خالدة ودالمدني:الوثيقة الدستورية ( زي جَنَى النديهه )

11:22 PM October, 15 2021

سودانيز اون لاين
خالدة ود المدني-السودان
مكتبتى
رابط مختصر

زمان الناس الكبار عندهم إعتقاد بالشيوخ يقولوا ليك فلان دا صالح، والشيخ بعد يموت يمشو يزورو قبره ويطلبو منه تحقيق أمانيهن، ودي اسمها (النديهة)، وكان قالوا ليك يابركة الشيخ فلان يفعل ليك ويترك ليك خلاص تشوف ليك جحر تدخل فيهو حسب اعتقادن، أما البت البعرسوها وتطوّل ماتحمَل دي لازم يودوها تزور الشيخ ويندهو ليها عنده كان حي وكان ميت تنده فوق القبر.
اها كان صادفت حملت تعال شوف الإهتمام البتلقاه من الحبوبات خاصة، لأنهم بفتكرو انها حملت بسبب النديهة حقتن دي، بعد تلد بالسلامة يهتمو بالشافع اهتمام فايت الحد ويسموهو (جَنَى النديهه)، ويخافو عليه شديد ويكون مدلع وطلباته مجابه، وبعد دا كله يكون عيان طوالي ومعولق وهفتان طول السنة، طبعا شافع النديهه دا مابسألوا نهائي يركب في الحيطة ويبوظ أعصاب الناس كلهم يالله يحنسوا يجي نازل بمزاجه، كمان لوكيفو قال ليهو يركب في راس الدولاب ويوقف البيت الف احمر وتاني تقوم التحانيس وينزل ويدوهوا حلاوة كمان، والعجب كان جو ضيوف وجابو ليهم عصير ولا حلاوة عينو قوية وخمجان، ومافي زول يقدر يسأله خاصة لو في حبوبة في البيت، هسه الوثيقة الدستورية ياها دي عامله زي جَنَى النديهه القلناهو دا، ولدته الثورة بعد شربت الدمسيسة وندهت النبي عيسى وسليمان وإسرائيل زاتو معاهن، لما يكون في شافع قليل ادب وامه مابتساله بقولو ليها انت الشافع دا مالك مابتسألي شاربه ليهو الدمسيسة ولانادهه ليهو النبي عيسى، والدمسيسة دي عشبة بتساعد في زيادة الخصوبة وبدوها للمرة البتتاخر في الولادة والنديهه ياها القلاناها قبيل ديك.
عشان كدا الشعب بقى يحاحي فيها من ناس البيت الكبير خايفين عليها من حبوبات الأحزان ديل باقي عجزن ومابقدرن تاني يشيلن الشفع وهن حالفات الا يخلوها معاهن لما تتم التلاتة سنة دي، المهم في النهاية اتعهدن بانهن بمسكنها ويحرسوهن جماعة طابق ومطبوق عشان عندهن سلاح وعندهن شركات وعربات وكدا مرطبين وامورم واضحة، لكن الوثيقة كمان من تشوف طابق جاي عليهم صاري وشو تقعد تصرخ تلم الناس كلهم، اها أظن الحركة دي مزعلاه شديد، لما يلقاها براها يديها قرصة غتاتة منو بس ويخليها تبكي اليوم كله، مطبوق يسمع بكاها وهو عارف رفيقو قرصه لكن مابقدر يقول حاجة، يحاول يشيلها يحنسها عشان الناس مايقولو مالها بتبكي يقوم كدا يجي مدرش بيها علي وشو وتطير منه هناك باقي عنده شوية رواشة كدي أصله مابخليها، اها يجو جارين كلهم يرفعو مطبوق وينفضو من التراب، ويرفعو الوثيقة ولقوها قربت تموت جرو بيها المستشفي واتصلو بحمادة والحمدلله لقوهو موجود ماسافر مؤتمر ومعاه هناي داك جو جارين الحوادث، لقو حبوبات قحت ديك يقشقشن في دميعاتن ويتنخجن من البكاء ويزرن في مطبوق نحن ماقلنا ليك ماتشيلها تاني هي براها عيانة وروحه مارقه، مطبوق قال ليهن انا ياجماعة حايم من خلا لخلا بجي في السنة مرة ماتحرموني منها، قالن ليهو بس كان خليت الرواشة دي ياولدي مابنحميك ليها.
في الساعة ديك جا داخل طابق ومعاه فلان المطموس وكضيضيب داك وقفو بعيد شوية وغمزو لي مطبوق عشان يسكت ، وقالو ليهو يامطبوق اسمع كلام حبوباتك ديل كلامن صاح، ماتعاكس العجائز ديل مشيهن قدر فهمن لمن الامور تروق والوثيقة دي مامعروفة يمكن تموت هسه مركبين ليها أكسجين ، حمادة سمعن قال ليهن ناس الأمم المتحدة متكفلين بعلاجه قالو حتى كان دخلتوها الطواريء نحن بنسعفها، اها عاد كلام حمادة ماعجبم بقو يهرجو اصلن مدلعاتنها حبوبات قحت ديل لازم يكون في حل ، وهم يوسوسو كدا جات هناية ديك الفقرة هم بلاوزوا منها كلهن طبعا، سمعت كلامن كله وتعالوا شوفوا الفضائح ودق الصفائح، قالت ليهم الحل في البل، انتوا يايمة دايرين تكتلوها قبل يومها المسكينة قايلنها جابوها بهينة دي يايمة امها شربت ليها الدمسيسة وندهت ليها النبي عيسى، يدمس حياتكن شاحدة ربي، يايمة قايلنها هينة ولا لينة ولاماعندها اهل حارسنها وحات الله تكترو تقللو اناديلكن فلان داك حق البل المابخاف يوريكم البل الصحي الصحي، شوف متل ديل عليك النبي نحن الوثيقة دي راجناها تلاتين سنة لاخلينا دكتور لاخلينا شيخ لاخلينا وداعية، تجو انتو هسه تقولو اصلها بتموت يايمة يموت حيلكم يابركة الله والنبي رسول الله ، اها حمادة وهناي عجبتن الحكاية وبقو يتبسمو وهناي قام يتفلسف عامل فيها منصور خالد وحمادة اصلو مازول نضم ساكت ساي، وطابق ومطبوق وفلان المطموس داك زعلو وصرو وشياتن وفاتو، خلو حبوبة قحت المابدوروها ديك مرافقة ليها في المستشفي، وهم زعلانين من كلام هناية دي الهرجت فوقن وهي قالوا دايرة ليها فيهم لمه تحت تحت قالو ليها الناس ديل مابخلوك تركبي الطيارة ولابتشوفي المطار بعينك تاني، وقبل كدا برضو حرّشو عليها حمادة يطردها من البيت الكبير باقي منشفة ريقن، عشان كدي اتفشت فيهن في القديم والجديد.
اها قالت لحمادة وهناي وصو لي ناس المستشفى عشان انا ماتشيلني نومة وتبقى علينا البقت على ناس الإعتصام، هناي قال ليها ماتخافي برسل ليكم من شفاته لجان المقاومة يحرسوكم، وناس البل ماقصرو نحن نمشي ، عندنا مؤتمر بكرة مسافرين، قالت ليهم معاكم سلامة بس ماتتاخروا تجو تلقو الوثيقة ماتت، يتكلمو كدا جوهم ناس البل حبوبة قحت قالت ليهو ورفيقكم قالو فات القاهرة بعد طلقو الدعاية وقالو حتى هو حامنو السفر تاني قالو نكرو الكلام، وفلان داك الممسكنو اسرار البلد قال انا لاحظرته لاشفته ماتقولوني كلام ماقلته، وانت كمان سمعت قالو قلت انا البلد دي ماني مارق منها يامرقتها لبر الأمان يامرقت روحي، هسه عليك النبي بعصعصتك دي كان ختوك في محل حمادة ماله؟ وحمادة يودوهو محل هناي داك الجابو في اتفاقية السجم ديك، الكانت في جوبا يا كافي البلاء من وقعوها نحن من مستشفى لعيادة دخلت علينا بالساحق والماحق، وبسببها هسه هناي ابسديري داك قافل الشرق قفلة عدوك، وقالو يتصل في اليوم خمسين مرة يسأل من الوثيقة بقت كيف اظنه دايرها تموت ، والمطموس داك قالو كمان مشى ليهو عديل وحرّشو قال ليهو اوعك تفتح الشارع، ودا كله يخوفو فينا نحن عشان يقولو اهملنا الوثيقة لما ماتت، لكن فشر قايلننا بنخاف منهن لاقننا كبار وحاقرين بينا.
اوب علي شغلتوني بالكلام ياناس البل ومامشيت شفت الوثيقة ماتبقى جاته عوجة بس الناس ديل زي الرقراق يدخلوا باي فرقة يلقوها تعرفوا الرقراق؟
بجي اوريكم ليهو المرة الجاية كان الله مد في عمر الوثيقة وعمرنا.

خالدة ودالمدني
٢٠٢١/١٠/١٥


عناوين الاخبار بسودانيزاونلاين SudaneseOnline اليوم الموافق 10/14/2021

الجيش الأبيض يعلن مشاركته في مليونية 21 أكتوبر للمطالبة بتسليم السلطة للمدنيين

لجنة مصابي ثورة ديسمبر تكشف تفاصيل لقائها بحمدوك

صالح عمار: المجموعة التي تغلق الميناء مدعومة من اللجنة الأمنية بالبحر الأحمر

الحرية والتغيير ترهن حلّ الحكومة بتحقيق 5 شروط

النيابة العامة: زيارة وكلاء نيابة إزالة التمكين للحراسات إجراء روتيني...

الشيوعي يرحب بإسقاط الحكومة الانتقالية وامريكا تحدد من سيحكم السودان

عناوين المواضيع المنبر العام بسودانيزاونلاين SudaneseOnline اليوم الموافق 10/14/2021

الحبيب الحبوب الأستاذ خليل الياس

الجلنكعوبا

البعض يريد والشارع سيفرض ما يريد ( سنعبر وننتصر )

من المستفيد من اتصال مصيدة الرقم 221

حبيبنا عمردفع الله كاركتير معبر جداً رجعتنا ايام ناس عزالدين

الشرف العسكري هو حماية الوطن والدفاع عن ترابه وحدوده وليس التنمر على القوى الديمقراطية والصراع حول

هشام عباس يقول كان الشنقلوبة بتنفع كانت نفعت الرقاص

القانونيون وثقوب في المظلة المدنية ( تجمع المهنيين نموذجا )

حيدر المكاشفي هل البرهان طامع في حكم السودان

بالله عليكم الله شوفوا البلد دي منكوبة قدر شنو ؟

التغيير ترهن حل الحكومة بملف فض الاعتصام

الصحفي: نجيب عبدالحيم مطلوب القبض عليه

لكم نيلكم وليّ نيل

شروط (قحت) لحل الحكومة

السودان :الرؤية العسكرية تعطل المرحلة الانتقالية؟ نقاش فرانس24

للتأكيد من سودانيز .. منع خالد سلك وعائلته من السفر اليوم

البنتاغون يدعو إلى تعزيز السيطرة المدنية على الجيش بالسودان

النائمون في أحضان الشياطين !! بقلم الكاتب السوداني / عمر عيسى محمد أحمد

أين يقف حمدوك؟ بقلم عبدالله الشيخ

المئات من ضباط الجيش يحتجون لدى "البرهان" بما وصفوه ب(الهجوم الممنهج) علي القوات المسلحة

موكب للقانونيين اليوم ومذكرة تطالب العسكري بالالتزام بالوثيقة الدستورية وتسليم السلطة للمدنيين

لجنة المعلمين تتبرأ من منحة حميدتي للعاملين بكنترول الشهادة السودانية

جهاز الأمن يمنع المراسل حسام بيرم من إجراء مقابلات مع مؤيدين لمسار الشرق

عناوين الصحف الصادرة اليوم الخميس ١٤ أكتوبر ٢٠٢١م

توصيف رائع لطمع الحركات المسلحة -جبريل إبراهيم والنفاق السياسي-بقلم عبد الحميد عوض

السفالة في السفارة

يسألونك عن قحط

تقسيم السودان ستتبعه إبادة

الفشل الإداري

كان الشنقلوبة بتنفع كانت نفعت الرقاص

بالدارجي كده !!! مية الف حميدتي كسرت قلم الفهم

الشيوعي: موقفنا إسقاط الحكومة وواشنطن هي التي تدير البلاد

الأستاذ محمود محمد طه: ع عبدالعاطي يرد على ساخاروف (١)

صراع الشفع حا يضيعوا السودان .. و الديكتاتورية محمداكم

مبارك الفاضل شايفو الايام دي مركب مكنة ترس كتب سيد الطيب

مجموعة مناوي تطرح على حمدوك حل الحكومة دون المساس بحصص اتفاق السلام

عرمان يطلب تفسيرات حول دعوات كثيفة لحل الحكومة وتوسعة المشاركة

مباحثات سودانية إسرائيلية بالامارات وسط امتعاض الخارجية في الخرطوم

عناوين المقالات بسودانيزاونلاينSudaneseOnline اليوم الموافق 10/14/2021

فلتذهب كل القيادات والشراكات الي الجحيم ويبقي حمدوك رئيسا

١٢ أكتوبر ١٩٩٩في القضائية: يوم قال الترابي ما فيش فايدة يا صفية

16اكتوبر تعني تحصين الثورة وإقامة دولة القانون.

ما عاد مُجدياً:كمال الِهِدَي

توافق وطني ووحدة قوي الثورة طريق للعبور للوطن

أهمية الحصول على دراسة الجدوى

دراسة حول حرية تنقل الأشخاص في منطقة الإقاد الهيئة الحكومية للتنمية

عناوين سودانيزاونلاين SudaneseOnline اليوم 14 اكتوبر 2021

مقترح الواثق البرير لحل الحكومة مكسب للبرهان وحميدتي وتِرِك..!

وجهان للجهاد أوليفر روى (أوليفييه روا (Olivier Roy

المعلم الذى نصرته المدنية وأعادت إليه مكانه ورفعت قدره!!!

خربشات على كيبورد بقلم: محمد علي مسار الحاج

أين الموقف الفلسطيني من اشتراطات البرلمان الأوروبي؟

قافلة البرهان، و نبيح الكلاب، و العملاء..

هل نحن أمام سرقة القرن؟ (2):بدر موسى

ارحل يا حمدوك فلا انت سيدنا يوسف ولا عمر بن الخطاب

الدكتورة حمدة السليطي وشيخة الجفيري لقبة الشوري القطري

الفاتح جبرا:الكوزفاؤلية

أمل أحمد تبيدي:أزمة ضمير (٢)

أحداث ومؤشرات:بناء وطن

ذاكرة الاتفاقات،ومن يمثل من وكثرة التكرار!!!

عندما يعني اللاشيء شيئاً د.أمل الكردفاني..

العبرانيون ليسوا بني إسرائيل والعموريين ليسوا عرب

حميدتي نائبا للرئيس, و ذاك تِرِك و امثالهما, فأيّ كفاءة يطلبون ؟

هيثم الفضل:دعوة للتأمُّل و(الإنحياز) ..!