♧ أب سوري .. الرغم غلت £

● زولنا محجور منزلياً ..موية علي ﻜﻬﺮﺑﺎﺀ كاطعات..و يردد
بيتاً لأبي الطيب: ﺃﻧﺎ ﻓﻲ ﺃﻣّﺔٍ ﺗﺪﺍﺭﻛﻬﺎ ﺍﻟﻠﻪ..ﻏﺮﻳﺐٌ ﻛﺼﺎﻟﺢٍ ﻓﻲ ﺛﻤﻮﺩِ
● رن ﺍﻟﺘﻠﻔﻮﻥ.. ﻧﻐﻤﺘﻮ ﺗﻜﺒﻴﺮﺓ ﻋﻴﺪ ﺑﺼﻮﺕ محمد اللمين ﺣﻤﺪ ﺍﻟﻨﻴﻞ .
ﺣﻤﺪ ﺍﻟﻨﻴﻞ ﺩﻱ يمكن ﺟﺪﻳﺪﺓ ﻋﻠﻴﻜﻢ. ﻳﺎﻫﻮ ﺯﺍﺗﻮ زولنا بنعرف من أصلو
و فصلو و من الطرايف برضو واحد من معجبيه موت كان مرة جايي
يصلي في جامع أبو سنون في حي مايو 40 سامع ليك قولت و لا
الضااااالِّين دي وقع ليه الحس الطروب الما بيغباه. فمع قولت: آمين
زولنا قعد يلوح في رويسو طربان للنخاع قال : أبو اللمييين ياااا.

● فالشاهد شنو: زولنا داك ﻟﻮ نمرة ﻏﺮيبة ما قاعد يهببا ؛ ﻷﻧﻮ ﺍﻟﻬﻮﺍ ﻛﺘﻴﺮ
ﻭ ﺍﻟﻜُﻠَﻒ ما تدي الدرب. في ﻧﺎﺱ ﻛﺪﺍ أﺟﺎﺭﻛﻢ ﺍﻟﻠﻪ النوع الممكن ﻳﻜﻮﻥ ﻣﺎﺵ
ﻣﻌﺎﻙ الكتف بالكتف فجأتن ﻳﻤﻠﺺ عراقيو يكلفك تشيلو يغسلوه في بيتكم
تقوم تندهش يقول ليك : أيوة شنو مالك ما الناس بالناس والكل برب العالمين .
ﻭ ﻧﺎﺩﺭ جدن ﺍﻟﺒﺘﺼﻞ ﻟﻠﻪ في لله. وﺍﺣﺪين بكسرو بيك زمن حجر التبول الحاصل
دا ﻳﺘﺼﻞ ويبعظ يلجغ معاك: أﻣﻮﺭﻙ ﻭ أﺣﻮﺍﻟﻚ ﻭ ﺍﻟﺤﺎﺝ و الحاجة؟! أها ﻣﻤﺎ يبدأ
نحنحة و نخش في اﺳﻤﻌﻨﻲ ﺧﻼﺹ بس ﺑﻲ ﻣﻮﻳﺔ ﻭ ﻛﻤﻠﺖ و أمانة ما كتل راجل.
و ﻧﺎﺱ ﻟﻤﺎ ﻣﺎ ﺗﺮﺩ ﻋﻠﻴﻬﻢ بيعمل ليك سافوتة ﻋﺸﺮين ﻣﺮة ﻭ لامن يلاقيك عانل
وغبير يزرزرك ﺯرة الكلب الأكل الدريش في طاحونة زيى ﺩا تاكلو حنك بس :
و الله ﻛﻨﺖ قافلو ﻓﻲ ﺍﻟﺸﺎﺣﻦ، ﺑﻔﻘﻪ تقديم ﺩﺭﺀ ﺍﻟﻤﻔﺎﺳﺪ عاى جلب المصالح .
على رأي عمنا ود الزومة :ﻛﺎﻥ من ﺍﻟﻨﻮﻉ ﺍﻟﺒﺼﺮ ﻋﻴﻨﻮ أﻭﻻﺩ ﺍﺧﻮه سألوه : ﻳﺎ
ﻋﻤﻮ ﺍﻧﺖ ﻋﻴﻨﻚ ﺩﻱ ﻗﺎفلا ﻣﺎﻟﻚ؟ ﻗﺎﻝ ﻟﻴﻬﻢ ﺇﻧﺘﻮ ﻣﺎلينها حتى نفتح ﺃﺧُﺘﺎ؟

● نرجع تاني للشاهد: زولنا ﻋﺎﻳﻦ ﻟﻠﺘﻠﻔﻮﻥ ﻟﻘﺎها نمرة غريبة فعلن لكن مميزة.
غايتو رفع المرة دي بس بالفضول، و من باب حب الاستطلاع الكتل الكديس .
انقر ما طلع ذات نفس الخواجة ﺩﺍك ﺍﻟﺪﻗﺎ البارح و عتر فيه بالغلط؟!! ﻓﻌلاً
ما مرت ﻣﺮﺕ ٢٤ ﺳﺎﻋﺔ ﺣﺴﺐ ﻭﻋﺪﻭ . ﻳﻜﻮﻥ ﺍﻟﺨﻮﺍﺟﺔ ﺩﺍﻳﺮ ﻳﻘﻮﻝ ﻟﻴﻮ ﺷﻨﻮ؟
ﺩﺍ ﺑﻨﺸﻮﻓﻮ ﻓﻲ ﺍﻟﺤﻠﻘﺔ ﺍﻟﺠﺎﻳﺔ ﺍﻟﺤﻠﻘﺔ ﺍﻟﺘﺎﻟﺘﺔ ﺳﺠﻠﻮﺍ أﺳﺎﻣﻴﻜﻢ ﻭ ﺍﻗﻴﻔﻮﺍ لينا
طابوراً كالبنيان المرصوص و كلو ح نصرف ليه ﻧﺺ رغيفة. إلى لقاء.