|
Re: (الإتحادي - الحركة) … لماذا لا يصبح الحلو ر (Re: عمر جبرونا)
|
Quote: وقد قلب الإتفاق الموازين واربك الحسابات ، حيث أمن الطرفان علي الالتزام الثابت بالوحدة الطوعية المؤسسة على الديمقراطية والتعدد الديني والعرقي والثقافي، مع إلغاء كافة القوانين بما فيها الوثيقة الدستورية والعمل بقوانين 1974(إشتراكية مايو) |
ده ااحسن كلام اقراه من توفي جون قرنق الاسطورة في البورد ده كلام واقعي وعملي وواضح جدا وقصة الازمة في السودان في المركز بس ونفسية ليس الا وليس لها علاقة بالسياسة اطلاقا اقليات في المركز عايزة ترهن السودان باستمرار لمصالح دول اقليمية باستمرار في اطار دولة ديمقراطية فدرالية اشتراكية ((السودانية )) الاوعي والانظف والاكثر شعبية هو من يحكم عبر الانتخابات الحرة النزيهة وليس المؤدلج العايز يقعد في راس الناس عبر تسويات فوقية لان بضاعتو ما عندها جماهير حقيقية ذى ناس الحركة الشعبية والاتحادي الديمقراطي لهذا السبب اركز علي اعادة الاقاليم الخمسة القديمة بتاعة دستور 1974 ويتم انتخاب حاكم الاقليم وبرلمان الاقليم انتخابات حر مباشر وكنت عايز عبدالعزيز الحلو يترشح حاكم اقليم كردفان ليبرز مواهبه فيه لاننا في مرحلة بناء اولا وفي الدولة الفدرالية منصب رئيس جمهورية تشريفي ليس مهم ذى ما شايفين في اثبوبيا 1- اعادة الاقليم باسس جديدة تقطع 90% من مشوار السودان واعادة الدولة الحضارة البتشبه السودانيين فعلا ونشوف لينا شغلة تانية غير المحاصصة المعصلجة دي الاتحاديين قوة انتخابية واعية وبقدرو يوصلو اي طموح واعي نظيف الي مقعد الحكم وعبر الشعب والانتخابات وبلغة الارقام وليس الاوهام ونحن في القرن21 وبنعرف الانتخابات والديمقراطية من 1938-1956 في منصب حاكم اقليم او رئيس جمهورية والقصة ما علمانية ولا اسلامية ولا تقرير مصير القصة فدرالية حقيقية تحرر السودان من سلطة وتسلط المركز في الاقاليم بعد الاستقلال بالانقلابات والمشاريع المصرية وهسة الاعلان الدستوري الفطير ده اكثر شمولية من اي دستور شمولي سي مر علي السودان وجدع ساكت دستور 2005 دي الحقيقة
كويس البورد بقا يجيب وعي جديد وناس جديدين وجيدين يفكونا من روتين ناس لا لا ديل ... شكرا عمر جبرونا وشكر لكاتب المقال ايضا
|
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|