|
Re: رومانسيات رومانسية♪♪ (Re: جلالدونا)
|
من حركات المحبين مرات اقول اديهو كلمه تزعلو حبة عذاب وكلام عتاب انا عارفو ما بتحملو علشان اشوف خدو الحرير الدمعه جاريه تبللو لكني قبال ابدا بي لحظات اقيف اتاملو دايرين جنس ده بس
| |
|
|
|
|
|
|
Re: رومانسيات رومانسية♪♪ (Re: ABUHUSSEIN)
|
أكلملك جدي علي ود المدير الله يرحمه يوديك الطندب لي الفكي الفاضل الله يرحمه ... يحجبك ويديك بخره ومحاية عشرة يوم ... أكان ترجع جلال ود بت الحاجه لمياء ...
| |
|
|
|
|
|
|
Re: رومانسيات رومانسية♪♪ (Re: ABUHUSSEIN)
|
خلاص انتهيتو من شكل الهورمونات و جيتونى بى جاى بعدين يا سيدي السنة دى عيد الحب طرشق مع الكوفيد اى حاجة تباعد اجتماعي وكمّامات لا احضان لا هنايات ثمّ انو البوست ده فتحتو عشان احكى قصة حبوبتي لميا مع سهم كيوبيد هسّى خربت الرصّة بدر فاتح ليهو بوست عن زهير تحت رعاية عبد اللطيف امش عليهو ... سمح
| |
|
|
|
|
|
|
Re: رومانسيات رومانسية♪♪ (Re: جلالدونا)
|
كدى يا صلاج قبل تسوقنى لى جدّك ود المدير كدى سوق زينوبة دى و دى من قصص المحبين بعد العرس زينوبة قلبا ابيض ...وحنينة.و عرقانة فى حب راجلا الزين ... لكن لايوقة .. تمسك الموضوع تقتلو لياقة..لمن الموضوع زاتو يزهج منها .. راجلا الزين في قاعد خشم باب البرندة جات ماشة عفصتو في كراعو من غير ما تشوفو " أحححححححي...عفصتك؟؟ أعفى لي يا الزين"(بسيطة يا زينوبة مافي حاجة) دخلت الاوضة ومرقت.." الزين عليك الرسول تعفى لي ما شايفاك " ( مافي حاجة يا زينوبة) مشت المتبخ وجات" الزين كراعك نعل ما ورمت.... اعفى لي يعني "(لا كويسة يا زينوبة) دخلت الاوضة وهو دخل ورقد..عاينت لو" الزين كراعك نعل ما قاعدة تنتح؟ ..وحات الله ما شايفاك، الرسول تعفى لي "( لا حول الله ...مافي حاجة يا زينوبة بسيطة) بعد عشرة دقايق وهم راقدين كل زول في عنقريب الزين جاتو غفوة غمض عيونو قامت كوّعت وصحتو " الزين..الزين..نعل ماك مضايق من كراعك...اعفي لي عليك الله "صنقر في نص العنقريب..وقال لها ( زينوبة ..في المتبخ تحت الشباك..تحت الشباك طواااالي.. في فرار جيبيهو ) جابت الفرار..اتناولو منها...ضربة واحدة ونص الكراع طار في نص الاوضة ( اها يا زينوبة ارتحتي؟؟...ارتحتي يا زينوبة؟؟؟)!!!!!!
| |
|
|
|
|
|
|
|