمثل هذه الزيجات كنت اكذبها لأني لا اعتقد بوجود نساء بمثل هذا الغباء، المشكلة إنها زيجات محكوم عليها بالفشل في الغالب رغم محاولات الترقيع. ما الذي يدفع النساء لقبول مثل هذه الزيجات؟
| |
|
|
|
|
|
|
Re: اربعيني يوجه لكمة خاطفة لزوجته بسبب منادت (Re: Fatima Alhaj)
|
Quote: سلام أخي محمود طرح أخونا نادر نقطة هامة جداً Quote:
يا ود القوز الزوج أربعينى .. لكن المسكينة دى ممكن من جيل التسعيناات وإنت طاع
فعلاً الوضع راح يكون كما وصفه نادر. لم أكن اصدق أن امرأة في الثلاثينات يمكن أن ترتبط برجل في الخمسينات أو الستينات حتى عايشت هذه الحالة ليس مرة واحدة بل أن أكثر من مرة، كنت عندما اسمع بمثل هذه الزيجات كنت اكذبها لأني لا اعتقد بوجود نساء بمثل هذا الغباء، المشكلة إنها زيجات محكوم عليها بالفشل في الغالب رغم محاولات الترقيع. ما الذي يدفع النساء لقبول مثل هذه الزيجات؟ |
وعليكم السلام اخت فاطمة الحاج اعتقد ان فارق العمر ليس مشكلة يعني فرق عشرين سنة او خمسة عشرة سنة المهم التوافق الفكري والمزاج الغريب انو في بعض البنات بحب الناس المتقدمين في العمر قال ايه قال تجارب في الحياة عندهم كبيرة هناك حالات لناس يوجد بينهم فارق العمر ومتوافقين وهناك العكس، طبعن الفارق لازم يكون معقول يعني ما ممكن شخص عمرو خمسة وخمسين سنة يتزوج واحدة عمرها عشرين سنة او خمسة عشرين سنة صعبة شوية. لكن الظرف الاقتصادي الطاحن وعدم حلول الامور بشكل عقلاني النتيجة بتكون ماساوية شكرا لك مرة اخري العزيزة فاطمة
| |
|
|
|
|
|
|
|