كباشي بالسين اتفاصح بها قلب النظر بلع ريقو شهق ليهو ناس العسكري كضب فكذب.
و عمر سقط رغم الرقيص و النبيح و لو ما كنت سوداني أنا و ديل أهلي و ناس الواتس و الكيبورد و أسد أفريقيا النتر صلى فجرو حاضراً و مستغفراً و لا أسفاً عليه بشير لقى العملوه فينا زمان كان حاضر و مُتحضِّر فقام عَزلُوه أصحابو و قالو اتحفًّظو لينا عليه.
و الجبهة و الكيزان بين الطريد و المُطارد في سجون الثورة اتعشَّش بحق الناس و بباطل يا ليل الثورة وين فجرك يهل العدل بينا خلاص إن منهم أو ليهم و نقفل صفحة الإنقاذ.
أمّا الشهيد عزيز القوم و راس العزة يا عزّة ضاع القصاص ليهو في كلام بين المجالس و اللجان و هاك العساكر جرجرة فارغه و سلام
في سودانّا بعد الثورة الفقر مازال بل استحال الضيق حال و الظلم بارك فوق صدور و الأمن مال حمدوك عوك الثورة عاوزالها رجال شوف وزاراتك شوت المنافقين و المهادنين و المتاجر بالقُوال و الما ليهو ضُلَّاُ لا شفنا ليهو فد خيال الشعب جاع سيب الديون كاش البلد ودوه وين
حدث في عتمة السفر الرخيص بُرهانًّا واعد إسرائيل و الجنجويد كبسو البلاد فارت عديل و فوضى السلاح حركات كفاح في قسمة ضيزى للمناصب و الكراسي و الجهاز في سودانّا بعد الثورة التخوين بتم بالكَوزنة و وثيقة الدستور مُلَجَّنة و إزالة التمكين مَأفونة دسايس مُسمَّمة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة