الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: رجاء ممن يعلم رقم (شغال) للسفارة السودانية (Re: Abureesh)
|
ما تتعب نفسك وما في زول حيرد ليك التلفون لان السفارة هي السفارة السودانية وليست السفارة السعودية او سفارة أوربية ... يوم الخميس الماضي ضربت تلفون للسفارة السعودية استفسر عن بعض المعلومات وقبل أن يرن الجرس الثاني جاءني الرد ...وافادوني بكل المعلومات التي طلبتها .... هذه هي السفارات ولا بلاش .. وقبل كده انا كتبت عن خبر قرأته في جريدة سعودية بأن الملك عبد الله بن عبد العزيز ، في عهده، طلب اجتماعا بجميع السفراء السعوديين في الخارج وقال لهم ان مهمتهم الأولى هي خدمة المواطن السعودي ومن ثم توطيد العلاقات الثقافية والتجارية مع تلك الدول التي يقيمون فيها ...وشدد على أنه اذا قام اي مواطن بتقديم شكوى لوزارة الخارجية فإن هذا يعني إنهاء خدمة السفير فورا ... اما وزارة الخارجية السودانية فحدث ولا حرج.....وكأنه ما في وزارة ...ولغاية الآن ما عندنا وزير خارجية !!!!!
| |
|
|
|
|
|
|
Re: رجاء ممن يعلم رقم (شغال) للسفارة السودانية (Re: امتثال عبدالله)
|
أهلا امتثال.. أعتقد هى مشكلة فنية فى الإتصالاات.. ما نظلمهم كتير.. والغريبة ال menu كل خيارات المنيو توديك للآنسر مشين.. اخترت العربى ما نفع الإنجليزى ما نفع.. لو حل المشاكل الفنية ييحتاج تمويل المفروض يكتبوا للخارجية يستعجلوا ال funds حتى لو رسلوا ليهم كاش بالحقيبة الدبلوماسية.. عرفت من أخ قريب منهم انها مشكلة إتصالات.. communications.. الله يعين
| |
|
|
|
|
|
|
Re: رجاء ممن يعلم رقم (شغال) للسفارة السودانية (Re: mohamed osman bakry)
|
مرحبا محمد عثمان بكرى واللاى انا ما عندى مشكلة إتحول للأنسر مشين ولكن الشئ اللى يحير انها مليانة وما تشيل رسائل جديدة.. يعنى غالبهم يفرغوها عشان الناس تخت رسائل؟!! يجوز ما عندهم كادر فنى يقوم بالعملية دى.. طيب واشنطن وفرجينيا وميريلاند مليانة مواطنين متخصصين تقنية و IT.. ليه ما يتصلوا بأى واحد يساعدهم؟
| |
|
|
|
|
|
|
Re: رجاء ممن يعلم رقم (شغال) للسفارة السودانية (Re: Abureesh)
|
سفارة السودان في واشنطن، د-.، الولايات المتحدة عنوان: 2210 ماساتشوستس افي واشنطن العاصمة 20008 الولايات المتحدة
هاتف: (202) 338-8565
بريد الالكتروني: mailto:[email protected]@sudanembassy.org
ساعات العمل: الرجاء التواصل
الموقع الرسمي: موقع سفارة السودان
المزيد عن سفارة السودان في واشنطن، د-.، الولايات المتحدة تأشيرة عبر الإنترنت السودان الأنواع التالية من التأشيرات متاحة السودان: تأشيرة سائح / زائر تأشيرة عمل قصيرة الأمد تأشيرة طالب تأشيرة لأغراض طبية اتصل بالسفارة ساعات العمل من الاثنين إلى الجمعة: 9:00 ص – 5:00 مساء بيانات المتصل تقع القنصلية في 2210 ماساتشوستس افي واشنطن العاصمة 20008 الولايات المتحدة يمكن الاتصال عبر الهاتف على (202) 338-8565 يمكن الاتصال عبر الهاتف على mailto:[email protected]@sudanembassy.org
| |
|
|
|
|
|
|
Re: رجاء ممن يعلم رقم (شغال) للسفارة السودانية (Re: Abureesh)
|
محمد عثمان بكري حتى كان مشيت ليهم بالدرب حيستقبلوك استقبال سئ وصارين وشهم واحتمال تقعد في الاستقبال ساعة ساعتين لغاية ما بخلوك تقابل أي مسؤول فيهم...انا ما بتكلم عن السفارة السودانية في امريكا فقط ..ولكن كافة السفارات السودانية في الخارج على نفس المنوال... ولكن الحقيقة يجب أن تقال ان ناس نيويورك بيتحدثوا بالخير عن السفير السوداني الأسبق في نيويورك الفاتح محمد احمد عروة وبيقولوا أنه في عهده السفارة كانت بتستقبل المواطنين بكل أريحية وطيبة نفس وبيحلوا ليك مشاكلك في لحظات وان السفير بنفسه كان بيتدخل لحل مشاكل المواطنين السودانيين وحكت لي صديقة هنا أنه في مرة من المرات جاء سوداني من ولاية تانية عاوز يحدد الجواز السوداني ولكن القنصلية رفضت تجدد ليه ما لم يدفع ضرائب سنتين وانه وفي هذه اللحظة التي كان يدور فيها النقاش بينه وبين القنصل دخل السفير عروة وسأل عن المشكلة وعرف السبب قال للقنصل جدد ليه الجواز بتاعه الآن والضرائب بتاعته تعال شيلها منى وانا حادفعها ،بل قال السوداني صاحب المشكلة تعال معاي المكتب اشرب معاي قهوة لغاية ما يجددوا ليك الجواز.... لا اظن مثل هذه المعاملة الطيبة والإنسانية موجودة في اي سفارة سودانية فى الخارج ...
| |
|
|
|
|
|
|
Re: رجاء ممن يعلم رقم (شغال) للسفارة السودانية (Re: امتثال عبدالله)
|
Quote: حتى كان مشيت ليهم بالدرب حيستقبلوك استقبال سئ وصارين وشهم واحتمال تقعد في الاستقبال ساعة ساعتين لغاية ما بخلوك تقابل أي مسؤول فيهم...انا ما بتكلم عن السفارة السودانية في امريكا فقط ..ولكن كافة السفارات السودانية في الخارج على نفس المنوال. |
الكلام دا ما صاح.. أنا لا أتهم الموظفين بسوء المعاملة.. وما عارف السفارات الأخرى ولكن قنصلية نيويورك فيها سودانيين أولاد بلد ومحترمين ويحترمون السودانيين منذ ان تطأ اقدامهم مبنى السفارة.. هذه شهادة أبصم عليها بالعشرة.. المشكلة التكنولوجيا المستعملينها تعبانة ومتخلفة.. وعيب انهم فى امريكا، أكبر دولة متطورة تقنيا فى العالم وهم يستخدمون بقنيات عفى عليها الزمن. زمن المهندس عبدالقادر فى إدارة الـ IT اوائل الألفيـة الوضع لم يكن كذلك.. الله يعين.
| |
|
|
|
|
|
|
Re: رجاء ممن يعلم رقم (شغال) للسفارة السودانية (Re: Abureesh)
|
بالله عليك يا محمد عثمان بعد ما تمشي ليهم بالدرب تعال لينا راجع هنا واحكي لينا عن تجربتك ....بس انا خايفة بدل يضبحوا ليك خروف، زي ما قال ابو الريش، يقوموا يضبحوك انت ذاتك أو تجيك ذبحة صدرية من المعاملة الرديئة الحتلقاها ... ..واتذكر انت ماشي السفارة السودانية ما السفارة السعودية او السفارة السويسرية .. ربنا يكون في عونك ،،،
| |
|
|
|
|
|
|
Re: رجاء ممن يعلم رقم (شغال) للسفارة السودانية (Re: Abureesh)
|
يا ابو الريش انت منحاز ليهم من البداية وقبال تمشي ليهم ونحن عايزين تقرير برضه من محمد عثمان بكري لانه محايد ونعرف الحاصل فربما اسأت الظن بهم وبعض الظن اثم لكن بصراحة معظم الجاليات السودانية في الخارج بتشتكي من معاملة السفارات السودانية ...
| |
|
|
|
|
|
|
|