|
Re: ستنا ترش عطبرة وشندي بف باف تقيل.. (Re: HAIDER ALZAIN)
|
Quote: Atif Omer Mohamed Ali شوف دلالة الإختيار للنشيد بالله وفي عمق المناسبة :) ..... هههههه وإلى العرب تنسب الفطن! هههههه بكونووو فطوها ولا أكرموا بيها ابين عقالات ؟ ههههههههههههههههههههه أعجبني · رد · ٦ دقائق المكون الإضافي للتعليقات من فيسبوك |
ههههههههههه يفطوا شنو .. بعدها جابوا كمان عاصم ود البنا عرض .. ؛)
لازم يكرموا العرب لإثارة فطنتهم ويرشو الرز .. الرز بيجمع الحبايب ..!
ثم إنت ياشيخ عاطف رجل تحب الغلغلة .. فالمقصود بالدلالة إنه نشيد إلاستقلال من عطبراوي تليد البلد اللي هي مسمار الوطن ..
| |
|
|
|
|
|
|
Re: ستنا ترش عطبرة وشندي بف باف تقيل.. (Re: HAIDER ALZAIN)
|
قلنا زمااان اول من يترش مبيد بتلقى الذبان فاير ويكثر نقيق القعو..،
Quote: اصدرت الأمانة العامة لحكومة ولاية نهر النيل بياناً اليوم الأحد، حول أحداث قطع الطريق القومي ( الخرطوم عطبرة)، اطلعت عليه (السوداني)، اتهمت فيه تكتلات تحمل أجندة سياسية تنشط في اتجاه سلب الولاية استقرارها.
وقال البيان: بعد مراقبة دقيقة وتمحيص وتحليل للأوضاع بالولاية، وجدنا ان هناك مسميات ومنظمات وتجمعات وتكتلات تحمل أجندة سياسيه تختفي خلف شعارات خدمية ومطالب قبلية تنشط في اتجاه سلب الولاية استقرارها وامنها، والحيلولة دون تحقيق الاهداف السامية لثورة ديسمبر المجيدة.
وأشار البيان إلى أن الشعارات المرفوعة والدعاوى والتبريرات الفطيرة للتجمهر وقطع الطرق وتعطيل قوافل الوقود والغذاء تخفي في اجندتها مصالح ذاتية بحتة افرزت صراعا مكشوف الملامح والمرامي بين الحق والباطل.
واتهم البيان مجموعات ظلت تناصب الوالي العداء وتثير غبارا كثيفا كلما كانت هناك تحركات لاسترداد اموال منهوبة او تصفية مؤسسات احتكارية او بذل جهود لتحقيق العدالة.
واوضح البيان أن اعتقال المواطن الذي اثار بعض الاحتجاجات، تم بقانون ازالة تمكين نظام الـ 30 من يونيو واسترداد الأموال المنهوبة، مؤكداً أن الولاية في قمة الهرم الاداري وقفت على اسباب الاعتقال وخطواته القانونية وتأكدت من صحة الاجراءات.
وشددت أمانة الولاية بعدم التراجع عن المهام الاساسية للفترة الانتقالية لمجرد تظاهر و ارتفاع اصوات الباطل. |
| |
|
|
|
|
|
|
Re: ستنا ترش عطبرة وشندي بف باف تقيل.. (Re: علاء سيداحمد)
|
حيدروف يا صلد سلامات ونص وخمسة دس البوست ما يجي عمر الرشاش راكب بغلتو ويقول ليك لا يفلح قوما الخ الخ الخ تقوم تحاول تصححو عشان تكسب فيهو أجر يملاك ورجغة زي ما نزلت في الكتاب.. خشرمية وخشرين كلمة فوق بعض تكبس تقرأ في كواريكو دي ساعة أويزيد لغاية ما دموعك يكبن شووووو وفي النهاية تطلع ولا بأية حاجة .خخخخخخخخ ويرجع يقول ليك هيييييييع أنا عنتر الرشاش خخخخخخخ
| |
|
|
|
|
|
|
Re: ستنا ترش عطبرة وشندي بف باف تقيل.. (Re: طلحة عبدالله)
|
Quote: واوضح البيان أن اعتقال المواطن الذي اثار بعض الاحتجاجات، تم بقانون ازالة تمكين نظام الـ 30 من يونيو واسترداد الأموال المنهوبة، مؤكداً أن الولاية في قمة الهرم الاداري وقفت على اسباب الاعتقال وخطواته القانونية وتأكدت من صحة الاجراءات.
|
السؤال :- لماذا التراجع إطلاق سراح الكوز الحرامي إن كان فعلاً كل شيء تم بالغانون وقمة الهرم وقفت علي اسباب الإعتقال ...
أمونه تدير الولاية بعقلية ناشط أمام فطاحلة تمرسوا في السياسة واللعب بالبيضة والحجر تلاثون عاماً حسوما...
| |
|
|
|
|
|
|
Re: ستنا ترش عطبرة وشندي بف باف تقيل.. (Re: HAIDER ALZAIN)
|
السلام عليكم. لما اقرأ وصف فطاحلة لبقايا الانقاذ احتار ياتو فيهم الاختراع له شئ ولا عمل حاجة فيها فائدة ، ياتو فطحل فيهم عرف شئ الا يكون عرف كيف يسرق ويخرب ونال لقب فطحل للسبب ده ، وبعدين ما هو حكمهم سقط رغم ( العبقرية) واللعب بالبيضة والحجر.
التنظيم لا بد له من مراجعات وتقديم اعتذار اما محاولة القفز وتجاهل ما جري خلال 30 عاماً فهو بمثابة الانتحار
| |
|
|
|
|
|
|
Re: ستنا ترش عطبرة وشندي بف باف تقيل.. (Re: عزالدين عباس الفحل)
|
أنا عندي كلام ما بتقال إلا في سياق ونسة هو كلام انطباعي ناجم عن مشاهدات وتعاملات شخصية وزيارات خاطفة متفرقة من خلال معرفتي بالمنطقتين شندي وعطبرة قادر تماماً اتفهم اعتراض أهل شندي على الوالية فالتوزيعة السكانية في نهر النيل تختلف عن الوسط يعني مثلاً في الجزيرة لو مشيت مدني، الحصاحيصا، الكاملين، المناقل، رفاعة ولاقيت الشباب ما بتلاحظ فروقات في التفكير والوعي لكن لو زرت شندي والمتمة ومنهن مشيت عطبرة وبربر بتلقى فروقات واااااااسعة شديد .. بل مافي أي علاقة بين طبيعة التفكير والحياة في المنطقتين اللي مفروض إنهن في ولاية واحدة ناس عطبرة وبربر تحس بيهم حلوين وباسمين وحبوبين وحياتهم ساهلة بينما ناس شندي والمتمة بدوك احساس إنهم عاوزين يتشاكلوا حتى وهم بحلفوا عليك عشان يكرموك بكون الموضوع شكل وهرش عطبرة وبربر ما بتحس فيهن بي إنك غريب عن البلد .. منظرك بكون عادي. بينما في شندي والمتمة تحس بي إنه الناس بتعاين فيك وبعضهم بسألك صراحة انت من وين وجاي لمنو! مجتمعات شندي والمتمة بتسيطر عليها القبلية بصورة جلية وصعب جداً شخص ما مطلع على ثقافات وقرايات تانية يطلع من مفهوم إنه الحياة متوقفة على القبيلة وفهم أهله الكلام دة في عطبرة وبربر ما موجود نهائياً .. هناك الناس بتسألني انت من وين؟ بينما في شندي والمتمة بسألوك انت من ياتو قبيلة في رأيي الانطباعي إنه دة السبب المباشر لكونه الثورة قامت من عطبرة وتم تسيير قطار الشمال من هناك بينما شندي والمتمة لم يشهدوا ولا ربع مظاهرة طوال أيام الثورة لمجرد إنه الحكام قرايبهم
| |
|
|
|
|
|
|
Re: ستنا ترش عطبرة وشندي بف باف تقيل.. (Re: أحمد محمد عمر)
|
Quote: التنظيم لا بد له من مراجعات وتقديم اعتذار |
حقيقة والصراحة .. شخصياً لا عاوز منهم مراجعة ولا اعتذار.. يغوروا ويقطعوا وشوشهم القبيحة الكالحة دي بس.. ويترشوا من سكات وبدون ضجيج..
جاء في الأثر .. الجعلي بيقضي يومو خنق..
| |
|
|
|
|
|
|
|