|
Re: هذا السيناريو مرفوض ياحمدوك - ( !!!). ماهو ؟؟ (Re: كمال عباس)
|
Quote: خاطب الشارع وأعلن موقفا ثوريا |
شارع وموقف ثوري؟ الاتنين!
من متين حمدوك بطلع الشارع ولا بتخذ مواقف ثورية؟ :) نحن حمدوكنا يقعد لينا في البيت كدة صامد صامت، تلجنا في تلاجتنا شوف ثوارك بي وين، بعد تنتهوا من موضوع ثورتكم بنرجعوا مكتب رئاسة الوزراء بالعربية المصفحة يمارس بروده تاني لحدي ما ينط فيها عسكري جديد
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: كمال عباس)
|
ذلك حقا ما اخشاه و هو ان دكتور حمدوك بتسامحه المعروف يقبل العودة للشراكة مع العساكر حرصا علي السودان. الانقلاب طلاق بائن بينونة كبري ليس معه شراكة مع عسكر و جنجويد فمن يقتل المتظاهرين السلميين حماية لسلطة مغتصبة سوف يحرص علي الحرية و السلام و العدالة بأي و بذلك يكون قد فارق شعارات الثورة و روحها و جسدها دونما عودة لطريق الشعب.
الشارع هيأ نفسه لثورة أخري فلا يجب أن ينصاع لمن يجره للوراء اذا حدث ذلك لا قدر الله.
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: منتصر صلاح)
|
هو ياتو يوم الشارع ما كان معاهو! الزول ما قال ولا كلمة في ثورة ديسمبر ولا صرح ولا حتى كتب منشور ذاتو، في الحقيقة ولا قبلها ما اتعرفت ليه معارضة للنظام ورغم كدة قبل ما ينزل من الطيارة كل الناس كانت بتهتف شكراً حمدوك وهو أساساً لسة ما فتح خشمه ذاتو :) الناس تكون منطقية في تطلعاتها ولا كان عاوزين المنشور حلم حلم كلمونا نحلم معاكم بي بات مان يجينا طاير من بلاد السند وبي ضربة واحدة يكتل حميدتي والبرهان ويملاً السودان عدلاً بعد أن ملئ جوراً :)
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: أحمد محمد عمر)
|
شخصيا لم أطالب -مثلا - حمدوك. بان يخرج في مظاهرة -يقود اعتصام -يعمل مخاطبة. جماهيرية في الشارع
لا فقط عليه ان يلقي كلمة او خطاب -عبر فيديو يوضح فيه حقيقة ماجوي منذ لحظة اعتقاله وحني إعادته لمنزله
والأهم ان يطمئن الناس ويجدد العهد ويدعم. بالكلمة نضال الشعب ضد الانقلاب وهو نضال سفك فيه دم وأزهقت فيه ارواح
وليفعل هذا بما يتناسب مه طبيعته وتركيبته النفسية -اَي بهدوء وبرود واتزان- المهم ان تصل الرسالة للشارع
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: أحمد محمد عمر)
|
تحياتي لصاحب البوست وكل المتداخلين
أعتقد ردود الفعل المسربة من حمدوك ومكتبه كفيلة بدحض هذه قراتك الأستباقية لموقف حمدوك
تم تداول رسالة من حمدوك على نطاق واسع وتم نشرها في القنوات التي تشكل مصدر رئيسي الأخبار في الوقت الراهن :
دعا رئيس الوزراء السوداني عبد الله حمدوك، اليوم الإثنين، السودانيين إلى التمسك بالحراك السلمي واحتلال الشوارع للوقوف في وجه الانقلاب العسكري الجاري في البلاد. ونقلت وزارة الإعلام السودانية على حسابها الرسمي بموقع "فيسبوك" أن عبد الله حمدوك، قال في رسالة من مقر إقامته الجبرية إنه "يطلب من السودانيين التمسك بالسلمية واحتلال الشوارع للدفاع عن ثورتهم". ’
ودليل أخر هو البيان الصادر من مكتب حمدوك وهو بالطبع يعبر عن موقف الرجل بلا مواربة
وقال مكتب رئيس الوزراء إنه "تم اختطاف حمدوك وزوجته فجر اليوم الاثنين 25 أكتوبر 2021 من مقر إقامتهما بالخرطوم، وتم اقتيادهما لجهة غير معلومة من قبل قوة عسكرية. كما اعتقلت القوات الأمنية بالتزامن عدداً من أعضاء مجلس السيادة والوزراء وقيادات سياسية". وأضاف المكتب في بيانه: "ما حدث يمثل تمزيقاً للوثيقة الدستورية وانقلاباً مكتملاً على مكتسبات الثورة التي مهرها شعبنا بالدماء بحثاً عن الحرية والسلام والعدالة". وحمّل البيان "القيادات العسكرية في السودان المسؤولية الكاملة عن حياة وسلامة رئيس حمدوك وأسرته". وقال: "تتحمل هذه القيادات التبعات الجنائية والقانونية والسياسية للقرارات الأحادية التي اتخذتها". وتابع: "الثورة السودانية التي انتصرت بالسلمية عصية على الانهزام، كما أن الدماء التي سكبها الثوار على طول الطريق نحو الحرية والسلام والعدالة، لن تضيع سُدى بين أقدام المغامرين". وقال: "حمدوك، القائد الذي قدمته الثورة السودانية على رأس الجهاز التنفيذي لحكومة الثورة، أهون عليه أن يضحى بحياته، على أن يضحي بالثورة وبثقة الشعب السوداني في قدرته على الوصول بها إلى غاياتها". ودعى البيان "الشعب السوداني للخروج والتظاهر واستخدام كل الوسائل السلمية المعلومة التي خبرها وجربها، لاستعادة ثورته من أي مختطف".
ـ
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: محمد علي البصير)
|
السلام عليكم ورحمة الله وبركاته شكراً الأخ كمال وتحية عبرك لكل زوار الخيط أتفق تماما مع الأخ البصير وعلينا جميعا أن ننظر بعين العقل والمنطق والواقع للراهن. حمدوك لا يمكن أن يكون بهذه الرعونة التي يصفه بها البعض، ولمثل هذه الظروف التي يوجد فيها هو أحكامها. ومؤكد تماما من منطق ومنطلق خطاب حمدوك أنه مع الشارع ولا يمكن لشخص مثله أن يخنع أو يخضع أو يبيع موقفه و الحكمة تقتضي علينا في هذ الحالة أن تمثل تماما ما قاله حمدوك: Quote: دعا رئيس الوزراء السوداني عبد الله حمدوك، اليوم الإثنين، السودانيين إلى التمسك بالحراك السلمي واحتلال الشوارع للوقوف في وجه الانقلاب العسكري الجاري في البلاد. ونقلت وزارة الإعلام السودانية على حسابها الرسمي بموقع "فيسبوك" أن عبد الله حمدوك، قال في رسالة من مقر إقامته الجبرية إنه "يطلب من السودانيين التمسك بالسلمية واحتلال الشوارع للدفاع عن ثورتهم |
___ الحليلة
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: elhilayla)
|
Quote: دعا رئيس الوزراء السوداني عبد الله حمدوك، اليوم الإثنين |
أنا بقول إنه الكلام دة ما حصل واحد كتب امنياته وفي باله اردوغان ورسلها واتساب البيانات الصحيحة هي الكان بكتبها مكتب حمدوك المصادمين ناس ياسر عرمان وبيأكدوا فيها إنه مختفي في جهة غير معلومة، يعني فاقدين التواصل معاهو فلو كانت الرسالة دي حقيقية كان ببساطة نشروها في موقع مكتب رئيس الوزراء !
البيان الوحيد الطلع بعد خروج حمدوك هو دة: Quote: بسم الله الرحمن الرحيم التحية للشهداء والجرحى وتمنيات العودة للمفقودين التحية للثورة السودانية التحية للشعب السوداني الذي قهر الظلم وهد عمائد الاستبداد شعبنا الأبي تمت مساء اليوم إعادة رئيس الوزراء د. عبدالله حمدوك وقرينته إلى مقر إقامتهما بالخرطوم تحت الحراسة المشددة. يؤكد مكتب رئيس الوزراء أن عدداً من الوزراء والقادة السياسيين لا يزالون قيد الاعتقال في أماكن مجهولة. مكتب رئيس الوزراء د. عبدالله حمدوك 26 أكتوبر2021 |
شايف ليك فيه دعوة للخروج؟ كل ما فيه تحية للثورة، تمنيات بعودة المفقودين، الرئيس عاد، الوزراء محبوسين لكن ما فيه دعوة لي أي حاجة ولا حتى مطالبة بإطلاق سراح القادة السياسيين ديل
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: أحمد محمد عمر)
|
السيناريو الوحيد الممكن يدعم موقف حمدوك إنه يكون لحدي هسة محتجز ومننوع عنه التواصل ومنعم سليمان كضاب ما قابله ولا حاجة Quote: تحديثات: _تاكد إعتقال الحاج وراق _ حمدوك لازال قيد الإقامة الجبرية بمنزله وقابله مدير مكتبه ويتعرض لضغوطات متزايدة لدعم الإنقلاب _ تعليمات صدرت للجيش والدعم السريع للنزول للشوارع بإعداد كبيرة لتفيذ الطواريء ومنع التجوال ولمزيدا من القمع _ كامل ادريس بشكل كبير هو رئيس وزراء الانقلاب (اتي به من جنيف قبل الانقلاب بايام قليلة) والان هو بالخرطوم Bakka Khalil |
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: أحمد محمد عمر)
|
حسب قرايتي لموقف حمدوك أنه متمسك بحكومته ومتمسك بالشراكة مع العسكر على ضوء الوثيقة الدستورية. على الأقل هذا هو الموقف الذي يريد أن يظهر هو فيه.
رغم أن إستعادة الشراكة مع العسكر وإرجاع نفس الحكومة السابقة بوزرائها والمدنيين من مجلس سيادتها ليجلسوا مع نفس العسكر أصبح بعيد عن التصور. ولكني أتفهم جداً موقف حمدوك بإعتبار موقعه كرئيس وزراء. وهو الموقف الأنسب لمخاطبة رئيس الوزراء للعالم.
الثوار يشوفوا شغلهم وحمدوك يشوف شغلو
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: محمد علي البصير)
|
ما تنفعل ساي داير ليك رسالة واتساب زي حقتك دي موقعة من بايدن، ولا أقول ليك .. من ابراهام لينكولن ذاتو بظبطها ليك هسة دي هسة لو سألتك الرسالة دي جات لمنو؟ ولا نشرها في ياتو قروب واتساب؟ عندك لي جواب ولا جلا؟
في صفحة رسمية لمكتب رئيس الوزراء تستقي منها المعلومات الموثقة أي حاجة برة النشر الرسمي مشكوك فيها
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: أحمد محمد عمر)
|
يا احمد عمر منعم ما اظنه كضاب لأنو في صورة مع حمدوك نشرها عطاف محمد في حسابه, لكن المستغرب ليه انه عطاف دا في لقاء مع قناة لخاهم لخ الجن و بالاسم كمان و ختاها للبرهان بشفتنة ما عارف كيف خلوه يدخل و يتصور مع حمدوك, ديل لابدين جمب القنوات اي زول بتكلم ما ياهو بعتقوله كما فعلوا مع فايز السليك - او شكلها اعتقالات انتقائية بغرض ما المهم, الناس ديل ميتين في كلمة من حمدوك مش يؤيد قط يقبل بيها الحاصل, اليوم اوروبا و امريكا قالوا بنعرف رئيس ورزا للسودان حمدوك بس! اتخيل يلا شكل الضغوط البتقع عليه الآن, كونه صامد وما اداهم العايزنه دا يكفينا منه الآن, تخيل لو كان طلع زي ما تمنو اول ساعات الانقلاب و اعلن هو حل الحكومة مثلا! فا شنو.. روق و بطل حركات سميك دي!
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: أحمد محمد عمر)
|
Quote: داير ليك رسالة واتساب زي حقتك دي موقعة من بايدن، ولا أقول ليك .. من ابراهام لينكولن ذاتو بظبطها ليك هسة دي |
يا زول أنت موهوم ولا شنو ؟
أنا جبت بيان مكتب حمدوك ـ وفيه فقرة بتقول بوضوح : ((ودعى البيان "الشعب السوداني للخروج والتظاهر واستخدام كل الوسائل السلمية المعلومة التي خبرها وجربها، لاستعادة ثورته من أي مختطف".))
البيان دا نشرتوا كل وسائل الإعلام العربي والدولي
تعرف أنا جبتو من وين ؟
جبتو من هنا ↓
https://www.alhurra.com/sudan/2021/10/25/%D8%AA%D9%82%D8%A7%D8%B1%D9%8A%D8%B1-%D8%A8%D8%A5%D8%B7%D9%84%D8%A7%D9%82-%D8%A7%D9%84%D9%86%D8%A7%D8%B1-%D9%85%D8%AA%D8%B8%D8%A7%D9%87%D8%B1%D9%8A-%D8%A7%D9%84%D8%AE%D8%B1%D8%B7%D9%88%D9%85-%D9%88%D8%AD%D9%85%D8%AF%D9%88%D9%83-%D9%8A%D8%AF%D8%B9%D9%88-%D8%A7%D9%84%D8%B4%D8%B9%D8%A8-%D9%84%D9%80%D8%A7%D8%B3%D8%AA%D8%B9%D8%A7%D8%AF%D8%A9-%D8%A7%D9%84%D8%AB%D9%88%D8%B1%D8%A9https://www.alhurra.com/sudan/2021/10/25/%D8%AA%D9%82%D8%A7%D8%B1%D9%8A%D8%B1-%D8%A8%D8%A5%D8%B7%D9%84%D8%A7%D9%82-%D8%A7%D9%84%D9%86%D8%A7%...AB%D9%88%D8%B1%D8%A9
دا موقع قناة الحرة ـ قناة أمريكية موجهة للعرب ـ دي مواقع ما بتنشر ساي خبط عشواء
دايرني أصدق زول نكرة أسمو أحمد عمر وأكضب كل مواقع الميديا العالمية ؟؟
و الله محن
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: أحمد محمد عمر)
|
يا محمد البشرى نحن نتعامل مع حمدوك بلغة الإشارة زي ما الجزائريين كانوا بتعاملوا مع بوتفليقة نحاول نطلع تصريحات ومواقف من سكوته ونغني ليه يا حلو دة السكوت مرات كلام وعدم الكلام هو كمان ملام
هيثم الغالي النبي فيك تجي تدي محمد البشرى من حقات أمس ديلاك .. أنا ما بعرف ليهم
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: Bashasha)
|
دليل على شنو يا بشاشا؟ الخبر بقول تم تداول رسالة واتساب من حمدوك ما موجود في الخبر منه الاستلم الرسالة دي أساساً عشان نمشي نشيك على حسابه ونشوف هل فعلاً قال ولا لأ يعني باختصار الخبر ما عندو أي مكان عشان نمشي نتأكد من صدقيته ناس مكتب حمدوك في الوقت داك بقولوا إنه مختفي وكلامهم معناهو مافي اتصال بيناتهم لو الكلام المكتوب في الرسالة حقيقي كان على الأقل نشروهو في موقع المكتب
| |
|
|
|
|
|
|
Re: هذا السيناريو مرفوض ياحمدوك - ( !!!). ماهو ؟؟ (Re: كمال عباس)
|
Quote: حمدوك أسير ورهينة ولا رأي لرهينة
|
Quote: ØÙ
دÙ٠أسÙر ÙرÙÙÙØ© ÙÙاحمدوك أسير ورهينة ولا رأي لرهينة رأ٠ÙرÙÙÙØ© |
دي ابجديات اي زول انتظم في عمل حزبي سياسي بعرف الكلام دا لو عندك زميل تم اعتقاله بواسطة الامن يتم عزله من اي عمل تنظيمي لمدة سنة على الاقل بعد اطلاق سراحه وذلك كتامين له وللتنظيم فما بالك بان يفاوض او يقوم بتوقيع اتفاقات
| |
|
|
|
|
|
|
|