الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: لوشي تدعو البنات للدخان (Re: خضر الطيب)
|
الجهل مشكلة بخلي الزول يمشي بكرعينه للمهالك بدل ما لو جاتو يبعد منها التقاليد بتاعة المجتمع ما دامت ما فيها عيب يجب على كل زول وزولة لو ما عاوزين يتبعوها على الأقل تحترم أما محاولة شطبها فليست إلا موردة للمهالك
| |
|
|
|
|
|
|
Re: لوشي تدعو البنات للدخان (Re: كمال عباس)
|
خضر الطيب انت اصلك بتاع تبحت زى صاحبك ابو اسم جديد قبل كم سنة سارة ابو ومعها سودانية وخواجية عملو فيلم وثائقى عن الدخان ومراحله وقدوم بيان بالعمل لطقوس الدخان كدى امش قوقلو وخمو جيبو لينا هنا في وقتها فتحت به بوست
| |
|
|
|
|
|
|
Re: لوشي تدعو البنات للدخان (Re: أبوذر بابكر)
|
الكثيرون يعتقدون انه ساونا و مزيل للعرق و معطر .. هبة ربانية للمراة السودانية.. و تاسف البعض لانه ارتبط بالمراة المتزوجة .. و بالعروس ..و اصبح ممنوعا للفتيات و تقديرى و احتراماتى لكم جميعا
| |
|
|
|
|
|
|
Re: لوشي تدعو البنات للدخان (Re: بدر الدين الأمير)
|
عمك يشتكي لصاحبه من وجع الركب وهم قاعدين في الانداية كان في باقي دخنة في الحفرة..صاحبو قاليهو اغمت كرعيك في باقي الدخان دا بنفعك ..قعد كدا كبست الشرطة الضابط قاليهم خلو السكارى واي حاجة جيبو الباطل القاعد يتدخن دا
| |
|
|
|
|
|
|
Re: لوشي تدعو البنات للدخان (Re: muntasir)
|
ههههههه منتصر الرجاء ثم الرجاء عدم حرف البوست خلينا مع ابو ذر البسال مين هى الوشى يا ابوذر ياخى دى لمن سالوها مين جماهيرك قالت اللوشا اها اللوشا ديل ناس منتصر وابو الحسين وعثمان موسى وعارف ناشد وبكرى ابوبكر ويحى قبانى وعيييك على قول بشاشا
| |
|
|
|
|
|
|
Re: لوشي تدعو البنات للدخان (Re: بدر الدين الأمير)
|
Quote: يا عماد هل الخواجية دى بعد الدخان والكبرتة وليس بخوة المرقة بتكون باتت جيعانة |
الخواجية بعد المراء قالت ليها دا بضيّق خلّصت دخانها و قالت الله يقدرني على راجلي بعد ارجع ليه بالبوخة دي بياكلني نية
| |
|
|
|
|
|
|
Re: لوشي تدعو البنات للدخان (Re: بدر الدين الأمير)
|
Quote: حضور المترجم ابوذر المابعرف من هى لوشى |
حبيبنا الامير .. تحياتي طبعاً جيل بناتنا ديل ما قاعدين نتابعهم لكل جيل رواده وملاحظ أن عدد الفنانات في ارتفاع رغم عدم متابعتنا في قروبات الشباب ( دخل الفنانات مرتفع جدا )
لكن ما شاء الله بناتنا ديل آخر أناقة
والاغاني مختلفة تماماً .. وأسماء أو ألقاب ( ساتا ، لوشي ... الخ )
آه يا زمن .. أول ما حضرت للعاصمة كنت مستغرب من الشورت ( ميني جوب)
كان اسخن من زي البنات اليوم ( كان زمان شورت فوق الركبة ) وبدون أكمام
لماذا اليوم الهجوم على بناتنا ..
تحياتي الامير الجميل .. زمنهم برضو جميل
| |
|
|
|
|
|
|
Re: لوشي تدعو البنات للدخان (Re: علي عبدالوهاب عثمان)
|
مسعولين عن حسن التبعل حسن التبعل ياعلى عبدالوهاب يعنى تزين الزوجة لزوجها وفيه حديث شريف ..... هل كل نساء السودان يحسنن التبعل لازواجهين بالدخان يعنى الدخان زى الويكة البتدخل في كل اطعمة الشعوب السودانية
| |
|
|
|
|
|
|
Re: لوشي تدعو البنات للدخان (Re: Ahmed Yassin)
|
Quote: شنو يا عم علي .. ميني جوب وماعارف شنو شورت فوق الركبة وبدون أكمام.. الجاب الكم للميني شنو؟... الانت بتتملم عنه دا اسمه( اوفر اوول) وبالدارجي ابرول
|
فنانا الجميل تحياتي .. سيرناقمي ما قادر أجمع .. افتكر كان فستان ضيق وقصير .. عندنا في ضواحي الدنيا ما كان في .. سمعنا في العاصمة
لكن .. الابرول مش لبس الميكانيكيين ؟
مودتي فنانا الجميل
| |
|
|
|
|
|
|
Re: لوشي تدعو البنات للدخان (Re: Ahmed Yassin)
|
فنانا الجميل .. تحياتي ما شاء الله اليوم بناتنا كلهن جميلات ما شاء الله ربنا يحفظهن زمان البنت السمحة تكون يا واحدة أو اثنين في الحلة دائما كانت من نصيب المدرسين المدرس زمان كان أعلى وظيفة في الحلة أعلى من (التمرجي)
آه يا زمن .. تحياتي للاحباب
| |
|
|
|
|
|
|
Re: لوشي تدعو البنات للدخان (Re: Ahmed Yassin)
|
ود الامير اهههههههه قال هو اول مرة جاء الخرطوم ليستلم خطاب تعيينه مدرسا جاء يوم الخميس ... نزل في السجانة .. يوم السبت ودوهو مستشفى العيون.. شارع النيل جنب وزارة التربية. مشى استلم خطابه ويوم الاحد كان جوة اللوري الراجع دنقلا.... حيهجج وين؟
| |
|
|
|
|
|
|
Re: لوشي تدعو البنات للدخان (Re: Ahmed Yassin)
|
Quote: عمك على عبدالوهاب لا هجج ولابعرف الهجيج فياخى ماتعصر عليه |
التحية للحبيب الجميل الامير .. وفنانا الجميل احمد الهجيج كان زمان في ميز المدرسين .. برضو في ضواحي الدنيا قعدات فقط .. ما زي هجيج المدن ..
عرفت شوية عن الهجيج عندما جئنا الى كورس تدريب المعلمين في أمدرمان كنا طبعا تحت قيادة ناس الخرطوم ..
المهم الدنيا كانت جميلة والراتب كان فائضه كبير جداً
يا سلام الاحباب الكرام مثل هذه الذكريات تنعش الذاكرة وتضخ الدم في العروق .. أحياناً اتعمد استحضار تلك الذكريات
شكر ابنتنا لوشي جعلتنا ندخل في مسارب الزمن الجميل
التحية للاحباب
| |
|
|
|
|
|
|
Re: لوشي تدعو البنات للدخان (Re: Ahmed Yassin)
|
احمد يس كيف اخبارك نعم حبوباتنا سراويلهم كانت طويلة جدا احد اعمامنا تزوج ولمدة سنتين لم ينجب الجماعة سألوه يازول الحكاية شنو المرة لسه ماحملت ؟؟ زولك دردم ليهو سفة ماااانعة وقال ليهم عاوزنها تحمل كيف وهي لابسة ليها سروال فيهو (تكه)
| |
|
|
|
|
|
|
Re: لوشي تدعو البنات للدخان (Re: أبوذر بابكر)
|
ابو ذر يوقعو ليك انت ولا لعلى عبدالوهاب لوشى دى قالت حاتنزل الانتخابات قاصاد البشير فى 2020 بس قامت الثورة وحرمتنا من هذه الرئيسة وجابت لينا الخرقاء مريم الصادق وزيرة للخارجية
| |
|
|
|
|
|
|
Re: لوشي تدعو البنات للدخان (Re: Osama Siddig)
|
عثمان ياود موسى هاك الحكاية دى عمك رجل كبير وقرر يعرس تانى قامو اولاد الكبار مشو ليهو عشان يحنسو مايتزوج وقالو له في هذا العمر مافى داعى للزواج وامنا مكفياك قام قاليهم انتو بتكلمونى عن امكم امكم بقت لمن تقعد في حفرة الدخان الدخان بطلع ليها من نخريها الأولاد مشو نقول الكلام لامهم... الاب تزوج وبعد شهرين مات لكن حدثت حاجة غربية الاب ثلاثة مرات يدخلو ود الاحد يطلع ضيق الاولاد مشو مستغربين حكو الواقعة الامهم دايرن تفسير الام قالت لهم ابوكم الكايس للضيق اهو لاقاهو هههههه
| |
|
|
|
|
|
|
Re: لوشي تدعو البنات للدخان (Re: Ahmed Yassin)
|
Quote: الجن بتاع عمك بريمة ؟ ياخ داك بتاع فوانيس وعرديب ما بتاع دخاخين |
كردفان مليانة اشجار طلح (زى ما حلفاالجديدة مليانة بعوض .. الله انل ديسك يا عبود)
و الحج بريمة ممكن يضيف كتير..يا ريت يجى هنا و يخلى ( الجن) بتاعو كام يوم كدة .. تحياتى فنانا الجميل و لكل الاخوة التحية و التقدير
| |
|
|
|
|
|
|
Re: لوشي تدعو البنات للدخان (Re: زهير ابو الزهراء)
|
أظن لا ما اظن
اعتقد افضل
اعتقد انه الدخان دا برضو من عبقريات الانسان السوداني المتفردة ما بتلقاه عند أي شعب تاني غيرنا
زي الآبري او الحلو مر وزي الخمرة، بي ضمة علي الخا، وزي المريسة وبرضو زي الدلكة ياخ طريقة صناعة الدلكة دي شي معقد وعجيب وغريب
والأجمل منها كمان فكرة وطريقة عمل الحلو مر
الدخان برضو يندرج ضمن هذه العبقريات
يندرج دي كيف بالله
ما بتستاهل ليها بوخة
هههههههه
| |
|
|
|
|
|
|
Re: لوشي تدعو البنات للدخان (Re: بدر الدين الأمير)
|
يا صديقي ود الامير كما عهدتك في غيابي تخدم كل الاجندة التي تري انها تناسب الاعضاء لك شكري وأمتناني وكذلك لكل المشاركين معك في بوست الدخان والله انتو اخطر من اي كائن حي علي الارض ربك يجيب العواقب سليمة لكم ودي وتقديري
*بس ابوحسين غاب ليه في شنو
| |
|
|
|
|
|
|
Re: لوشي تدعو البنات للدخان (Re: بدر الدين الأمير)
|
يحال ملف الترجمة الدخانية الى الموسيقار احمد يسن
على اعتبار انها رمية اغنية
انا خليني لي الآخر
همك علي فوق راسنا وجوه عيوننا
في حال فشل الموسيقار في الترجمة
تحال أوراق القضية لفضيلة المفتي
ههههههههه
| |
|
|
|
|
|
|
Re: لوشي تدعو البنات للدخان (Re: أبوذر بابكر)
|
الدخان والدلكة , خلّن قلبي لكّة واااااا ناري الليلة .. الليلة واا ناري الليلة دي بى صوت ودالحوري ابوذر في بنى ادم بالغ راشد عاقل يقدر يترجم لى ودالرضي؟ وشنو ؟؟ رمية ؟؟!!!
| |
|
|
|
|
|
|
Re: لوشي تدعو البنات للدخان (Re: Ahmed Yassin)
|
ابو الزهراء وصل وحمل مسؤلية عتالة البوست للجميع ماعندنا مشكلة ياابو الزهراء بس انت كدى ساعدنا بكم صورة وكم تصريح للوشى عشان ناس قريعتى راحت امثال على عبدالوهاب والترجمان ابوذر ومن الف لفهم يفهمو حاجة انا عاجبنى فيديو لحوار مع لوشى فى احد قنوات التلفزة حين سؤلت بمازا تكنى اوتسمى جاماهيرك قالت اللوايشا انا ختيت مكان الشين طاء
| |
|
|
|
|
|
|
Re: لوشي تدعو البنات للدخان (Re: محمد حمزة الحسين)
|
عمك الفنان الشعبي الكبير من جماعة الاسترسال الحر الظريف رمى الرمية دي في حفلة .. وكانت لامة مجموعات من الغيد الحسان ومن ذوات (الجدعة) لليد. والقدلة من بيت جارتها ..والجميع طابق بوخته فرادى وجماعات ورائحة الكبرتة تفتح الانوف وتهدهد الخياشيم التي شهقت وفتحت وما انسدت المهم في اثناء الرمية وهو طربان .. قال إييييييه يا توبي الشفوني *** يا الغيرت لوني
| |
|
|
|
|
|
|
Re: لوشي تدعو البنات للدخان (Re: Ahmed Yassin)
|
يا ود ياسين بهذه المداخلة بتكون عصرت على قريبك الرطانى المسالم حسن النية على عبدالوهاب وعلى الطلاق لوجا محمد القاضى وترجمها له بدنقلاوية برضو حايحسن النية في المقصد والمقاصد
| |
|
|
|
|
|
|
Re: لوشي تدعو البنات للدخان (Re: MOHAMMED ELSHEIKH)
|
Quote: الطابق البوخة قام ندا يهتف نام من الدوخة ايدو عاقباهو الجدلة مملوخة لي معالق الجوف موسو مجلوخة |
الاحباب الجميلين الامير واحمد ياسين معليش (الطابق البوخة ) سمعتها كثير في جدال هنا كان عن المرحوم الصادي المهدي لكن معقول تفسير الكلام ده :
الجدلة مملوخة لي معالق الجوف موسو مجلوخة
عبارات في غاية الغرابة ( مملوخة .. مجلوخة ) يبدو ان الشاعر كان من عالم آخر ومتمكن لأن القافية بحرف الخاء لا بد من شاعر متمكن
نحن ناس اللسان الآخر ( حرف الخاء يسبب لنا لوز وآلام في الحلق)
فنانا الجميل ما فهمت شرحك .. ممكن أنزل هذه الابيات في قروب دنقلا بس لازم أعرف المعنى تحياتي الاحباب .. أميرنا الرائع .. وفنانا الجميل احمد
| |
|
|
|
|
|
|
Re: لوشي تدعو البنات للدخان (Re: علي عبدالوهاب عثمان)
|
ههههههه
حبيبنا ع ع ع
نترجم ليك طوالي مافي مشكلة
المرة دي مجانا
لكين من هنا وغادي
تاني الكلمة الواحدة بي ٥ هللات
والحساب يكون بالسنة
كدي اتفاهم مع بدر الدين ودخلو واسطة يعمل ليك خصم
ههههههههه
صدقني مش انت بس في ناس من نفس منطقة الشاعر، عمنا ود الرضي لو سألتهم ما بكونو عارفين المعاني
بالذات الناس الصغار
| |
|
|
|
|
|
|
Re: لوشي تدعو البنات للدخان (Re: أبوذر بابكر)
|
شاعرنا الجميل أباذر ... تحياتي موافق على الـ 5 هلللات ( ما عارف بالهلل السعودي أو الامارتي أوالقطري) المهم موافق ..
صحيح مفردات غريبة جداً كما تعلم الشاعر عندما يكون متمكن وموهوب يميل للاستعراض أحياناً ويأتي بالاندهاش خاصة في حالة السباق مع اقرانه استعراض الموهبة .. وهذه من أجمل مراحل الابداع ( الجناس والتورية ... الخ )
تحياتي للاحباب ..
| |
|
|
|
|
|
|
Re: لوشي تدعو البنات للدخان (Re: على محمد الخير)
|
على يامحمد خير ينوبك سواب لوجبت لينا صورة من حفرة الدخان القديمة ام نطع وخلينا من حفر الدخان لبطلعو ليها بالسلالم زى الجابتها سارة ابو ولا الجابها خضر الطيب وياريت تشرح للاعاجم المعنا هنا يعنى شنو نطلع نطع بضم الطاء
| |
|
|
|
|
|
|
Re: لوشي تدعو البنات للدخان (Re: Ahmed Yassin)
|
المخضرم المحترم / الامير بدرالدين لك من الود ما تفوقه دخاخين البراكين والضيق الذى تنتجه حفر الدخاخين
Quote: على يامحمد خير ينوبك سواب لوجبت لينا صورة من حفرة الدخان القديمة ام نطع وخلينا من حفر الدخان لبطلعو ليها بالسلالم زى الجابتها سارة ابو ولا الجابها خضر الطيب وياريت تشرح للاعاجم المعنا هنا يعنى شنو نطلع نطع بضم الطاء |
يا ريتنى لو اقدر اجيب الصور القصدتها .. وظني الصور الجابوها ناس خضر هي القاصداها لوشي اتسيلف .. علا نزولا عند طلبك كدي النفتش عن حفر الدخان القديمة ونجيبها .. وبالمرة ننال اجر المشاركة بدل المتعة المجانية 🤣🤣
| |
|
|
|
|
|
|
Re: لوشي تدعو البنات للدخان (Re: على محمد الخير)
|
فاح لي كََبََرَيْتَا *** كبدي كالبنزين قادحة كِبْرِيتة أصلو هالكاني منو ما شفيتا يا جرح غَوِّر *** إن شاء الله ما بريتا (بريتا) دي ودالرضي احتمال يكون قاصد حاجتين الاولانية.. انه ان شاء الله جرحي ما يبرى( يلتئم) التانية انه المطبقة بوختا وﻻقدت دايخة وراسا لافي بفعل كمية اول اكسيد الكربون المنبعث من اسفل لاعلى واستنشقته مضغوطا بحجم متري مكعب.. التانية: طبعا متكبرتة كبرتة الجن.. صحت بى يدها المملوخة وقامت تقدل..... عمك ما كضب ( باراها )
| |
|
|
|
|
|
|
|