|
Re: سرقة مسجد بحالو في السودان . دي اول سرقة ف� (Re: Osman Musa)
|
انا امنت بالله معقول الانسان وصل للدرجة دي؟ الجمعة القبل الفاتت وداخل المسجد في بحري. قريبنا عقد ولده يعني داخل الجامع وبعد انتهاء مراسم العقد....ارتفعت الخناحر بالتهليل والتكبير... وتقديم التهاني والتبريكات لوالد العريس (بالاحضان) ؛ ابو العريس دخل يده في جيب الجلابية عشان يدفع للماذون مبلغ(٥٠) الف جنيه....... لقى الجيب فاضي اتنشل جوة الجامع.... كان موقف محرج
| |
|
|
|
|
|
|
Re: سرقة مسجد بحالو في السودان . دي اول سرقة ف� (Re: Osman Musa)
|
Quote: الأخ المهندس بريمة سلام . ههههههها سرق حق الله . بلاي يا بريمة . الحرامي الشؤم دا فضل فيه حتة حياء؟
|
ول أبا عثمان، نحن السودانيون سرقة المساجد ما جديدة علينا بالمناسبة .. في الثمانيات كنا في جامعة الخرطوم .. أشتريت جزمة تسمى "الدبابة" .. عالية .. زي 12 بوصة من الوطاة .. جديدة لنج .. ونحن طالعين من الجامعة بعد الدوام، قلت لصحبي نمشوا نصلوا الضهر في مسجد الجامعة (مسجد الأخوان) نذهبوا بعد داك سفرة الطعام مباشرة ..
دخلنا صلينا .. والله جينا طالعين .. تانى إلا سماح وصف جزمتي .. عييك الحرامي شالها من مسجد جامعة الخرطوم في "السنتر" صلاة الظهر .. والدنيا كانت صيف يلهب .. لما وصلت البركس .. بطن رجلينى كله نبخ .. من السخانة رغم المسافة قريبة .. قطعت الظلط.
بريمة
| |
|
|
|
|
|
|
Re: سرقة مسجد بحالو في السودان . دي اول سرقة ف� (Re: Biraima M Adam)
|
السودان اضحوكة نتاج و حصاد 30 سنة و مواصلة المصلحجية فى ذات النهج الميكافبلى .. نضحك شوية .. و مالو اضمن حاجة تسرق المسجد و انت قاعد تفكفك لو دخل عليك زول و سالك تقول ليه في فاعل خير متبرع بحاجات جديدة و نحن شغالين نركبهم ( ف السعودية تفتح المساجد اوقات الصلاة فقط و بعد الصلاة بقليل يتقفل ) و بعدين ههههه دة بيكون حرامى مؤمن بان الله يغفر و يسامح فى حقو عشان كدة قال يسرق حق الله ههههه يا عالم بكرة حيحصل ايه فى سودان الجمال الكان و البدأ ينحسر . ايام الثورة و الاعتصام كان بدأ الاخلاق السودانية الجميلة ينفض الغبار و يعود لكن !!! كوارث فض الاعتصام اعادنا لمربع الانقاذ البغيض و زاد عليه انقلاب اعتصام القصر هتاف الكبار الذين صغروا .. ما بنرجع لو ما البيان طلع يا ربى البيان نفعهم ؟ و للا نفع السودان ؟ اللهم يهديهم .. و لو ما اهتدوا و اتعظوا ربنا يشيلم شيلة عزيز مقتدر لينعم السودان بالامن و السلام و العدل .. و انما الامم الاخلاق..................... تحياتى شاعرنا الجميل و للاخوة الاحباب .... يا بريمة الحبيب كنت تخليك حريف و تسلمهم لبتاع الورنيش عشان يورنشهم او بمقابل مادى و تخش المسجد ..دى الطريقة الوحيدة فى السودان لحفظ النعال الجديدة او ما شابه عند الدخول للمساجد او تشيلهم ف يدك و تختهم حواليك .....ههههههه
مودتى و تقديرى
| |
|
|
|
|
|
|
Re: سرقة مسجد بحالو في السودان . دي اول سرقة ف� (Re: Biraima M Adam)
|
الأخ المهندس بريمة سلام على كل حال الجاتك في دبابتك سامحتك . الآن الشغلة تحولت من الدبابات للجلاكسي ابو 3 كاميرات. جنهم وجن الجلاكسي. تلاقي الحرامي ماسك المسبحة المعطرة بيد وفي اليد التانية مشرط الجيب السنين. نفس الموس البيستعملوها جراحين القلب في مستشفي جون هوبكينز. العملية كلها تتم في لمحة ويطلع الجلاكسي . والجزلان الصغير المليان باليورو . هم عارفين وين يكون الصيد الشحمان . الحرامي يقدر يميز انواع البشر ويحدد لحظة مشغولية الضحية. دي لحظة البنج . دي لحظة السيرجري . وبعدها تقوم الكبسيبة والشكية والجوعيير .
| |
|
|
|
|
|
|
Re: سرقة مسجد بحالو في السودان . دي اول سرقة ف� (Re: Osman Musa)
|
الحبيب بدران سلام
Quote: .... يا بريمة الحبيب كنت تخليك حريف و تسلمهم لبتاع الورنيش عشان يورنشهم او بمقابل مادى و تخش المسجد ..دى الطريقة الوحيدة فى السودان لحفظ النعال الجديدة او ما شابه عند الدخول للمساجد او تشيلهم ف يدك و تختهم حواليك .....ههههههه |
لقد سبق السيف العزل يا ول أبا، لكن من اللحظة دييك تانى إلا شبشب واطي .. وأضع فردة في طرف .. والفردة الأخري في طرف .. علي بال ما يقول يزاوجهم نكون خلصنا الصلاة ..
بريمة
| |
|
|
|
|
|
|
Re: سرقة مسجد بحالو في السودان . دي اول سرقة ف� (Re: Biraima M Adam)
|
ول أبا عثمان
Quote: جنهم وجن الجلاكسي. تلاقي الحرامي ماسك المسبحة المعطرة بيد وفي اليد التانية مشرط الجيب السنين. نفس الموس البيستعملوها جراحين القلب في مستشفي جون هوبكينز. العملية كلها تتم في لمحة ويطلع الجلاكسي . والجزلان الصغير المليان باليورو . هم عارفين وين يكون الصيد الشحمان . الحرامي يقدر يميز انواع البشر ويحدد لحظة مشغولية الضحية. دي لحظة البنج . دي لحظة السيرجري . وبعدها تقوم الكبسيبة والشكية والجوعيير . |
أوروبا بأكملها وأمريكا الشمالية وكندا .. ما بتلقي زول يسرق من جيب شخص pick pocket .. إما يهندبوك ويقلعوا منك قلع .. أو لا يدخل أحد يده في جيبك؟!
وصلنا مرحلة من الخساسة متردية شديد ..
بريمة
| |
|
|
|
|
|
|
|