الوآحد فيكم زي الجِيم 3 تهبشو ساكت يفكلو طُرشُميّة طلقة في سوق الخدآر يطلق، في الجزارة يطلق، في المواصلآت يطلق، في الفارغة يطلق، في المليانة يطلق، كان عزملو زول ساكت يطلق !!!، جنكم طلآق ...
هسه بالله يا ود المدير الأميرة هيا دي ، وجدها الرسول ، زي ما بيقول خضر، العاجباه في الزول الوشه زي وش الشيطان ده شنو ؟؟طبعا هي اساسا ما محتاجة لأموال لأنها والدها كان ملك وأخوها الآن ملك ...لكن نقول شنو !!عقل مافي ،،، وقبل ما تتزوجه مش احسن كانت تعرف معاملته لزوجته السابقات كانت كيف !!،زول بيعامل زوجاته كأنهن حيوانات او اماء في قصور الخلفاء.....لكن الجري وراء السلطة والجاه مشكلة هذا العالم....والآن عندي ليك سؤال:هل اذا زوجة اهانها زوجها ويضربها كل يوم بالجزمة ورفعت قضية في السودان ، فهل سيحكم لها القاضي بالطلاق والتعويض !!؟لا اظن ذلك ،،لكن القاضي حيقول ليها، يالله يا ولية ارجعي بيت زوجك بلاش فلسفة معاك...انتي عليك الطاعة العمياء حتى ولو جلدك بالسوط كل يوم ....ارجعي بيت الطاعة بلا يخمك ويخم الربوك
Quote: والآن عندي ليك سؤال: هل اذا زوجه اهانها زوجها ويضربها كل يوم بالجزمة ورفعت قضية في السودان ، فهل سيحكم لها القاضي بالطلاق والتعويض !!؟ لا اظن ذلك ،،لكن القاضي حيقول ليها، يالله يا ولية ارجعي بيت زوجك بلاش فلسفة معاك... انتي عليك الطاعة العمياء حتى ولو جلدك بالسوط كل يوم ....ارجعي بيت الطاعة بلا يخمك ويخم الربوك
هههههههه يا إمتثال إنت عايشة وين ؟، من حقو ياكُلآ اللكل الوآحد دا .
هههههههه هههههههههه هههههههههه والله عاوزة اضحك لغاية نهاية السنة الجاية.... وانا اقسم بالله أن هذا الرجل مجنون ،،مجنون ...وكيف يكون مفتي بأعظم بلد إسلامي نزل فيه الوحي ....سبحان الله وان لله في خلقه شؤون.... مش مفروض يقبضو المعتوه ده ويحاكموهو بتهمة الدجل والشعوذة والفتاوي الغريبة المهلكة....ونسوان السعودية ما سمعن الفتوى دي ...وقاعدات يسون شنو !!!! مفروض يقومن بمظاهرات للمطالبة باعتقال هذا المفتي المعتوه وإبداعه مستشفى المجانين....
Post: #11 Title: Re: أريّتُو طلآق البِنيّات لي حدّهِن ... Author: Osman Musa Date: 12-24-2019, 04:09 PM Parent: #10
يا معاوية العالم ده قاصد ياتو نوع من الاكل ؟ اكيد خانو التعبير . بعدين زولتك دي بعد تعويضها مبلغ ال 44 حتكون ام 44 تتذكر الحشرة الزي الجرادة ديك الاسمها ام 44 ؟
Post: #12 Title: Re: أريّتُو طلآق البِنيّات لي حدّهِن ... Author: حمد عبد الغفار عمر Date: 12-24-2019, 06:42 PM Parent: #11
ودالمدير ازيك ياخ ومشتاقين واجد دحين ما عندنا طلقة قريبة من دي؟
كجى شوف لينا طريقة اخطب بيها ودّها و اللربعة الفوق ليك
Post: #16 Title: Re: أريّتُو طلآق البِنيّات لي حدّهِن ... Author: Osman Awoda Date: 12-24-2019, 07:20 PM Parent: #13
كجي يعني سجمي؟
Post: #14 Title: Re: أريّتُو طلآق البِنيّات لي حدّهِن ... Author: محمد البشرى الخضر Date: 12-24-2019, 06:46 PM Parent: #12
يا ود المدير ما عندك مصدر للخبر دا من موقع محترم ذو اعتمادية!! اي صحيفة بريطانية مثلا بدل صفحات الفيس و قنوات لا تنسى اللايك و الاشتراك وتفعيل الجرس دي
Post: #15 Title: Re: أريّتُو طلآق البِنيّات لي حدّهِن ... Author: Salah Zubeir Date: 12-24-2019, 07:06 PM Parent: #11
حبوبتي حبرة إطلقت من جدي ود الجيلي والسبب عرس فيها سوارابية من بانقا بيضا وسمحة ... أها .. كل الرجعت بيهو لي بيت أبوها في كريعات نواحي الصعيد .. قرقابين واحد لابساهو والتاني حاشراهو في جر (زير متوسط الحجم) المريسه حقها ومعاهن توب الزراق اللابساهو ... يعني تعويضا بعد ما ولدتلو ولدين وبتين كان قرقابين وتوب الزراق وجر المريسه ... تقول لي ٤٤ مليار جنيه استرليني ... هههههه .. قريبي ود المدير كيفنك ...
Post: #17 Title: Re: أريّتُو طلآق البِنيّات لي حدّهِن ... Author: Osman Awoda Date: 12-24-2019, 07:21 PM Parent: #15
كتيرات عليها
Post: #18 Title: Re: أريّتُو طلآق البِنيّات لي حدّهِن ... Author: Salah Zubeir Date: 12-24-2019, 08:28 PM Parent: #17
Quote: كتيرات عليها
(كلمة عادل امين البتبدا بي ف وتنتهي بي كاف) هن حفرتين لا فرق بينهما ... الفرق كان بين جدي وشيخ محمد ... في الزمن الغابر داك تعويضات جدي دي كانت ثروة يفتخر بها والدليل ذكراها لا زالت تحكي عبر الاجيال ... حبوبتي أكان مشت محكمة لندن الزمن داك كان كتبولا أراضي قبيلة الجعليين جت شرق وغرب نهر النيل ... حبرة بت ابوعبيل أبوها رجعا لي راجلا بعد يومين بي تعويضاتا ... وبنا ليها قطية جنب قطية ضرتا ... وعاش الجميع في فرح وحبور ... تقول لي برج خليفة ...
صاحبي عنده حبوبتا ليهو عايشة جنب بربر اها قامت مرضت و عندها وليد اموره متيسرة كده قام وداها لندن للعلاج بعد أسبوع في الاسبتاليه زهجت من الرقده و من إنجلترا كلها و اشتاقت لي راكوبتها في بربر و من ضيقها تاوقت من شباك غرفتها و بي قرفه كده قالت ( إتفيي عليك يا المانيا )
اها دي ما كفاها توب زراق ؟
Post: #20 Title: Re: أريّتُو طلآق البِنيّات لي حدّهِن ... Author: معاوية المدير Date: 12-25-2019, 01:29 AM Parent: #19
Quote: هههههههه هههههههههه هههههههههه والله عاوزة اضحك لغاية نهاية السنة الجاية.... وانا اقسم بالله أن هذا الرجل مجنون ،،مجنون ...وكيف يكون مفتي بأعظم بلد إسلامي نزل فيه الوحي ....سبحان الله وان لله في خلقه شؤون.... مش مفروض يقبضو المعتوه ده ويحاكموهو بتهمة الدجل والشعوذة والفتاوي الغريبة المهلكة....ونسوان السعودية ما سمعن الفتوى دي ...وقاعدات يسون شنو !!!! مفروض يقومن بمظاهرات للمطالبة باعتقال هذا المفتي المعتوه وإبداعه مستشفى المجانين....
ههههههههه،
يا إمتثال طبعاً هو حلف طلآق ما قال الكلآم دا وأصلاً ما ممكن يكون قالو لكن نسبةً لأنو أحد علماء السلطان الناس بيفكو فيهو إشاعات هو وأمثاله ؤ بينسبو ليهم فتاوى غريبة، يستاهلو طبعاً .مسكينات نسوان السعودية العربية دي حامينهن يسوقنها ؤ بعد دا دايرين يقرقشوهن !...
Post: #21 Title: Re: أريّتُو طلآق البِنيّات لي حدّهِن ... Author: معاوية المدير Date: 12-25-2019, 01:38 AM Parent: #20
Quote: يا معاوية العالم ده قاصد ياتو نوع من الاكل ؟ اكيد خانو التعبير . بعدين زولتك دي بعد تعويضها مبلغ ال 44 حتكون ام 44 تتذكر الحشرة الزي الجرادة ديك الاسمها ام 44 ؟
أُوثمان، يا عمّك خليك زي المنشار أُكُل بالجنبتين رآيح جاي. بعدين قاليك حسب الجوعة يعني لو جوعة خفيفة ممكن تأكلك كيلو من المحل البتحبو سِن البرِك مسلاً، لكن إنت شكلك بتحب الفخدة، دحين سِل سكين ضُراعك وأقع الصُلُب . هههههههه أُم أربعة وأربعين ضبيتا بالله ...
Post: #22 Title: Re: أريّتُو طلآق البِنيّات لي حدّهِن ... Author: معاوية المدير Date: 12-25-2019, 02:11 AM Parent: #21
Quote: ودالمدير ازيك ياخ ومشتاقين واجد دحين ما عندنا طلقة قريبة من دي؟
حمد لبد يأخ لآبِد وين ؟، مشتاقين حتي الغروب يسألني مِنّك وأُمسياتنا في شوق إليك .
يأخوي نحن طِلقنا اللآت خراتيش ساكت، الوآحدة يطلقوها تقول دآيرة ورقتي !!!، بالله تقول بُرطمانية مربى جارية ورا الليّبول ...
Post: #23 Title: Re: أريّتُو طلآق البِنيّات لي حدّهِن ... Author: ترهاقا Date: 12-25-2019, 02:58 AM Parent: #22
Quote: يا معاوية العالم ده قاصد ياتو نوع من الاكل ؟ اكيد خانو التعبير .
والله انت شفاتي لذيذ
Post: #24 Title: Re: أريّتُو طلآق البِنيّات لي حدّهِن ... Author: محمد البشرى الخضر Date: 12-25-2019, 07:47 AM Parent: #23
Quote: وأصلاً ما ممكن يكون قالو لكن نسبةً لأنو أحد علماء السلطان الناس بيفكو فيهو إشاعات هو وأمثاله ؤ بينسبو ليهم فتاوى غريبة، يستاهلو طبعاً
هههههههههههههه يعني يا قريبك انت عارفها اشاعة و عملت على نشرها! ما عارف معانا امتثال هنا ولا شنو
عملت لي شنو في مصدر خبر الحكم بالتعويض الخيالي دا!
Post: #25 Title: Re: أريّتُو طلآق البِنيّات لي حدّهِن ... Author: نعمات عماد Date: 12-25-2019, 11:40 AM Parent: #24
Quote: قام وداها لندن للعلاج بعد أسبوع في الاسبتاليه زهجت من الرقده و من إنجلترا كلها و اشتاقت لي راكوبتها في بربر و من ضيقها تاوقت من شباك غرفتها و بي قرفه كده قالت ( إتفيي عليك يا المانيا )
هههههههه
يا معاوية، بن راشد دا بعد ما دفع ال 44 مليار فضل معاه كم؟
Quote: يا ود المدير ما عندك مصدر للخبر دا من موقع محترم ذو اعتمادية!! اي صحيفة بريطانية مثلا بدل صفحات الفيس و قنوات لا تنسى اللايك و الاشتراك وتفعيل الجرس دي
يا عمّك إنت خسران حاجة، أعمل لآيك ترمي 2 سنت في حصالة الجماعة ؤ فعّل الجرس يشوتوك بأيّ خبر طلآق مضروب ؤ غير مضروب، بالمناسبة ديّل فرع الضحكونجية في مضارب بني يو تيوب .
Quote: حبوبتي حبرة إطلقت من جدي ود الجيلي والسبب عرس فيها سوارابية من بانقا بيضا وسمحة ... أها .. كل الرجعت بيهو لي بيت أبوها في كريعات نواحي الصعيد .. قرقابين واحد لابساهو والتاني حاشراهو في جر (زير متوسط الحجم) المريسه حقها ومعاهن توب الزراق اللابساهو ... يعني تعويضا بعد ما ولدتلو ولدين وبتين كان قرقابين وتوب الزراق وجر المريسه ... تقول لي ٤٤ مليار جنيه استرليني ... هههههه .. قريبي ود المدير كيفنك ...
سلآمات يا قريبي . من زمن القرباب !!!، يأخ ديّل كانوا العشرة جنيه ما بيعرفوها . إنت وكِت عرفّت الجر القرباب دا فاطيهو مالك ؤ معاهو توب الزراق ؟...
Post: #29 Title: Re: أريّتُو طلآق البِنيّات لي حدّهِن ... Author: معاوية المدير Date: 12-26-2019, 03:29 AM Parent: #28
Quote: هههههههههههههه يعني يا قريبك انت عارفها اشاعة و عملت على نشرها! ما عارف معانا امتثال هنا ولا شنو
عملت لي شنو في مصدر خبر الحكم بالتعويض الخيالي دا!
هههههههه، يا عمّك إمتثال قبل ما تقرأ ردي فتحت البوست، بس أنا حكاية الفتوى دي تبقى مضروبة ما عجبتني كنت دآير ليهِن القرقشة رغم إنهن مُرآت . التعويض الخيالي برضو مضروب وآخر ظهور للمرا في المحكمة أظنو كان يوم 12/12...
Post: #30 Title: Re: أريّتُو طلآق البِنيّات لي حدّهِن ... Author: معاوية المدير Date: 12-26-2019, 03:33 AM Parent: #29
Quote: والله انت شفاتي لذيذ
Post: #31 Title: Re: أريّتُو طلآق البِنيّات لي حدّهِن ... Author: امتثال عبدالله Date: 12-26-2019, 04:43 AM Parent: #30
ود المدير التعويض الخيالي ما مضروب ، ولكن الرقم صحيح لاني سمعت الخبر في قناة مصرية وقراته في جريدة انجليزية محترمة ،، بعدين الرقم الانت شايفه خيالي ده (٤٤ مليار جنيه)، عند ذلك الشيخ الغني ورئيس دبي ، ما خيالي ولا حاجة ولا يساوي واحد في الميه من ثروته ،ولان ممتلكاته فقط في انجلترا اضعاف اضعاف هذا المبلغ ،،،ومفروض القاضي الانجليزي كان يحكم بتعويض اكبر من ذلك ، مثلا ٢٠٠ مليار جنيه استرليني ،،،،عشان يعرف الله واحد ....
Post: #32 Title: Re: أريّتُو طلآق البِنيّات لي حدّهِن ... Author: محمد البشرى الخضر Date: 12-26-2019, 08:17 AM Parent: #31
Quote: وقراته في جريدة انجليزية محترمة ،،
القناة المصرية خليها, اديني رابط للجريدة الانجليزية لو سمحتي يا امتثال
