«ورب گلمة لا تلقي لها بالا من سخط الله» الموضوع هااااام ∆ ظاهرة حاصلة في مجتمعاتنا و الشباب بخاصة وكثيرون منا قاعدين يستخدموا كلماتخارجة عن اللياقة في التخاطب و ببضعة أمثل نوضح القصد: ◾والله لو بقيت عيسى بن مريم زاتو! ياخ لماذا نبي الله عيسى عليه و على نبينا السلام تنزلوه من حيث رفع الله إلي؟ يعني ما ممكن تقول أب صلعة وﻻ تامر وﻻ عمر زاتو؟!!
◾والله لو ربنا كاتبة ليك ما تضوقا في خشمك دا.
◾والله تاني لو بقى قبلة م أصلي عليه( وأنت عارف انو مستحيل يكون قبلة ، فلشنو تتحدى أمر الله)
◾ياخ الزول دا وهمي للدين .. ليه كدا ياخ يعني الدين اخر مرحلة في الوهم؟ والله انت الوهمي
◾يطرشني - يعميني- يشلني اقعد ادعي على روحك كدا ، بكرة كان جاك طشاش وﻻ وجع ركب سااي ، تقول سفروني برا
◾الله يقرفك.. تعالى الله عن ذلك علوا كبيرا ، وهو الذي يحب كل جميل وكل طيب ، فكيف يقرفك ؟؟
◾ياخ الزول دا ﻻ برحم - وﻻ بخلي رحمة ربنا تنزل الجملة دي بالذات اختوها قال تعالى "وَإِن يُرِدْكَ بِخَيْرٍ فَلَا رَادَّ لِفَضْلِهِ ۚ "بعدين انت كيف تخت بني ادم في حتة زي دي مع ربنا؟
◾الشكلة قاجة لرب السماء ربنا دخلو شنو اسع في البتعملوه دا؟؟ وغيرها من الجمل الاتعودنا نسمعها في حياتنا اليومية.. ي ريت نبتعد عن سؤ الادب مع الله والأنبياء و كبار السن عشان التعويدة مشكلة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة