|
|
|
 Re: ***** حمدوك قعد يرجف رمى الجوكر بايظ ***** (Re: ABUHUSSEIN)
|
لاعبين ويست
اللعبة ماشة علي إسنا
آخر ورقتين
اللاعب رمى آتو علشان الناس تبوش و عندو كرت لكن ما سنير
صاحبنا شايل ورقتين وحدة في يدو اليمين و التانية في يدو الشما و السيجارة في خشمو
الجماعة هرشو ارمي بايظك ......
المراقة عندو لكن ما عارفة ياتا فيهم
هرشو تاني
رمى ليهم السيجارة بايظ ....
😂😂😂😂😂😂😂😂😂😂
| |
 
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: ABUHUSSEIN)
|
Quote: حمدوك وعد بتنفيذ مطالب الثوار خلال اسبوعين وباقي يومين ولم ينفذ اي مطلب.
طلب من الولاة العسكريين عدم تقديم استقالتهم والبقاء في مناصبهم.
أطاح بأكفاء وزيرين.
يكون راقد لو فوق رأي!. |
راي شنو يا عارف ياخ .... ؟؟؟
دا لعب زول كيشة .....
صدقني بفك الخمسين و يقعد يتلفت زي الطيرة .... 😂😂😂😂
| |
|
|
|
|
|
|
|
|
 Re: ***** حمدوك قعد يرجف رمى الجوكر بايظ ***** (Re: ABUHUSSEIN)
|
حبيبنا ابوحسين .. تحياتي
رئيس المنظومة في الدولة أوالشركة أو أي منظومة
دائماً ما يختار نوع الناس الأقل كفاءة كي لا يخطف الاضواء منه
أو يتفوق عليه .. الرئيس دائما يفضل الموظف السهل التدجين والضعيف الشخصية
ما في رئيس يحب الفرد الذي يتفوق عليه ويجذب الاضواء ويكون صاحب الكاريزما
( خاصة امثال أكرم والبدوي )
تحياتي الحبيب أبوحسين
| |
|
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: علي عبدالوهاب عثمان)
|
Quote: دائماً ما يختار نوع الناس الأقل كفاءة كي لا يخطف الاضواء منه
أو يتفوق عليه .. الرئيس دائما يفضل الموظف السهل التدجين والضعيف الشخصية |
الكلام دا في منظمة الشهيد أو هيئة الذكر أو مؤسسة رعاية الأزيار و بيع البطاطس ممكن يا عمك علي
مدارس الادارة الحديثة ما فيها كلام زي دا
اي قائد ناجح بعرف أنو الـ most valuable assets هو التيم العنده, و من مهامه و نقاط قوته انو يعمل ليهم تطوير و تحفير ويدفع بيهم للأمام
يا الو حسين بالله ما تعمل لينا خوتة
عليك النبي شكلة أكرم مع البدوي وحركات الشفع البعملها دي وبيانات كلمتكم أنا ما مسؤول مش ترميه بايظ تلتين مرة
| |
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: منتصر عبد الباسط)
|
Quote: دائماً ما يختار نوع الناس الأقل كفاءة كي لا يخطف الاضواء منه
أو يتفوق عليه .. الرئيس دائما يفضل الموظف السهل التدجين والضعيف الشخصية |
لا طبعاً
سأحاول استقطع لك جزء كنقاط مختصرة من كلام طويل
لـ دكتور أحمد الطيب ابراهيم استشاري جراحة الكلى والمسالك البولية في تأريخ 10/7/2020
بدأ كلامه بعبارة ((الشردن خلهن أقرع الواقفات) موجهاً كلامه للسيد رئيس الوزراء
ثم قال بعد مقدمه لطيفة لم يتحامل فيها على وزير الصحة المقال أكرم التوم
لكنه في مضمون كلامه اللاحق كشف أين كان يكمن الخلل البالغ الضرر الذي كانت ينتهجه
أكرم علي التوم
وهو فيما يلي :
قال :
Quote: .سأكتب بالدارجي البسيط لسعادة الوزير الجديد قبل أن يستلم لأنه بعد ح يكون داير الناس تسمعوا
هو فقط ويعملو بي رايه هو بس... ما نحن أصلا من طينة واحدة
أولا:
لازم تعرف ياسعادة وزار الصحة دي كل راس مالها في السودان هو الكوادر
الصحية ، لو قدرت تحتوي معظم الكوادر الصحية ح تحل مشاكل الصحة
بقدر معقول واقلاها ما تدخل معاهم في صراعات...
ثانيا :
لازم تعرف وزير يعني قائد والقائد الفذ هو البقود جيشه
كله مع بعض بدون ميول لجهة معينة ولازم تعرف أنه لو فقدت جيشك
لا رئيس وزراء بحلك ولا لجان مقاومة ولا مطبلاتية
ثالثاً:
لازم تعرف إنو الجندي الفي الميدان هو البحدد المعركة الأنت خائضها
(( وأنا لما أقول معركة ما قاصد بيها تقوم تجي تقرب الناس الكانوا ضد أكرم
عشان يضربوا الكانو معاهو...أنا بقصد معركة الصحة وتقديم خدمة مرضية للمواطن))
زمان كنا بنقول خدمة للإنسان البسيط
لكن في زمن أكرم انعدمت الخدمة للمواطن الفقير والغنيان لحدي سواء
..فقد توقفت الخدمة في المستشفيات الحكومية والخاصة نتيجة للتخبط في اتخاذ قرارات
مهمة، ما كان لها أن تحدث لو اتخذت بمشورة
إلى آخره ................................
دكتور أحمد الطيب ابراهيم استشاري جراحة الكلى والمسالك البولية
|
المقال طويل
| |
|
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: منتصر عبد الباسط)
|
Quote: الكلام دا في منظمة الشهيد أو هيئة الذكر أو مؤسسة رعاية الأزيار و بيع البطاطس ممكن يا عمك علي
مدارس الادارة الحديثة ما فيها كلام زي دا
اي قائد ناجح بعرف أنو الـ most valuable assets هو التيم العنده, و من مهامه و نقاط قوته انو يعمل ليهم تطوير و تحفير ويدفع بيهم للأمام |
لكن يا دفعة القائد الناجح ده منو؟
كلام عمنا علي عبدالوهاب صحيح
وفي الحقيقة من تشكيلة الوزارة الاولي واضحة
انها بطاطس وازيار
| |
|
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: MOHAMMED ELSHEIKH)
|
Quote: البلد ذاتا زي البوست دا يا ابو حميد
لا عارفنها لاعبة حكم الشايب ول حريق ول ويست ول هارت
والخوف في النهاية تطلع كش الولد |
ما بحب لمات الكوتشينة والنوادي
جاتني إجازة جامعة طويلة كدي بمشي نادي الحلة آخر الليل بعد الصعاليك يتراوحوا لحدي ما ألقى الأطرش ومعاهو نفر نفرين
مصاحب الأطرش عشان ما قاعد يتلفظ ويسب دين :)
الأطرش حريييف لمن بهناك وانا بكاويهو مكاواة شديدة لمن يجوط بي كرعينه ويدينو
يوم مشيت لقيته معاهو دفعتي من الحلة طوالي كعادتي مسكت الورق شكيتو وبي حركات ذا النون ديك تعالوا نطقطقكم يا فارات .. أصلاً أنا لعبي في خشمي 
خليتهم غفلوا بتبادلوا في سفة وزغمت لي جوكرين تحت في كرعي
لمن جيت أوزع الأطرش قال لي ما توزع للتالت نلعبها أنا وانت راس .. داك قعد يضحك قال لي ألعبوا أنا بنتظركم
وزعت لي نفسي ناقص ونزلت الورق كلو تحت التربيزة بي حرفنة كدة دخلت الجوكرين
بجهز في الورق وشغال تخويف في الأطرش الليلة بجرك الليلة بتلقى التربيزة دي كلها فوق راسك
وحاتكم ما تمن خمسة بوايظ لقيت الكوتشينة كلها في وشي .. جراني 50 سمعوها الجيران
الموضوع حرقني قلت ليه يلا وزع هسة بتسداها
مسك الورق شكاهو وطلع جوكرين وبي لغة الطرش أشر لي : هاك ديل دسهن في كرعيك تحت
تالتنا قعد يضحك لمن شرق قال لي من قبيييل ونحن بنسف الأطرش أشر لي قال لي أحمد سرق جوكرين لكن بي جواكره دي بخمه
____
دايماً في سياسي سارق الجواكر والعارفين مطنشين بي مزاجهم لكن أول ما يهبشهم بلقى الورق في وشه وجواكره مفضوحة
| |
|
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: ABUHUSSEIN)
|
Quote: حبيبنا ابوحسين .. تحياتي
رئيس المنظومة في الدولة أوالشركة أو أي منظومة
دائماً ما يختار نوع الناس الأقل كفاءة كي لا يخطف الاضواء منه
أو يتفوق عليه .. الرئيس دائما يفضل الموظف السهل التدجين والضعيف الشخصية
ما في رئيس يحب الفرد الذي يتفوق عليه ويجذب الاضواء ويكون صاحب الكاريزما
( خاصة امثال أكرم والبدوي )
تحياتي الحبيب أبوحسين |
حبيبنا ابو علوة
خلاصة القصة حمدوك ضعيييييييف
| |
|
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: ABUHUSSEIN)
|
Quote: ههههه
ما تخليني أقوم أتهور وأجيب كلام الراجل أبو دقن طويلة
الرد على الكلام دا
وتبقى لي بي رفدة نهايية من البورد 😂😂
قاليهو عرقي معفن يا ككـ.............هههه
وسعادة الفـ.............. لو لقاك في ز..... ميت ههههه
إلخ...ههههه |
اخد راحتك و جيب البريحك ....
| |
|
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: ABUHUSSEIN)
|
Quote: الزول دا لاعب هارت واكلوه بت الاسود
الحريق الجوكر ما بقع وما ببقى بايظ
وفي الوست ما بعرف يبوش صاح
ولو قعد بى برة ما بمسك خشمو |
القال ليك منو الجوكر ما بقع بايظ ؟؟؟؟
زماااااان الناس كتيرين و البطلع عايز ليه ساعات علشان يلعب تاني
و القيم مسخن و البره يتحاومو عشان يطمأنو
صاحبنا محمد مسكوه و البره قالو حرقت
محمد قال ليهم ما حرقت احسبوها
لاعبين بالزملان و الجوكر بتحسب خمسين
البره قالو محمد عندو جوكر
محمد قال ليهم :- رميتو زمااااااااااان 😂😂😂😂😂
| |
|
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: ABUHUSSEIN)
|
| Quote: زول يسرق جوكرين ويترش من خامس بايظ ويحكيها ويضحك كمان ؛) |
هي بقت علي أنا!
ما الوزراء بتاعيننا كلهم لعبوها في الداخليات والمكاتب مع الأكاديميين الرايقين الخمسينهم جرة الكرت مسافة 5 سنت .. وأول ما خشوا أندية الحواري لقوا الكوتشينة الما خمج الخمسينها بتشتت الورق 10 امتار والنادي كلو يكورك فيك لقط لقط
| |
|
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: ABUHUSSEIN)
|
Quote: ياخي زاتو الناس القاعدين برة ديل ما بيخلوا الزول يركز في ورقو
فك دا
ارمي دا
ما تمسك الورق السغار
ورجغة بس |
اولاد عمتي بلعبو حريق و معاهم اصحابهم كتيرين
كل شوته يقومو 5 و يقعدو 5
الحريق مسخن قامو ال5 و قعدو اللي بعدهم
شكو الكوتشينة
البقطع منو يا جماعة ؟؟؟؟؟
بقطع فلان
وينو ؟؟؟
بصلي
فلان في نص الصلاة قال ليهم :- شوت شوت
😂😂😂😂😂😂😂😂😂😂😂
| |
|
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: محمد البشرى الخضر)
|
Quote: ما بحب لمات الكوتشينة والنوادي
جاتني إجازة جامعة طويلة كدي بمشي نادي الحلة آخر الليل بعد الصعاليك يتراوحوا لحدي ما ألقى الأطرش ومعاهو نفر نفرين
مصاحب الأطرش عشان ما قاعد يتلفظ ويسب دين :)
الأطرش حريييف لمن بهناك وانا بكاويهو مكاواة شديدة لمن يجوط بي كرعينه ويدينو
يوم مشيت لقيته معاهو دفعتي من الحلة طوالي كعادتي مسكت الورق شكيتو وبي حركات ذا النون ديك تعالوا نطقطقكم يا فارات .. أصلاً أنا لعبي في خشمي
خليتهم غفلوا بتبادلوا في سفة وزغمت لي جوكرين تحت في كرعي
لمن جيت أوزع الأطرش قال لي ما توزع للتالت نلعبها أنا وانت راس .. داك قعد يضحك قال لي ألعبوا أنا بنتظركم
وزعت لي نفسي ناقص ونزلت الورق كلو تحت التربيزة بي حرفنة كدة دخلت الجوكرين
بجهز في الورق وشغال تخويف في الأطرش الليلة بجرك الليلة بتلقى التربيزة دي كلها فوق راسك
وحاتكم ما تمن خمسة بوايظ لقيت الكوتشينة كلها في وشي .. جراني 50 سمعوها الجيران
الموضوع حرقني قلت ليه يلا وزع هسة بتسداها
مسك الورق شكاهو وطلع جوكرين وبي لغة الطرش أشر لي : هاك ديل دسهن في كرعيك تحت
تالتنا قعد يضحك لمن شرق قال لي من قبيييل ونحن بنسف الأطرش أشر لي قال لي أحمد سرق جوكرين لكن بي جواكره دي بخمه
____
دايماً في سياسي سارق الجواكر والعارفين مطنشين بي مزاجهم لكن أول ما يهبشهم بلقى الورق في وشه وجواكره مفضوحة |
الزول دا كل ما يلقى ليه بوست بتاع واحد طيب و مسكين زي كدا يجي يحكي ليك قصصو البايخة دي
قايل نفسو نجيب محفوظ .. ؟؟؟؟؟
| |
|
|
|
|
|
|
|
|
|
Re: ***** حمدوك قعد يرجف رمى الجوكر بايظ ***** (Re: ABUHUSSEIN)
|
Quote: بالعمس حمدوك حريف! بس انت سياستك زي كوشتينتك!
اديك هنتين على حرفنة حمدوك
أولا اقالة والي الخرطوم و التانية السمبك الركبو في البرهان بتوقيعه على قانون العرقي! |
يا زول هوي عرقي شنو و والي شنو ؟؟؟
في موضوع د. اكرم دا و حربه ضد مافيا شركات الدواء و المستشفيات الخاصة طلع اي كلام .....
| |
|
|
|
|
|
|
| |
ABUHUSSEIN
Arif Nashed
علاء سيداحمد
عبدالحفيظ ابوسن
Mutasim Idris
علي عبدالوهاب عثمان
محمد البشرى الخضر
منتصر عبد الباسط
Ahmed Yassin
Hafiz Bashir
MOHAMMED ELSHEIKH
HAIDER ALZAIN
فيس بوك
تويتر
انستقرام
يوتيوب
بنتيريست