|
Re: مقترح بعمل شركة مساهمة عامة للمركبات الكه (Re: mekki)
|
الخوف يا مكي المواطن يختها في الشاحن بالليل يصحى الصباح يلقى الكهرباء كانت قاطعة الليل كله احنا دولة فقيرة في انتاج الكهرباء و نصيب المواطن من الكهرباء اقل الانصبة عالميا دا غير عدم العدالة في التوزيع, قرى بل و مدن وربما ولايات كاملة في جهات السودان المحتلفة ما فيها كهرباء كافية للانارة حتى مشروع زي دا إما يكون في اتجاه العربات الهجين أو يتأخر شوية لغاية تحسين قدرة التوليد للمتوسط العالمي
| |
|
|
|
|
|
|
Re: مقترح بعمل شركة مساهمة عامة للمركبات الكه (Re: mekki)
|
ايوة تعليقي استراتيجي و على المدى القريب كمان, ما ممكن بلد نصها ما فيها كهربا اساسا للري و الزراعة ومياه الآبار للشرب و للري و مصانعها ما لاقية كهرباء للانتاج الحقيقي البزبد من قيمة منتجاتنا الحيوانية و الزراعية و للإنارة البتخلي الطلاب يدرسوا وينافسوا ابناء المناطق العندهم كهرباء على علاتها يبقى استراتيجتك كدولة تزيد انتاجك من الكهرباء أول و تحقق العدالة في توزيعها ثم الخطوة الجاية تفكر في مشروع زي دا لا زال في بداياته في دول ما عندها ازمة طاقة اساسا أو زي ما قلت ليك تفكر بطريقة تناسب وضع الكهرباء في البلد و تفكر في السيارات الهجين ما في زول ح يفكر في امتلاك سيارة كهربائية فقط ما لم يضمن انو ح يقدر يشحنها
| |
|
|
|
|
|
|
Re: مقترح بعمل شركة مساهمة عامة للمركبات الكه (Re: Mohd Ibrahim)
|
الكهربا يادوب جات عشان كدا اتاخرت فى الرد ورد متطابق مع رد الاخ ود البشرى دوله تبدا نهضتها من تحت الصفر ماذا تقدم لها سبارات (smart) الشبابيه مثلا .ثبل كم يوم واحده مصوره عربيها سمارت وقالت دايره ليها مشمع والناس استلموها .... النقل المعتمد على الكهربا سوم يبقى على السودان افضل يكون لمواعين نقل كبيره زى القطار الكهربائى زى ماقال الاخ محمد ابراهيم المهم ممكن مشروع سيارات تقول تشجيع بحث علمى لسيارات تسير على البايوغاز مثلا حتى اولويات الروىء الاستراتيجه افضل تكون مرتبطه بتحفيز تطوير ابحاث الطاقات النظيفه لاستخدامها فى اى مجال صناعه او نقل او حتى استهلاك سكنى
| |
|
|
|
|
|
|
Re: مقترح بعمل شركة مساهمة عامة للمركبات الكه (Re: Asim Ali)
|
أي موضوع بتاع طاقة نظيفة في السودان في هذه المرحلة ما ممكن يدخل رأسي نحن محتاجين في السودان لطاقة رخيصة تكون نظيفة ام وسخانة ما مشكلة شوفوا دول العالم الأول قاعدة تلوث في الدنيا من متين؟ كم نساوي امامها لو استمرينا نوسخ 200 سنة قادمة. الان ابحثوا عن مصادر الوقود الاحفوري الرخيص من بترول وغاز وفحم حجري لايصال الاقتصاد لمرحلة أبحاث الطاقة النظيفة ومن هناك لكل حدث حديث.
وبالمناسبة السودان من اكثر دول العالم استخداما للطاقة النظيفة حيث يولد اكثر من نصف طاقته من مصادر نظيفة ومتجددة !
| |
|
|
|
|
|
|
|