تخيل يا مواطن اذا كان كورونا جانا سنة ٢٠١٩ كان رد الفعل حيكون كالاتي :- ١- هيئة علماء السودان حتصدر بيان يفيد بانه غضب من الله بسبب خروجنا في مظاهرات على الحاكم ٢- مامون حميده سيعلن بان السودان على استعداد باستيعاب جميع مرضى كورونا في السودان والعلاج في الزيتونه بالدولار ٣- اسحاق احمد فضل الله حيقول وانا قاعد بعد صلاة الفجر جاني مخلوق غريب وقال لي انا فيروس كورونا رسلتني ليك الغزالة الجاتكم في الجنوب زمان وقالت لي امشي جاهد في القياده وانزل انتشر بين اعداء الدين والوطن المعتصمين في القيادة ٤- عمر البشير كان حيطلع في الساحة الخضراء وحيقول ان الكورونا هي جند من اجناد الله وانا زمان الكورونا دي لاقتني في جبيت وكسرت لي سني دي لكن انتصرت عليها بسبب الايمان بالله ..... الله اكبر الله اكبر ٥- الاتحاد الوطني للشباب السوداني حيعمل نفرة الكورونا وحيشتري ناموسيات وحيسميها ناموسيات الحق المبين وحيبيعها للمواطن بمليون. ٦- وزير الصحة ان الكورونا يمكن معالجتها بالمحريب والعرديب ٧-عبد الرحيم محمد حسين يعلن ان الكورونا جاتنا بالليل ونحن ماشفناها لاننا معتمدين على خاصية الدفاع بالشم ٨- الامدادات الطبية تعلن عن نفاذ الكمامات الطبية وتوفرها فقط لصيدليات علياء ٩- جهاز الامن يعتقل خلية ارهابية من حركة عبد الواحد يقومون بحمل فيروس كورونا في حقيبة طالبات جامعيات لينشروها وسط الداخليات ١٠- وزير الداخلية يعلن عن ضبط مصنع كورونا يديره اجانب بمنطقة الحاج يوسف ١١- نواب البرلمان يصادقون على قانون يجيز اعدام كل من يثبت انه يحمل فيروس كورونا وذلك بعد فتوى من عبدالحي استنادا الى الاية الكريمة ( كل من عليها فان) ١٢- الصادق المهدي يعلن عن مبادرة تتعقمون ١٣- ربيع عبد العاطي يصرح بانه لولا الانقاذ كنتو حتموتو بالملاريا هسي بقيتو بتموتو بالكورونا وهو مرض مستورد زي الهوت دوق والبيتزا ١٤- الفاتح عز الدين يصرح بكره حنخلي اخوتنا المجاهدون في وزارة الصحة حيجيبو ليها دوا ينزل للكورونا دي رب رب رب يخليها مكرونه ١٥- الهندي عز الدين مرحبا بالكورونا لولا التزام البشير بتوجهه الاسلامي لما احبنا الله وابتلانا بهذه النعمة التي يسميها السفهاء وبغاث القوم بالوباء ١٦- حسين خوجلي نحن الحركة الاسلامية نحن ال٩٩ ٪ جاي تقولو لينا كورونا مالو ما نموت بالكورونا موتو ميتينا زاتو ١٧- نافع علي نافع. والله لولا لحس الكوع وتمسكنا بشرع الله لكنا هالكين لامحالة ١٨- معتز موسى اعتقد ان وصول السودان لمرحلة الكورونا هي من اولى بشريات العلاج بالصدمة وهو انجاز اتى بالتضرع الى الله وقيام الليل ، اعتقد اننا نسير في الطريق الصحيح ١٩- تراجي مصطفى الكورونا ياتااااافهة انا حوريك ٢٠ - قومتو علينا الطوحال ... تموا الباقي عليكم الله
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة