علاء امبس .. تحياتي .. سيرناقمي عثمان حميدة .. يا علاء زول ودبلد اصيل كان في الرياض لفترة طويلة وترك الغربة إلى البلد عثمان يغني من دواخله اندماج كامل مع اللحن والكلمة شارك معنا احياء كثير من الليالي النوبية في جدة وخاصة في ليالي رابطة دنقلا الكبرى شكرا علاء .. الايامات دي نحن في حبس الكورونا الشغل هين لكن المشكلة عدم التواصل طبعا الخميس والجمعة لازم جمعيتنا وجمعية كرمة ، وسقدان وسلنارتي ومشو حتى الغداء يوم الجمعة للعزابة ما في حظر تجول و الآن حبس منزلي
04-09-2020, 09:33 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
عثمان حميدة ذكي جداً وعميق استفاد من لحن الاغنية الاغنية التراثية ( آمنة بوروشوت ) هي اغنية تراثية شاعرها غير معروف وهي بالدنقلاوية .. تماما مثل اغنية ( سبو الليلي ) با لمحسية
تحياتي علاء امبس ..
04-09-2020, 10:21 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: عثمان حميدة ذكي جداً وعميق استفاد من لحن الاغنية الاغنية التراثية ( آمنة بوروشوت ) هي اغنية تراثية شاعرها غير معروف وهي بالدنقلاوية .. تماما مثل اغنية ( سبو الليلي ) با لمحسية
كلامك سليم وفى محلو يا ابو علوة .
04-09-2020, 11:16 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
علاء امبس .. الفن وخاصة الغناء مهم جداً في الحفاظ على التراث وكذلك مفردات اللغة النوبية ملاحظ أن الشباب صغار السن يطربون للاغاني النوبية واصبحت ثابتة في المناسبات وحفلات الزواج .. وا صبح هناك تنافس بين عشرات الفنانين آخر حفلة كانت عندكم في كرمة في ساحة الدفوفة في افتتاح فندق ( استراحة) وتكريم للرائع شارلي بونيه حتى المسرح كانت الخلفية صورة مكبرة لشارلي بونيه ليلة نوبية وكان شارلي بونيه في قمة الطرب .. ممكن تلقى الليلة في قروبات كرمة يا ريت تنقل الفيديو .. اليوم شباب في مقتبل العمر يرددون الشعر النوبي والغناء بجودة عالية لغة ولحن .. فقط لو قليلا تخلصوا من آالة الأورغان .. وزي أهلنا الشايقية بالطنبور
وبدأ شبابنا يردد أغاني تراثية من قبل أكثر 200 سنة تقريبا ( آمنة بوروشوت ) وأقدم منها اغنية سبو الليليي
وهذه الاغاني من أجمل الألحان التي كونت وجدان الخليل ووردي وغيرهم من المبدعين وحتماً انها على انغام التراتيل الكنسية التي كانت سائدة في المنطقة حتى عام 1550م لأن اللحن متناغم مع كل مكونات المنطقة من الانسان والنخيل والنيل والمراكب والرواويس
تحياتي علاء امبس .. عالم جميل ..
04-09-2020, 11:20 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
يا سلام يا علاء .. أيقظت مشاعر دفنت من زمن الطفولة .. كنت اسمع عمي رحمه الله كثيرا ما يترنم بها ..
Quote: الاغنية التراثية ( آمنة بوروشوت ) هي اغنية تراثية شاعرها غير معروف وهي بالدنقلاوية
دي معلومة صحيحة استاذ علي أمبس .. فعلا تم تركيب بعض الكلمات الجديده على اللحن .. والمشهور أن شاعرها ومغنيها روايسي من قرية كودي.. أيضا تغنى بيها الفنان (حبيب مشو) واعتقد هو أول من أحياها بهذه الكلمات.. التحية له وللفنان الصاعد بقوة عثمان حميدة ولكم.
04-09-2020, 11:47 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
مولانا الملك شكرا على الفيديو .. اصالة وجمال هناك أغاني تنسب للرواويس ومنها اغنية قديمة لم تكن منتشرة ..
في جلسات الدكاي كان خالي يرددها دائماً ( بيوض ألييه .. كملي كلوسا ) .. الترجمة ( قمح بيوض .. أكله البعير ) ويقال ان هناك كانت حسناء من قرية ( بيوض ) وكانت مشهورة وفاتنة وقد أحبها أحد الرواويس طبعاً حب من جانب واحد لأن الرواويس اجتماعياً كانوا من الطبقة الدنيا وتزوجت من شخص قيل انه لم يكن من الوسامة ليستحق هذه الفاتنة .. فكانت الاغنية ( بيوض إلييه .. كملي كالوسا ) وطبعاً تشبيه الحسناء عندنا بالقمح ( إلييه ) لما له من قيمة ولوناً معروف لدينا وهي ذروة الجمال ولكن هذا العاشق المتيم يتحسر على الحسناء .. بأن هذا القمح الجميل أكله هذا الحيوان القبيح ( الابل ) والمعروف ان الجمل لدى الترابلة وفي ثقافتهم تمثل القبح شكلا وسلوكاً لأن الجمل سلوكه غير مرتب ويتلف الزرع ولا يمكن ردعه حتى بالضرب فهو عدو التربال .. لذا جاء الوصف لذلك العريس بأنه كالبعير ( وحرام ان يأكل هذا القمح الجميل ذلك البعير )
الحبيب علاء .. يا أخي ذهبت بنا إلى جلسات البوقانا والنمه والكلقيه .. فكانت تواصل الاجيال .. اللهم أرحم هؤلاء مثواهم الجنة ..
تحياتي مولانا الملك .. يا سلام ..
04-10-2020, 00:39 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
التحية للاستاذ علي عبد الوهاب الاستاذ النخضرم مربي الاجيال في ربعنا الجميل ، فاساتذتنا دائما محل تقدير و إلا الان اكن تقديري لكل من درسوني حرفا وكانوا حرصا ان اتعلم ، فلك التحية يا اخ علي يا من احترقت كالشمع لتضيء للآخرين
04-10-2020, 05:06 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
====================== قباني الحبيب الحبيب الجميل لم انتظر علاء صاحب البوست أمدرمان اجمل بقعة في الوطن يا قباني فيكم جينات كل السودان .. متفردين في كل شيء فن وكورة وابداع
تحياتي الحبيب قباني
04-10-2020, 10:52 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
تخيل هدوء البيئة عندنا مع حركة سعف ا لنخيل مع تيارات الهواء صوت السواقي .. حسب الرواية الاوربي كان ضمن جيش اسماعيل باشا أو ( كيتشنر ) لا أذكر المهم عندما وصلوا حلفا لم ينام الليل من شدة ما أطربه صوت السواقي امة تعاقبت عليها كل الديانات السماوية .. ومازالت لدينا بعض السلوكيات المتعلقة بتلك الديانات لاحظ وانت اهل الموسيقي الصفقة والرقيص .. لا نضرب الارض بالأقدام لأن الأرض لدينا بمقام الام .. حتى المزارع لا يضرب الأرض بالطورية بقوة .. مثال رقصة حلفا اغنية ( سبو ليليي ) أكيد من ألحان التراتيل الكنسية التي كانت في ( فرس)
وردي ، الخليل ، دهب ، حسين لالا .. حتى عثمان الشفيع قالوا من عرب صواردة قبل يستوطنوا في شندي ..
شكرا الحبيب الجميل ترهاقا
04-10-2020, 10:30 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
Quote: تكريم للرائع شارلي بونيه حتى المسرح كانت الخلفية صورة مكبرة لشارلي بونيه ليلة نوبية وكان شارلي بونيه في قمة الطرب
التحايا للمتواجدين وللاستاذ عمنا علي منطقة تبو أقامت تكريم لشارل بونيه وفي حفل التكريم أدى فنان شاب بعض الاغاني النوبية مقطع حفل التكريم ومقطه آخر لكلمة بونيه موجود في قناتي باليوتيوب
(سندري) أنقل الفيديو هنا فتظهر المشكلة الفنية ويختفي زر رد
04-10-2020, 11:03 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
ههههههه .. بيود نيللى سمعتها على ايام الصبا الباكر اغنية خفيفة وسريعة الايقاع كانت تؤدى في المناسبات ويدندن بها الكبير والصغير.. غايتو يا أستاذ إنت ( سندق ) تراث .
04-10-2020, 11:53 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
Quote: المهم عندما وصلوا حلفا لم ينام الليل من شدة ما أطربه صوت السواقي
المعلومة دي ايضا قالها البروف عبد الله الطيب في الفيديو الكان مرفوع من الباشمهندس قباني قبل ايام في معلومة سمعتها من كبارنا قالوا المصريين لما فكروا يرفعوا موية للقلعة طلبوا من عندنا خبراء في صناعة الساقية .. فذهب عدد من البصرا جمع بصير وعملو ساقية ظلت تعمل في رفع الماء إلى ان تم استبدالها لا حقا بناعورة ضخمة تعمل بدفع تيار الماء ..
04-10-2020, 12:20 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
شكرا حبيبنا الملك .. نواصل لحين عودة حبيبنا علاء من خلال اغنية ( بيود نيلليه ) وإلى اليوم نلاحظ أن أهلنا دائما يضعون ( الجمل ) في خانة القبح ( كم ننودي ) أو يشبهون الشخص بالجمل الهائج ( كم اوسكلييه ) يرغي ويزبد .. مع أن ورد في القرآن الكريم
(( أفلا تنظرون إلى الابل كيف خلقت ))
اجدادكم ملوك أرقو كانوا يمتازوا بالخيول وقالوا سلالتها وصلت حتى ملكة بريطانيا ولكن الغريب عندنا في جزيرتنا ( ارتقاشا) كان السيد محمد الادريسي احياناً يركب الجمل فقط كنوع من التسلية مع أن مسارات الجزر صعبة بالنسبة لركوب الابل وأذكر كنا نصطف في شارع ونردد ( هوج .. هوج .. هوج ) مع ايقاع خطوات الجمل ولا أعرف كيف ادخلوها الادارسة لان الجمال ليست لديها ثقافة المراكب مع كبر الحجم وعدم القفز
كما ذكرت سابقا في مداخلتي بأن طبيعة الجمل وحجمه لا يتوافق مع المزارع .. بعدين شوية كده فيه تخلف يهجم على الزرع بدون اي مقدمات .. وبهمجية عكس الحمار والبقر والماعز إلا النعجة فيها برضو شوية فوضى ولكن يمكن السيطرة عليها .. ===================================== مولانا الملك .. حبس الكورونا خلانا نحكي قصص ونتمدد .. ما في بديل حتى صلاة الجمعة ما في .. ظهر في البيت ( ربنا يقبل ) متابع الصلاة في تلفزيون الشمالية منقولة من مسجد سيدنا عبدالعال في دنقلا أهلنا ما شاغلين بالكورونا الله يكون في عونهم ويحفظهم
تحياتي .. ونسة حبس الكورونا فقط سودانيز ما عندي جوال حديث ولا واتس ولاغيرو
شكرا علاء ا مبس
04-10-2020, 01:17 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
Quote: فقط سودانيز ما عندي جوال حديث ولا واتس ولاغيرو
هههههه يا استاذ أنت معلم مخضرم وكمان في مدرسة البرقيق وهي من أشهر مدارسنا التي خرجت أفزاز .. وكانوا بختاروا ليها أكفأ المعلمين من زمن الناظر أحمد علي أفندي .. زد على ذلك اشتغلت مع الامركان واكتسبت خبرات جديدة وحديثة .. يعنى بقت على الجوال ؟ أكيد أنت براك ما عايز تغير .. لكن ظروف التواصل الآن تفرض ذلك .. هسه في الوتس عندنا قروبات كبيرة للاسرة وقروبات اصغر للسرة الصغيرة .. لازم تعمل وتساب عشان تعمل قروب مع اهلك في السودان وخارج السودان.. بمناسبة الحصين يمكن كانت أسرتنا الوحيدة التي بقيت مجتفظة بسلالات أصيلة لوقت قريب .. ايضا تسربت وفي ثمانينات القرن الماضي تم التخلص من كل السروج المحفوظة وبيعها لنادي الفروسية .. لكن ما يحز في نفسي هو التحول الكبير الذي طرأ وطغى على سائر مناطق الشمال حتى من حلفا للحلفايا ودفعهم ليتخلصوا من الحصان ويستبدلونه بالحمار.. لا أعلم سر الدافع لذلك هل هو السلام أم الحاجة للمال أم كان هنالك مخط يعمل بسرية لافراغ المنطقة من الحصين؟ Nobody knows.
04-10-2020, 01:40 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: علاء معليش الحبيبما قدرت اخلي الضيوف منتظرين
سلام يا على البوست بوستيك وانتا الراعى حق الردود عليك انت وانا مساهمتى ح تكون بمقاطع الفيديو فقط . وهناك اغانى تراث نوبية اخرى ( بالمحسية والدنقلاوية ) ح نقوم برفد البوست بها مع عاطر التحايا لجميع المرور الكريم .
ود قباني اذا انت بتعرف مترجم او مترجمة زي صاحبتنا الاميرة النوبية خش طوالي وما حتندم ابدا لانك اذا عرفت كلمات الاغنية ستندهش حتما لانها كلمات روعة ،نحن لمن عرفنا المعنى من اميرة اندهشنا لهذه اكلمات الاغنية والوصف البالغة الروعة ، وبالمناسبة اميرتنا تتكلم النوبية والانجليزية بطلاقة عجيبة الى جانب العربية بلهجتيها السودانية والعراقية ،،، اما الموسيقى واللحن ، فطبعا لا تحتاج لمترجمة فالموسيقى هي اللغة العالمية التي يفهمها كل العالم،،، مع التحيات والامنيات ان يبعد عنكم شر وباء الكرونا ....ودعواتك معانا ،،فحالتنا في الحبس المنزلي حالة صعبة شديد وقربنا نجن ...
04-10-2020, 03:53 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
الابنة امتثال .. التحية للاميرات هذه الاغاني من سنوات طويلة جداً حتى الاجداد وجدوها هكذا وخاصة اللحن ولكن الكلمات تتعرض للتغيير ليكون الموضوع أقرب لأغنية مثل اسمر اللونا كلمات نوبية معطونة بمفردات عربية الكل يضيف إليه ولكن اللحن لا يصدق
خاصة وردي بالطنبور أو بالعود مبالغة ..
تحياتي الاميرة .. والاميرات .. ربنا يحفظكم من هذا الوحش الكورونا
04-10-2020, 04:06 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
الأخ الجميل علاء سلام ياخ والله مافي طريقة إلا اسبليك . جهجهتنا بي الحنين بي جلبك للفنان الاصيل عثمان حميدة . انا لا بعرف انقل الصور ولا بعرف رطانة . لكن غناء حميدة وانفعالو مع الأغنية بيكسر حاجز اللغة . ويفهمك ليها وكمان ينقلك للمنطقة المقصودة . الف شكر أخ علاء . كتلتنا غايتو
04-11-2020, 01:46 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: يا سلام يا علاء .. أيقظت مشاعر دفنت من زمن الطفولة .. كنت اسمع عمي رحمه الله كثيرا ما يترنم بها ..
يا مراحب يا الملك اخوى بالله شوف يا الملك كيف انّ الموسيقى تتسلل الى مسامات الجسم الميتة وتحييها طرباً وانتعاشاً ونشاطا . وفعلا الموسيقى علاج روحى قبل ان يكون علاجا جسدياً .
04-11-2020, 01:50 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: التحية للاستاذ علي عبد الوهاب الاستاذ النخضرم مربي الاجيال في ربعنا الجميل ، فاساتذتنا دائما محل تقدير و إلا الان اكن تقديري لكل من درسوني حرفا وكانوا حرصا ان اتعلم ، فلك التحية يا اخ علي يا من احترقت كالشمع لتضيء للآخرين
سلام يا ترهاقا كفيت وأوفيت .
04-11-2020, 01:54 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: التحايا للمتواجدين وللاستاذ عمنا علي منطقة تبو أقامت تكريم لشارل بونيه وفي حفل التكريم أدى فنان شاب بعض الاغاني النوبية مقطع حفل التكريم ومقطه آخر لكلمة بونيه موجود في قناتي باليوتيوب
(سندري) أنقل الفيديو هنا فتظهر المشكلة الفنية ويختفي زر رد
مع التحية يا مهدى صلاح حاول مرة اخرى .
04-11-2020, 02:05 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: الأخ الجميل علاء سلام ياخ والله مافي طريقة إلا اسبليك . جهجهتنا بي الحنين بي جلبك للفنان الاصيل عثمان حميدة . انا لا بعرف انقل الصور ولا بعرف رطانة . لكن غناء حميدة وانفعالو مع الأغنية بيكسر حاجز اللغة . ويفهمك ليها وكمان ينقلك للمنطقة المقصودة . الف شكر أخ علاء . كتلتنا غايتو
سلام يا ابوعفان وأنت احد ناثرى الجمال هنا فى حوش بكرى يديك الصحة والعافية الغنية فيها كمية كبيرة من المشاعر الجياشة والحنين .
04-11-2020, 02:17 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
الاغنية التراثية الاكثر من رائعة : اندوقسيندو وو مسود " رائعة الفنان مكى على ادريس شدا بها بلبل النوبة المغرد على دبشه " انا بكون فى عوالم اخرى عندما اسمع هذه الاغنية الرائعة والتى تتحدث عن قرب وصول العريس والاستعدادات والتجهيزات لاستقباله .
وهذه الاغنية تقابلها اغنية " قلوكب " اغنية نوبية : قلو كب وهو الطائر المشهور : " البلبل " عند غير النوبة و قلوكب او " فوجا فقير " طائر مشهور فى المنطقة النوبية ..والنوبه كانوا يعتقدون بأنه طائر مبارك ومقدس ويجب عدم اصطياده او قتله .. وكانوا يتفائلون به خيرا عند سماع صوته بقدوم مسافر او تلقى مصاريف او رسالة منه .
قلوكب اداء دولة العطا :
04-11-2020, 02:32 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
يا سلام يا سلام يا سلام علاء آننقا علي هذا الجمال في حضرة أستاذ (قاشا) علي الجميل عثمان حميده في الأغنية بالذات والله يخلي الواحد دموعه تجري عديل وكمان زدت العيون بلل بالأغنية الحنينة للفنان علي دبشه ... والله بالغت يا علاء مكان تصوير أغنية أندوقسيندو وومسود ذكرني رحلات أعراس وزكريات لا تنسي لمنطقة سمد حيث الجمال والنضار والكرم ويا لها من أيام .. مالك علينا يا علاء
04-11-2020, 04:47 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
علاء اننقا .. ووو اشري .. عارفك يا جميل .. ده أصلك .. زول نشأ وسط الحضارة ما بين الدفوفة ودوكي قيل .. في الغدو والرواح والدفوفة شامخة تظلل كرمة بأقدم الحضارات الانسانية ..
علاء خليتني أشكر الكورونا ذاتها التي جلبت لنا هذا الحبس الجميل لنتأمل في تاريخنا وفننا الرائع
تعجز الحروف يا علاء .. أنا وسط انهار من الدموع كما قال وردي الذي أوتي مزمار داؤود :
(( شربا فوكييه SHIPA FOAKIAH ))
هي حالة أعمق وأقدس من البكاء لأن البكاء فيه صوت وتعبير سطحي .. وقبح في قسمات الوجه
ولكن حالة وردي في وصف انهمار الدموع أبلغ بكثير حتى من قول نذار قباني الشعر الجميل (( وستجري دموعك انهارا )) دموع وردي ( شربا فوكييه ) تأتي من القلب وليس من العين وبدون أي تحكم هي ليست دموع حسرة او فرحة هي دموع الحب والوفاء والتأمل
ومفردة ( شربا SHIRPA ) هي نفس المفردة في الدنقلاوية والمحسية وهي مع كل غمضة عين دمعة .. دلالة على بلاغة اللغة النوبية
يا سلام يا علاء رجعتني لكرمة وانسان كرمه بين احضان اللؤلؤ والمرجان في غربها النيل والنخيل وشرقها الدفوفة عاصمة حضارة كرمة ..
له الحق شارلي بونيه يأتي ويعتكف في الدفوفة .. وهي مرجعيته في الحياة ما لاحطتة على شارلي بونيه في جلساتي معه أكثر من باحث للاثار تعابير وجهه وحركته الجسدية ترمز إلى نوع من القداسة لتلك البقعة
الاحباب الكرام هذه كرمة التي كونت مفاهيم علاء وكلنا في نفس المسار
ي
04-11-2020, 04:30 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
علاء اننقا .. ووو اشري .. عارفك يا جميل .. ده أصلك .. زول نشأ وسط الحضارة ما بين الدفوفة ودوكي قيل .. في الغدو والرواح والدفوفة شامخة تظلل كرمة بأقدم الحضارات الانسانية ..
علاء خليتني أشكر الكورونا ذاتها التي جلبت لنا هذا الحبس الجميل لنتأمل في تاريخنا وفننا الرائع
تعجز الحروف يا علاء .. أنا وسط انهار من الدموع كما قال وردي الذي أوتي مزمار داؤود :
(( شربا فوكييه SHIPA FOAKIAH ))
هي حالة أعمق وأقدس من البكاء لأن البكاء فيه صوت وتعبير سطحي .. وقبح في قسمات الوجه
ولكن حالة وردي في وصف انهمار الدموع أبلغ بكثير حتى من قول نذار قباني الشعر الجميل (( وستجري دموعك انهارا )) دموع وردي ( شربا فوكييه ) تأتي من القلب وليس من العين وبدون أي تحكم هي ليست دموع حسرة او فرحة هي دموع الحب والوفاء والتأمل
ومفردة ( شربا SHIRPA ) هي نفس المفردة في الدنقلاوية والمحسية وهي مع كل غمضة عين دمعة .. دلالة على بلاغة اللغة النوبية
يا سلام يا علاء رجعتني لكرمة وانسان كرمه بين احضان اللؤلؤ والمرجان في غربها النيل والنخيل وشرقها الدفوفة عاصمة حضارة كرمة ..
له الحق شارلي بونيه يأتي ويعتكف في الدفوفة .. وهي مرجعيته في الحياة ما لاحطتة على شارلي بونيه في جلساتي معه أكثر من باحث للاثار تعابير وجهه وحركته الجسدية ترمز إلى نوع من القداسة لتلك البقعة
الاحباب الكرام هذه كرمة التي كونت مفاهيم علاء وكلنا في نفس المسار
04-11-2020, 04:57 PM
ابو جهينة
ابو جهينة
تاريخ التسجيل: 05-20-2003
مجموع المشاركات: 22539
شكرا الحبيب علاء شكرا قاضنتود تحياتي ا لاحباب ووو امبسي =============================== هي ليست اغاني هي تراتيل .. اغنية أثرها أخف من التراتيل التي يسمو بها الشخص إلى ما فوق احساس البشر العادي كما السبط الصوفي .. بل هنا أعمق .. ألحان .. ليست هي ألحان .. ترانيم .. منذ قرون والدليل أنني كنت اسمع من جدتي وهي تروي عن جدتها قصة الاغنية وإذا قارنا بأعمارنا .. لا تجد حد زمني نفس اللحن فقط الكلمات تتبدل حسب الزمن أغاني مثل : سبو الليلي لاحظ الاصوات عندما تؤدي هذه التراتيل تكون في كأنه يتلو من كتاب مقدس .. حتى المستمع مهما كان عمره لا يمل سماع هذه الاغاني وكأنها رسالة انبياء .. ل وما جعل اللحن أعمق وأجمل لأن اللغة خالية من الحروف الغليظة ( ض ، ع ، ص ، خ ، ح ، ظ ، ز ، ذ ..الخ) وهكذا اصبحت اللغة طيعة وفي راحة انسياب ..
قادم بالمزيد
04-11-2020, 06:47 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
علاء اننقا .. باقي فقط اغنية لحسين لالا بالطنبور صورة ما في طبعاً الله يرحمه رغم انه كان ضرير فاقد البصر كان موهوب وفنان ا صيل تماماً مثل النعام آدم لدى اهلنا الجميلين الشايقية روعة ده توثيق يا ريت قناة الشمالية تذهب الى نفس المسار بدل كل ساعات البث مسلسلات اسلامية ( مهداة من التلفزيون ا لسعودي ) وقديمة جداً
مودتي
04-11-2020, 07:20 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7161
Quote: يا سلام يا سلام يا سلام علاء آننقا علي هذا الجمال في حضرة أستاذ (قاشا) علي الجميل عثمان حميده في الأغنية بالذات والله يخلي الواحد دموعه تجري عديل وكمان زدت العيون بلل بالأغنية الحنينة للفنان علي دبشه ... والله بالغت يا علاء مكان تصوير أغنية أندوقسيندو وومسود ذكرني رحلات أعراس وزكريات لا تنسي لمنطقة سمد حيث الجمال والنضار والكرم ويا لها من أيام .. مالك علينا يا علاء
تحياتى يا ود القاضى
بالله شفت الجمال دا يا محمد نحن فى الشمال عندنا مخزون مهول من الجمال غابات النخيل والزرع والخضرة فى الجناين والحقول والجروف والجمال الباهر على النيل فى الشمال وخاصة فى تمبس و جزيرة سمد - كجبار - شرق فاد - الجرور : مناطق - الجمال فيها يتكلم بلسان عربي مبين . الطبيعة الخلابة تجعل الشعراء ينتجون شعراً جيداً ورهط من الفنانين المبدعين ذوى الاصوات الشجية يثرون وجدان ومشاعر المواطنين فى تلك الاصقاع بكل ما هو جميل .
Quote: سبو الليلي يا علاء أسمعها عليك الله من صاحب الصوت الرنان محمد خيري شنان
شكراً على الاغنية واستمعت وشاهدت المقطع .
04-11-2020, 07:59 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: علاء اننقا .. باقي فقط اغنية لحسين لالا بالطنبور صورة ما في طبعاً الله يرحمه رغم انه كان ضرير فاقد البصر كان موهوب وفنان ا صيل تماماً مثل النعام آدم لدى اهلنا الجميلين الشايقية
من اغانى التراث : ووبشوشه - حسين لا لا
من اغانى التراث : وياوودنيا تود انى - حسين لالا
04-11-2020, 08:29 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
يا سلام يا علاء .. مبالغة عاصرناه حسين لالا الله يرحمه عازف طنبور ماهر جداً حضوره كان رائع جداً صوت وأداء وعزف بعده ظهرت موجة الشباب ناس الوسامة والوجاهة ( نصر توفيق الله يرحمه تمبس.. ومحمد عوض بدين .. محمد عبدالرحمن أبوفاطمة ) ديل كانوا ثورة في الزي والاناقة والوسامة بوست وثائقي
جمال بلا حدود ..
04-12-2020, 06:12 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
الحبيب علاء تحياتي أول اغنية نوبية في الاذاعة هي أغنية ( أليريه ) وتغنى بها المرحوم ادريس ابراهيم في نهاية الخمسينات وهي للشاعر الجميل نوري سيد علي ( ربوع السودان ) وكان وقتها طالب في البرقيق الاميرية الوسطى
وأجمل اغاني نوري طبعا وبدون منازع (( تونجيلا )) وخاصة بأداء عبداللطيف توسي من أبناء مشو
تحياتي الحبيب علاء .. بوست اصبح مرجعية
04-12-2020, 07:29 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: أول اغنية نوبية في الاذاعة هي أغنية ( أليريه ) وتغنى بها المرحوم ادريس ابراهيم في نهاية الخمسينات وهي للشاعر الجميل نوري سيد علي ( ربوع السودان ) وكان وقتها طالب في البرقيق الاميرية الوسطى
يا سلاااام ياعلى اننقا
للاسف مافى تسجيل اليريه للمرحوم ادريس ابراهيم ولكن هاك اجمل اغنية لادريس ابراهيم والتى فاقت مثيلاتها فى الزمن الجميل :
مسافر والفراق لحظاتو صعبه ادريس ابراهيم :
Quote: وأجمل اغاني نوري طبعا وبدون منازع (( تونجيلا )) وخاصة بأداء عبداللطيف توسي من أبناء مشو
وأيضاً مشو كان فيها من الفنانين ادريس ابراهيم وجمعة جاد بالله عليك الله ياعلى كدى فلفل لينا النقطة دى ؟
للاسف برضو تونجيلا بصوت عبداللطيف توسي مافى فى اليوتيوب وطبعاً فى مشاركة سابقة ارفقنا اغنية عديلة أداء عبداللطيف توسي
وايضا هنا اغنية جميلة اخرى بديلة لعبداللطيف توسي :
04-12-2020, 07:35 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
الحبيب علاء .. تحياتي يا جميل .. نجعل البوست توثيق ليس بالمقالات الطويلة المملة ولكن بالمداخلات المختصرة لكي لا نتعب القراء رائد الاغنية النوبية الدنقلاوية هو نوري سيد علي بدون منازع وطبعاً نوري مقيم في السعودية وهو أبن عمنا سيد علي رحمه الله وكان يحمل الجنسية السعودية نوري مؤلف شاعر وملحن مؤدي .. لديه اغاني كثيرة جداً ولكن اجملها أغنية ( تونجيلا ) ومازال نشطا في العمل العام في جدة رغم العمر حفظه الله وكمان يؤديها المرحوم عبدالرحيم شاهين وتوفى وهو في ريعان شبابه .. جمعة جاد رحمه الله كان ضمن شلتنا في البرقيق أيام التدريس وهو كان يعمل ممرض في المستشفى وتوفي ريعان شبابه كان من قادة الفن في في المنطقة أيام ندرة الفنانين
تحياتي الجميل علاء ..
04-12-2020, 08:07 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
أغنية طيار إنبكي أيضا من أجمل أغاني الفنان الفلتة إدريس لإبراهيم وهي من كلمات الشاعر الجميل نوري الدين سيد علي. إدريس إبراهيم والده إبراهيم بورجنا كان يعمل غفير بالتناوب مع عمنا حسن صالح (والد بكري) في مشروع الحفير الزراعي (يتابعوا الجدول) ومنزلهم في حفيرساب رحمهم الله رحمة واسعة
04-12-2020, 08:42 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
شكرا الحبيب قاضتنود ادريس ابراهيم .. من أخواننا العرب في في جهة دار العوضة أبوحجار يعني ارقو وعشان كده غنى لأرقو .. ( اغنية زهرة أرقو حلوة حلاتا فاتت في الجمال زملاتا ) ووالدته تومه كانت امراة مكافحة .. وقد غنى لها ادريس ( تومه سكونك وين ) كان يزور المنطقة ويعمل حفلات ايام الاجازات الصيفية .. أما والده ربما كان في الحفير
رحم الله ادريس صاحب الصوت المتفرد ================================== عبدالرحيم شاهين رحمه الله مشترك ما بين ارتقاشا ومشو .. حمادي في ارتقاشا ككثير من العائلات هناك تواصل قوي ما بين ارتقاشا ومشو والحفير طبعاً هو من ا لجيل الصغير لكن ظهر هكذا فنان مكتمل
04-12-2020, 08:49 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
علاء امبس الآن الساعة 10 و50 دقيقة مساء بتوقيت السعودية الشاب امجد صابر على قناة الشمالية في حقلة مسجلة من القاهرة ... ورائعة وردي مسونكيل تناغم بين نوبة مصر والسودان ناس في قمة الطرب حتى الاطفال رقصات رائعة بناتنا واخواتنا يخرب بيت الساسية والحدود
أستاذنا الأكرم علي للأسف ما لقيت أغنية زهرة أرقو للفنان إدريس
Quote: عبدالرحيم شاهين رحمه الله
المرحوم عبد الرحيم عبد الله أحمد شاهين قريبي وزميل دراسة في المرحلة الإبتدائية في الحفير والده عبد الله شاهين كان مادح لأشعار وقصائد أولاد الماحي في ليالي المولد النبوي في مسجد الحفير والدته من أرتقاشا كما ذكرت وأشقائه خضر أصغر منه وهو عازف ووالد الفنان الشاب وضاح شاهين أخوته غير الأشقاء المرحوم صلاح كان مطرب والمرحوم عثمان شاهين كان عازف وعمهم الشاعر المرحوم علي شاهين وهم ما شاء الله عائلة مترعة بالفن والجمال.
04-12-2020, 09:17 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
قاضنتود .. يا جميل .. هكذا الاغاني النوبية مترعة بالشجن وحب الارض مهما كان بعيداً عن الوطن يستحضره في دواخله
شنان صاحب صوت رائع وجميل
البيئة عندنا افرزت هذا الصوت الجميل بيئة بدون ضجيج ما كنا نسمع الضجيج إلا عند الحداد ( تبد ) كل الاصوات كانت جميلة ومنغمة صوت المياه ( ما عايز أقول خرير مياه لأن كلمة خرير فيها غلظة ) نحن الترابلة بالنوبية نقول ( سرسار ) للمياه العادية في الساقية كلمة رقيقة
آه من انغام الأروتي في الساقية ( سلا د ) والغربية هذا الأروتي (قائد الساقية ) يرتب السلاد مع صوت الساقية .. وانهمار الماء من القواديس ( شششش ) اوركسترا
دي البيئة التي انجبت وردي والخليل وشباب اليوم حتى اهلنا الشايقية يشاركوننا في جمال اللحن
04-13-2020, 03:19 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
يا سلام علي الفنان الرائع عبد اللطيف توسي وكمان مع الشاعر الأجمل نورالدين سيد علي بالله شوف كلمات الأغنية دي حنن قلي وو بودل .. مبالغة والله للأسف أجمل أغنية للفنان توسي وهي وو كِنا وو جُوبل ما لقيت ليها تسجيل يا ريت الفنان صاحب الذوق الرفيع دولا عطا يعيد توزيع وتسجيل أغاني عبد اللطيف توسي.
04-14-2020, 08:26 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
قاصنتود .. يا أخي انت زول جميل جداً قبل الكورونا أنا ونوري سيد علي في كل نهاية الاسبوع نلتقي يا في جمعية مشو ، جمعية الحفير ، أو جمعية أرتقاشا نهاية الاسبوع الجمعيات لا تخلو من ( المأتم .. فاتحات ) بعد داك جلسات أنس يا سلام ندخل في عالم الجمال وحكاوي التراث نوري طبعاً ورث من والده عمارة سكنية ضخمة في جدة في السطوح عامل خيمة فيها جلسة ولا أروع .. هنا يترنم ببعض اغانيه
السنوات امتدت شوية وعامل سن ربنا يحفظه ويمد في ايامه يخرب بيت الكورونا ..
قاضنتود .. عبداللطيف توسي .. لا بديل له صوت ملائكي حبيبنا الفنان دولا طبعاً خطير صوت تقليدي بعض الشباب يدخلوا طريقة محمود عبدالعزيز في الغناء النوبي .. نوري سيد علي قال لي ديل ناس السلم السباعي ..
التحية قاضينتود والتحية لعلاء امبس
04-14-2020, 09:38 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
علاء أمبس ,, تحياتي يا سلام نسينا ((( البلابل ))) أكثر النوبيات اصالة رغم حياتهن في المدن ووظيفة عمنا طلسم رحمه الله رغم أنه وصل لدرجة وكيل وزارة لكن اجادة البلابل للغة النوبية فوق الوصف دلالة على الاصل وحب التراب والأهل لاحظ علاء أمبس (( بابور كوسونا )) مناحة حلفا لحن وبلاغة وحزن والبلابل أكثر من أجادوا هذه الاغنية وباندماج تام
يا سلام على البلابل .. فن وأصالة نموذج للنوبية المحبة لترابها
تحياتي علاء امبس
04-14-2020, 09:58 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
يا سلام علي بنات طلسم ... نسمع ونبكي بس عندما ينحسر المياه في بحيرة (ناصر) يظهر مسجد حلفا بمأذنته في وسط البحيرة تجري الدموع في المآقي حسرة لضياع واحدة من أجمل مدن السودان شوفوا بوست أخونا الجميل فيصل خليل لمشاهدة أطلال حلفا الحضارة
04-16-2020, 11:24 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
قاضنتود .. شكرا كثير يا سلام على البلال ومناحة حلفا ( بابور كوسونا ) ما شاء الله مبالغة البلابل صوت ملائكي لا اصدق ان هذا أداء بشر رغم أن الاغنية مناحة وبكاء على حلفا طرب واداء على مستوى غير عادي
العمق النوبي دائرة حلفا والسكوت خاصة انجبت ( وردي ، خليل فرح ، والبلابل ) ألحان تراتيل كنسية فرس .. قالوا أجمل الالحان تردد في الكنائس ويختاروا أجمل الاصوات اجزم ان لهؤلاء من جينات اجدادهم
شكرا علاء على البوست الفخيم
04-18-2020, 04:54 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
جميل جدا لاغرو ان والدة (ديمتري البازار) دنقلاوية وسمته محمد ويقال انها قريبة مولانا الجميل / محمد على الملك حسب ما سمعنه في محاضرة تاريخية بمعنى الكلمة عن الغناء السوداني
04-25-2020, 11:20 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
أول مرة اشعر بالراحة في حبس كورونا .. في قمة الطرب والنشوة
الساعة الآن الواحدة وسبعة دقائق صباحاً بتوقيت السعودية ليلة تاريخية في قناة الشمالية الحلقة معادة ليلة غنائية رائعة جداً تخيلوا الفنانين :
الشاعر والفنان والملحن ابن مشو نوري سيد علي .. كل اغنيات من كلماته وألحانه الفنان زكي عبدالكريم صوت خيالي ومعروف الفنان دولا العطا الكروان الدنقلاوي الفنان عثمان حميدة صاحب الحنجرة الرائعة
المفاجأة الكبرى وبعد 40 سنة من الغياب أجمل صوت في الغناء النوبي الدنقلاوي ( الاندادي) صوت لن يتكرر .. فنان تونجيلا (( عبداللطيف توسي )) ابن مشو .. غنى اغنية تونجيلا بالطمبور رجعنا نصف قرن للوراء ..
ليلة نوبية دنقلاوية .. جمال وطرب بلا حدود .. لن يتكرر
04-25-2020, 11:26 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة