Biraima M Adam اخوى الغالى تحيه طيبه والله شى غريب انو الشبه يكون للدرجه دى ممكن التؤوم يكون شيه بعض لكن زول سقط لقط وزول من بلد تانى بيكون شبه زول دى صعبه شويه عشان كده بهديك يخلق من الشيه 40
كلمات الطيب عبد الله
لقيتو واقف منتظر تشتاق عيوني لطلعتو نفس الملامح والشبه .. والمشية ذاتا وقدلتو واللفتة والتوب والقوام .. اوصاف حبيبي وروعته لكنو يا قلبي الحنين .. راجيني بي شوق السنين لكنو آه يخلق من الشبه اربعين ******* من كم سنة .. لا هو عارف ولا أنا سايبني في بحر انتظار .. ما عدى في ليلو الهنا واعدني بي لحظات شجون .. تشتاقا كل الأمكنة أنا في مسار الشوق لقيت .. ميعادو فرهد وانتنى ****** يا ربي جيت قبل الميعاد .. وللا الزمن غفلني زاد قصة يغيب ما اظن تكون .. وما اظن تطوف يوم في اعتقاد جاييهو من مشوار بعيد .. كايس عليهو بلاد بلاد مرسالو لي دايماً بقول .. ارجاهو في نفس الميعاد ***** انا ديمة يا أجمل ميعاد .. راجيك وانت علي مطول امشي واكوس في كل بيت .. واسأل صحابو وكل زول يقول لي هنا هسا كان .. عنك بيسأل وليك بقول ارجاه في نفس الميعاد ما اظنو تاني عليك مطول
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة