***** هل سيصمد الدولار امام جنيه الثورة ؟؟؟ *****

Quote: بطّل غلاط يا فقر الله يهديك, عارفك ح ننعبني شنو ما اتنفذت دي, دا كلام شنو. هو قرار صدر بإلغاء حظر التعامل مع 157 شركة وحددها بالإسم يبقى ما اتنفّذ كيف! يعني في شركة منهم حاولت تعقد اي صفقة مع شركة امريكية او عالمية قالوا ليها لا إنت عليك حظر! يا سيدي الخطاب الحايم من قبيل دا واضح الكلام فيه, لكن الله يسامحه محافظ البنك المركزي صرّح و قرأ الخطاب بطريقة ذكية ما أكتر أدّت للهوجة الحاصلة دي بإختصار قمر الدولة حاول يتفولح على الامريكان قال ليهم بسبب الحظر بتاعكم غالبنا نعمل تحويل لإيجار الطيارة و ندفع للصينيين رسوم شنو وشنو عشان ننقذ أولادنا العالقين في أوهان, يعني نظام يستغل الحتة الانسانية وكدا زي تصريح مصطفى عثمان عن سبب سقوط طائرة سودانير قال الحظر الامريكي حامينا الصيانة! المهم الامريكي ود قلبا مفتّح قال يا حبة العقوبات دي مرفوعة من 2017 و هاك كمان دي روابط للوثائق اديّها لي اي فارة يقول ليك عقوبات وكاني ماني يعني الأمريكي ختّاها لينا بذوق و حرفنة و نظام كان انت واقع من السما أنا اللزيتك! اها من ساعتها و الدجاج حايم بجنس أخبارك دي الدولار فعل و الجنيه ترك! قوم لف قوّت نفسي آخر الليل