|
|
|
 Re: منو المتكيف زينا لطرد المصريين من الكويت (Re: احمد حمودى)
|
تحياتي الحبيب عثمان
هم كانوا عالقين واحتجاجهم كان لتسريع تسفيرهم الى مصر
العكس الكويتين قدموا ليهم خدمة ما كانوا يتوقعونها
لينا في الخليج سنوات طويلة
الجليجيين يعملوا ألف حساب للمصريين
لأن الاعلام المصري خطير جداً .. ومواقع التواصل كذلك
حتى كعمالة ومعاملة الشرطة والكفيل مختلف عننا كثير
تعرف عمرو اديب كان متخصص في شتم الخليجيين
اتقاءاً لشره منح عقد 2 مليون دولار في قناة ام بي سي
وزوجته لميس كمان بعقد اكبر
مرتضى منصور تم استقباله كالرؤساء
ودعوة لحضور منافسات يكون في المقصورة
تحياتي الحبيب عثمان ..
| |
 
|
|
|
|
|
|
|
|
Re: منو المتكيف زينا لطرد المصريين من الكويت (Re: Mohd Ibrahim)
|
Quote:
أخونا دفع الله
سلام
ياخ الافندية الماسكين وزاراتنا مساكين وما بيعرفوا سياسة كلوكلو.
يادفع الله ياخ سيل الجمال والبقر شوف عيني لسع ماشة . اتفاقيات الانقاذ
مافيها ولا أي تغيير .
في دي نفس السرقة الزمان .
في دي لم تسقط بعد.
تخيل ؟
|
تخريمة تاني يا عصمان:
● هن جينا للحق نحنا زاتنا كشعب غالبنا النسويو. ناس
اللنغاظ لامن كان بصدرو أناتي قلنا بينكطع نسل المواشي.
رجعو يصدرو ضكور ؛ لاقتم واحدة في سواكن شافت الباخرة
مليانة تيوس جدعت توبا هنوك و لمت في بشة دعاسف و قرش
يا الرسلتو رجالنا للجنوب قرضتوهم في ساكات فداكم و رملتونا .
كمان هسة مقبلين على تيوسنا عاد نقبل على وين تاني نحنا !!!
| |
|
|
|
|
|
|
|
|
|
Re: منو المتكيف زينا لطرد المصريين من الكويت (Re: دفع الله ود الأصيل)
|
Quote:
احسن الايام دي نركزعلي انفسنا ونحاول نتسغل فرصة اقتصاد الكورنا للخروج من ازماتنا ..المصريين مابنقدر نلحقهم نحنا هسي ..ديل عندهم مليون خريج كل عام جاهزين لسوق العمل ..اقتصاد الخليج البشري قايم علي المصريين والهنود ..
دا واقع تفرضو الارقام .. |
شكرا استاذ محمد .
طيب بعض السودانيين يكثرون من الحديث عن "حب" الخليجيين للسودانيين ..
كيف نوفّق بين ما ذكرته اعلاه بحديثك عن الارقام، وبين "حب الخليجيين للسودانيين"؟؟؟؟
| |
|
|
|
|
|
|
|
|
Re: منو المتكيف زينا لطرد المصريين من الكويت (Re: osama elkhawad)
|
Quote: شكرا استاذ محمد .
طيب بعض السودانيين يكثرون من الحديث عن "حب" الخليجيين للسودانيين ..
كيف نوفّق بين ما ذكرته اعلاه بحديثك عن الارقام، وبين "حب الخليجيين للسودانيين"؟؟؟؟ |
اكون واضح معاك .اخي اسامة وانا موجود في الخليج منذ 20 عاما ..الخليجيون لايحبون احدا ولكنهم يفضلون التعامل مع جنسية دون الاخري ..مثلا يتعاملون مع السودانين بامان لانهم مساكين ومن السهل استغلالهم اواكل حقوقهم ... خاصة انه لاتوجد لديهم دولة او اعلام يخافونة ...
الموضوع بتاع الحب هو عبارة عن sugar coating لكلمة الاستغلال ...طبعا توجد استثناءات لهذة القاعدة ولكنها ضيقة جدا ..
| |
|
|
|
|
|
|
|
|
|
Re: منو المتكيف زينا لطرد المصريين من الكويت (Re: Mohd Ibrahim)
|
Quote: مثلا يتعاملون مع السودانين بامان لانهم مساكين ومن السهل استغلالهم اواكل حقوقهم ... خاصة انه لاتوجد لديهم دولة او اعلام يخافونة ...
الموضوع بتاع الحب هو عبارة عن sugar coating لكلمة الاستغلال ...
طبعا توجد استثناءات لهذة القاعدة ولكنها ضيقة جدا .. |
هذا ما جال بخاطري حينما سألتك..
شكرا اخي محمد على "واقعيتك"...
| |
|
|
|
|
|
|
|
|
|
Re: منو المتكيف زينا لطرد المصريين من الكويت (Re: osama elkhawad)
|
انت حرر السودان من المهرولين ومن صتعتهم المشاريع المصرية القذرة في السودان وفرضتهم بي الانفلابات لحدي هسة
وارجع لي مشاريعك الوطنية في حدود 1يناير 1956 فقط وبي علم الاستقلال
اراضي السودان كلها منهوبة من دول الخليج ومصر والبعثي والشيوعي والناصري يذر لينا في الكيزان
https://top4top.io/
ترجع لي جيل الاستقلال الذهبي او تكل نيم
المخابرات المصرية ماسكة اللجنة الامنية وكعوك الجيش والامن وجماعة مايو لحدي هسة والدولة المركزية الغبية والمحاصصة
نظف السودان اول حاجة وشوف بنوك والشراكات الامنية والجيس وصلاح قوش وبن عوف القاعدين ليك في مصر ويديرو السودان بي خمسة جنرلات في المركز و17 في الاقاليم بالوضع الشاذ ده لحدي هسة
لا شماتة في المصريين
بي\س زح من مصر والخليج وشوف مواردك المهولة واديرا بمؤسسات والدولة الديمقراطية والفدرالية ده الحل
| |
|
|
|
|
|
|
|
|
|
Re: منو المتكيف زينا لطرد المصريين من الكويت (Re: نادر الفضلى)
|
السلام عليكم
ليس المقصود بالقرار ، المصريين وحدهم . بل كل الجنسيات الاخري .
هو مشروع تقدم به نائب بالبرلمان ، بخصوص قلة اعداد المواطنين الكويتين ، مقارنة مع عدد الجنسيات الاخري بالكويت .
وضح في مشروع القرار ، نسب للجنسيات الاخري الموجودة ،والتي يسمح لجزء منها بالبقاء في الكويت ، والمصريين لديهم نصيب فيها ، وذكروا بالاسم .
للاسف السودان غير مذكور في اي من القوائم التي يشملها القرار .
| |
|
|
|
|
|
|
|
|
|
Re: منو المتكيف زينا لطرد المصريين من الكويت (Re: Osman Musa)
|
Quote: الأخ حمودي سلام
تلقاهم الآن في أي ملف في السودان.
ياخ في غرب امدرمان عاملين المزارع المحمية وزارعين
النبق الفارسي والعنب . وشبعانين شبع .
وكلو تمليك . تمليك عديل |
و دي مشكلتهم هم يا عثمان ؟
و بالمقابل في كم مليون سوداني عايشين في مصر ؟
بصراحة شتم او الشماته على شعب باكمله كلام غير مقبول ..
| |
|
|
|
|
|
|
|
|
|
Re: منو المتكيف زينا لطرد المصريين من الكويت (Re: يحي قباني)
|
حبيبناعثمان تحياتي
ما كل المصريين بالصورة دي
في مناطقنا في الشمالية منطقة شمال دنقلا
كان الصعايدة يجوا للزراعة بالقسمة
عمنا ابوالحسن ، ودسوقي ، وفوزي وكثيرين لا أذكر اسماءهم
واشهرهم كان ناس أبورواش ومازالت زريتهم باقية اليوم
أذكر في مزرعتنا على الطريق البهائم تهجم على الزراعة جاء فوزي الصعيدي
ونصح الوالد بشتول (طماطم اسود ) احضرها بنفسه وزرعها أول مرة أعرف البهائم تهرب من الطماطم الاسود
كانوا احسن ناس علموا ناسنا زراعة الخضار ( الجزر ، والفلفل الاخصر والنبجر ) حتى المنطقة أهلنا سموها الامبابة والى اليوم
تصدق الكلام ده من قبل ستين سنة ..
الآف اليوم باعوا منازلهم في الخرطوم واستقروا في مصر .. حتى الاطباء عندنا يقولوا ( سافر مصر )
ليس دفاعاً عن الحكومة المصرية والاعلام المصري ولكن هذا ماعيشناه
ليس كل الشعب مصري هكذا .. وربما نحن كان لنا تواصل معهم من زمان
| |
|
|
|
|
|
|
| |
Osman Musa
دفع الله ود الأصيل
احمد حمودى
علي عبدالوهاب عثمان
Mohd Ibrahim
osama elkhawad
adil amin
نادر الفضلى
Hasheem Karouri
يحي قباني
فيس بوك
تويتر
انستقرام
يوتيوب
بنتيريست