Quote: حوالي اتنين مليون من دراويش القادرية حضروا كرامة الرجبية في كدباس . كرامة تكافي الكورونا وتبعد البلاء . كانت ملمة ما حصلت في تاريخ السودان .
ولا في تاريخ العالم ذاتو ما حصلت بالرقم ده، إلا لأسرى الجيش الألماني في نهاية الحرب العالمية التانية. وديلك كانوا بشر، طبعاً، جمعوهم السوفييت، بعد تعب، حكموا عليهم بالأعمال القسرية، يقطعوا خشب في سيبريا، زي أولادنا مع الإمام. معظمهم مات، آخر واحد أفرجو عنه سنة 2014، قبضوهوا في ستالينغراد وعمره كان 14 سنة، فكوهوا من السجن بعد 70 سنة وعمره 84.
Quote: كان يحدث فيني الدرويش الحاج سعيد عن كرامة الرجبية في كدباس في ده العام . عام الكورونا . قال لي الأمة دي كلها ذكرت الله بي فد صوت
فيهم الترجم . وفيهم الإنجذب . وفي باحة المسجد اتشدت طناجر بليلة العيش بي لحم البقر . بوخ بليلة العيش داقي في السماء . والحيران واقعيين ردم في الحطب تحت الطناجر . بوخ يكافي البلاء . اتنين مليون ذاكر هزوا الأرض هز في طلب الصحة والعافية والرحمة والسلامة .
أنا البرة دا انجذبتا، خليهم الحيران الجابتهم (بوخة البليلة).
طيب كويس، الخبر: (الحاج+سعيد) حدثك بأنو في (باحة مسجد) اتشدت طناجر بليلة بلحم بقر عشان يتناولوها عدد اتنين مليون (ذاكر).
موسا إزيك! مبدئياً كدة أنا مصدق الرقم (2،000،000) بتاع خبر الحاج، لأنو في أكبر منو لموسيقى ومعازف ساكت، ما بالك بالرجبية. فهسع أنا اعتبرني جهة تحقيق محايدة، للنظر في ملابسات الجمعون حق الاتنين مليون ديل.
لكن عندي شوية تساؤلات: 1- هل كل الحضور ضمن الرقم (2،000،000) كانوا بشر؟ 2- هل المفردة (كرامة) مقصود منها الوجبة المجانية أم (المعجزة)؟ 3- البليلة بلحم البقر أكلوها الحيران والذاكرين الاتنين مليون ولا انحصر الأكل في القاعدين جوة باحة المسجد؟ 4- كدباس دي وين ومساحتها قدر شنو بالضبط، أنا فتشتها وما لقيتها والله، فهل ممكن صور جوية؟ أو إحداثيات؟ 5- هل عندك الرغبة حالياً تعيد النظر في الرقم وتحذف منه أربعة أصفار؟
___ آآآي لأني باريت مسار النيل من الخرتوم لغاية بورسودان وما لاقتني كدباس دي.
06-16-2020, 06:39 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
ثانيا أصلا الخبر دا Fake وتم تداوله في (الواسطاب) في بداية انتشار الكرونة وجيء بفديو لتأكيده وقمنا بالرد عليه في حينه ان الرجبية تقام ليلا وليس (ضحوي) كما يصور الفديو. الفديو مجلوب نعم من كدباس ولكن في مناسبة أخرى ونعرف تاريخها ونعرف حتى الناس المصورين في الفديو.
ثالثا: انت ما سمعت بحكاية المسيرات المليونية يعني؟؟
رابعا:
Quote: آآي لأني باريت مسار النيل من الخرتوم لغاية بورسودان وما لاقتني كدباس دي.
النيل لمان تباريه ما بوديك بورسودان لو باريتو كويس بوديك كدباس وكمان يوديك" فتوار" انت فارقت النيل من عطبرة يا اللخو
وازيدك من الطين المبلول:
حوار من حيران كدباس مشى الحج وبعد عودته قال: " مكة زين سمحة لكن كدباس ما بتتلحق"
" وحات المثنى العالم الشفتهم في عرفات الا كان يوم فتح الجاع الليل كدباس"
تحياتي
06-16-2020, 06:49 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
انا بفكر في البنطون هسه الناس دي كلها كان جات بالشرق بيكون سيدو استفاد فايدة جد .:)
الكرامة هي بليلة الذرة باللحم .. وأفضلها ما كان بلحم عتود .. لكن مع العدد الكبير دا بيكونوا ضبحوا ليها عجول .. عيش جزيـرة وموية ولحم وملح .. وتكتر الحطب هو حقيقة لو قالوا 5 مليون اكلوا في كدباس ما بيكون مصدر ادهاش لي أنا الشفتها وشفت سهولة اعداد وبساطةالاكل .. وان كان زمن الشيخ الجعلي المشكلة انه المنطقة عموماً وما جاورها ما بتحشد 2 مليون وقلة بس زي ناس جقود هي للآن المبارية الفتة والفطير باللبن .. اعتقد انه في أربعة اصفار زايدة والاتنين قابلة للقسمة ..!
06-16-2020, 06:52 AM
adil amin
adil amin
تاريخ التسجيل: 08-01-2002
مجموع المشاركات: 37145
Quote: كانوا بشر، طبعاً، جمعوهم السوفييت، بعد تعب، حكموا عليهم بالأعمال القسرية، يقطعوا خشب في سيبريا، زي أولادنا مع الإمام. معظمهم مات، آخر واحد أفرجو عنه سنة 2014، قبضوهوا في ستالينغراد وعمره كان 14 سنة، فكوهوا من السجن بعد 70 سنة وعمره 84.
هههه باكورد في الزاوية.
06-16-2020, 11:29 AM
Abureesh
Abureesh
تاريخ التسجيل: 09-22-2003
مجموع المشاركات: 30182
Quote: كانوا بشر، طبعاً، جمعوهم السوفييت، بعد تعب، حكموا عليهم بالأعمال القسرية، يقطعوا خشب في سيبريا، زي أولادنا مع الإمام. معظمهم مات، آخر واحد أفرجو عنه سنة 2014، قبضوهوا في ستالينغراد وعمره كان 14 سنة، فكوهوا من السجن بعد 70 سنة وعمره 84.
أولادنا مع الأمام والخليفة لي يوم الليلة مكبلين نفسهم بدون جنازير الله أعلم آخر واحد فيهم يفك قيده متين ههههههه بس طالما لاقين الفتة والرز ودافسنهم بالثريد والبليلة بلحم البقر ورضيانين وحامدين وشاكرين حيكونوا مسخرين كده ليوم الدين.
06-16-2020, 11:53 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
Quote: أولادنا مع الأمام والخليفة لي يوم الليلة مكبلين نفسهم بدون جنازير الله أعلم آخر واحد فيهم يفك قيده متين ههههههه بس طالما لاقين الفتة والرز ودافسنهم بالثريد والبليلة بلحم البقر ورضيانين وحامدين وشاكرين حيكونوا مسخرين كده ليوم الدين.
لقد أسمعت لو ناديت حيا *** ولكن لا حياة لمن تنادي ولو نار نفخت بها أضاءت *** ولكن أنت تنفخ في رماد أوسكار ...
06-16-2020, 06:37 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3511
العمل كرامة في البوست دا هو هتلر! معقول جيش أكتر من تلاتة ملايين في مواجهة الاتحاد السوفيتي لوحده، غير الجيش في فرنسا وباقي أوربا؟! هتلر من أهل الله. في البداية كنت ما مصدق رقم حاتم دا، لكن بعد بحث نيتي، لقيت الأسرى حسب التقديرات الألمانية الغربية والارشيف الأمريكي يقدروهم ب: 300060000 أسير أنا غايتو مصدق رقم عثمان موسى الشيخ الجعلي ما هين هو غوث كبير وكذلك عسمان موسا
06-16-2020, 06:44 PM
منتصر عبد الباسط
منتصر عبد الباسط
تاريخ التسجيل: 06-24-2011
مجموع المشاركات: 4165
Quote: أولادنا مع الأمام والخليفة لي يوم الليلة مكبلين نفسهم بدون جنازير الله أعلم آخر واحد فيهم يفك قيده متين ههههههه بس طالما لاقين الفتة والرز ودافسنهم بالثريد والبليلة بلحم البقر ورضيانين وحامدين وشاكرين حيكونوا مسخرين كده ليوم الدين.
القيد الحقيقي هو عدم تصالحنا مع بعضنا وعدم قبولنا لبعضنا البعض في الهند هناك من يعبد البقر ومن يعبد الفئران ومن يعبد البشر ومن يعبد الله الواحد الأحد من سنة وشيعة ووهابية وهناك سيخ ومجوس ونصارى وأديان لا تحصى ورغم ذلك متعايشين في وحدة ووئام واستقرار سياسي واقتصادي وبلدهم لها إقتصاد قوي موش زينا الكارهين رقبتنا وكارهين لبعضنا البعض ورافضين لإعطاء كامل الحرية للناس في اعتقاد ما يشاؤون مع وجود نظام ووحدة إنسانية وحضرية تجمع كل هؤلاء المختلفين ليعيشوا مع بعض في أمان ورضى وسلامة
06-16-2020, 07:08 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20753
Quote: في الهند هناك من يعبد البقر ومن يعبد الفئران ومن يعبد البشر ومن يعبد الله الواحد الأحد من سنة وشيعة ووهابية وهناك سيخ ومجوس ونصارى وأديان لا تحصى ورغم ذلك متعايشين في وحدة ووئام
هذه هي العلمانية يامنتصر. ولو ان الكلمة سيئة السمعة عند البعض لضعف فيهم،
فدعونا نقول انها حالة كون الدولة لا دين لها.
وتقف على مسافة متساوية من كل الاديان...
06-16-2020, 07:57 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
أخونا حاتم سلام والله حاجة تفرح انو يجي يناقش البوست حقي كاتب كبير زي أستاذ حاتم . يا أخ حاتم لا ياخدك شك في المليونين دي . كدباس قلعة قديمة وجامعة معروفة للعلوم الدينية و للعلاج والإصلاح وتعليم الطلاب القران والاستقامة. واكيد الناس الجات الحاوية ديل يا أخ حاتم ناس عندهم عقيدة في الشيخ وفي الطريقة القادرية . تحياتي وشكري
06-17-2020, 04:54 PM
منتصر عبد الباسط
منتصر عبد الباسط
تاريخ التسجيل: 06-24-2011
مجموع المشاركات: 4165
والمشكلة في أنو دعاة العلمانية في السودان إذا تسلطوا سيفشلوا في تطبيقها كما يجب أو كما يشهد عليهم حالهم لأنهم سيبطلون كل إيجابياتها ويوجهوها كسيف وخنجر ضد الخصوم لأن الإيمان بالعدالة لا يوجد لديهم هسع هديلم يقاتلون بشراسة ضد انتقاد مجرد انتقاد لمن مارس إخفاقات قاتلة في المنصب الذي وضع فيه يعني الأساس الذي من المفترض أسست عليه هو الإقتناع بالحرية والعدالة وهذه القناعة يكذبها الواقع المعاش لكل من إدعاها فيمن نراهم الأن بين أيدينا!.
06-18-2020, 12:30 PM
adil amin
adil amin
تاريخ التسجيل: 08-01-2002
مجموع المشاركات: 37145
Quote: هذه هي العلمانية يامنتصر. ولو ان الكلمة سيئة السمعة عند البعض لضعف فيهم،
فدعونا نقول انها حالة كون الدولة لا دين لها.
وتقف على مسافة متساوية من كل الاديان...
الخواض الكضاب في فرق بين العلمانية والسفاهة العلماني الهندي والافريقي ايضا بقعد في علمانتو هناااااك بوعي ويحترم عقائد الاخرين في دولة ديمقراطية فدرالية اشتراكيةة وادق وصف لدولة الهند والحبشة مش تقعد في راس الناس بي المحاصصة وترفس وتقرضا علمانية مشوهة ذى الفي البورد العلماني الحر لاما بقيح عقائد الناس يكونو ختمية يكونو انصار يكونو كجوريين وهسة البورد ده اكبر دليل علي علمانية الشيوعيين السودانيين السفيهة https://top4top.io/
جقود الختمي المركب مكنة حركة شعبية https://top4top.io/
06-18-2020, 12:35 PM
adil amin
adil amin
تاريخ التسجيل: 08-01-2002
مجموع المشاركات: 37145
جريت لي يا حاتم ابراهيم من البوست الفتحتو غلبك تفك شفرة جقود دافنشي من هم اقليات المركز الما عرب وعاملين فيها عرب خلي الاقاليم وخلي كدباس الملايين في السودان لو رجعنا للعصر الذهبي ختمية والانصار والطرق الصوفية زمان بتشوف الملاييين تمرق كيف والله في عطبرة كنت طفل مر السيد علي بالمدينة ماشي الشمالية المدينة كلها مرقت انت ركز معانا في انسان المركز يا دوراين البورد وما تشرد من الحقيقة جاوب السودان 95% قبائل معروفة عندها اسم ومكان 5% اقليات في المركز ال5% ديل منو ؟؟
06-18-2020, 12:45 PM
adil amin
adil amin
تاريخ التسجيل: 08-01-2002
مجموع المشاركات: 37145
المقال ده شفت تفتح اي بوست تلقاه قدامك وهو مقال موثق في علم النفس السياسي الاجتماعي ويساعد في علاجك تمام اذا اتحلت مشكلة المركز بتتحل طوالي مشكلة السودان
Quote: عودة الاخ دينق
عادل الامين
الحوار المتمدن-العدد: 5607 - 2017 / 8 / 12 - 19:08 المحور: مواضيع وابحاث سياسية https://top4top.io/ من كتاب محمد ابوالقاسم القيم السودان مازق التاريخ وافاق المستقبل (جدلية التركيب) ونحن في 2017 والتتار على الابواب اخذكم في سياحة في رؤية الكاتب عن نهوض كوش وجدلية التركيب باسس جديدة لان الراحل انقطع عمله الله يرحمه وبقى له العلم الذي ينتفع به وهذا السفر القيم .. كما هي دعوة لكل السودانيين للعودة في قراءة الكتب التي تركها لنا الرعيل الاولي وفيها عصارة تجاربهم حتى نملك الجيل الحاضر مفاتيح لمستقبل جديد للسودان قائم على وعي حقيقي ومعرفة حقيقية ..وما اكثرها الكتب القيمة التي اندثرت عبر الزمن في كهف النسيان..ونحن نعيش اسوا سنوات التيه ..سأتناول قضية حساسة تتعلق بالمركز والشرائح الاجتماعية التي استوطنته عبر العصور ولماذا ظل عائق امام نهوض السودان الحقيقي حتى الان .. تحت عنوان جانبي((كلية غردون ضد القاهرة)) ذكر المفكر السوداني الراحل محمد ابوالقاسم: قد عمد الانجليز على تخطيط اكثر خبثا حين استقطبوا لكلية غردون اعدادا من الطلاب السودانيين ((السود)) من سلالات عهد الاسترقاق حتى بلغ عددهم (67) طالبا في1906 مقابل(138) طالبا من ابناء القبائل العربية في كل السودان والهدف من الخطة كان واضحا اذا اعتقد الانجليز ان ابناء سلالات الرقيق بحكم وضعهم التاريخي الاجتماعي سيكونون اكثر ولاءا للبريطانيين واقل طموحا في سلم الترقي الإداري ما يعني استبدال المصريين بعناصر موالية لا تطرح في المستقبل أي نوع من الطموحات الوطنية وقد كذبت حوادث 1924 هذه النظرية كما سياتي شرحه =انتهى الاقتباس الكتاب ص 184 و185 **** طبعا وفقا للرؤية الايدلوجية التي كان يعاني منها محمد ابوالقاسم نفسه في كتابه القيم وعداءه للإنجليز وموالاته من وراء حجاب لمصر وتركيا والخلافة المزعومة التي يتغنى بها الاخوان المسلمين في السودان حتى الان على حساب المهدية وقبلها الشايقية ومعركة كورتي والجعليين وحرق اسماعيل باشا في المتمة تعكس تماما ان يكون الانجليز خبثاء وهم يمارسون السودنة ويدعمون شعار السودان للسودانيين كما زعم..الخبثاء كانوا المصريين في حركة 1924 ومن الكتاب نفسه توصلنا الي حقيقة مرة ان مصر تعاملت مع السودان والسودانيين عبر العصور من دخولهم مع الاتراك1821 بطريقتين فقط توصفا بالخساسة والانتهازية ووعي اتفاقية 1899 ما عدا فقط محمد نجيب الله يرحمه فقط لا غير وقد فقد علي عبداللطيف عقله بسبب خذلان المصريين له وانقلب كثير من السياسيين السودانيين ضدها وبقي فقط نخب المركز من احفاد هؤلاء الاقليات المسترقة يشكلون شريحة اجتماعية كبيرة في الخرطوم مصرين يكونوا عرب الي يومنا هذا ويتهافتون على مصر وأيدولوجياتها المشبوهة ووعي الدولة المركزية الذى لا يتجاوز جمهورية العاصمة المثلثة ويجهضون أي مشروع سوداني فدرالي للنهوض بكوش من مشروع الحزب الجمهوري محمود محمد طه و اسس دستور السودان 1955ويهينوا الجنوبيين وكل ابناء الهامش الغربي في المركز بالكشة وفي الهامش بحروب الابادة تحت اشراف البنك الدولي ومشاريعه الشيطانية المعروفة في العالم وعقدة استكهولم التي تجعلهم يتهافتون على مصر والعرب وتركيا الى اليوم ..نحن اصلا جاءنا الاسلام قبل الف عام عبر التجار اليمنيين والهاشميين والطرق الصوفية من العراق تلاميذ الشيخ عبدالقادر الجيلاني وجعلوا اسلام السودان صوفي مرتبط بمحبة ال البيت كما هم الانصار والختمية والجمهوريين ولم يطالبونا بان نكون عرب اطلاقا ..فما الذي يجعلنا الان نبحث عن عروبة مستعارة بالكريمات والحقن واسلام مشوه جاء به الفلاتة والتكارين من جامعة ام القرى السلفية في السعودية او الاخوان المسلمين المصرية او الخلافة الداعشية التركية ونسقط التاريخ المشين للوجود التركي المصري في السودان الذى استدعى ان تتوحد كل قبائل السودان بما في ذلك الكجوريين تحت راية المهدية للتحرر منه في 1885 ووفقا لنظرية جدل التركيب نفسها التي ابتكرها ابولقاسم حاج حمد لقد مثل المهدي الشمال وانجز مهمته في تحرير السودان من الاتراك والمصريين وايضا نقفز ونتجاوز انتكاسة عبدالله التعايشي لأنه لا يمثل الغرب ..الذى يمثل الغرب هو السيد عبدالرحمن الذى جلب عبقرية سلاطين الفور من امه وايضا جمع السودانيين كلهم بطريقة حديثة تناسب المرحلة وحولهم من مقاتلين الى مزارعين ثم ناخبين في حزب الامة العريق ليخرج الانجليز بطريقة راقية عبر الانتخابات في 1 يناير 1956 ثم جاءت انتكاسة اخرى بالأيدولوجيات المصرية بعد الاستقلال من ناصريين وشيوعيين انقلاب 1969 ثم الاخوان المسلمين انقلاب 1989 ليدخل السودان من جديد جحر ضب خرب مع اقليات المركز المذكورة انفا والوافدين الجدد على السودان ...ويأتي اخونا دينق الذى جعله ابوالقاسم عنوان الفصل الثامن (عودة الاخ دينق ) في دور الجنوبيين في نهوض كوش جاء مهدي الجنوبيين دينق في صورة د جون قرنق ورؤية السودان الجديد واتفاقية نيفاشا ودستور 2005 لاستعادة كوش واستنهاضها لاكتمال (جدلية التركيب) والدور الرائد لكتلة الجنوب..ومات جون قرنق بصورة فاجعة 2005 وبقيت الرؤية تنتظر فارس جديد يكمل مهمة كل الرعيل الاول للنهوض بالسودان او كوش الثانية من عباءة المهدية وشعار السودان للسودانيين الذى استهجنه نخب الخواء المزخرف في مؤتمر الخريجين والتحرر من هذا الاستلاب المصري المشين لابد من العودة الى مسار مهدي الجنوب دينق تقديرا لأبناء الجنوب الذين حاربوا في المهدية واطلقوا علي المهدي دينق كما ذكر فرانسيس دينق في كتابه القيم السودان صراع الروى والهوية ..اقروا يا سودانيين كثيرا في كتب الرعيل الاول لتبصروا طريقكم من جديد واتركو العبث في الواتس اب واستهلاك نفسكم فيما لا طائل تحته.اقرا 50 صفحة في اليوم ستكون قرات كتاب كل اسبوع سيكون حصيلتك المعرفية 48 كتاب في السنة وهذا كافي جدا لتكون واعي وفاعل في استعادة روح السودان سودان الحضارة الكوشية .والحديث ذو شجون
الكتاب ده التلمود جقود بفضح التراهات التارخية من دخول الاتراك السودان 1821 لحدي الاستقلال مفروض القراي يخلي منهج تاريخ اول ثانوي بدل تاريخ مصر القديمة
06-18-2020, 07:42 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20753
Quote: المشكلة في أنو دعاة العلمانية في السودان إذا تسلطوا سيفشلوا في تطبيقها كما يجب أو كما يشهد عليهم حالهم لأنهم سيبطلون كل إيجابياتها ويوجهوها كسيف وخنجر ضد الخصوم لأن الإيمان بالعدالة لا يوجد لديهم هسع هديلم يقاتلون بشراسة ضد انتقاد
شكرا اخي منتصر على تعليقك. يبدو انك تخلط بين الديمقراطية والعلمانية رغم الارتباط الشديد بينهم. لكن واقع الممارسة السياسية يقول ان الدولة يمكن ان تكون علمانية بمعنى فصل الدين من الدولة،و لكنها غير ديمقراطية، كما في حالة كثير من الانظمة. المثالان الشهيران هما مثال اتاتورك وبورقيبة العلمانيان والديكتاتوريان في نفس الوقت.
وأعود لصديقنا جقود: الشتائم لا تجعل حججك في النقاش قوية،
بل هي تعكس حالة مركّبة من الهلع والذعر والاضطراب الفكري.
انت تنشر في الحوار المتمدن، وهو موقع يدافع عن "العلمانية واليسارية"...
فكيف جوّزت لنفسك النشر هنالك وأنت ضد "العلمانية واليسارية"؟؟؟
Quote: هل عادل أمين بتاعنا هو عادل الأمين بتاع الحوار المتمدن ولا شخصين مختلفين
عايز تطلع لي جواز الاكتروني ولي شنو هناك بمثل السودان في ساحة الفكر وبخاطب ناس محترمين وهنا بمثل جقود وبخاطب رجرجة منصور خالد ده الفرق تتمخسر ذى اسيادك المصريين نديك في راسك طوالي مليون مرة يا منتصر قلنا ليك كون ذكي مرة واحدة بس في البورد خليك من فلان منو شوفو كتب شنو
06-19-2020, 02:57 AM
adil amin
adil amin
تاريخ التسجيل: 08-01-2002
مجموع المشاركات: 37145
Quote: وأعود لصديقنا جقود: الشتائم لا تجعل حججك في النقاش قوية،
الكضب ما شتيمة وانت قلت لي كضاب قبل كده في بوست سابق وانا ضد شيوعيين السودان بس البائسين وعلمنياتهم البائسة واحتقارهم للدين نفسو في السودان المتجسد في الختمية والانصار وجرائمهم الارتكبوها في الانقلاب 1969 شفت السفهاء الثلاثة ديل في السودان الحزب الشيوعي والبعث والناصري في السودان هم اضل والعن طائفية في السودان وانا اكتب مجا ينشرو لي بس وهم بقيمو الامر اكون علماني ليه شغل مخك ده عليك الله في ادني مقارنة بين اشتراكيين الحوار المتمدن مش الحوار العلماني ورجرجة منصور خالد في البورد ديل وعلمانية الشيوعيين السودانيين سفاهة وعدم احترام لقناعات السودانيين دينية ذى المقطوع الجايي برزل بي الشيخ الجعلي طيب الختمية عشرة مليون والانصار عشرة مليون دي حقيقة ولي وهمة يا شيوعيين
06-19-2020, 03:13 AM
adil amin
adil amin
تاريخ التسجيل: 08-01-2002
مجموع المشاركات: 37145
اي شيوعي يطاول علي الختمية والانصار واهل الطرق الصوفية او الكجور.. في السودان ده ما علماني ده سفيه وسفيه جدا واصدقه ابليس ظنه ومشغل ثلثين دماغو بس احسن من الكيزان ربع الدماغ اهل الرجس لكن اقل وعيا من الجمهوريين والختمية والانصار والحركة الشعبية
الشيوعي السوداني المتغطرس عايز يسقط الغيب الحقيقي الله وما عايز الناس يكونو ختمية وانصار ولا يمارسو حقهم المدني في الانتخاب ويقعد في راسنا بي امحاصصة ورعاية المخابرات االاقليمية والدولية ويرفس مع اهل الرجس الكيزان ذى الوضع القدامنا ده عميانة وقايدها مجنونة ده عقل الانسان ووظائفيه الاستراتجية ورينا دماغك حدو وين يا علمانيو https://top4top.io/
06-19-2020, 03:22 AM
adil amin
adil amin
تاريخ التسجيل: 08-01-2002
مجموع المشاركات: 37145
مشيت وين يا حاتم ابراهيم وخليت البوست لو عايز تعرف الملايين في السودان وحجم قناعات السودانيين الدينية والسياسية في اخر انتخابات 1986\
Quote: فى أنتخابات 1986 م وهى انتخابات شهد المجتمع الدولى والإقليمى والمحلى بنزاهتها وشفافيتها كانت النتائج النهائية كالآتى.. 1/حزب الأمة القومى الجديد برئاسة السيد الصادق المهدى(101)واحد ومائة مقعد. 2/الحزب الاتحادى الديمقراطي بزعامة مولانا محمد عثمان الميرغنى (63)ثلاثة وستون مقعداً 3/الجبهة الإسلامية القومية بزعامة الشيخ الدكتور حسن عبدالله الترابي (51) واحد وخمسون مقعداً 4/الحزب القومى السودانى برئاسة المرحوم الأب فليب عباس غبوش (7)سبعة مقاعد 5/الحزب الشيوعي السودانى برئاسة الأستاذ المرحوم محمد إبراهيم نقد (3)ثلاثة مقاعد فقط. 6/حزب البعث العربي الاشتراكي برئاسة الرفيق بدرالدين مدثر (صفر) 7/حزب البعث العربي الاشتراكى..جناح سوريا(صفر) 8/الحزب العربي الاشتراكى الناصري برئاسة الأستاذ ساطع الحاج(صفر) الناس ديل ما مشكلتم الشعب بنتخب الكيزان المشكلة لحدي هسة في ناصريين وبعثيين في السودان ليه ؟؟
يا حاتم يلا شغل مخك وعد في الاقليم الشمالي في قبائل نا في كعوك والكيزان الفازو في ثلاث دوائر في دتقلا بسبب الصادق المهدي شتت اصوات الانصار لانه هو اصلا كوز لحدي الليلة الشيوعي بنعق2020 يقول السودانيين بنتخبو الكيزان ليه وقاعد في راسنا مع البعثيين ايتام صدام حسين والناصريين ايتام عبدالناصر كعوك المركز ليه ؟؟ الاقليم الشمالي ختمية والانصار وطرق صوفية وهسة نركب ليهم مكنة حركة شعبية شمال الاصل والشيخ الجعلي الان والولاد الشيوخ دكاترة وبروفسرات بقدمو الدين في مستوي محي الدين بن عربي مش بن تيمية ومحمد عبدالوهاب وحسن البنا وسيد قطب والعفن الوافد ده
06-19-2020, 03:35 AM
adil amin
adil amin
تاريخ التسجيل: 08-01-2002
مجموع المشاركات: 37145
علمانيوو ديل كم في السودان السودان قبائل في الاقاليم واقليات في المركز البعثي والشيوعي والناصري والكوز والسلفي من اقليات السودان الما قبائل جو من وين ؟ تفك لينا شفرة الاقليات في المركز بتين بعدين نظرية الشايقية فلاتة دي بقطعا ليك في راسك بي الوثايق اذا رجعت تتطاول علي قبائل الشمال في السودان هسة خليك بس مع الارقام والشيخ الجعلي بس جماهير الشيخ الجعلي 3 مليون امشي عدهم وريني جماهير الحزب الشيوعي كعوك صدام حسين وعبدالناصر كم عايزين نعرف عدد السفهاء في سودان الحضارة وجو من وين ؟؟
Quote: قال عنهم الشاعر الراحل صلاح احمد ابراهيم عن الخرطوم عاصمة الكعوك*...
تقول لي مثقفو الخرطوم كالصحراء لا تنبت فيها بذرة اخطات في التشبيه للصحراء في المساء روعة وبهرة وكانت الصحراء في ماضي الزمان شاعرا ذا قلم وقدرة لكنه استكان للخمول وللذبول واذل شعره فرط في خياله وما الخيال للصحرا ء الا الخضرة مثقفو الخرطوم قهوة ونومة وسهرة وسكرة تفحمني حلمك با هذا لقد اشبهتهم انت وهم في هجرة (ديوان بوق العاج منشورات دبي الثقافية )
ديل البطالوو علي الختمية والانصار في البورد لحدي 2020 تحت شعار علمانوو اقليات المركز المشوهيين ناس عجبوني اولاد السرارة من زمن ماخور الصاغ صلاج سالم الساقط وعشان نعرف الفرق بين اهل العلمانية المحترمة الحركة الشعبية الاصل وبين اهل العلمانية السفهاء وهسة الشيوعيين زاغو منها في ادبياتم بقو يقولو دولة مدنية وليس علمانية واسامة الخواض المتخلف ما عرف الدارونية ودت اشيوعيين وين في السودان قاشر بيها ذى القميص البتحرمني منك والجذمة والكموش 1970 انا جقود البشبخ روحي بطفي النور في البورد قريبا وادي المفاتيح بكوري بعد اعمل حولية للختمية هنا مع الاحبة النوبة في الحركة الشعبية شمال الاصل وبكل حقوقهم المدنية عاش ابو هاشم https://top4top.io/
اها دي كيف عامانييو واي مدنياوو قال الهند قال
06-19-2020, 04:10 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20753
Quote: فكيف جوّزت لنفسك النشر هنالك وأنت ضد "العلمانية واليسارية"؟؟؟
لانهم علمانيين ويساريين جد ما سفهاء ذى الشيوعيين في السودان هسة ده سؤال صعب والفرق حتي بين علمانية الحركة الشعبية والشيوعيين المشوهين التعيسين واضح حتي علي مستوي السودان لو الشيوعيين السودانيين مسكو موقع الحوار المتمدن بخلو ذى البورد ده ويضيعو لي بكري افضل انجاز ليه ولحدي هسة قاشر بي فتحي الضو وعملتو لبورد غرزة شيوعيين اطرد ده وخلي ده ونسنسة في المسنجر السودان ما فيه علمانيين ولا شيوعيين ولا اشتراكيين فيه سفهاء بس من اقليات مشوهة وانت ملطوع معاهم ساكت وعندك قبة في طيبة الخواض وما عايز تحصل حميد عاجبنك الرجرجة احولك ديل في قندهار تضيع زمنك ساكت الحولية بتاعة جقود الختمي الجاية في طيبة الخواض براعية الحركة الشعبية الاصل \نعال حصل ليك مولد وفتة تنفعك الناس ديل بس يختو صندوق الانتخابات ونجدعم مع الكيزان في مذبلة التاريخ شيوعيين بتاعة الساعة كم
06-19-2020, 04:41 AM
adil amin
adil amin
تاريخ التسجيل: 08-01-2002
مجموع المشاركات: 37145
دي علمانية الحركة الشعبية مت زمن جون قرنق احترام الموجود لحدي تتجاوزو بالتي هي احسن مش ترفس وانت كسيك فاضي يعني حتي العلمانية في مستوى الحركة الشعبية انت ما متسوعبا https://top4top.io/ دي العلمانيووو الحقيقية شوف ليك شغلة غير السياسة يا اسامة الخواض الدين لله الوطن للجميع ما في ختمي قال ليك انت شيوعي ولي بعثي ولي ناصري مالك ولي قعد يكفر او يلهث ذى الترابي وعبدالحي يوسف بتنبح في الختمية ليه ..؟؟
06-19-2020, 06:51 AM
قسم الفضيل مضوي محمد
قسم الفضيل مضوي محمد
تاريخ التسجيل: 01-08-2013
مجموع المشاركات: 2608
Quote: في السودان و قبل قيام الثورة المهدية كان العرف المتبع عند أغلب الأسر السودانية أن يتم دفن كبير العيلة داخل المنزل... فإذا أراد شخص بيع المنزل (عشان إتزنق في قرشين) فهو امام خيارين, يا إما يقوم بإستخراج الميت و دي عملية مكلفة جداً - لازم يجيب شيخ و طقوس و هلم جراً- و في هذه الحاله يمكن عَرْض البيت بسعر مجزي جداً.... لكن لو ماعندك قروش فحا تعرض المنزل للبيع (بالميت) و كده حا يكون سعرة أقل بكثير.... و بالرغم من إختفاء عادة دفن الموتي داخل المنازل ظل مصطلح (بالميت) يعبر عن الحد الأدني لسعر بضاعة معينه... يعني لو زول عارض عربية للبيع بقول ليك العربية دي (بالميت) كده بتجيب كذا كذا... و بعد قيام الثورة المهدية قرر الخليفة عبد الله التعايشي إلغاء عادة دفن الموتي داخل المنازل لمخالفتها لتعاليم الدين الإسلامي... و قرر إنه (يطلع ميتين) أمدرمان و يدفنهم في مقابر خاصة بالمسلمين...و مراعاة منه لكبار شيوخ الصوفية قام بتحويل بعض منازلهم لمقابر عشان ما يحتاج (يطلع ميتينهم) هم ذاتهم... و ظهرت في أمدرمان مقابر الشيخ حمد النيل و أحمد شرفي و البكري... و تم تعميم التجربة و طلّع الأنصار ميتين الخرطوم و بحري ثم عمموا التجربة و (طلعوا ميتين) السودان كله... وكانت عملية دفن الموتي داخل المنازل عرف متبع في كل السودان و عنده (نوستالجيا) و شجون, فإستنكر السودانيين في البدء إنه كيف (يطلعوا ميتينهم)... و ظل المصطلح حتي الآن يُستخدم للتعبير عن سلوك غير مقبول. يعني الواحد يقول ليك الجماعة ديل (طلعوا ميتينا) ذاته, يعني أجبرونا نعمل حاجة ما عايزنها... فعشان كده ما تستعجل فمن زمان الأنصار (طلعوا ميتين) السودان 😂😂😂😂😂😂😂😂
منقووووووووول...
٠٠ ٠٠٠
06-19-2020, 08:23 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: الفديو مجلوب نعم من كدباس ولكن في مناسبة أخرى ونعرف تاريخها ونعرف حتى الناس المصورين في الفديو. +++ النيل لمان تباريه ما بوديك بورسودان لو باريتو كويس بوديك كدباس وكمان يوديك" فتوار"
أهاااا
معناها أنا ميت في الجغرافيا، ميتة خرافية! لكن ما ياها الموية؟ بالتأكيد (مباراة) النيل بتوصل بورتسودان، بل ممكن توصلك نواكشوط، وتجيبك! فحاول تفكر خارج المربع.
هو جاب الإيرلندي من بريطانيا والتركي من الأستانة والفولاني من ولاتة ما يوديك بورسودان ليه؟ ما ياها الموية؟ حلوة مرة بتوصلك بورتسودان.
فتشت مرتين، وعرفت أنها غرب (بربر) لكن خارطة غوغول ما جابت أي مظهر لقرية أو بلدة ولا حتى بصورة القمر الصناعي ما شايف شيء، كداباس دي فيها الجهر والسر ولا شنو؟
فهل هي غرب بربر وكمان شرق النيل، ولا كداباس دي غرب النيل قصاد بربر؟
المهم شوف أنتا وجيبها لينا وحبذا لو لقيت صورة صورتين للمنطقة بتاعة الجمعون. يا كمان صف لينا مساحتها بالتقريب، يعني تجي قدر كم من مقابر فاروق أو كم ميدان كورة قدم؟ وليه الارتباط الوثيق بالحج دوناً عن غيرها، مقارنة بفتوار ومكة؟
+++
Quote: " وحات المثنى العالم الشفتهم في عرفات الا كان يوم فتح الجامع بتاع كدباس"
يبقى جامع جامع. كم يسع من البشر والطناجر؟
==============================================
Quote: يا أخ حاتم لا ياخدك شك في المليونين دي .
بالتأكيد مافي شك عندي، فأنا أعلنت من البداية أني مبدئياً مصدق الرقم (2،000،000) بتاع الخبر. لكن عندي شوية تحفظات في كم صفر من المرصوصات يمينه، ما راكزات كويس، شايفن برجفن في شاشتي، وداير واحد ينهرن يثبتن.
Quote: كدباس قلعة قديمة وجامعة معروفة للعلوم الدينية و للعلاج والإصلاح وتعليم الطلاب القران والاستقامة. واكيد الناس الجات الحاوية ديل يا أخ حاتم ناس عندهم عقيدة في الشيخ وفي الطريقة القادرية .
أنا ذاتي عندي عقيدة في الحساب والمنطق
وكويس بعض الزوار أدوني إجابات مرحلية، باقي لي ديل: 2- هل المفردة (كرامة) مقصود منها الوجبة المجانية أم (المعجزة)؟ 3- البليلة بلحم البقر أكلوها الحيران والذاكرين الاتنين مليون ولا انحصر الأكل في القاعدين جوة باحة المسجد؟
لأنو واضح من كلامك إنو (كرامة) معناها مختلف عن (ترجمة حيدر) الفوق دي، نظراً لمفردة (عقيدة) الأوردتها دي. وسؤال البليلة والبقر مطلوبة إجابته لأغراض لوجستية وكدة.
أهو سؤالان خفيفان على الأضان ثقيلان على المصران.
بالمناسبة: العدد 2 مليون دا أكتر من سكان قبرص مرتين وأكتر من سكان جيبوتي مرتين وأكتر من سكان غويانا (الفيها الرز) مرتين وأكتر من سكان مالطا أربعة مرات ويعادل نصف سكان دولة الكويت وأقل شوية من نصف سكان موريتانيا
___ بس عشان تعيد النظر.
==============================================
يا أخوانا واحد يسوق الجمل سفينة الصحراء من البوست العلمي دا.
06-19-2020, 10:05 AM
adil amin
adil amin
تاريخ التسجيل: 08-01-2002
مجموع المشاركات: 37145
Quote: يا أخوانا واحد يسوق الجمل سفينة الصحراء من البوست العلمي دا.
بوست علمي والله انت مفروض يودوك مصحة اول حاجة الزول العلمي يواجه الحقائق مش يقوم جاري يخليها بعدين البورد ساحة تنوير مش علاقات عامة الاقليم الشمالي في اخر انتخابات سكانه تقريبا 4000000 مليون ديل ختمية وانصار وطرق صوفية السودان الدولة الاغني موارد في السودان ما قادرة تاكل الناس ليه اولاد السرارة في المركز وادارتهم للدولة السودانية ووهمهم انهم عرب وشيوعيين وبعثيين وناصريين عملين فيها منطقنها زيك عشان كده الشيوخ في السودان الجعلي والبرعي وعلي بتاي يطعمو الشعب السوداني بالاشتراكية الروحية والافريقية اليوجاما بتاعة جولويس نيريري بليلة وكسرة ولحم والجمل باكل 1000 شخص
06-19-2020, 11:48 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
في زول عبقري اهله قايلنه مجنون وهو بيحب العضة حب شديد ودوه كدباس يوم لقى ليه فرقة شرد ومشى بربر وهو بضرب في العصيدة بي مزاج في السوق جا ماشي فيه واحد من اولاد الشيخ الجعلي قاليه إنت وهنا والشيخ بيفتش فيك وقف الأكل وقاليه يفتش فيني ليه انا كاتب ليه شيك والشردة الياها
06-19-2020, 01:04 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
Quote: وكويس بعض الزوار أدوني إجابات مرحلية، باقي لي ديل: 2- هل المفردة (كرامة) مقصود منها الوجبة المجانية أم (المعجزة)؟ 3- البليلة بلحم البقر أكلوها الحيران والذاكرين الاتنين مليون ولا انحصر الأكل في القاعدين جوة باحة المسجد؟ لأنو واضح من كلامك إنو (كرامة) معناها مختلف عن (ترجمة حيدر) الفوق دي، نظراً لمفردة (عقيدة) الأوردتها دي. وسؤال البليلة والبقر مطلوبة إجابته لأغراض لوجستية وكدة.
الجماعة بيقولوا ما شين كرامة ناس فلان او كرامة فلانة .. فلان دا قد يكون جايي من الحج فيضبح ليهو اهله حسب سعتهم ضبيحة ويتلموا الناس تاكل وتسلم عليهو وتتشمشر عن مكة و الحج.. او عندو مرض او اصابة تقيلة وشفى منها فيضبح يحمد الله على سلامته وصدقة وأجر او جاهو مولود فسماية وإشهار ولمة.. او عاد من غربة فسلامة وفرح وإعلان .. والا نجح ليهو بت او ولد ففرح بيها وقسم حلاوة وشربات وتمر وظبرطة ..
وباختصار كل صدقة او وليمة واكل يجمع الناس او يوزع في الجامع او الحلة او يكون على قارعة السبيل يسموهو كرامة .. ودائماً في السرور والبشارة..
هي بتختلف عن معنى الكرامات والمعجزات المذهب ليها تفسيرك بمحاولة ربطها بالعقيدة او رجال كدباس .. دي الكرامة عند جماعتنا ..! الكرامة ديك ممكن يكون ربطك او محاولة تفسيرك ليها بالتانية تكون منطقية إذا جاء في الخبر انه عملوا الليلة وكان الحضور اتنين مليون كفتهم بليلة عجل واحد وأردب عيش بعد ما نط الشيخ الجعلي فوق الاكل ، أو وتف فيهو وكفى الناس ..! ودا بتكون معجزة وخارقة آلهية جاته كمكرمة ليهو..!
ومن صفات أهل الكرامة والداعيين ليها .. بالاضافة لخلق الفضلاء واصحاب الرياسة من الارابيب وأهل القرى في المروءة والضيافة انهم ما بياكلوا إلآ يقيفوا على كفاية الضيفان ويتاكدوا من كفاية الأكل للموجودين والمحتمل حضورهم .. ودا بالمباشرة بنفسه او في حالة وضع مجلسه ومشغوليته بالضيوف يوكل الثقة عنده من الاهل والمقدمين يعكسوا له الحال .. وهو في مجلسه ياكل مع من حضر متاخر من ضيوفه .. ثم طبيعة الأكل ما بتترك للتخصيص أو محاولة التمييز مجال إلا من حيث وش البليلة والكرواد ..!
06-20-2020, 09:16 PM
محمد الأمين موسى
محمد الأمين موسى
تاريخ التسجيل: 10-30-2005
مجموع المشاركات: 3470
ولو كل جمل احتاج لخمسة شباب ليطرحونه ارضا وذبحه وتخليص الجلد وتجهيز اللحم والكبدة اذن نحتاج ل10000(عشرة الف) شاب يجوا بدري* وطبعا نحتاج على الاكل 6 الف سكين تلاتة لكل جمل ومجموعة ونحتاج لالفين فرار للتكسير ونحتاج لستة الف ماعون تلاتة ماعون لكل جمل ولو طبخنا كل جمل في قدر نحتاج لالفين قدر كبير ........................ *في الاعراس عندنا الضباح ومجموعتو اكتر من 10 شباب غير ناس الونسة بضبحوا العجل من بالليل قريب الصبح يسلموا اللحوم للطباخ ويمشوا ينوم المناسبة في الغالب فطور او احيانا غداء
06-21-2020, 03:52 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20753
لقد "قتل" الباشمهندس محمد البوست في مهده حين ذكر التالي:
Quote: أصلا الخبر دا Fake وتم تداوله في (الواسطاب) في بداية انتشار الكرونة وجيء بفديو لتأكيده وقمنا بالرد عليه في حينه ان الرجبية تقام ليلا وليس (ضحوي) كما يصور الفديو. الفديو مجلوب نعم من كدباس ولكن في مناسبة أخرى ونعرف تاريخها ونعرف حتى الناس المصورين في الفديو.
مابُني على باطل ، فهو باطل..
الفاتحة....
06-21-2020, 05:21 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
الكلام دا بيزنطياً كدة ما صاح .. لو اخدنا أوتقراطياً كدة البوست دا مثال ..
Quote: لقد "قتل" الباشمهندس محمد البوست في مهده حين ذكر التالي: Quote: أصلا الخبر دا Fake وتم تداوله في (الواسطاب) في بداية انتشار الكرونة وجيء بفديو لتأكيده وقمنا بالرد عليه في حينه ان الرجبية تقام ليلا وليس (ضحوي) كما يصور الفديو. الفديو مجلوب نعم من كدباس ولكن في مناسبة أخرى ونعرف تاريخها ونعرف حتى الناس المصورين في الفديو.
الباشمهندس اصاب أصل الخبر في مقتله .. لكن البوست مبني على التعليـق لما بعد الخبر .. فقتل التعليق وظل البوست قائماً .. مثال اتوقراطي تاني في إبطال القول بطلان مبنى على الباطل ..! في بوست المستنير بلا تفكير اخونا ابوبكر عباس قيل ان مجد الزبير بنى على باطل تجارة الرقيق .. فبطلت تجارة الرقيق فهل قتل مجد الزبير ..
06-21-2020, 06:34 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20753
والله يا أديبنا الخواض زي ما قلت ليك هي الرؤية بيزنطية في الأساس .. يعني انا مصب كلام ليس حول إستمرار البوست كنافذة output بقدر ما بعني الاستمرار في مشروعية المبني على باطل.. فالبوست قائم على تعليق على باطل الخبر الأساسي.. فنفي صحة الخبر لا ينفي صحة البوست على التعليق..
إستمرارية البوست بتعني طالما استمر فان هنالك حوجة للرد .. وطالما في حوجة ودافع فتسقط مفردات عبثية وفوضوية .. فالعبث والفوضى ترف لا حاجة ..
المستنير قال جدو جعلي ود شيوخ فالمتلو ما بيهرب والجري مو حقو بيكون متحيز لقتال او لفئة أخرى ... :)
06-21-2020, 11:46 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
Quote: الغريبة لأول مرة الجمل عرف عوجة رقبتو من اول وهلة
والله ما بكون عرف، بيكون فتر ساكت هي اليغير الموضوع!
هيثم إزيك!
ما أظنو عرف لسة، داك ياهو شغال يعيد في ذكرياتو ويكتب عن مواصفات سفينة الصحراء! الشغلانة دي وسواس قهري كرونيك، زي بتاعة أخينا المهووس بهيجل وفوكو مصر يحشرها في أي موضع!
الجمل دا ذكرني واحد من الدجالين نوع العاملين فيها شيوخ ديلك، عاطل حايم ساكت، قال بيعلم الناس أمور دينهم. في حوامتو ديك يوم كبس ليهو قرية من النوع بتاع كداباس دي أها الجماعة نزلوهوا في المضيفة ونزلوا فوقو ملاح ويكاب فطور وغدا وعشا لمن جاتو لوثة. أسراها في ضميرو وانتظر يوم الجمعة نط في المنبر وشبكهم ليك (الويكابو حرااااااام، الويكابو حرااااااام)
الجماعة أهل القرية قعدوا يهمهموا (بالله الزمن دا كلو ناكل فوقو وهو حرام؟ لا حولا ولا قوتن إلا بالله ) أها يا حاج ناكل شنو حلال؟
أها، هنا الشيخ اتصلح للفتيا - الشية حلال طيب - الدمعة حلال طيب - ملاح الشرموط بلحم البقر حلال طيب
وبدأ يعدد في أمنياتو بالحرية والتغيير من الصنف الواحد الأحد.
القرية تعبانة ساكت وما عندها ترف الملاحات دي، فقام واحد نط سأله: يا شيخنا العصيدة بملاح أم تكشو حلال ولا حرام؟
الراجل دنقر كداااااا، وأجرى شوية حسابات وخطط لخياراته نظام بيتذكر في الفقه حق السلف، وجات الإجابة حلال مع الكراهة. هههههه
زولك عرف البديل شنو.
أها فأخينا بتاع الجمل سفينة الصحراء دا أنا قايل موضوعو بتاع (عوض الله، الأقاليم، القبايل) دا بيكون بقى مطبوع في قشرة مخيخو زي شاشات اللوتس 123 الزمان ديك، بعد ما تقفلها تجي تاني يوم عينك لشغلك ظاهر فيها وهي مقفولة.
فألحقوهوا الزول دا، أنصحوهوا يعمل ليهو مشروع دواجن ولا يربي صخلات! هي اليكلمنا عن حرب اليمن ساكت.
==========================================
نجي لكدباس المكرمة!
Quote: ثالثا: انت ما سمعت بحكاية المسيرات المليونية يعني؟؟ " وحات المثنى العالم الشفتهم في عرفات الا كان يوم فتح الجامع بتاع كدباس"
+++
أنا غايتو مصدق رقم عثمان موسى الشيخ الجعلي ما هين هو غوث كبير وكذلك عسمان موسا
+++
كدباس قلعة قديمة وجامعة معروفة للعلوم الدينية و للعلاج والإصلاح وتعليم الطلاب القران والاستقامة. واكيد الناس الجات الحاوية ديل يا أخ حاتم ناس عندهم عقيدة في الشيخ وفي الطريقة القادرية .
من ضآلتها وصفوها لينا بمحطة خدمة في شارع الزلط. حتى غوغول ما حريص يعمل تحديث لموقعها بصورة أكثر وضوحاً، التقول ما سمعوا بالمليونين ديل! الكفار الفجار، أهل النار والشرار، ناس غوغل.
التحت دي يا موسا وبابكر والشيخ صورة المسجد أبو طناجر الأكلوا فيهو أبان عناقر
ودي كدباس المكرمة!
تزعة كيلومتر مربع رط رط، مرقت منها الصحراء والمزارع عشان أضرضر ليكم الاتنين مليون فوقها تزمطوها بالعافية، فيها تشيلهم وفيها يبقوا شوييييية زي السمسم فوق ضهر الرغيفة الأفرنجية، حسب التوزيع. جنوباً من المحطة حقت الشارع وشمالاً لغاية مستشفى كدباس المكرمة
نجي للمسجد مساحتو 4 ألف متر مريع، ما دايرين مباني حنعتبر المساحة كلها فاضية والذاكرين والحيران مشتتين الطناجر ذاتها أمرقا برا، قوووووول الألفين جمل ديل (شكراً للأخ محمد الأمين موسى) جهزوهم جوة البيوت. وطبعاً باقي حساب اللوجستيات (شكراً للأخ عبد المنعم الطيب) حنجي نشوف حساباتكم فيها كيف.
فلو الاتنين مليون ديل أكلوا جوة الجامع دا معناها المتر المربع شال بحمد الله و(كرامة الشيخ) اسمو منو هو؟ المتر المربع شال 500 نفر، أنت قلت ديل بشر! وأنا من البداية جهزت ليك مخرج آمن تقول الحيران فيهم ناس شديدي بياض الثياب!
___ نخلينا في المسجد أول بعدين نمرق برة، للمكرمة.
06-22-2020, 06:11 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20753
Quote: اطلع لينا كمان انت من "المثنى" وشوف البكان ما بيشيل اتنين مليون؟؟
الشمال كلو استاذنا محمد من جيليهو لحدت حلفتو ما فيهو اتنين مليون باطفاله ونساءه ورجاله والشبعانين منهم اتا قايل شنو 2 مليون ديل موجودين في الخرطوم لكن ترحليهم محتاح 66 الف حافلة حمولة 30 راكب
06-22-2020, 08:52 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
طيب ياباشمهندس سنقرأ المقطع " المليوني" التالي من بيان للحزب الشيوعي السوداني:
Quote: ننا في الحزب الشيوعي السوداني سنعمل على وحدة قوى ثورة ديسمبر المجيدة ونقف مع وندعم الدعوة لمواكب ٣٠ يونيو وندعو عضوية حزبنا والديمقراطيين وأصدقائه وكافة جماهير شعبنا للمشاركة الفاعلة في مليونية ٣٠ يونيو
06-23-2020, 00:37 AM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4493
Quote: معليش استاذنا اسامة مليونية ٣٠ يونيو ممكن تكون ملايين فهي تتمد في كافة براحات الوطن وقوامها كل الشعب وقضاياها حيوية لا وجه للمقاربة اصلا
اهلا منعم انا أصلا ضد هذا النقاش غير المجدي، فالخطاب احيانا يؤسس لغة للدلالة على الكثرة مثل المليونيات المزعومة... . لو اردنا الحرفية في الخطاب، لكان يجب ان يقول بيان الحزب " المليونية التي يمكن ان تكون او لاتكون بمثل هذا العدد الهائل في هذه الظروف الكورونية ... والسبب انك لا يمكن ان تتحدث عن المستقبل ولاتعرف الظروف التي يمكن ان تحيط بالمستقبل..
موضوع المليونين مضروب اصلا لسببين: الاول ان الخبر مفبرك وغير صحيح.. الثاني انه يمكن الاستناد الى "الخيال السياسي" او "الخيال الاجتماعي" لتأكيد ان "المليون" هو "مجاز" لاغير...
الحزب الشيوعي لم يكذب في حديثه عن المليونية ، لكنه في المقابل ورث لغة سياسية أصبحت سائدة. لم يخرج بيان الحزب الشيوعي من وقوعه في "تقليد لغوي" سياسي يتحدث عن "مليونية" للدلالة على الكثرة المجازية..
06-23-2020, 10:17 AM
محمد الأمين موسى
محمد الأمين موسى
تاريخ التسجيل: 10-30-2005
مجموع المشاركات: 3470
Quote: الحزب الشيوعي لم يكذب في حديثه عن المليونية ، لكنه في المقابل ورث لغة سياسية أصبحت سائدة. لم يخرج بيان الحزب الشيوعي من وقوعه في "تقليد لغوي" سياسي يتحدث عن "مليونية" للدلالة على الكثرة المجازية..
المشكلة لدينا تتجاوز كونها مجرد "تقليد لغوي" لتصل لدرجة ضُعف "الحس الحسابي" (بدءا بوزير المالية الذي يريد أن يعطي لـ32 مليون سوداني 500 جنيه لكل منهم، وهو لا يدري بالضبط من عدد سكان السودان لعدم توفر الجهة القادرة على إحصائهم بكيفية دائمة، مرورا بالصحافي الذي لا يعلم حجم المساحة الكافية لتجمع ملايين البشر، وصولا إلى المواطن الذي يقول له تم القبض على فلان في المطار يحمل في حقيبته 60 مليون دولار!) انعدام الحس الحسابي تجده في دراسات الجدوى الاقتصادية، وفي تقدير مداخيل الرقشات، وفي إجازة ميزانية الدولة (التي قد تتم مراجعة بعد ثلاثة أشهر فقط من إجازتها)، وفي تقدير الشعبية الانتخابية (إسقاط عدد الأصوات قبل 35 سنة على انتخابات قادمة)... نحتاج إلى تثقيف مستدام حتى يصبح الحساب السليم نهجا تفكيريا، وإلا سنظل نرزح في التخلف.
الورطة بتاعة مليونية دي ابتدعوها المصريين أيام ثورتهم المجيدة الله لا غزّا فيهم بركة ، حتى في الكضب مبارينهم. أيام الثورة هنا و بيتكلموا عن مليونية ، قلت لصديقي ، مليون بني آدم ديل ، مستحيل تلمّهم في حيّز واحد في نفس الزمن ، المليون ده همّلو جنيهنا ده بس. تحياتي حاتم.
06-23-2020, 06:50 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20753
حاول الاستاذ محمد محمود إرجاع اصل "المسيرة المليونية" الى المصريين حين قال:
Quote: الورطة بتاعة مليونية دي ابتدعوها المصريين أيام ثورتهم المجيدة الله لا غزّا فيهم بركة ، حتى في الكضب مبارينهم.
لكن في بحثي المتواضع عن اصل "مسيرة مليونية"، وجدت مقالا مهما يكشف فيه الكاتب* أصل ومغزى كلمة "مسيرة" وكيف تطورت حتى أصبحت "مليونية" في عهد حافظ الاسد. يقول الكاتب عن أصل "مسيرة" :
Quote: حينما وصل حافظ الأسد إلى السلطة، في أواخر سنة 1970، هُرعَ فريقُه الإعلامي إلى القاموس السياسي السوري، فشطبوا منه مصطلح "المُظاهرة" الذي يعني الرفض، والاحتجاج، والتمرّد، وأحَلُّوا محله مصطلح "المَسيرة" الذي يعني الدعم، والتأييد، والتفافَ الجماهير الكادحة حول هذا القائد.
في أواسط الثمانيينات أصاب الاسد ولع ب"المسيرات":
Quote: ابتداءً من أواسط الثمانينيات، أصبح حافظ الأسد مولعاً بالمسيرات
كيف تطورت المسيرات وتضخمت حتى أصبحت "مليونية"؟ يقول الكاتب:
Quote: كان معدل المسيرات ينخفض في أيام الرخاء والانتعاش، ويرتفع في أيام القحط والجفاف، وأما عدد المشاركين في المسيرات فما انفك يكبر ويزيد، مع الزمن، حتى وصل إلى ما اصطلحوا على تسميتها (المسيرة المليونية). للغة وظائف كثيرة منها المجاز، لكن المجاز لا يعمل في مايتعلق بالميزانيات والمسائل التي تتطلب "لغة محددة"...
والمجاز كما نعرف لعب دورا كبيرا في النقاشات الاسلامية حول وجود مجاز من عدمه في القران الكريم مثل "يد الله فوق أيديهم" إلخ .. *خطيب بدلة-مصطلحات سورية "قائد المسيرة"....
06-23-2020, 08:15 PM
محمد محمود محمد
محمد محمود محمد
تاريخ التسجيل: 02-04-2013
مجموع المشاركات: 910
Quote: حاول الاستاذ محمد محمود إرجاع اصل "المسيرة المليونية" الى المصريين
عزيزي الأديب الأريب .. قد يكون كلامك صحيح بخصوص مليونية الأسد ، لكن بالتأكيد نحن مولعين بمحاكاة المصريين ، بننتظرهم لغاية يتسدّروا للغلت و نحاكيهم .. ما بنجيب من المصدر. احترامي.
06-23-2020, 11:28 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20753
Quote: عزيزي الأديب الأريب .. قد يكون كلامك صحيح بخصوص مليونية الأسد ، لكن بالتأكيد نحن مولعين بمحاكاة المصريين ، بننتظرهم لغاية يتسدّروا للغلت و نحاكيهم .. ما بنجيب من المصدر.
أهلاً استاذ محمد اللغة لها منطق مخادع وفي كثير من الاحيان لاندرك ما وراء ما نردّده او نكتبه لاننا مدفوعون بقوة الخطاب وهيمنته وتاثيره.، كما ذكرت سيدي في حالتنا السودانية المصرية...
مثلاً كنا نسمع عن "موكب ٩ يونيو" الشهير ,و قبلها ثورة اكتوبر "كان في الجامعة موكب هادر"، والآن نتحدث عن "المسيرة"...
ماالذي حدا بنا ان ننتقل من "الموكب" إلى "المسيرة" لوصف نفس الظاهرة؟؟؟؟
وحتى عندما نسمع تعبيرًا مثل "موكب حاشد"،
ماهو "معيارنا" للحشد؟؟؟
خمسة آلاف، عشرة ,,,بعض مئات إلخ
ربما أن الهدف هو التأثير على الرأي العام ،
ربما ان الحرب والصراع ينتقل الى مستوى اللغة....
هذه افتراضات،في حاجة للإثبات،
لكن المسألة الواضحة ان اللغة لها منطق مخادع ،وآليات معقّدة مختلفة تعمل ضمنها ..
Quote: وحات المثنى العالم الشفتهم في عرفات الا كان يوم فتح الجامع بتاع كدباس
طبعاً أربعة ألف متر تنشاف كبيرة، مش؟ ميدان كرة القدم مساحة خمسة ألف متر مربع
إذن، مافي مقارنة مع الجمع بتاع عرفات، أكبر استاد بيشيل حوالي 80 ألف متفرج، جمع عرفات أكبر من كدة بمراحل.
بالنسبة لمساحة الملعب فلو قدرنا للمتر المربع خمسة أفراد، وقافي، فالمفروض الجامع بتاع كدباس المكرمة يسع حوالي 20 ألف حوار ذاكر، يعني ربع سعة استاد ماركانا في البرازيل.
فالموضوع من وجهة نظري مرتبط أكتر بمحاولة (بروموشن) للأخ الزعيم الديني في كدباس.
حنعقد مقارنة قصيرة مع (كرامات) أسلاف الشيوخ المذكورين في كتاب الطبقات مما يتعلق بالكميات والمقادير.
06-30-2020, 12:31 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4493
الحقيقة ال2 مليون محتاجين 66666 حافلة حمولة 30 راكب لتقلهم من الخرطوم لكدباس هنالك 666 حافلة فوتناها ساكت عدلة حساب طيب ال 66666 حافلة دي لو كانت طولها 3 متر والمسافة بينها وبين الحافلة التي امامها 2 متر سيتمدد هذا الاسطول على امتداد 333 كلم اول حافلة في كدباس واخر حافلة لساتا ما تحركت من بحري شفتا كيف
عليه زي ما قال حيضر نشيل تلاتة اصفار ونقسم على اتنين وننزل بالدقداق ونتمها اجق اجق اجاق
Quote: السودان- عشرات الآلاف يتظاهرون من أجل "الحرية والسلام ...
لم تتحدث القناتان عن ان "المليونية" لم تحقّق اهدافها من حيث بلوغ "العدد المطلوب المصرّح عنه قبل وقوع المسيرات"، ولم تتهم الجهات المنظمة ب"الكذب"...
وقد تعكس تغطية الجزيرة مباشر بطريقة غير مباشرة، الفرق بين "المعلن عنه" قبل وقوع المسيرات أي "المليونيات"، وما "حدث فعلاً " أي "آلاف"، حين كتبت:
Quote: مليونية 30 يونيو.. آلاف السودانيين يتظاهرون
الحديث عن المسيرات والمواكب "المليونية" نجده في السودان، وعدد كبير من الدول العربية، وتركيا وإيران... وفي كثير من الاحيان هو من باب "الحشد" و"التعبئة الجماهيرية"، وإرهاب الخصم السياسي عن طريق اللغة والتعبير المجازي عن "الكثرة" إلخ ...
07-11-2020, 08:24 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
بحضر في فيلم واحد عاوز يدرب صحفي قال ليهو عاين في الأفق وقول لي شايف شنو؟ قال ليهو مافي غير السحاب.. قال ليهو لا في عنوان صحفي .. (البلدة موعودة بعاصفة شديدة!) قال ليهو طيب ولو العاصفة ما جات قال ليهو إذن سيكون العنوان البعدو (البلدة تنجو من عاصفة رهيبة ..!)
07-11-2020, 03:10 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20753
Quote: حضر في فيلم واحد عاوز يدرب صحفي قال ليهو عاين في الأفق وقول لي شايف شنو؟ قال ليهو مافي غير السحاب.. قال ليهو لا في عنوان صحفي .. (البلدة موعودة بعاصفة شديدة!) قال ليهو طيب ولو العاصفة ما جات قال ليهو إذن سيكون العنوان البعدو (البلدة تنجو من عاصفة رهيبة ..!)
كعادتك يا حيدر "حكيم" ، و" طريف"، و"مضحك"،،
أدهشتني حقيقة، وقد "تُدحش" آخرين بمعنى انهم لن يلتقطوا قصتك الموحية والمختصرة للسيرة والمسيرة "المليونية" في الخطاب السياسي..
07-11-2020, 04:43 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4493
مفروض تراعي فيها عامل السن؛ لو كتبت (تحمر) لكانت اقرب لجهة الاعمار؛ ................... صاحب البوست اصر على المليونين صديقي عثمان؛ وجاء محمد الشيخ محاولا تثبيت الرقم نحن نفند ان المليونين كتيرة عمليا كتيرة جدا وحيدرك دا زاتو قال شيلو منها تلاتة اصفار واقسموها على اتنين؛ استغربتا لاندهاشك من حيدروف؛ خلاص نحن زي ما قتا انت؛؛؛ ماهي الرؤية الموحية في قصة حيدر الزين؟
الود محفوظ واحترامك استاذي؛
07-11-2020, 04:45 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4493
مفروض تراعي فيها عامل السن؛ لو كتبت (تحمر) لكانت اقرب لجهة الاعمار؛ ................... صاحب البوست اصر على المليونين صديقي عثمان؛ وجاء محمد الشيخ محاولا تثبيت الرقم نحن نفند ان المليونين كتيرة عمليا كتيرة جدا
اهلا استاذ عبدالمنعم ماهي علاقة السن باللغة؟؟
"أدحش" واحدة من ابتكارات و"تصحيفات" حيدر ، في بوست آخر.
عموما عملكم هنا يشبه عمل "الآاراييين" كجماعة إسلامية...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة