|
Re: أمين حسن عمر يكتب: الجيش ..هل من خروج من الم (Re: زهير ابو الزهراء)
|
مقطع
Quote: لن تحل المشكلة الا بوسائل الديموقراطية وحدها…. وهي الاجماع وهو أمر مستبعد…. فلم يبق الا الأغلبية. وتحديد ارادة الاغلبية لها طريقان لا ثالث لهما… وهما إما الاستفتاء على الخيارات المختلف حولها…. وهو امر يمكن إجراؤه في ثلاثة أشهر على الاكثر مع وجود السجل المدني…. أو إنتخابات مبكرة تأتي بسلطة تأسيسية منتخبة |
الحاجة العارفها أمين وزايغ منها أنه كلنا عارفين أنه الأستفتاء والإنتخابات خيارات ديمقراطية لكن أي جهاز دولة حيعمل الإنتخابات ؟؟؟؟؟ جهاز الدولة الكيزاني دا؟؟؟؟؟؟؟
إذا النتيحة محسومة سلفا ٦\صفر لصالح الكيزان
لكن برضو ممكن ناخد وندي في حكاية الإنتخابات المبكرة دي يا ناس قحت ويا ناس الثورة السودانية أول حاجة إنتو ما إجتهدوا كثير في الإنتخابات ولو رجعتم لحوارات تمت في هذا الموقع حتعرفوا الكلام دا تانيا هسع لمن ترفضو الإنتخابات معناها حتي وإن لم تقولوا ذلك إنكم قبلانين بإستمرار حكم الديكتاتور البرهان معلوم إنه هذا ليس خيارا لكم ولكن، بل إسقاطه وإستعادة المسار الديمقراطي ودا لو حصل هو المطلوب لكن بسعيكم دا كأنكم تستجدون البرهان أن يسلكم السلطة ودا ما بحصل السلطة ما حقت البرهان السلطة حقت الكيزان
أنا شخصيا ممكن أقبل بإنتخابات بشرط أساسي أن لا يترشح البرهان أو أي عسكري فيها أسوأ سيناريو ممكن يكون شنو؟؟؟؟؟ أن يفوز الكيزان بالتزوير طيب دا كويس كيف؟؟؟؟؟ دا أحسن لأنه أهون الشرين ديكتاتورية مدنية كيزانية أحسن من ديكتاتورية عسكرية كيزانية علي الأقل نكون ثبتنا مسألة الإنتخابات يعني بعد أربع سنين في إنتخابات تانية وما في طريقة للجيش ينقلب علي حكومته ومهما كان الألم ،،،، فإن خازوق المدنية يألم أقل من خازوق العسكرية ونكون ثبتنا علي الواقع مسألة الحريات والتنظيم المستقل للأحزاب والنقابات والهيئات
عشان ما تفهموني غلط ليس هذا بديلا للثورة التي تسقط الإنقلاب لكن ما ممكن رئيس الإنقلاب يقول نعمل ليكم إنتخابات نقول ليه خليك في مكانك لحدي ما نسقطك؟؟؟؟؟؟؟؟
|
|
|
|
|
|