الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: فقط للتأكيد .. حمدوك يتصل بأحد المفصولين ب� (Re: فتحي عباس نقد)
|
الأخ/ علي عبد الوهاب
الان ادوني اذن انزل المنشور ده هنا منقول
هذا المنشور فيه بعض من الفبركة. المهندس ياسر عبد الله سعيد حاج احمد . مازال علي رأس عملة مديرا للطاقة المتجددة بوزارة الطاقة . وعمل منذ عام 1996في الكهرباء . من السجن للوظيفه. كان معارضا لنظام الإنقاذ طيلة الثلاثون عاما وكان داخل السجن فترة من الزمن حتي عمنا عبدالله لمن اتوفي ياسر كان مسجون وبواسطة اللواء حقوقي احمد محمود حسن استطعنا إخراجه ليحضر دفن والده والكيزان عندما علمت بأن هذا الشاب المهندس عبقري في مجاله تم تعيينه في محطه بري الحرارية وعندما قدم لهم دراسات جديدة في الطاقة المتجددة تم ارساله في بعثه دراسيه إلي بريطانيا وعاد وقدم الكثير لوزارة الطاقة مع العلم بانه حتي لا يملك قطعه أرض ولا بيت ساكن في بيت الحكومه حتي الان . ويعمل في وزارة الطاقة مدير لقسم الطاقة المتجددة والتي لو تم تنفيذ المشروع بأكمله ان شاء الله لن يحدث قطع الإمداد مرة اخري*.
للعلم
| |
|
|
|
|
|
|
Re: فقط للتأكيد .. حمدوك يتصل بأحد المفصولين ب� (Re: علي عبدالوهاب عثمان)
|
Quote: يعني الأمير عثمان أزرق زاته بكون جدي ههههههههه أنا أجدادي من (أكد وسروج) |
فتحي أمبس تحياتي يا جميل ناس أكد السروج حتى لمن كانوا معانا في دنقلا الثانوية فقير وأخوه فريد أشعر أن فيهم جينه زعامة يكفي عمر عبدالسلام أكبر تجار امدرمان وناس عبدالله قروش
ناس جميلين اهلنا في أكد أنا زرت أكد اكثر من مرة قريبة معانا في جزيرة ارتقاشا ..
مودتي يا جميل
| |
|
|
|
|
|
|
Re: فقط للتأكيد .. حمدوك يتصل بأحد المفصولين ب� (Re: علي عبدالوهاب عثمان)
|
باشمهندس ياسر ود عمي والخبر مفبرك بمناسبة أكد .... لدي رغبة أكيدة العيش فيها وسط أهلي كرهت العاصمة وكل الحاصل فيها الواحد بقى يبحث عن الأمان والطمأنينة الما بتتلقي إلا هناك حتى بيت جدي أبو حبوبتي الخواجية صوفيا هانم ما دايرنو وعرفت ليي استقرت أغلب عمرها في أكد لم زرت أكد وروني البيت الكانت عايشة فيه وغرفتها فاتح على مزرعة وزي 200 متر النيل قدامو ودي متعة لا توصف
| |
|
|
|
|
|
|
Re: فقط للتأكيد .. حمدوك يتصل بأحد المفصولين ب� (Re: علي عبدالوهاب عثمان)
|
الأخ/ علي عبدالوهاب
يا أخي لك ألف تحية
ومعليش على التأخير في الرد
Quote: شكرا كثير على الافادة .. بعد اذنك سوف أنزل كلامك الاخير في قروباتنا لو سمحت |
عادي يا أخي بما أنه سمح لي بإنزال المنشور لك مطلق الحرية في نشره لإستيضاح الأمر
أصلا الكيزان اليومين دي شغالين إشاعات تقيلة يشغلوا بها الناس ومحاولة الفتن
Quote: اس أكد السروج حتى لمن كانوا معانا في دنقلا الثانوية فقير وأخوه فريد أشعر أن فيهم جينه زعامة يكفي عمر عبدالسلام أكبر تجار امدرمان وناس عبدالله قروش
ناس جميلين اهلنا في أكد أنا زرت أكد اكثر من مرة قريبة معانا في جزيرة ارتقاشا .. |
صراحة زرت أرتقاشا وكثير من المناطق من دنقلاً إلى المحس بس دي في نهاية السبعينات وبداية الثمانينات وقتها كنت صغير سبحان الله الواحد يتذكر الكتير وقتها والسبب الرئيس أنه سواقين الباصات كانوا مؤجرين البيت الملاصق لينا وأشهر سواقين (كباتن) لأنه كلمة كباتن دي شوية في حقهم بسبب صعوبة السواقة وقتها في صحراء او خاصة أثناء هطول الأمطار والكباتن أتذكر من الأهل الله يرحمهم (سيد أحمد خضر) و (طه علي) أها يوم يكون في إجازة أنا بكون (ستفت الشنط ههههه) وبكون حاجز (درجة رجال الأعمال) ههههه يعني جنب الكابتن طوالي... يا أخي اليومين ديل أنا بكون شايف نفسي ملك وقاعد جنب الكابتن وطبعا نفسي اكون قاعد جنب الباب عشان الناس تشوفني ههههه لكن الوصية من نتحرك يربطوا يدي مع الدركسون هههههه عشان ما أقع
بالنسبة للمرحوم عبدالله قروش فقد سمعت عنه الكثير خاصة أنه كان كريم والله يرحمه سمعت أنه كان يعمل لدى الشيخ/ زايد بن سلطان آل نهيان الله يرحمهم ومنها إنتقل للعمل مع الشيخ خليفة بن زايد (رئيس الدولة) وسمعت أنه كان يتبرع بكل امواله وهداياه للجهات الخيرية وكان له الفضل في إحضار الكثير من السودانيين للإمارات قرأت في أحد الكتب بان الراحل جعفر نميري قام بمنحه وسام النيلين من الطبقة الثالثة أثناء حضوره مع المرحوم الشيخ زايد بن سلطان للسودان عام 1972 والكثير الكثير عن هذا الرجل ربنا يرحمه فلن أوفيه حقه في هذه السطور بما سمعته عنه منذ حضوري للإمارت في بداية التسعينات.
أخيرا مداخلة للأخ/ توفيق
للعلم منذ إنتسابي لسودانيز اون لاين كان عندي معلومات عن أسرة توفيق عيسى من والدي الله يرحمه فقد كان موسوعة بحكم عمله في النقل النهري حيث كان كثير السفر من الخرطوم لجوبا والعكس حتى حلفا شمالاً وأنا شخصيا في البداية لم تعجبني بوستات توفيق ككثير من البورداب او القراء ولكن إنتبهت للإسم وأرسلت له في الخاص وجدت كل ترحاب منه وذكر لي فعلا أن أجداده من أكد وسروج والبوستات عبارة عن تغيير (روتين) هههههه للبورد ويمكن لرفع (ضغط) دم القراء هههههههه معليش للكلمة دي هههههه عموماً ما أطول عليكم وقلت أخليها للزمن ويجي توفيق يوضح ليكم شخصياً المعلومة وأنا صراحة لم أقابله لغيابي الطويل.
| |
|
|
|
|
|
|
Re: فقط للتأكيد .. حمدوك يتصل بأحد المفصولين ب� (Re: فتحي عباس نقد)
|
ووو فتحي أمبس .. تحياتي معليش بدل ما أقول ( حسن صبري ) قلت ( عمرعبدالسلام) صححني عزمي بالواتساب يخرب بيت الغربة لخطبت المعلومات ( عمر عبدالسلام ) من دنقلا المدينة يا فتحي أنتو في أكد تماما مثلنا في ارتقاشا و البرقيق في حدود المحس والدناقلة عشان كده نجيد الاثنين المحسية والدنقلاوية .. كان الناس في دنقلا الثانوية يستغربوا أنا فريد وفقير كنا نجيد النوبية تماماً بكل الاتجاهات .. عمنا عبدالله قروش رحمه الله رحمة واسعة كان نموذج للانسان المثالي بالطائرة من الامارات الى الخرطوم وبطائرة خاصة الى مطار دنقلا كان رجل ومعطاء ..
تحياتي الحبيب فتحي .. جميلة مثل هذه الذكريات تنقي مجري الدم وتوقظ الدماغ
مودتي يا رائع
| |
|
|
|
|
|
|
|