|
Re: والي النيل الأبيض يسقط بس (Re: عبدالعظيم عثمان)
|
الثورة دي قامت لمى يستعيد الشعب السوداني كرامته وعزته لا أن يأتي حاكم ولاية وينهر الناس ويقول ليهم (هُسسسس) معقول أن يصدر مثل هذا التصرف من حاكم ولاية الوالي دا لازم يمشي إذا مشى براه خير وبركة وسيحفظ له الشعب ترجله هذا وإعترافه بخطأه
ولكن إذا أصر على الطناش وعمل أضان الحامل طرشا ياها المواكب والشوارع والمليونيات والإعتصامات حتى يغادر
والي النيل الأبيض يسقط بس
| |
|
|
|
|
|
|
Re: والي النيل الأبيض يسقط بس (Re: عبدالعظيم عثمان)
|
من ضواحي الواتساب يا عظمه Osama Sirry
كنت في الدويم لحضور اجتماع مجلس جامعة بخت وبعد انتهاء الجلسة الافتتاحية ذهبت لقرية وكرة لأداء واجب العزاء في المرحومين حسن الطاهر وزايد رابح وأنا في طريقي للسلام على الاسرة علمت ان الكبري تم اغلاقه بواسطة عدد من الشباب ففضلت عدم زيارة الاسرة والذهاب للكبري وحل المشكلة وبالفعل وجدت ان حركة السير تعطلت مما سيعيق مصالح المواطنين. نزلت لهم وطلبت من القوة العسكرية المرافقة عدم مرافقتي وبالفعل جرى بيني وبينهم نقاش رغم تشنج بعضهم. ردي كان لشاب صغير تلفظ بعبارة غير مقبولة ومعه شاب اخر شجعه على ذلك، ويا ليت المصور اتى بالفيديو كاملا دون بتر او تجزئته بما يحقق اجندته وفي خاتمة الامر تم فتح الكبري. 🖕🖕🖕🖕 حديث السيد الوالى لتوضيح الملابسات
| |
|
|
|
|
|
|
Re: والي النيل الأبيض يسقط بس (Re: عبدالعظيم عثمان)
|
يا ادم يعني بتبرر لوراق في تصرفه الغير محترم دا، وراق اخلاقو نتشة ما بنفع في الوظيفة دي. اخلاقو وعدم احترامو للشعب لا يؤهله ياخ واحد مرجعيتو الصادق المهدي، ومريم تتوقع منو شنو، الاقالة ثم المحاكمة مافي كبير على الشعب،
| |
|
|
|
|
|
|
Re: والي النيل الأبيض يسقط بس (Re: عبدالمنعم الطيب حسن)
|
Quote: ردي كان لشاب صغير تلفظ بعبارة غير مقبولة ومعه شاب اخر شجعه على ذلك |
يا إسماعيل وراق ياخي لو كتبت او قلت الكلام الفوق دا تبقى عبيط بس في حاجة إسمها مطابقة التبرير للحدث وتبريرك دا غير متطابق مع الحدث الذي شاهدناه اولاً لو زول إتلفظ بكلمة غير لائقة ما بنقول ليهو ما تكورك وأسكت بس لكن بنقول ليهو لو سمحت إتكلم بلغة محترمة او مهذبة او نظيفة، لكن أبداً ما بنقول ليهو أسكت بس. تاني شيْ إنت أسكتوا بس دي وجهتها لكل الحاضرين. ولو كان ردك لشاب واحد بس كان وجهت ليهو الكلام هو تجديدا وليس لكل الناس.
فيا إسماعيل يا وراق إحترم عقولنا
| |
|
|
|
|
|
|
Re: والي النيل الأبيض يسقط بس (Re: نعمات عماد)
|
السيد إسماعيل وراق مفروض يكون في الخرطوم لحضور المؤتمر الإقتصادي بالله يا حمدوك أمسكه عندك الزول دا ما يرجع النيل الأبيض تاني لجنة محاسبة وإقالة السلطة الإنتقالية لم تأتي لإذلال الناس السودانيات والسودانيين عملوا ثورة عظيمة عشان يتحرروا من الظلم يقوم أول والي مدني النيل الأبيض في عهد الثورة يقول للناس (هُسسسس) يسقط بس
| |
|
|
|
|
|
|
Re: والي النيل الأبيض يسقط بس (Re: عبدالعظيم عثمان)
|
Quote: والي النيل الأبيض يسقط بس |
همبولك https://top4top.io/
دي اسما ام النو في النيل الابيض اسال منها الجحبور خضر الطيب ولازم تعملا ام فكو لكن احترام لمشاعر الكنداكات عملنا اليافطة دي والمحاصصة مستمرة ويضحك السمك ويتبسم الباعوض
| |
|
|
|
|
|
|
Re: والي النيل الأبيض يسقط بس (Re: adil amin)
|
الفيديو الفضيحة المنتشر هو ما ظهر للناس الزول دا أمشوا أفقدوا الناس الشغالين معاو في الولاية قطع شك بي أخلاقة الضيقة دي بكون عنده كفاوي متلتلة عشان كدا لازم يستقيل والي النيل الأبيض يسقط بس مافي حل تاني
| |
|
|
|
|
|
|
Re: والي النيل الأبيض يسقط بس (Re: عبدالعظيم عثمان)
|
تنسيقية الحرية والتغيير في النيل الأبيض إنتوا رشحتوا السيد إسماعيل وراق والياً للولاية.. في يدكم الآن تقديم بديل لهذا الوالي والدفع به للسيد رئيس الوزراء في ظل غياب المجلس التشريعي وعدم إمكانية سحب الثقة إستبدلوا الوالي دا في أسرع فرصة كان خليتوا الموضوع دا على حمدوك الرماد كال حماد قوموا بي مسؤلياتكم وقدموا بديل لهذا الوالي لا ضير أن يكون أيضا من حزب الأمة المهم الموضوع دا يتعالج وبسرعة
| |
|
|
|
|
|
|
Re: والي النيل الأبيض يسقط بس (Re: عبدالعظيم عثمان)
|
همبولك تاني خلاس فينتو لا عندكم ثورة ولا كلام فارغ هبوط اضطراري قامت به المخابرات السودانية بالتعاون مع المخابرات المصرية والسعودية والامارتية للمحافظة علي تهب الموارد الفضحو منعم منصور وانتهي الدرس يا غبي لا توجد ثورة في السودان حتي الان غير المهدية 1 والمهدية 2 وباقي المهدية 3ما جات
| |
|
|
|
|
|
|
Re: والي النيل الأبيض يسقط بس (Re: adil amin)
|
العمبلوك الحوثي عندنا والي قال للناس قليلين أدب وهسسسس عاوزينه يمشي إنت شغال شنو وبتعمل فشنو ياهو السودانيات والسودانيين بيحاولوا يغيروا وقطع شك ما حيخلوهم في حالهم دي حاجة مفهومة إنت دا يا العمبلوك قاعد تسوي شنو يساعد الثوار في أعادة بناء البلد المدمرة دي
| |
|
|
|
|
|
|
Re: والي النيل الأبيض يسقط بس (Re: عبدالعظيم عثمان)
|
Quote: العمبلوك الحوثي عندنا والي قال للناس قليلين أدب وهسسسس عاوزينه يمشي إنت شغال شنو وبتعمل فشنو ياهو السودانيات والسودانيين بيحاولوا يغيروا وقطع شك ما حيخلوهم في حالهم دي حاجة مفهومة إنت دا يا العمبلوك قاعد تسوي شنو يساعد الثوار في أعادة بناء البلد المدمرة دي |
قااااعد اتفرج في فشلكم لحدي تصلو الميس وتقولو لفشلنا \ في حكومة طيزين في لباس التائهة بتبدا ثورتي ثورة الوعي والبصيرة تبدا بي علم الاستقلال ثم الاقلمة ثم عودة جنوب السودان لا شالو السيدة ولا خلو حرم اي حاجة خارج حدود 1يناير 1856 ما تلزمني لا يهود مزيفين لا عرب مزيفين انا كوشي وافتخر وعرفت الديمقراطية قبل يلدو طفلة الانابيب الامارات واسرائيل
ما تزعل ياعظموت مشاكلي بسيطة بي نيفاشا وبتحل يا قلبي ايه لازم الزعل
| |
|
|
|
|
|
|
Re: والي النيل الأبيض يسقط بس (Re: نادر الفضلى)
|
سلامات نادر على لسان عبدالحفيظ أن والي الكوفة المتعجرف دا أقام إحتفالية أو أقيمت له إحتفالية بمناسبة تعينه والياً وقفل الشارع بالصيوان يعني فرحان لمن مدفق وهو ماشي يستلم ولايته عمل الحركة البايخة بتاعة الكيزان ( طلع من سقف اللاندكروزر وقعد يحي الناس) الحاجات دي كله متسقة تماماً مع نهيير الناس في النيل الأبيض
| |
|
|
|
|
|
|
Re: والي النيل الأبيض يسقط بس (Re: يحي قباني)
|
الفيديو الكامل وين يا يحيى؟ (أي سوداني) يعمل الدايرو لكن والي براهو كدة مشى يتصدى لي مشكلة بالتفاهم مع المواطنين ما بعملها شباب قافلين الكبري كلم مدير الشرطة يتصرف معاهم وخلاص .. كدة أرحم بي كتير من تمشي ليهم وانت ما بتعرف تتفاهم معاهم يعني مسؤول ماشي مع شاب من الزعل مترسين الكبري متوقع يسمع منهم شنو؟
أنا بالنسبة لي شايف الفيديو كامل لأنه رده كان على الشافع لما قال ليه ما تكورك والشافع لما واصل في الكلام رد ليه بحتة قلة الأدب فإذا انت بتقول في حاجة ناقصة جيبها لينا .. علماً بإنه تفوه الوالي بعبارات زي ما داير قلة أدب دي ما بتنبلع مهما كان المخاطب لكن لو وريتونا العنف اللفظي المقتطع دة يمكن يهون الموضوع شوية
| |
|
|
|
|
|
|
Re: والي النيل الأبيض يسقط بس (Re: أحمد محمد عمر)
|
Quote: لفيديو الكامل وين يا يحيى؟ (أي سوداني) يعمل الدايرو لكن والي براهو كدة مشى يتصدى لي مشكلة بالتفاهم مع المواطنين ما بعملها شباب قافلين الكبري كلم مدير الشرطة يتصرف معاهم وخلاص .. كدة أرحم بي كتير من تمشي ليهم وانت ما بتعرف تتفاهم معاهم يعني مسؤول ماشي مع شاب من الزعل مترسين الكبري متوقع يسمع منهم شنو؟
|
الصوّر ده اكيد صوره كامل ..
بس المقتطع ده هو البخلي ناس عبد العظيم يتفسحوا بي جاي ..
نشوف الفيديو كامل قبال ما نحكم ..
ما في زول عارف الانقال شنو ..
وراق بشر .. ما عشان بقى والي حيكون في كل الحالات حيكون رزين و كلامه موزون ..
| |
|
|
|
|
|
|
Re: والي النيل الأبيض يسقط بس (Re: يحي قباني)
|
يا حفيظ الزول دا لسة والي وبيمشي مكتبه كل يوم بالجد لازم يمشي لانه أخطأ ولازم يتصحح الخطأ إذا خلوه بكرة دي تي والي حيقوم بنهزر الناس في الشارع مستقوياً بالسلطة الموضوع دا مافي مجاملة كامل الإحترام والتقدير لزميل المنبر السيد إسماعيل وراق ولكنه لازم يغادر منصب الوالي على وجه السرعة ولازم يتحمل مسؤلية تصرفه
بكرة دي أي والي حيتحول لي طاغية ويعمل ليه معتقل ويقعد يقول للناس هُسسسس الحقوا القصة دي بدري
| |
|
|
|
|
|
|
Re: والي النيل الأبيض يسقط بس (Re: عبدالعظيم عثمان)
|
حتى لا تنتشر عدوى الإستبداد بين حكام الولايات لازم والي النيل الأبيض يمشي وحتى لا يشيع التسلط بين حكام الولايات لازم والي النيل الأبيض يمشي الموضوع دا عنده علاقة مباشرة بي سلوك الحكام وإسلوب معاملتهم للناس ومنعهم من سوء إستخدام السلطة عشان كدة والي النيل الأبيض لازم يمشي
| |
|
|
|
|
|
|
Re: والي النيل الأبيض يسقط بس (Re: عبدالعظيم عثمان)
|
Quote: بكرة دي أي والي حيتحول لي طاغية ويعمل ليه معتقل ويقعد يقول للناس هُسسسس الحقوا القصة دي بدري |
طيب المصارعة الرباطية وزيرة الرياضة .. الغولة .. بمبا كشر .. يسووا معاها شنو؟
ما قدر عليها إلا ذكتور كمال شداد .. سفها زى الما حاصل شى! ودا راجل خبرة ومقرم ما زى الشباب المساكين ديل
| |
|
|
|
|
|
|
|