نعتذر بشدة للأستاذ الرشيد سعيد عن تلقينا للفيديو المبتور أدناه وتوجيه تهمة الدعوة للفبركة في حقه من وحي سماع الجزء المبتور .. ونشكر الأخ محمد البشرى ونشكر كذلك الأخ الذي أمده برابط الفيديو كاملا والذي ما أن استمعت له كاملا حتى اتضح لي أن حديث الأستاذ الرشيد في الفيديو أعلاه بعيدا كل البعد عن فكرة الدعوة للتزييف والفبركة .. وتظل مداخلاتي كلها في البوست تخضع لهذا التضليل ويشملها الاعتذار .. وللاستاذ الرشيد وكل محبيه العتبى ، كامل الحق في اتخاذ مايرونه مناسبا لرد اعتباره .. وللزملاء كل الحق في أي غضبة أو رد فعل ، ذلك أن ما نهدف اليه من كتاباتنا واطلاعنا على هذا المنبر هو الحقيقة، والحقيقة فقط لاغير .. وشكرا .. عمر التاج محمد ، المملكة العربية السعودية ت 0533764347
(عدل بواسطة عمر التاج on 03-28-2020, 10:48 AM) (عدل بواسطة عمر التاج on 03-28-2020, 07:51 PM)
03-28-2020, 11:02 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
عمر فلة الظاهر بقيت تعلف من اي حتة الرشيد اعرفه حق المعرفة و اعرف زوجته كمالا و هم اصدقاء من سنوات طويلة الرشيد مناضل صلد ضد النظام السابق و رجل مؤهل و كان يظهر دائماً في القنوات العالمية اما الرجرجة الكاتبين البيان دا اكيد عندهم اهداف لاغتيال شخصية الرشيد
03-28-2020, 12:32 PM
adil amin
adil amin
تاريخ التسجيل: 08-01-2002
مجموع المشاركات: 37183
عشان كده يا عمر التاج الاعلام السوداني القحتي لعام كامل لا يحترم وعي السودانيين ويملاي محور مصر السعودية الامارات في حرب اليمن دون حياء وليس اعلام ثورة من الاساس والمتاجرة بي النضال ده مرض نفسي المهم هم قاعدين في راس الناس بالمحاصصة الانتهازية وعايزين يستفيدو من هذا الوضع الشاذ والشباب المغيب والشعب المسكين راهن علي كائنات جاءت من اوروبا وامريكا تعمل في منظمات مشبوهة وهم نفسهم مخلفات اديولجيات عفا عنها الزمن شيوعيين وبعثيين وناصريين واضحى السودان عالق بين السيء والاسوا فقط بعاعيت مايو 1969 وايتام الترابي 1989 دي السياسة في السودان بكل وضوح دون الكلام عن الاشخاص وفلان وعلان من هم تجمع المهنيين وما هي ق حت وفقا لاي سوداني يعمل في السياسة الان وما هو برنامجهم ووشوف الاعلام الممل والبرنامج المكررة والمكرورة في تلقزيون وسودان شوف الاخبار عن اليمن في الاذاعة لتعرف الانحطاط المستمر هم مجرد تيس مستعار لنظام الانقاذ ولا زالو يرفلو في نعيم سباتهم الايدولجي انت اترك الرشيد سعيد وفيصل محمد صالح الناصري هل هذا اعلام ثورة ؟؟
Quote: بناءً علي ذلك فاننا نطالب بفصله وتجريده فورا من كافة المناصب التي احتلها بلا وجه حق، وكشف طبيعته الانتهازية والوصولية ومطالبة الثوار ولجان المقاومة في بلادنا بكشفه وتعريته بل تقديمه للمحاسبة والمحاكمة.
وقطع عرقوبه وربط رجله الشمال مع يدو اليمين وتعلقيه في قناية جمب الجامع الكبير في السوق العربي
انت يا عمر لحدي هسة ما قادر تفهم حقوق الفضاء العام صفحتك (الشخصية) في الفيسبوك اتونس فيها مع أصحابك بكل الشمارات السمعتها لكن المنبر دة فضاء عام ما بتكتب فيه حاجة ما موثقة هسة جنس الرسالة الجاتك في الواتساب دي كان قريتها قبل تفتح البوست ما كنت كتبت مثل هذا الهراء شنو حرض ناس على تصوير زول وبالتالي هو مسئول عن الاعتداء !!! هي فرنسا دي حاكمينها الجنجويد؟ ما فيها قانون؟ والاعتدو عليه دة ما بعرف درب القانون عشان يجي بتاع شمارات يلف لي أضانو بي بيت الجيران! الإدانة بتكون للزول الاعتدى .. الصوّر دة شغلته براهو .. والحرض دي شمارات ساي لا عندها دليل ولا يمكن اثباتها أقرأ الله يهديك أقرأ قبل تلصق هسة المجهود البتبذلو في العناوين الصارخة دي لو بذلتو في قراية المكتوب ما كان عملت في روحك كدة
03-28-2020, 01:27 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
الناس الركزت على الرسالة الفوق ن ديك مجرد بهارات وعنوان البوست وعظمه هو هذا الفيديو من أرشيف الراجل .. الناس البتبحث عن الحقيقة يمكنهم تفنيد الرسالة و الفيديو ، وكشف الحقائق أو الزيف الفيهو ، غض النظر عن من قائلها ومن أرسلها ..
03-28-2020, 01:46 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
ود البشرى مافهمتك بتتحدث عن رهان في هذا البوست ول بوست تاني المهم في البوست هو أسلوب الرشيد الغير رشيد، الذي لخصه في بث المعلومات الملتوية عبر أسليب ملتوية حتى لا ينكشف مصدر الخبر .. .. .. حبابك خضر الطيب
Quote: الرشيد مناضل صلد ضد النظام السابق و رجل مؤهل و كان يظهر دائماً في القنوات العالمية
إذا كان نضال الرشيد بمثل هذه الأساليب فتبا للنضال وأف لتزييف الحقائق ..
.. .. حبابك عادل،
Quote: المهم هم قاعدين في راس الناس بالمحاصصة الانتهازية وعايزين يستفيدو من هذا الوضع الشاذ
وفعلا هذا هو المهم عند أغلب المسؤولين الآن ، أن يظلوا في كراسيهم أطول فترة ممكنة وبعد داك ان شاء الله الجيش في اليمن وليبيا ، وحلايب وشلاتين، والشهداء واسرهم ، والشعب الغلبان ، والسودان كله يحرق ويروح في ستين داهية
.. .. أحمد عمر عايزني أزور يعني وانضف كلام جاي بصمته ؟
Quote: بقيت بتخمها بي ترابها
النضافة دي مسؤوليتكم أنتم ، يلا جهز غرابيلك وأمسك الفيديو كلمة كلمة وقول الحتة دي ما صاح والصاح كذا وكذا .. غير كده تبقى أنت زاتك متستر على جريمة الرشيد يعقوب في الفبركة وتحريف الكلام عن موضعه .. أما محاضرتك السمجة ديك عن الفضاء العام والفضاء الخاص ، فحقو تخليها بعد نشوف رأيك في كلام هذا الرجل العام في الفضاء الخاص ..
03-28-2020, 01:29 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الناس الركزت على الرسالة الفوق ن ديك مجرد بهارات وعنوان البوست وعظمه هو هذا الفيديو من أرشيف الراجل .. الناس البتبحث عن الحقيقة يمكنهم تفنيد الرسالة و الفيديو ، وكشف الحقائق أو الزيف الفيهو ، غض النظر عن من قائلها ومن أرسلها ..
شركت ليهم وجبت النجيضة ده الاعلام المفقود في السودان الناس ديل بتخوفهم الحقيقة الموثقة عشان كده خامين الشعب السوداني ساكت والله موقف ق ح ت من حرب اليمن ده احقر موقف وحالف ما اخليهم فيه اطلاقا قعدو في راسنا وعطلو الثورة الحقيقة البتخرج من السودان من الذل الهو فيه لحدي هسة كويس ارتقي بي الناس ديل في البورد دعم كلامك دائما بالصور والوثائق ا
03-28-2020, 01:37 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
شرفاء فرنسا ديل منو يا عمر ؟ وهم ذاتهم شنو ؟ جمعية ، تجمع سياسي ، شلة ؟
Quote: اصبح رشيد سعيد يعقوب اول فرنسي، سوداني الاصل، يخوض الانتخابات البلدية في فرنسا ويبلي فيها بلاء حسنا. وفازت قائمة اليسار الموحد، التي تضم المرشح السوداني، برئاسة بلدية فونتيني اون روز من الدورة الاولى، وصار يعقوب مستشارا في المجلس البلدي وعضوا في اللجنة الاجتماعية والصحية.ويصدر المهاجر السوداني الاصل نشرة باللغة الفرنسية حول قضايا الدفاع والاستراتيجية في العالم العربي، وهو متزوج وأب لطفلتين ويقيم في فرنسا منذ سبع سنوات. وجاء فوزه بالمنصب البلدي في يوم عيد ميلاده الثامن والثلاثين.
جريدة الشرق الاوسط - عدد رقم 8148 - 2001 م المقتبس ده على اهميتو ويفترض مركزيتو في السي في بتاعة رشيد لييه شلة الاحرار دي ما جابتو في القطيعة الجبتها دي؟
لا لا سقطة شنعية من الرشيد في الفيديو قال ليهم عشان ما تتعرضو للمسائلة رسلوا لينا الخبر ونحن بننشرو من حساباتنا في اوربا وما بقدروا يحاكمونا ديني أنااااااا كفر ابن يوسف من شقي واعتدى وبغى احرقوه بل اصلبوه بل انسفوا للريح ناجس عظمه وإهابه
لو قحت دي فيها وزير شايف شغله مفروض يقيلوهو من منصبه الليلة دي يعني كيف ناس الداخل يرسلوا الأخبار لناس الخارج عشان ينشروها في حسابتهم دي جريمة ضد الدولة
03-28-2020, 01:55 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
طيب يا ود التاج نمشي معاك واحدة واحدة العنوان يقول يدعو لفبركة المعلومات في حين التسجيل يتحدث عن "نشر" المعلومات وواضح الغرض منه التأمين و الأمان من النظام الدكتاتوري الممكن يساءلك عن جبت المعلومة من وين ارجع اسمع الفيديو بطريقة صحيحة و قارن مع عنوانك التابلويدي
03-28-2020, 01:47 PM
Deng
Deng
تاريخ التسجيل: 11-28-2002
مجموع المشاركات: 52577
الرشيد سعيد هو وأخوانه ماجد ومامون من أبناء العمارات، ولهم مواقف معارضة قوية من أيام مايو و قبل أن يغادرون السودان بعد سطوة نظام الكيزان الفاشي. وهم ناس معروفين وسط المعارضة.
شوف لك موضوع تاني يا كوز.
03-28-2020, 01:50 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
البرنامج بندوره لكن يجتهد لينا حبة ياخ ما ممكن من التلفون مباشرة بس كوبي بيست ياخي الـ يقعد في قروبات الجداد عديلة عليه الما لقى شبهو الله قبحه لكن أقلاها يعوض لينا فرقة علاء الدين يوسف والشفيع وراق والناس البتكتب بوثائق ديك ما دايرين ود الباوقة وكع وألحق الوزير أبو زنقلة
الكلام اللي أتقال في الندوة دي بواسطة الرشيد سعيد هو حديث حول تداول المعلومات بواسطة المعارضين بالداخل والمعارضين في الخارج، وهو طبعا من أجل حمياية المعارضين في الداخل أو الذين يعيشون في بعض الدول التي كانت لا تسمح للمعارضين السودانين بالعمل السياسي ضد النظام البائد. أنا شخصيا أتناقشت كثيرا مع بعض المعارضين في الدخل حول نفس الموضوع، وقلت لهم أنتو بس زودونا بالمعلومات التي كانت تفضح وتعري النظام، والباقي علينا نحنا في أمريكا بلد الحريات وقد كان.
تحية للمناضل الرشيد سعيد وأتمنى له كل التوفيق في مهمته وتكليفه الحالي.
Quote: الكوز عمر التاج الان يقوم بعمل الجداد الالكتروني.
شوفوا خامي في الفيديو من وين يا دينق
يقول أنا ما كوز أيوة ما كوز لكن عايش وسطهم وبتريد ونستهم ساي
أنا ذاتي أيام الداخلية ما كنت سفاف صعوط لكن بريد ونستهم ساي وبعجبني منظر الكيس وهم بتبادلوهو بيناتهم لحدي هسة مقتنع بي إني ما سفاف وجابتني الونسة .. رغم إنه الكيس ما فارقني قريب العشرة سنين
03-28-2020, 02:04 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
معلومات شنو يا ود البشرى ؟ اذا كانت معلومات صحيحة مان كان قال انها بتعرضهم للمسالة القانونية هو يتحدث عن معلومات غير صحيحة بدليل قوله في البداية .. (الوسائل بتاعة التواصل الاجتماعي دي بتيح لينا نتكلم عنهم بدون ما نتعرض للمساءلة القانونية ) الصحف والمنابر كانت مليانة معلومات حقيقية وأي مساءلة قانونية كانت بتورط المسؤولين عشان كده بيحاولوا يغطغطوها .. أما المعلومات الملفقة (الاشاعة) هي البتمشي أوربا وأستراليا وتجي راجعة عبر وسائل التواصل الاجتماعي من غير ما يتحدد مصدر الاشاعة .
03-28-2020, 02:07 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
الشئ الثاني ، هو وصف هذه المعلومة بأنها (فعل منكر ) وصححها له رفيقه بأنها ( ناقل الكفر ) فهل المنكر والكفر هي معلومات صحيحة أو سليمة يقتضي نشرها تدويرها بين بلدان الكفر ؟
الشئ الثالث الراجل اتحدث عن لحظة انكشاف المعلومة والمساءلة القانونية عنها .. وقال في معناه أنهم في هذه اللحظة سوف ينكرون صلتهم بالمعلومة المضللة ويقولون للبوليس هي مجرد كلام وعجبهم وعملوا ليه شير .. ولو كانت حقائق يفترض يثبتوا من أجل اثباتها ويصمدوا من أجل مبدأهم ويكشفوا مصادرهم وإلا فهم إما جبناء ويريدون التنصل من هذه الاشاعة ، أو أنهم يعرفون أنها مجرد معلومات ملفقة .. .. الكلام ده ظهر بوضوح بعد سقوط الإنقاذ مباشرة ، ومن أمثلته المليارات التي قالوا انهم عثروا عليها في بيوت فلان وفلان ، ومليارات ماليزيا الطلعت هبوب .. السادة جداد قحت .. قولوا كاك الخونة جداد سلفاكير ، الدور جاييكم وعملية اغتيال وزير الدفاع السابق لن تمر دون عقاب هذه المرة ..
أحمد الخير الكوز قتلوه الأمنجية؛ ولكن الشيوعيين المعروفين والمعارضين الواضحين كتبوا ملايين الحقائق وهي الساهمت في سقوط النظام: -عثمان ميرغني -الفاتح جبره -صلاح عووضة - فيصل محمد صااح - الدقير - خالد سلك - انتصار صغيرون و القائمة تطول.. الثورة دي يا رفاق أخرجت شباب وشابات كان بيلاقوا الرصاص بصدرهم، خليك من قول الحقيقة..
Quote: ثلاثة لايحب القحاتة. الحديث عنهم ✅اموال رموز النظام ✅ودور الامام ✅وفض الاعتصام ثلاثة يخاف منهم كل من اعتنق الديانة الحمضوكية 🌷الشيخ عبدالحي 🌷وانس عمر 🌷وكل كوز جبهجي ثلاث تحرج ناس الحكومة الانتقالية .. 🌹عدم الانجاز 🌹وانعدام الغاز 🌹وندرة البنزين والجاز ثلاثة لا يسال عنهم القحاتة مهما حصل ..... 🌷اموال الدعم السريع .🌷.اموال جبل عامر 🌷واموال عاصفة الحزم .. ثلاثة غشو بيهم الكندكات والسانات 🌹 قروش وداد 🌹 وشركات عوض الجاز وح تسقط وح نع.........كنداكة....😂😂😂😂 اكتر حزب اتمقلب هو 🌺المؤتمر السوداني اكتر شخص تم استغلاله. 🌺ناجي الاصم اكتر واحد اشتهر بتاع 🌺تبا . لكم محمد مصطفي عبدالقادر اكتر ناس ضحكو. عليهم. 🌺اسر الشهداء والمفقودين اكتر ناس بتفرجو 🌺ناس الجبهة الاسلامية اكتر ناس داشين 🌺 احزاب الحرية والتغيير .... اكتر ناس عشمانين 🌺ناس الحركات المسلحة اكتر حزب مسيطر 🌺 الحزب الشيوعي ..
03-28-2020, 02:33 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
الخلاصة: ان اللجوء للوسائل المضللة و غير السوية يعتبر جبنا وتزيفا الحقائق، واستخدام هذه الأساليب من باب الغاية تبرر الوسيلة يعتبر سقوطا كبيرا.. انتهى.. تتخيل البوست القادم عن شنو ياو البشري، عشان ماتخمنا بمعرفتك بعد ما ينزل.
03-28-2020, 02:32 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: الخلاصة: ان اللجوء للوسائل المضللة و غير السوية يعتبر جبنا وتزيفا الحقائق، واستخدام هذه الأساليب من باب الغاية تبرر الوسيلة يعتبر سقوطا كبيرا.. انتهى...
يعني سقوطي كمواطن عادي بديك مبرر يا قباني تجيب واحد ساقط من عندك وتمسكه.. وكيل اعلام ومدير تلفزيون وعضو لجنة إعادة مفصولين؟ خضر الطيب زاتو مزوراتي، ولو ما كانت بتنطبق عليه نفس صفة صاحب الفيديو كان فتح بوست واختار العنوان البيعجبه.. وانت زاتك ماشي في ختراتو..
انا اغالطت الشباب هنا في كونك ما كوز و بنكابر ساي, لكن النصيحة لله منطقك الفوق البتحاجج بيه دي خجّلني انا زاتي! قلت لي المعلومة الصحيحة ما بتعرضك للمساءلة القانونية! او مفروض تثبت و تلاوي الحكومة! يا ود التاج اسمع نصيحة من خبير آكشن, اعرف متى تتوقف, المكابرة ما بتوديك لقدام لكن اذا لم يكن هناك بد منها فما تكابر بحاجة انت جواك عارفها غلط وما مقتنع بيها و إلّا ياهو بتتعولق كدا!
بالنسبة للبوست الجاي لسة لجدي ما يطبع فيديو او اشاعة جديدة في الواتساب لكن حتى ذلك الوفت كنت "اتمنى" ان تفتح بوست في الفيديو التافه بتاع الكوزة العنصرية الشتمت فيه دارفور كلها شوية غيّر بيه المنظر
03-28-2020, 02:57 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: انا اغالطت الشباب هنا في كونك ما كوز و بنكابر ساي
عشان تاني ماتفتي فيني ساكت، خذ المعلومة مما أقوله وما لم أقله بعد. بالنسبة لأسلوب ملاواة الحكومة مالو؟ وعيبو شنو؟ مافي ناس لاوت بشرف، وعارضت في الصحف والتلفاز وناس طلعت الشوارع بالملايين والدولة الأمنية كانت في اوجها.. واسه فيهم واحدين ما شاء الله ماسكين وزارات ومناصب حكومية.. .. .. تاييدكم يا جداد لأسلوب بث المعلومة بطريقة ملعوية، بفتح المجال لمعارضي اليوم عشان يستخدموا نفس الاسلوب، أو ما هو أسوأ منه، ونحن بنرفض هذا الأسلوب مبدأ ورجالة. (بالتنوين)
ولكن هل دعي الرشيد سعيد لفبركة الاخبار والمعلومات أما قام عمر التاج بالفبركة والتدليس؟
كتب ناقلا
Quote: نشطاء فرنسا عنهم النور نصرالدين
ومن هو النور نصرالدين؟ ومتي وأين إجتمع نشطاء فرنسا ليفوضوا النور نصرالدين ليتحدث نيابة عنهم؟ الموضوعية تقتضي التوثق من صحة المادة قبل نشرها فهات إدلتك ياعمر التاج !
وكتب عمر التاج
Quote: وعنوان البوست وعظمه هو هذا الفيديو من أرشيف الراجل .. الناس البتبحث عن الحقيقة يمكنهم تفنيد الرسالة و الفيديو ، وكشف الحقائق أو الزيف الفيهو ، غض النظر عن من قائلها ومن أرسلها ..
أولا الرشيد سعيد لم يكن وقتها وكيلا وزارة الاعلام السوداني - وخبر عمر التاج يوحي بأنه بث الفيديو بصفته وكيلا وزارة الاعلام السوداني ثانيا أطلعت علي الفيديو -وبناء علي ذلك أسأل أين دعي لفبركة الاخبار والمعلومات ؟ هناك أخبار وحقائق كان يتعرض من ينشرها للإعتقال والمنع من الكتابة والمسآلة القانونية داخل السودان - وبالتالي كنا الثوار ينشرونها من مهاجرهم في مواقع لاتخضع لهيمنة الحكومة - وهذه الأخبار والحقائق تحوي غالبا الصحيح وقد تحوي شئيا غير دقيق - ليس هناك مايثبت أن الرشيد سعيد قد دعي في هذا المقطع لفبركة الاخبار والمعلومات !
ثالثا كتب
Quote: فهل المنكر والكفر هي معلومات صحيحة أو سليمة يقتضي نشرها تدويرها بين بلدان الكفر ؟
وماذا نفعل إ ذا كان منبع ( الفيس بوك والواتساب آب والتويتر هو " بلدان الكفر " ؟
إذا ما قام ناشط الداخل بنقل معلومة أو معطي نقلا عن مواقع خارجية أو مهجر -وإعادة نشره في حسابه -فإنه قد ينجو من سطوة حكومة الإنقاذ بإعتباره ناقلا للكفر أو المنكر لامصدره - - والكفر والمنكر دا بمنطق الحكومة السودانية السودانية فهمت ياعمر التاج ؟ ماذا نفعل إذا كان سودانيز أون لاين مقره ومكان تسجيله ومقر إدارته هو " بلدان الكفر " ؟ لماذا يكتب عمر التاج في سودانيز أون لاين الذي مقره ومكان تسجيله ومقر إدارته هو " بلدان الكفر " ؟ * هل إخ ترع لنا عمر التاج وربيع عبد العاطي وإسحق فضل الله وسيطا -إعلاميا لايعتمد علي مخترعات ومؤثرات بلدان الكفر؟ ..............
03-28-2020, 03:26 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: ونحن بنرفض هذا الأسلوب مبدأ ورجالة. (بالتنوين)
انتو منو؟ قدر ما اضاير فيك من الكوزنة مصر تتعولق ههههههه المهم قول جاريناك في رفضك لبث الاشاعات و تداولها و نكرانك دا على الرشيد طيب ياخي ابدأ بنفسك! كم اشاعة زارنك فيها هنا وكمان بعد تنزر تكابر و تلاوي و تدافع عنها كأنك حاضرها! دا غير التدليس في البوست دا نفسه, انت اتهمت الرشيد بأنه يدعو للفبركة لامن الناس قالوا ليك وينها الفبركة في كلامه عملتها شجاعة ورجالة وشنو, طيب دي فيها اختلاف راي انت ابو الرجال ما بتخاف و بتصدح بالحق في عين اعتى دكتاتور غيرك لأ ما عنده شجاعتك ولا وظيفة حكومية تحميه من بطش الامن المشكلة شنو كون الرشيد يجد ليه مخرج انه يطلع معلومته الحقيقية على الملأ بدون ان يعرض نفسه للبهدلة! وين الفبركة و الدعوة لها هنا!
03-28-2020, 03:40 PM
adil amin
adil amin
تاريخ التسجيل: 08-01-2002
مجموع المشاركات: 37183
Quote: ثلاثة يخاف منهم كل من اعتنق الديانة الحمضوكية 🌷الشيخ عبدالحي 🌷وانس عمر 🌷وكل كوز جبهجي
ديل يا عمر مابخافو منهم ناس علماينو الخامين الشباب ديل بخدمو القحطيين بانو الاسلام ذاتو ما نافع والامر ده بريحم في حنانهم ذاتو من القوى الديمقراطية الدينية السودانية الجماهيرا تسد عين الشمس الختمية والانصار وكمان ناس الفكر الجمهوريين وتلمع وجوهم القبحية في عالم امريكا ام الدواعش العجيب في الخارج هسة شوف تلفزيون الرشيد سعيد وفيصل محمد صالح ده قعد يجيب احمد الدالي الجمهوري او راتب المهدي او مولد الختمية مش نفس علماء التدليك الروحي والمواعظ الغبية ونفس الجوه بتاعة الانقاذ السلفية والاخوانجية وليهم سنة شغالين حتي مرات بجيبو لينا عوالم العرب بتاعين حزب البهجة الجديد محمد بن سلمان ولي اترجات الازهر الشريف وليس روجيه غارودي او احمد ديديات عليك الله الفرق بين الكوز والقصرية شنو يا ناس علم مايو 1969 المستلبين مصريا وعربيا ديل يا عمر تعريهم نفسيا بس استدعاء الخارج لاسقاط الانقاذ فشل ومخابرات مصر ودول الجوار عملت انقلاب بي ابن عوف زح البشير والمؤتمر الوطني وجدع دستور 2005 وكل الاتفاقيات المرتطبة به وجابو ديل ق ح ت تيس مستعار قعدو مع نص الكيزان (المؤتمر الوطني )وينسنسو مع نص الكيزان في (الشعبي ) ومقاطيع العدل والمساوة في الجبهة الثورية والبشير لمع لهيم حمدوك وبلعو الطعم ودي المومس تضاجع رجلا واذنها علي الباب (من مصطلحات الشريف الهندي ) عشان كده تلقى الشيوعيين والناصريين من نجوم فضائية الجزيرة الاخوانية فاكين راسنا بي ده كوز وده علبة ليه ؟؟؟ يا بعاعيت مايو 1969 اردمهم بس ردم موثق ذى ده
03-28-2020, 03:47 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
تسألني انا يا كمال؟ مش انت الحكومة وعندك جهاز أمن وسفارات الرجال كتب اسمه ووضع عدة لنكات للتعريف بجماعته وكل ما عليك هو تفعيل أدواتك الحزبية والرسمية والوصول للرجل والتأكد من معلوماته والاستفادة منها في تقويم دولتك..
Quote: الرشيد سعيد لم يكن وقتها وكيلا وزارة الاعلام السوداني
قلنا فوق الفيديو من أرشيف الرجل، يعني الرجل قبل ما يبقى وكيل وهيلامانة كبيره قال الكلام داك فهل تعتقد انه ممكن يكون غير كلامه بعد بقى مسؤول؟
Quote: هناك أخبار وحقائق كان يتعرض من ينشرها للإعتقال والمنع من الكتابة والمسآلة القانونية
نعم، كان في اعتقال ومنع كتابة ومصادرة صحف نفس الشئ الذي مارسته حكومة الرشيد قبل أشهر عندما أوقفت صحف ثم تراجعت وسمحت لها بالكتابة.. لكن للحقيقة كان في رجال بيكتبوا ويطلعوا لايفات من جوه الخرطوم، وبيقولوا الحقيقة على عينك يا تاجر، ويرجعوا البمبان عينك عينك، وديل هم السقطوا الاتقاذ مش ناس (حبيبي رسل لي وانا افبرلك ليك) .. ..
Quote: وماذا نفعل إ ذا كان منبع ( الفيس بوك والواتساب آب والتويتر هو " بلدان الكفر " ؟
نكون واضحين ونكتب في الحق بدون غ
03-28-2020, 04:04 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: تسألني انا يا كمال؟مش انت الحكومة وعندك جهاز أمن وسفارات الرجال كتب اسمه ووضع عدة لنكات للتعريف بجماعتهوكل ما عليك هو تفعيل أدواتك الحزبية والرسمية والوصول للرجل والتأكد من معلوماته والاستفادة منها في تقويم دولتك.. !
.. أسألك إنت بإعتبارك من نقل ونشر المادة؟ هل تحققت وتوثقت من المادة ومصدرها كيف تستند وتطلق أحكاما وتدين بناء علي المادة المتهافتة ؟ ومادمت قد إعتمدت وروج لهذه المادة يبقي من المنطقيوالمشروع أن نسأل( ومن هو النور نصرالدين؟ومتي وأين إجتمع نشطاء فرنسا ليفوضوا النور نصرالدين ليتحدث نيابة عنهم؟)كتب!
Quote: نكون واضحين ونكتب في الحق بدون غ لا لاتتزاوغ وتذاكي أنت قلت حرفيا فهل المنكر والكفر هي معلومات صحيحة أو سليمة يقتضي نشرها تدويرها بين بلدان الكفر ؟!
.. تدويرها بين بلدان الكفر!! ماهي مناسبة وصمك لهذه البلاد بالكفر ؟ هذه البلاد لاتخضع لسطوة عسعس الإنقاذ وتتيح حريةالإعلام .الواقع يقول أن منبع ( الفيس بوك والواتساب آب والتويتر هو " بلدان الكفر " وأن سودانيز أون لاين مقره ومكان تسجيله ومقر إدارته هو " بلدان الكفر " والسؤاللماذا يكتب عمر التاج في سودانيز أون لاين الذي مقره ومكان تسجيله ومقر إدارته هو " بلدان الكفر " ؟كتب !
Quote:
لكن للحقيقة كان في رجال بيكتبوا ويطلعوا لايفات من جوه الخرطوم، وبيقولوا الحقيقة على عينك يا تاجر، ويرجعوا البمبان عينك عينك، وديل هم السقطوا الاتقاذ مش ناس (حبيبي رسل لي وانا افبرلك ليك)!
.. نحن هنا هنا لانتحدث عن الشجاعة والتقية وتجنب الإعتقال ! والناشط والثائر الحصيف والفطن -يخشي علي المادة والمعلومة - وهدفه هو توصيلها لمن في إمكانه بثها أو نشرها - لا التهوروتعريض المادة للمصادرة - ونفسه لإعتقال يمكن تجنبه . ... نحن لانتحدث عن الشجاعة أو عدمها - فعنوانك لايقول أن الرشيد سعيد يحرض علي التقية وتجنب الإعتقال وإنما قلت إنه قد دعا لفبركة الاخبار والمعلومات !أركز وجاوبأين دعي لفبركة الاخبار والمعلومات ؟ليس هناك مايثبت أن الرشيد سعيد قد دعي في هذا المقطع لفبركة الاخبار والمعلومات !... كتب عزيزنا عمر عبد الله عمر..!
Quote: بصراحة هذا لا يمكن الدفاع عنه. فيديو فضيحة على اقل تقدير و بلا أخلاق!
.. ولكن إين لا أخلاقية الفيديو؟ الناشط الرشيد سعيد- في المهجر - حريص علي حماية نشطاء الداخل - والحرص علي عدم إعتقالهم - حماية لشخوصهم وحرصا عليهم كمصادر معلومات مستقبلية - يمكن أن يقال عليالفيديو لا أخلاقي لو حرض فيه الرشيد علي التهور وحض نشطاء الداخل علي الإعتقال وهوبمأمن من الإعتقال ! * معلومةالتنظيمات التي تمارس العمل السري تحرص علي التأمين وحماية الكادر بل تحاسب الكادر إن تهور وعرض نفسه للإعتقال بطيش أو إستعراض
Quote: بصراحة هذا لا يمكن الدفاع عنه. فيديو فضيحة على اقل تقدير و بلا أخلاق!
البعض يعتاد علي الباطل و يدافع عنه حتى يكتب عند الناس باطلا.. الراجل بوضوح يدعو الناس لفبركة كلام ومعلومات غير صحيحة وتداولها في الخارج والداخل حتي يتسبب في تنفير الناس من الحكومة.. هذا النوع من الاستخدام السئ لأدوات التواصل الاجتماعي لا يعدو كونه جهل بسلبيات واخفاقات الحكومة السابقة التي يعلمها القاضي والداني ويتداولونها بالحق من غير لف وتدوير..
03-28-2020, 05:58 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
كلمة بلاد الكفر دي ماتلوكها كتير يا كمال، بتبرص بخشمك اعد قرأتها في صياغها عشان تقدر تربط بينها وبين الإشارة لناقل الكفر في الفيديو... وبعدين كلامك عن التأمين وحماية الكادر هو مجرد ذر غبار على العيون.. التامين بيكون للاجتماعات والمستندات والدور.. الخ.. لكن مافي معلومات عن الكيزان بتقع في يد تنظيم اخر وبدسها.. بالعكس، اي زول معارض بيحصل على معلومات فساد أو اخفاقات قاعد ينشرها دون الرجوع لحزبه وقدامك مكتبة الفساد في المنبر ده مليانه وكثير من الأعضاء يكتبوا من الخرطوم.. حديث الرشيد واضح جدا في إطار تضليل الرأي العام ببث اخبار مفبركة، حتى إذا تابعتها العدالة أو اشتكي المتضرر وجد ان مصدر الخبر خارج السودان ولا يمكن ملاحقته، وامعانا في التضليل طلب ان يفتح الناس البره (حسابات وهمية) في التويتر وغيره، وهمية ياكمال عارف ليه، عشان الزول البفبرك الخبر يكون في مأمن حتى ولو جاء الي السودان، شفت الجبن والخبث حدو وين؟
03-28-2020, 06:17 PM
كمال عباس
كمال عباس
تاريخ التسجيل: 03-06-2009
مجموع المشاركات: 17206
Quote: البعض يعتاد علي الباطل و يدافع عنه حتى يكتب عند الناس باطلا.. الراجل بوضوح يدعو الناس لفبركة كلام ومعلومات غير صحيحة وتداولها في الخارج والداخل حتي يتسبب في تنفير الناس من الحكومة..
لم تثبت بالأدلة أن الناشط الرشيد سعيد قد دعا لفبركة الأخبار وكل ماتفعله هنا هو التصيد والترصد وتبييت سوء النية ! ليس هناك مايثبت أن الرشيد سعيد قد دعي في هذا المقطع لفبركة الاخبار والمعلومات !
ثانيا أنت مطالب أخلاقيا ومن باب الموضوعية أن تجيب علي الآتي ( ومن هو النور نصرالدين؟ومتي وأين إجتمع نشطاء فرنسا ليفوضوا النور نصرالدين ليتحدث نيابة عنهم؟ و لذلك أسألك إنت بإعتبارك من نقل ونشر المادة؟ هل تحققت وتوثقت من المادة ومصدرها كيف تستند وتطلق أحكاما وتدين بناء علي المادة المتهافتة ؟ ومادمت قد إعتمدت وروج لهذه المادة .......... .أنت ياعمر التاج من أكثر من يروج للزيف والأكاذيب والأباطيل و التلفيق وبالتالي إنت غير مؤهل أخلاقيا لمحاكمة أو إدانة من تدعي إنهم يروجون للتزييف والأكاذيب ! لاتنهي عن خلق وتأتي بمثله ........... ولا تكن كالأ.....) وشايل موسو يطهر ! (مع الإعتذار لإستخدام المقولة فالمختون لايتميز علي غير المختون )
وكف عن التشعبط علي إكتاف المناضل عمر عبد الله عمر - فسقفه ومعياره شاهق العلو ولكنه هنا لم يتفهم مقصد الناشط الرشيد سعيد.
ياخ أنا قبل شوية كنت بقول آتوا إلينا برصفائنا جيبوا لينا علاء الدين ولا الشفيع وبالعدم بدر الدين اسحق يقوموا يلزوا لينا ود الباوقة2 ؟!
Quote: انا اغالطت الشباب هنا في كونك ما كوز و بنكابر ساي
تعرف فكرة إنه الزول تتركب ليه لوحة كوز لمجرد معارضته لي قحت دي أصلو ما بتمشي معاي .. لكن عمر دة قطعها لي في راسي .. كنت بقولها بالكروب (الظبر ظبر البلقاء والطعن طعن أبي محجن) لكن في البوست دة فك آخرو .. حاتل في صفحات الأمنجية الإنقاذيين وبدافع عن وجهات نظرهم وكمان يقول ليك القحاتة بخافوا من أنس عمر !! أنس عمر عدييييييل كدة !!!! هسة عليك الله يا عمر في ذمتك دة اسم تقوله وسط مجتمع؟!! ود الباوقة اختشي أقصد عمر التاج اختشي
03-28-2020, 06:19 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: البعض يعتاد علي الباطل و يدافع عنه حتى يكتب عند الناس باطلا.. الراجل بوضوح يدعو الناس لفبركة كلام ومعلومات غير صحيحة
لا حول ولا قوّة إلّا بالله!
غايتو اهو دا الجزء التالت من الندوة الجا فيها الجزء المقتطع دا تقريبا من الدقيقة 19 كدي احضر من الدقيقة 8:00 ووريني عشان تفهم السياق كامل ووريني وين بالضبط جات الحتة بتاعة الدعوة للناس لفبركة الكلام و معلومات غير صحيحة
و الكلام لدكتور عمر برضو عشان يراجع تعليقه
_____________________________
الشكر للأخ من بلجيكا الكان حاضر في الندوة و ارسل لي رابط الفيديو وهو مبذول في اليوتيوب من 2016, لكن شكله جماعة أنس عمر شافوه اسي يادوب!
03-28-2020, 06:29 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
الكلام بتاع عمر سيدا ده القالو منو يا احمد؟ وحات سيدي كنت داير اقول القحاته لموا خبوبكم وأرسلوا لينا رصفاءنا..لكن تقول شو، نقزقز كده لامن يدربوا كوادرهم الجديدة.. وبعدين انت انس عمر ده منو الشاغل بالك كده، يا اخي ده زول عادي اول امس كان بيتكلم في قناة فضائية في السودان، ما تخاف منو وما بياكل.. ثم ثانيا قصة القروبات دي شنو المساكين فيها انت وود البشرى، اوع تكون القروبات القاصدها الرشيد في الفيديو، وانا اقول طرف السوط واصلكم من وين؟ المهم، نحن ناس واضحين، وما شغالين بقروبات ولا وصاية، بمسك الموبايل ده وبكتب مباشرة، حتى لو كنت بتلاحظ وما ظنيتك لاحاظ، الموبايل قطع على في نص مداخلتي لكمال وقمت رسلت طوالي.. المهم كونه الفيديو يجي من قروب كيزان في الفيس ما بتشكل هاجس، اهو قدامك قروب مفتوح وهو الوحيد اللقيت فيهو الفيديو مفتوح، الفيديو عندي في الموبايل ليهو يومين لكن قلت افتح البوست وود البشرى برفعه ويكفيك شر اليوتيوب وتعبه، اما المقتبسات الكيزانية التدخل بين الحين والآخر في بوستاتي فهي مقصودة، لأنها بتنرفز البعض وتخليهم يلفوا في حلقة مفرغة، اوع تكون بتنرفزك برضو لأنك حاتلف معاي كتير
03-28-2020, 06:35 PM
كمال عباس
كمال عباس
تاريخ التسجيل: 03-06-2009
مجموع المشاركات: 17206
وبالمناسبة يا أستاذ الرشيد يعقوب المسؤول الحكومي الحالي كيف تسمحون لضياء الدين بلال برئاسة تحرير السوداني - وهي تصدر تحت الحراسة القانونية لللدولة حرصا علي حقوق العامليين؟ هذا الرجل وعلاوة علي المخصصات التي يتقاضها روج لأكاذيب وأباطيل - حول مريض الكرونا الأول بالسودان رحمه الله - فعل هذا بإستهتار وعدم مسؤلية وعدم أمانة - والان وقد إتضح إن هناك من أصيب بالعدوي منه - ممن إحتكوا بالمريض ..... ماذا فعلتهم بالإرتقاء بجهاز التلفزيون وتطويره وتحديث برامجه؟ ماذا فعلتم لتطوير الإداء الإعلامي وإعادة ترخيص الإجهزة الإعلامية التي يمتلكها الفلول والتي صدرت في عهد الفوضي والفساد ؟
03-28-2020, 08:06 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 7877
الاعتذار يشمل فقط السيد الرشيد يعقوب، والذين قدموا مداخلات تفيد حقيقة الموضوع (اعتقد مداخلتين فقط) ، وكذلك الذين تضرروا مباشرة من تعليقاتي، اما الطبالين والجداعين والمونساتية والجداد والديوك والباحثين عن الفرص والذين حاولوا حرف البوست عن موضوعه والعملاء الأجانب .. فيبقى الأمر على حاله.. .. .. الناس الجات متأخرة والجماعة اللسه ماجوا، بالله عليكم ساعدونا بلم الكراسي، وترقبوا بوست يوم بكره عن وكيل وزارة الثروة الحيوانية بإذن الله...
Quote: اعتذار يشمل فقط السيد الرشيد يعقوب، والذين قدموا مداخلات تفيد حقيقة الموضوع (اعتقد مداخلتي فقط) ، والذين تضرروا مباشرة، اما الطبالين والجداعين والمونساتية والكايسين الفرص والذين حاولوا حرف البوست عن موضوعه والمولانات والعملاء الأجانب.. فالحال في حاله.. الناس الجات متأخرة واللسه ماجوا، بالله ساعدونا بلم الكراسي وانتظروا بوست يوم بكره عن وكيل وزارة الثروة الحيوانية
قت لي الذين حاولوا حرف البوست ؟
يا عمر التاج بوستك اصلا انفتح منحرف ...ياخ بطل مكابره و قطع الموضوع في حنانك و خلاص..
03-28-2020, 09:30 PM
كمال عباس
كمال عباس
تاريخ التسجيل: 03-06-2009
مجموع المشاركات: 17206
Quote: الاعتذار يشمل فقط السيد الرشيد يعقوب، والذين قدموا مداخلات تفيد حقيقة الموضوع (اعتقد مداخلتي فقط) ، والذين تضرروا مباشرة، اما الطبالين والجداعين والمونساتية والكايسين الفرص والذين حاولوا حرف البوست عن موضوعه والمولانات والعملاء الأجانب.. فالحال في حاله..!
....... إعتذر لمن كتب هذا:
Quote: بصراحة هذا لا يمكن الدفاع عنه. فيديو فضيحة على اقل تقدير و بلا أخلاق!
إعتذر للإستاذ عمر عبد الله وهو معنا في هذا المنبر لما يزيد عن ال15 عاما لم يتميز بخفة أو المسارعة بأحكام جزافية متعسفة واليوم قمت أنت بتضليله ! ثانيا وحتي المقطع المبتور نفسه وإذا نظر إليه بحسن نية وبلا تصيد و ترصد فليس فيه دعوة للفبركة والتزييف ...[ ثالثا أغلب ماكتب في البوست يطعن في قلب الفيل وقد ركز علي ماورد في البوست وطبعا مداخلات عادل أمين التي تعجب صاحب البوست- فهي وفي الغالب ديباجة مكرورة ودمغة توضع علي ظهر إي بوست مهما كان محتواه ! إنه يحمل نفس البقجة واللافتة ويقف بها في إي ناصية أوصينية !
03-28-2020, 09:56 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7285
إنتو عنوان البوست دا مالو بقى لي زي هملاج إسم الذي لم يأكل سيدنا يوسف
يا ود التاج بما إنو المولد دا فاتني وقاموا بيهو العطالة براهم خليني أقتبس الحتة دي وأقول ليك إنت ما كان في داعي تتماهى في الأساليب ديك شديد هسه بإسلوبك دا شوف قارئك العزيز خلاصتك دي حيستخلص منها شنو؟
Quote: الخلاصة: ان اللجوء للوسائل المضللة و غير السوية يعتبر جبنا وتزيفا الحقائق، واستخدام هذه الأساليب من باب الغاية تبرر الوسيلة يعتبر سقوطا كبيرا..
Quote: شركت ليهم وجبت النجيضة ده الاعلام المفقود في السودان
هههههههههههه مفقود بالنسبة ليك إنت يا أبو وهمة
03-28-2020, 09:21 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
الناس التي لاتسمح ظروفها بمشاهدة الفيديو الأصل كاملا.. الرجل يتحدث عن ضرورة توثيق الأحداث، وجاء حديثه في الفيديو المبتور عن الجماعة، ويقصد بهم تجار العملة على وجه التحديد، المهم في النهاية بتحدث عن انتهاكات الكيزان وخاصة البين اجرامهم كتجار العملة في بروكسل مثلا..
الخلاصة : الأحداث التي تنشر في الميديا ليست كلها بغرض التشويش، ولأن الشخصيات العامة أكثر تعرضت واستهدافا فمن الافيد ان تكون البوستات باحثة عن الحقيقة متي ما كانت الصيغة والاسلوب في حدود المعقول. كمل، كمل دي من اليوم اكملت لكم.. يا شيوعيين يا بتوعين ماركس. هههه
03-28-2020, 10:21 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
يا عمر التاج أوكي الفيديو مفبرك اعترفت بيه بعد شفته كامل طيب بالنسبة لرابطة معارضي فرنسا ولا منو ديلك الجيت شايل مداخلتهم وكنت بتدافع عنهم! بتاعين الشمارات القالوا الرشيد حرض ناس إنهم يصوروا زول قاموا في ناس دقوا زول تاني ولا شنو كدة ما عارف! ديل وضعهم شنو؟ يعني مافي زول جاب ليك طاريهم مالك حذفت كلامهم وما اعتذرت عنه الناس ديل موضوعهم بختلف عن موضوع الفيديو فما تكروتنا باعتذار واحد أنا قلت ليك خميتها بي ترابها .. هسة اعتذرت عن الخمة لكن التراب وضعه شنو؟
والمقتبس القاعد Re: الرشيد يعقوب شخص مؤهل لوزارة الأعلام Re: الرشيد يعقوب شخص مؤهل لوزارة الأعلام وضعه شنو؟ كان مبني على مناشدة الرشيد لناس الداخل إرسال المعلومات لناس الخارج لنشرها والكلام دة ما اتغير في الفيديو الجديد!!! انت قلت اعتذارك عن الفيديو بس وانا شايفه مفروض يكون عن الخم من قروبات أمنجية الانقاذ
03-29-2020, 01:02 AM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
هو وكيل وزارة اللاعلام واعلام قح ت انتهازي رخيص يمالي مصر والسعودية والامارات في حرب اليمن ومليان زواحف وعلماء تدليك روحي ما بحترم وعي الشعب السوداني ودي ما ثورة ده انقلاب قامت بيه المخابرات المصرية والانقاذ قااااااااااااااااااااااااااااااااااعدة لحدي هسة وعملت نظام جنرالات مدجن في السودان ولحدي هسة ما مرقتو من الحذاء المصري مقاس11 دي تمرقو منها كيف ؟؟؟ قح ت لا تمثلني شلة انتهازييين من مخلفات مايو 1969 دي الحقيقة ... الزمن براه بكشفا اما فلان وعلان دي مضيعة وقت ساكت الناس كانت تفبرك في مواقع التواصل ونحن بننشر ما فعلته الانقاذ فعلا وموثق عشان كده ما عندنا حاجة نعتذر عنها النضال المعلب ده حبلو قصير
03-29-2020, 07:05 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: طيب بالنسبة لرابطة معارضي فرنسا ولا منو ديلك الجيت شايل مداخلتهم وكنت بتدافع عنهم!
والله ده كمان رأي رابطة معارضي فرنسا علاقتي بيهم شنو عشان اعتذر نيابة عنهم والله مافضل ليك الا تقول لي اعتذر نيابة عن الزول الكتب في سبيل الله قمنا ههههه يا اخ داك كيان قائم بذاته، ونحن نقلنا منه فقط، وناقل الكفر ليس بكافر هههههاي عنوان الجماعة وصفاتهم كانت موجودة في المداخلة، امش فتش عنهم وحقق معهم وجيب لينا النجيضة، مش انتو الحكومة وعندكم جهاز أمن وسفارة في فرنسا؟ اما كونه الرشيد مؤهل أو ما مؤهل فهي لم تكن من مواضيع البوست، والفيديو زاتو ما قلنا مفبرك، قلنا مبتور على طريقة ويل للمصليين، اما رأي الشخصي عن مؤهلات الحكومة الإنتقالية (عساكر ومدنيين) فما زلت في موقفي ... غير د. أكرم مافيها مسؤول بستحق المنصب. - الجماعة الماعارفوا الحاصل شنو في البوست، هو مجرد فيديو مبتور بطريقة توحي ان الرشيد يعقوب يحرض ناسه على فبركة الاخبار عن طريق وسائل التواصل الاجتماعي، الفيديو في رابع مداخلة تقريبا، تم التوصل لأصل الفيديو والذي يوضح ان الرجل يدعو لاستخدام وسائل التواصل لاغراض أخرى، وبث. - الجماعة الطوال وهبل، افهموا الموضوع وبعدين انبحوا زي ما عايزين - قضى الأمر.. (دي برضو قولوا لي بتاعة تنظيم عالمي يا قباني هههه)
لا يا بابا معليش الكلام دة ما بأكل عيش المداخلة جبتها انت دة ودافعت عنها كمان .. يبقى تعتذر عن إيرادها مافي حاجة اسمها كتابة منقول بتعفيك من تبعات الكلام هسة ممكن امشي أنا أظبط لي حساب فيسبوك واكتب فيه عمر التاج عاضاهو نعجة وأجي اشتح لي عنوان كبير (على ذمة الفيسبوك قصة النعجة العضت عمر التاج) واقول ليك والله دة ما أنا أمشي شوف ناس الفيسبوك القالوا فيك كدة واشتكيهم!!! كلام انت بتعتقد بي صحته وموجود في موقع معروف ذو ثقة ومصداقية ممكن تنقله لكن ما ممكن تلقط زبالة الفيسبوك والواتساب وتجي ترميها هنا وتقول دي ما تبعي !
03-29-2020, 09:43 AM
عمر التاج
عمر التاج
تاريخ التسجيل: 02-08-2008
مجموع المشاركات: 3461
ولما انت بتنجر من راسك وتشتح البوستات ساكت يا احمد، نحن قاعدين نسوي في شنو، وناس ود البشرى ديل بياخدوا مكتبات من بكرى فوق كم؟ ما عشان يكشفوا فبركتك دي. وبعدين انا و الرشيد بتختلف، داك شخصية عامة وعنده كل الوسائل الممكن يرد بيها على منتقديه، ويفترض يكون متفهم انه مستهدف وقادر يرد على اي اشاعة أو اتهام من أجل الحق العام قبل الشخصي، اما شخصي الضعيف فهو غير مهم وغير مهتم، وغير مؤثر في اي قرار يمس بلدك الأول أو الثاني، دحين نبذ نبذك ساكت.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة