الفكرة يا أبوذر العلاقة بين ما نفكر به و نقوله و ما نفعله و لنرمز لما نفكر به ب عضلة العقل و ما نقوله عضلة اللسان و ما نفعله عضلة اليد, الانسان الطبيعي هو من يستطيع ان يعمل تجانس Harmony بين تفكيره و قوله و فعله الشخص الذي تكون عضله لسانه أقوي بتلقاهو لسانه فلقة و بذي. و البتلقي عضله يده أقوي بتلقاهو بتاع مشاكل لانه دي الساحة التي يبدع فيها و البتلقي عضله عقله قوية بكون انسان رزين و هادي و محبوب و نواصل
07-29-2021, 02:13 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
فعلاً عزيزنا أحمد دي عضلة مهمة جداً و اشارة ذكية من رجل فنان لك التحية. نمشي خطوة في البوست و نجي للعلاقة بين العضلات دى من ناحية الترتيب عضلة العقل هي أولا بالتاكيد.... و مثل لتاخير عمل عضلة العقل نجد كثير من السياسيين يقعوا في أخطأ عجيبة أضرب مثل بالمخلوع البشير عندما صرح في لقاء جماهيري و كانت قايمة عليهو الهاشمية و عاوز يفرد عضلاتو..... قال صرفتا ليها بركاوي و كلمة تانية ما متذكرها. ده مثال لتأخر أو عطل عضلة العقل أو مثال للأقوال التي تكون فيها عضلة اللسان أقوي من عضلة العقل. و دي ممكن تكون منتشرة بين الناس خاصة لمن تزعل ما بتفكر في الكلام البتقولو عشان كدة درس أول أو نصيحة لمن تكون غضبان حاول ما تتكلم أسكت تأمل أبعد من المكان عشان حياتك و علاقاتك تكون ناجحة. و نواصل ____________________________ حاشية أباذر مريت بسرعة لخيط فيهو إبداع منك و شعر مموسق عند التصفيح لم يترك لي الزملاء كلمة أقولها الشعراء أحسن من يستخدم عضلة العقل و القلب كما قال أحمد يسن
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة