دفعت لجنة الخبراء الاقتصاديين بقوى الحرية والتغيير، بمذكرة لوزير المالية د. هبة محمد علي، تضمّنت خُططاً مرحلية لمعالجة الاقتصاد. وتضمّنت المذكرة التي تحصّلت عليها (السياسي)، توصية بتغيير العملة، وفق خطة تحافظ على القسم الأكبر من الكتلة النقدية داخل القطاع المصرفي، وإلغاء برنامج مراقبة صندوق النقد الدولي لأداء الاقتصاد السوداني ومتطلباته، وإقامة العلاقة مع المؤسسات الدولية على أسس جديدة تراعي حق السودانيين في إدارة اقتصادهم الوطني، بجانب إلغاء برنامج الدعم النقدي المباشر للأسر واستبداله بدعم المناطق الأقل نمواً وفي التنمية الريفية. وأوصت لجنة الخبراء بحسب المذكرة بتوسيع المظلة الضريبية لتشمل القطاعات الاقتصادية التي كانت خارج المظلة، وطالبت بعدم اللجوء لتعويم سعر صرف العملة الوطنية أو مجاراة السوق المُوازي، بجانب إخراج شركات التصدير والاستيراد التي تتلاعب بحصائل الصادر من التجارة في السلع الأساسية واستبدالها بالشركات الحكومية، فضلاً عن إصدار التشريعات اللازمة لمُحاربة تجارة العملة في السوق المُوازي وتطبيقها بصرامة.
07-28-2020, 01:46 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
اول حاجة رجعو الدكلارشن ومدة ثلاث شهور بي اي زول عنده عملة حرة في البيت او في بنك هشك بشك في الداخل او الخارج يمشي يفتح حساب في بنك السودان العملة الوطنية تقاس بالاحتياط الذهب او العملة الحرة في بنك السودان وليس في اي بنك في العالم او بيت ارزقي ساقط عايز الله يكويهو بيها يوم القبامة
كل الصرافات تعلن ما عندها من عملة حرة ده كلو للحصر بس بعد داك الاامن الاقتصادي يشوف شغلو اي ددولارات او ذهب خارج الدكلاريشن يصادرا ويوضع في البنك المركزي في حساب وزارة الصحة والتربية والتعليم طوالي بعد ما اجفف الشوراع من العملة الحرة واضعا في البنك بتاع السودان بتظهر قيمة الجنيه السوداني الحقيقية واحسن نحن نعرف من الاعلام ثقافة الاقتصاد السياسي للمواطن 10 تقاس عملة البلد بي العملة الحرة والذهب الموجود في البنك المركزي فقط وليس الذهب المهرب او الدولارات المكدسة في البيوت ثانيا النقط مقابل الغذلء مع دولة الجنوب طوالي والحريات الاربعة الصفقات المتكافئة مع اللصين المشارريع والمعادات مقابل المعادن والحديد الخردة والمحاصيل لمن تمر الثلاثة شهور الاولي حشتوفو براكم الجنيه ببقي كم قبل يلحقوكم القذافي https://top4top.io/ القذافي كان عايز يقرض الدولار ذاتو ونحن عايزين نرحع الجنيه السوداني العزيز والاصلي قبل تغيير العملة اضبط الذهب والدولار وختهم في بنك السودان بس
07-28-2020, 05:10 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
بعد شنو .. ! .. بعد خراب مالطا اصلا كان المستهدف الكتلة النقدية الضخمة خارج النظام المصرفي الفي يد أرباب النظام البائد وذويهم وأتباعهم إنه ما يتم تجميدها لتسييلها لاحقا أو تهريبها بعد تجميدها بره البلد الآن وبعد الوقت الطويل ده كلووو وملاواة استصدار القرار ده من قبل جهات خفيه أوهم كوز هسه بيكون اتصرف في القروش العنده وبقى جااااهز لقرار تغيير العملة أخير الحكومة تواصل بي عملتها القديمة.. مافي داعي لخطوة فقدت قيمتها تماما .. لانها حتكون صرف قروش في الفاضي على حساب الشعب المسكين الهامل ده ــــــــــــــــــــــــــــــــــــــــــــــــــــــ يبدو هناك جهات تُفرغ القرارات من مضاميتها وتجعلها بلا قيمة مدافعه عن مصالح النظام البائد صحي المصالح بتتصالح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة