|
Re: نكات لنج تضحك لمان تبحبت (Re: Osman Musa)
|
واحد قال : الواحد في السودان من ماهو صغير في المدرسة عمره كلو يدقوهو . عشان يكون شاطر . و عشان يطلع دكتور . اها كمان أول ما يطلع دكتور يلموا فيه المرافقين في المستشفي يدقوهو .
| |
|
|
|
|
|
|
Re: نكات لنج تضحك لمان تبحبت (Re: Osman Musa)
|
كل عام و انتم بخير يا عثمان دي من الواتساب قلنا ما نجيك بإيد فاضية Quote: كنت خاشي صندوق مع معلمات فى حلتنا و عندنا قروب واتس للتواصل وكنت اميين الصندوق الليله من الصباح لقيت رسائل كتيره واحده كاتبه نعمل اليوم ٣٠٠ والصرفه ٩٠ مليون بالقديم وطبعا صندوقنا الاول اليوم كان ١٠ ج والصرفه ٣ مليون بالقديم التانيه قالت ليها احسن نعملو ب اليوم ب ٥٠٠ التالته قالت ليهم معانا امين الصندوق نستشيرو جات ناطه واحده قالت نستشيرو ف شنو ٥٠٠ بس م قادر نطلعو ودخلو استاذه هاجر المهم اخر حاجه جاتني رساله لا يمكن لك ان تراسل ف هذه المجموعه الظاهر شاتوني بره
ايام زمن بشه كنت بسككم عشان تدفعو ال ١٠ ج |
| |
|
|
|
|
|
|
Re: نكات لنج تضحك لمان تبحبت (Re: Osman Musa)
|
رباطابي في حفلة طلب من بنت سمحة ترقص معاه .. البنت اعتذرت. قالت ليه معليش . شبشبي مقطوع . الرباطابي فات منها . بس بعد 3 دقايق شاف ليك البنت بترقص مع شاب. جا جمبها. وقال ليها . نان البترقصي معاهو ده نقلتي ؟
| |
|
|
|
|
|
|
Re: نكات لنج تضحك لمان تبحبت (Re: Asim Ali)
|
السلام عليكم وعيدكم مبارك الحاج جا خاشي البيت سال الوالده قال ليها خبزتي قالت ليهو اخبز كيف ولدك المطرطش دا اقول ليهو جيب لي المكسرات جاب لي بــنات الحله كلهم
| |
|
|
|
|
|
|
Re: نكات لنج تضحك لمان تبحبت (Re: اخلاص عبدالرحمن المشرف)
|
Quote: وقال ليها . نان البترقصي معاهو ده نقلتي ؟ |
طيب، ياعثمان، هو كيف عرف انه نقلتي؟؟؟ ههههه
طبعاً ياعثمان بعد المعايدة، حبّيت ادّي مثل انو "النكتة لا تُناقش"،،،،
عليك ان تضحك فقط.
وإنْ لم يحدث ، فهذا يعني واحد من امرين:
اما انها ليست نكتة او ان المستمع يمتلك كمية هائلة من الثقالة......
بالمناسبة كانت عندنا قريبتنا "تُناقش النكتة".
مثلاً لو قلت ليها في سياق روايتك للنكتة: اب نفّاش ضرب عمود التلفون بالعجلة السايقها، لا تتركك تكمل النكتة، بل تقاطعك وتستغرب قائلة:
" كيف الكلام دا؟؟؟ هو عميان مابشوف"؟؟؟
وقسْ على ذلك عندما تنتهي من النكتة...
| |
|
|
|
|
|
|
Re: نكات لنج تضحك لمان تبحبت (Re: osama elkhawad)
|
رباطابي راقد في المستشفى، عامل عملية في الصرة.. يجو طلاب الطب دفعة فوق دفعة يرفعوا الغطاء ويعاينوا وينزلوا الغطاء ويمشوا..والرباطابي زعلان زعل شديد من تصرفاتهم دي... أها جا الدكتور ساله :" بقيت كيف هسع يا حاج ؟ الرباطابي قال ليه : والله يا دكتور بقيت زي حلة العزابة .......
| |
|
|
|
|
|
|
Re: نكات لنج تضحك لمان تبحبت (Re: osama elkhawad)
|
أخونا الشاعر الخواض سلامات والعيد مبارك عليك والاسرة الكريمة . ههههههه. طبعا البلد اليومين دي مليانة نكات عن زيادة مرتبات الاساتذة. زيادات كبيرة سخت سوق الزواج . و جددت أحلام المعلمين القديمة . في الروقة و الراحات. تحياتي وحاول اكشح ليك نكات في حبسة الكورونا دي .
| |
|
|
|
|
|
|
Re: نكات لنج تضحك لمان تبحبت (Re: Osman Musa)
|
لبنانيين يتونسوا في حبسة الحجر المنزلي: واحد قال للتاني: لو ضلت سنة 2020 هيك باذن الله رح نعيد حفلة رأس السنة 2021 مع المطربين وديع الصافي والشحرورة صباح و ضيف الشرف ملحم بركات .
| |
|
|
|
|
|
|
Re: نكات لنج تضحك لمان تبحبت (Re: Osman Musa)
|
دي لسه طازة وحان الله.
😂 اظرف تعليق عن المرتب الجديد:- قالوا الصراف سأل انصار النظام السابق الواقفين في شباك الصرف (اها يا جماعة نصرفكم قروش الشيوعيين الكفار دي ولا تصرفوا المرتب الحلال القديم) 🤔 ..فهمهموا وتشاوروا ثم قال احدهم (فمن اضطر غير باغ ولا عاد فلا اثم عليه ‘ان الله غفور رحيم) 😂😂😂
| |
|
|
|
|
|
|
Re: نكات لنج تضحك لمان تبحبت (Re: Arif Nashed)
|
لقيت تلفون واقع في الشارع شيلتو وخليتو فاتح عشان صاحبه يتصل بي وبالفعل اتصل وحددنا مكان اتلاقينا فيهو اول ماشافني حضني وكان فرحان شديد سالته وقع منك كيف قالي وقع مني وأنا شارد من مستشفى العزل في جبره
| |
|
|
|
|
|
|
Re: نكات لنج تضحك لمان تبحبت (Re: عمر نملة)
|
:" اشتقت اليك يا زوجتي الرابعة "" واحد ارسل لزوجته هذه الرسالة ،،الله يرحمه ويغفر ليه وييسر حسابه.. كان قصده :زوجتي الرائعة... يا جماعة اعملوا حسابكم ..كم فقدنا أرواح بسبب الأخطاء الإملائية والمطبعية ..
| |
|
|
|
|
|
|
Re: نكات لنج تضحك لمان تبحبت (Re: Osman Musa)
|
عمك طلع من بيتو زهجان طلع قاصد ميدان توزيع الغاز وقف في الصف . كانت قدامو شابة شكلها متزوجة وجميلة . وراحت تتجاذب مع عمك الحديث عن العيش والغاز والمعايش . عمك اتخلع واتكيف من فهم الشابة. قال ليها انا ماشي البقالة ديك اجيب لي موية . اجيبليك معاي ؟ قالت لو ممكن معاك عصير مازا . عمك رجع من البقالة لقاليك الشابة شالت الانبوبة وكسحت ههههههها . عمك فضل يسب للغاز وللمازا زاتو
| |
|
|
|
|
|
|
Re: نكات لنج تضحك لمان تبحبت (Re: Osman Musa)
|
الدنيا اتغيرت *الزوجه مدرسه صرفت راتبها بالجديد طلع ليها كم وخمسين الف راجلا شالن منها دساهن قالت ليهو مالك شايل القروش يا راجل قال ليها خايفك تعرسى فيني ..* 😂😂😂😂😂😂
| |
|
|
|
|
|
|
Re: نكات لنج تضحك لمان تبحبت (Re: اخلاص عبدالرحمن المشرف)
|
ازيكم يا حلوين وكل عام وانتم بخير
ودعمنا مالك عندو قلع بطاطس في الحواشة وتاني يوم في العيد كورك لي محمد اخوه الصباح بدري للذهاب معه الحواشة
محمد قال ليه : انا صايم الستوت.
مالك رد عليه: " يا جنا حركات النسوان دي ما داير تخليها؟"
| |
|
|
|
|
|
|
|