|
Re: هل نقد للذات .. جلد للذات .. أحلام زلوط ومقا� (Re: علي عبدالوهاب عثمان)
|
Quote: __ ظلوووط ده ممكن يكون شعب بي حاله بيحلم بالنهوض الصناعي وهو بستورد لباسات و فنائل داخلية من آخر الدنيا من الصين والهند ..... بستورد الزي المدرسي مع انه اي ست بيت ممكن تفصل قميص و بنطلون....بستورد ألعاب أطفال بملايين الدولارات بعدما كان الطفل بصنع لعبته براهو علي مر تاريخ السودان.... __ ظلوووط ممكن يكون شعب تعداده 35 مليون منهم خمسة مليون مغترب و كل واحد من الخمسة مليون ديل فقط بيفكر عشان يرجع يعمل ليه بيت و سيارة و لا يفكر كيف يجعل وطنه ذي المكان الهو مغترب فيهو عشان يرجع ويبقي مواطن درجة اولي في بلده... __ ظلوط ممكن يكون شعب تعداده 35 مليون و في كل استوب يوجد مية وخمسين شحاد من كافة الأعمار غير ناس رسل لي رصيد في حين أنه مليار ونص نسمة في الصين لا يوجد بينهم شحاد واحد.... __ ظلوووط ممكن يكون زول سياسي كل أحلامه يبقي وزير أو مدير كبير عشان يحقق أحلامه الشخصية وليس تحقيق برنامج لخدمة الشعب ويومه اليستوزر تنتهي خطته ويقع ويوقع معاهو الوازارة .. (( عليك الله امسك اي زول تم ترشيحه لمنصب سياسي وقول ليه سلمني برنامجك الداير تخدم بيهو الشعب ))...ح يتلعثم و يقعد ينظر ليك لانه برنامجه فقط هو الوصول للمنصب.... __اسال الوزراء الهسا ماسكين وقول ليهم سلموني برنامجكم لو لقيت واحد كاتب ليه صفحتين تعال سفرني لاهاي..... __ ظلوط سوداني 💯% بس حظه كعب رماهو في ام الحسن فهل يكون الشعب السوداني اوفر حظا من زلوووط؟؟؟؟
2/2/2021 ودمتم سالمين د احمد الطيب ابراهيم استشاري جراحة الكلي والمسالك |
| |
|
|
|
|
|
|
Re: هل نقد للذات .. جلد للذات .. أحلام زلوط ومقا� (Re: علي عبدالوهاب عثمان)
|
الاحباب الكرام تحياتي هذه الظاهرة بدأت تظهر بكثافة حتى في المجالس الخاصة مجالس الونسة العادية أرى أنها ظاهرة صيحة .. في مجالسنا في قهاوي جدة وفي هذه الحاضنات يمكن معرفة الرأي العام الحقيقي غير المسيس بدأ الكلام يكثر عن اخطائنا والجميل أن لا احد يبرأ نفسه وألاحظ أنه يبدأ بذاته قبل الاخرين حتى الحكومات التي تعاقبت على الوطن يقول البعض انها نتيجة لتوجهاتنا ويقول نحن السب ايضاً .. أما في القرويات فبدأت هذه الظاهرة بكثافة غير مسبوقة
تحياتي الاحباب الموضوع معقد .. يحتاج لناس علم النفس والاجتماع
| |
|
|
|
|
|
|
Re: هل نقد للذات .. جلد للذات .. أحلام زلوط ومقا� (Re: علي عبدالوهاب عثمان)
|
سلام عليكم عمنا الحبيب على الانسان السودانى البسيط الشارك فى الثوره لاجل التغيير نحو واقع افضل ليهو ولاسرتو ومجتمعو وبلدو الحكومات العرجاء من الاستقلال -ام الحسن الرايحه وماعارفه توظف مشاعرها ايجابيا - تنتف ريشو واخرها ريش الاجنححه الكان بتساعدو يطير ويحلم والان مرحله ريش الضنب وقعد هعاجز حتى عن تغطيه نفسو من اذى وازعاج ذبابه او ناموسه ولسه ام الحسن مستمره وحتستمر فى والمره دى مافاضل الا تسلخ جلد زلوط عشان يكون وجبه طيبه للجيران. المستغرب ليهو زلوط الجن دا لا لايخربش لايقد عين ام الحسن دى عشان يلزمها حدها وتختا دربو !!! (لازم زلووط السودانى يحرر نفسو من الحاله دىويضع ليها حد) . فعلا دا واقع السودانى مافى امل فى بكره ومافى حل الا الهروب ووحياه وهويه وانتماء جديد ويصبح السودان مجرد ذكريات واطلال فى ذاكره زلوط الهارب قبل ان يسلخ جلدو
| |
|
|
|
|
|
|
Re: هل نقد للذات .. جلد للذات .. أحلام زلوط ومقا� (Re: Asim Ali)
|
Quote: فعلا دا واقع السودانى مافى امل فى بكره ومافى حل الا الهروب ووحياه وهويه وانتماء جديد ويصبح السودان مجرد ذكريات واطلال فى ذاكره زلوط الهارب قبل ان يسلخ جلدو |
يا سلام الحبيب عاصم تحياتي دائما في الموعد قراءتك عميقة ومداخلتك دسمة لقد عهدنا العمق والحنكة والنتيجة النهائية كما ذكرت (( ما في أمل بكرة )) دور الشعوب في الانتاج وبناء الوطن تايوان أرض صخرية لا توجد بها أي تربة حتى الرمل والطين يتم استيرادها من الخارج حتى بحار تتلاطم في سواحلها كما قرأت في موقع لا اذكره الان .. اليوم رابع احتياطي نقدي في العالم
الانسان أهم من أي موارد .. هل العمل والكد جينة وراثية لدي بعض الشعوب
تحياتي الحبيب عاصم .. دائما مفيد
| |
|
|
|
|
|
|
|