|
|
|
 Re: عائشة سعيد VS محمد حمدان (Re: Gafar Bashir)
|
سلام عمرالتاج وجعفر بشير
فى حاجه صغيره الناس ماجايبين خبرها ومابحثو عن اصلها
الاعلام فى الداخل يصف دقلو ب(النائب الاول) بدلا عن (نائب) فقط
هل فعلا المكون العسكرى بيعابر نفسو فى شراكه مع مدنيين عندها مستقبل يتسلم فيهو المدنين رئاسه مجلس السياده ؟
لو حصل واستلم موظفى مجلس السياده رئاسه المجلس هل سيستمر نعب دقلو بالنائب الاول ام سيخلف الامر ويصبخ النائب الثانى؟؟
دى بعتبرها ارهاصات ترسم ملامح قادم ويتم تسريب القصه فى نفسيه وعقل الراى العام حتى يتقبل واقع جديد الشق العسكرى ينزع فيهو قناع الشراكه
| |
 
|
|
|
|
|
|
|
 Re: عائشة سعيد VS محمد حمدان (Re: Asim Ali)
|
تحياتي اخ جعفر..
| Quote: ياخي في فيديو سمعتو في الواتسب عائشة السعيد والتلاتمائة الجو من مصر لو عندك خلينا نشوف محمد حمدان بعمل في شنو وعائشة بتعمل في شنو |
عائشة السعيد في ذلك الفيديو شحدت المواطنين لكي يوفروا شوية موية واكل لشوية مواطنين محجوزين بغرض العزل الصحي،
وقبلها بأيام يودع حميدتي بضعة ملايين من الدولارات في خزينة البنك المركزي حتى لايفلس..
وكلاهما مجرد عضوين عاديين في المجلس السيادي كما تقول الوثيقة..
جالك كلامي يا مولانا؟
| |
|
|
|
|
|
|
|
|
|
Re: عائشة سعيد VS محمد حمدان (Re: اخلاص عبدالرحمن المشرف)
|
تحياتي يا عاصم
Quote: فى حاجه صغيره الناس ماجايبين خبرها ومابحثو عن اصلها
الاعلام فى الداخل يصف دقلو ب(النائب الاول) بدلا عن (نائب) فقط
هل فعلا المكون العسكرى بيعابر نفسو فى شراكه مع مدنيين عندها مستقبل يتسلم فيهو المدنين رئاسه مجلس السياده ؟
لو حصل واستلم موظفى مجلس السياده رئاسه المجلس هل سيستمر نعب دقلو بالنائب الاول ام سيخلف الامر ويصبخ النائب الثانى؟؟
دى بعتبرها ارهاصات ترسم ملامح قادم ويتم تسريب القصه فى نفسيه وعقل الراى العام حتى يتقبل واقع جديد الشق العسكرى ينزع فيهو قناع الشراكه |
طبعا وصف النائب الأول ده ، أو حتى النائب (ساكت كده)
ما هو إلا لقب قطعوا حميدتي من رأسه وصدقه عليه البرهان وباقي المجلس العسكري ومن ثم الاعلام الرسمي
وحتى الاعلام الخارجي أصبح يصفه بذلك ولا حظت ذلك في لقاء حميدتي الأخير بأحدى الجهات الرسمية في مصر
صفة مثل هذه لا ندري أين ستذهب بنا زما هو مغزاها حتى تقع الفأس في الرأس
ولكن الراجح أن هذه الصفة لن يتجرأ أحد من أعضاء المحلس العسكري المدنيين بالاتصاف بها
حتى وإن جاء على رأس المجلس مدنيا قحا ...
ودي صفة تؤكد موضوع البوست تماما
| |
|
|
|
|
|
|
|
|
 Re: عائشة سعيد VS محمد حمدان (Re: عمر التاج)
|
هذا البوست هو امتدادا طبيعيا لبوست
Re: الرئيس الألماني في فتيلRe: الرئيس الألماني في فتيل
والذي جاء في ملخصه ان الرئيس الألماني استقبله البرهان بجلالة قدره من على سلم الطائره
وفي معيته حفنة من الوزراء والسادة اعضاء السيادة،
و استضافه حمدوك في مكتبه وعقد معه لقاءا صحافيا كبيرا..
وعندما لم تتمخض الزيارة الا بقرار إرجاع السودانيين الطالبين للجوء في ألمانيا للسودان
وبعد أن ايقنت حكومتنا المحترمة من أن الرئيس الألماني إنما هو منصب تشريفي ولا يحل ولا يربط ولا يدعم..
لفظوه للمطار تشيعه اللعنات ويقدمه واحد من أعضاء مجلس السياده اسمه صديق
ثم جاء المبررون من كل حدب وصوب ليثبتوا لنا نظرية حديثة في علم السياسة..
قالوا ايه؛ قالوا ان اعضاء المجلس السيادي متساوون في السياده
ولا فضل للرئيس البرهان علي صديق الا في إدارة الاجتماعات
وان حميدتي = عائشة
والكباشي = التعايشي
وهلم جرجره..
| |
|
|
|
|
|
|
|
|
|
Re: عائشة سعيد VS محمد حمدان (Re: عمر التاج)
|
عمر التاج جاب الرايحة
معقولة ي عمر
عمرهم ده كلو في بلاد الخواجات
وما عارفين ، ما واسعة شوية يا عمر ؟ !!!!!
وكمان بقيتهم كلهم ب حميتي دقلو عديمين اصل !!!
عمر يا صاحبي قت لك من الاول
في فد سطر ما بجو
| |
|
|
|
|
|
|
|
|
|
Re: عائشة سعيد VS محمد حمدان (Re: اخلاص عبدالرحمن المشرف)
|
Quote: عائشة السعيد
الشعر والشعر والأستاذ المعلم
زمن الابتعاث والتخصص في ارقي جامعات العالم
ونحن من يشع علماً ونور |
على مستوى العلم والثقافة مافي كلام
فد واحد من أعضاء المجلس السيادي المدنيين
يوزن البرهان وجيشه، وحميدتي ومليشياته والكباشي وكضباته الي يوم الدين..
لكن نحن بنتحدث عن واقع معاش وضعتهم فيها وثيقة قحت..
الشراكة مع العسكري لفترة أكثر من ثلاثة سنوات كان خطئا كبيرا
السيادة اليوم للعسكر، وكل شئ يسير بأمر العسكر
والعسكري يقود البلاد الان وتحت إشراف قحت نحو الهاوية..
لو كنت مكان عائشة والتعايشي وحمدوك ومدني
لدعوت لانتخابات عاجلة تأتي بمدنيين جدد
لاسلطان لكا كي فيهم ولا سيادة.
| |
|
|
|
|
|
|
|
|
|
Re: عائشة سعيد VS محمد حمدان (Re: Arif Nashed)
|
| Quote: المعلومة دي متأكد منها يا ود التاج ولاّ لفحي جرايد وواتس كالعادة؟ |
المعلومة واردة في صحف يومية معتمدة صادرة في الخرطوم يا ود البشرى
ولكن ده ما المهم، المهم رايك في مساواة أعضاء مجلس السيادة السوداني لسه في مكانو ولا اتغير؟
| |
|
|
|
|
|
|
|
|
|
Re: عائشة سعيد VS محمد حمدان (Re: محمد البشرى الخضر)
|
وانت صدقت الخبر ولا النفي يا محمد؟
مش البتنفي دي يا ها نفس الصحيفة الأنت بتشكك في مصداقيتها ديك؟
وبعدين لو حميدتي ضغط الصحيفة عشان تنفي خبرها الأخير مالو ما خلاها تنفي خبر ايداعه الأول في بنك السودان بعد إنقلابه على البشير..
وماله ما ضغط عشان ينفي خبر توزيعه مرتب ٣ شهور للمعلمين والشرطة؟
ماعلينا.. نفهم من كلامك ان:
عائشه سعيد = محمد حمدان
َوأن :
صديق = البرهان
طيب.. أركز بس
| |
|
|
|
|
|
|
|
|
|
Re: عائشة سعيد VS محمد حمدان (Re: محمد البشرى الخضر)
|
لعلها ليست صدفة ان تكون عبارة
اركز بس
على وزن
تسقط بس
ولنبدأ بالبرهان وصديق تاور
- عندما ادي حمدوك القسم كرئيس لمجلس الوزراء
أداه للبرهان وجها لوجه، بينما كان صديق حاني ظهره في صف المشاهدين..
- عندما جلس البرهان مع سلفاكير ونتنياهو وفلادمير بوتن كان صديق مجرد تابع لحميدتي في جولات جوبا للسلام..
- عندما اجتمع البرهان لقادة الجيش ورقي بعضهم لرتبة فريق اول ورقي نفسه لمشير كان صديق يستأذنه بالهاتف لدخول للقصر لقضاء بعض حاجات عمله..
- عندما أحضرت السيارة الانفنيتي لصديق كان البرهان يمتطي السيارة الرئاسية المرسيدس المصفحة اخر موديل ويهنى الأعضاء المدنيين بالانفينتي الجديدة..
- عندما يدخل البرهان الي القصر اليوم يفتح له مكتب رئاسة الجمهورية الذي كان يجلس عليه الرئيس المخلوع، بينما يدخل صديق من باب جانبي الي غرفة كانت مخصصة لطه عثمان..
- عندما استقبل البرهان الرئيس الألماني كان عشم الحكومة ان يقدم لها عدة مليارات من الدولارات تفك بعض ازمتها، وعندما علمت انه مجرد رئيس رمزي ودعوه بصديق.
ولنا بقية..
| |
|
|
|
|
|
|
|
|
|
Re: عائشة سعيد VS محمد حمدان (Re: عمر التاج)
|
كدي يا ود التاج بعيدا عن المناقرة و خالف تذكر و المكابرة وغير
انت كمثقف و خريج و استاذ جامعي عندما تردد عبارة زي دي | Quote: عندما استقبل البرهان الرئيس الألماني كان عشم الحكومة ان يقدم لها عدة مليارات من الدولارات |
هل بتكتبها بجدية وانت مقتنع بمحتواها وفعلا شايف انّو الحكومات بتتعامل كدا وعلى قدر قروشك الدفعتها بستقبلوك و يودّعوك و اساسا الاتفاقيات و الدعم وحجمه بحددّه الـ (جلّابي) الزائر على حسب قدرة الجوكية على اقناعه وكدا!
ولاّ الفكرة مكاواة ساي و انتصار و حظ نفس!
| |
|
|
|
|
|
|
|
|
Re: عائشة سعيد VS محمد حمدان (Re: محمد البشرى الخضر)
|
| Quote: الحكومات بتتعامل كدا وعلى قدر قروشك |
إذا أضفت كلمة مركزك الي قروشك يبقى كلامي التحت ده جادي جدا..
اليد العليا خير من السفلى في عالم الاقتصاد والسياسة بالاخص..
على مستوى الواقع وعلى سبيل المثال فان:
-الملك سلمان عندما زار ترامب المملكة استقبله في المطار
ولكن عندما زارها البشير وحمدوك والبرهان رسل ليهم أمير منطقة يستقبلهم
-ترامب عندما زار الرئيس الروسي بلاده استقبله على رأس وفد كبير
بينما عندما زاره حمدوك قضى في بلاده ٦ ايام واتصرف دون أن يعيره اهتماما..
هذا على مستوى الزائر ووزنه البروتوكولي..
أما علي وزن المضيف فإنه يعلم جيدا من هو الضيف الثقيل الذي يأتي حاملا قرعته للشحده، والضيف الذي يأتي حاملا أفكار وبرامج للتأمل السياسي والاقتصادي والأمني..
وأعتقد أن زيارة البرهان المرتقبة لأمريكا تصب في هذا الاتجاه وان كان المحور الأول سيحول دون استقبال ترامب له في المطار..
وبعوده لموضوع البوست؛ لماذا لم تطلب امريكا زيارة صديق تاور أو التعايشي أو عائشة السعيد كاعضاء مجلس سيادة تفرضهم الوثيقة الدستورية، وطلبت البرهان بالاسم؟
| |
|
|
|
|
|
|
|
|
|
Re: عائشة سعيد VS محمد حمدان (Re: عمر التاج)
|
لا انا ما قصدت الاستقبال لكن هل فعلا انت جادي في فكرة ان السودان حين استقبل الرئيس الالماني كان ما عارف نتائج الزيارة بالضبط شنو وكان مستني مليارات و زعل لمّا ما قدر "يحنّك" الراجل!
خليك من دا هل حين خرج عقد ترمب الصفقات المليارية في الخليج انها كانت نتيجة الزيارة الكم ساعة او كم يوم دي!!
ريّحني وقول لي بكابر و بجادل ساي! عشان لو جادي بزعل ترا!
| |
|
|
|
|
|
|
|
|
|
Re: عائشة سعيد VS محمد حمدان (Re: محمد البشرى الخضر)
|
| Quote: السودان حين استقبل الرئيس الالماني كان ما عارف نتائج الزيارة بالضبط شنو |
السودان ده منو؟
لو قاصد الحكومة، الحكومة ذاتها ياتو شق؟
إذا قاصد القحاتة، قحاته المنبر ولا الفيس تقصد..
إذا قحاتة المنبر ارجع للبوست بتاع الرئيس الألماني في فتيل وشوف احلامهم من الزيارة كانت شنو؟..
الحاجة البنعرفها ان الزيارة كانت روتينية جدا لافريقيا من قبل الرئيس الألماني، وتكررت كثيرا لدول الجوار دون أن تظهر آثارها في المنطقة، بينما احلام الناس وتوقعات الحكومة كانت أكبر من الواقع، وخططها لم تكن على المستوى التنفيذي بالقدر الذي حققته زيارة السفير الألماني قبلها بأيام..
ويبقي الفرق في مراسم الاستقبال والوداع هو من يوضح المنفذ مما كان مطلوبا..
| |
|
|
|
|
|
|
|
|
|
Re: عائشة سعيد VS محمد حمدان (Re: عمر التاج)
|
| Quote: الحاجة البنعرفها ان الزيارة كانت روتينية جدا لافريقيا من قبل الرئيس الألماني |
طيب اذا انت عارف كدا البمنع شنو الدولة - الحكومة - تعرف! انت قايل الزيارات الرسمية دي بتم كيف يا ود التاج؟
الريس الالماني برفع السماعة لبرهان يقول ليه عندي جية افريقيا و انا راجع قلت اغشاكم بتكونوا قاعدين؟ ولا فاكرها بتم كيف؟ لا بالجد كدا فرتك شنو عن طريقة تنسيق و اتمام الزيارات الرسمية!
يا قريبك بجدية كدا عيب والله و عيب كبير كمان مثقف و استاذ جامعي زيّك يفكر بالطريقة السطحية دي و كمان يكابر و يصر!
| |
|
|
|
|
|
|
| |
عمر التاج
Asim Ali
محمد البشرى الخضر
Arif Nashed
فيس بوك
تويتر
انستقرام
يوتيوب
بنتيريست