الوآحد فيكم زي الجِيم 3 تهبشو ساكت يفكلو طُرشُميّة طلقة في سوق الخدآر يطلق، في الجزارة يطلق، في المواصلآت يطلق، في الفارغة يطلق، في المليانة يطلق، كان عزملو زول ساكت يطلق !!!، جنكم طلآق ...
12-24-2019, 01:16 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
هسه بالله يا ود المدير الأميرة هيا دي ، وجدها الرسول ، زي ما بيقول خضر، العاجباه في الزول الوشه زي وش الشيطان ده شنو ؟؟طبعا هي اساسا ما محتاجة لأموال لأنها والدها كان ملك وأخوها الآن ملك ...لكن نقول شنو !!عقل مافي ،،، وقبل ما تتزوجه مش احسن كانت تعرف معاملته لزوجته السابقات كانت كيف !!،زول بيعامل زوجاته كأنهن حيوانات او اماء في قصور الخلفاء.....لكن الجري وراء السلطة والجاه مشكلة هذا العالم....والآن عندي ليك سؤال:هل اذا زوجة اهانها زوجها ويضربها كل يوم بالجزمة ورفعت قضية في السودان ، فهل سيحكم لها القاضي بالطلاق والتعويض !!؟لا اظن ذلك ،،لكن القاضي حيقول ليها، يالله يا ولية ارجعي بيت زوجك بلاش فلسفة معاك...انتي عليك الطاعة العمياء حتى ولو جلدك بالسوط كل يوم ....ارجعي بيت الطاعة بلا يخمك ويخم الربوك
Quote: والآن عندي ليك سؤال: هل اذا زوجه اهانها زوجها ويضربها كل يوم بالجزمة ورفعت قضية في السودان ، فهل سيحكم لها القاضي بالطلاق والتعويض !!؟ لا اظن ذلك ،،لكن القاضي حيقول ليها، يالله يا ولية ارجعي بيت زوجك بلاش فلسفة معاك... انتي عليك الطاعة العمياء حتى ولو جلدك بالسوط كل يوم ....ارجعي بيت الطاعة بلا يخمك ويخم الربوك
هههههههه يا إمتثال إنت عايشة وين ؟، من حقو ياكُلآ اللكل الوآحد دا .
هههههههه هههههههههه هههههههههه والله عاوزة اضحك لغاية نهاية السنة الجاية.... وانا اقسم بالله أن هذا الرجل مجنون ،،مجنون ...وكيف يكون مفتي بأعظم بلد إسلامي نزل فيه الوحي ....سبحان الله وان لله في خلقه شؤون.... مش مفروض يقبضو المعتوه ده ويحاكموهو بتهمة الدجل والشعوذة والفتاوي الغريبة المهلكة....ونسوان السعودية ما سمعن الفتوى دي ...وقاعدات يسون شنو !!!! مفروض يقومن بمظاهرات للمطالبة باعتقال هذا المفتي المعتوه وإبداعه مستشفى المجانين....
12-24-2019, 04:09 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
يا معاوية العالم ده قاصد ياتو نوع من الاكل ؟ اكيد خانو التعبير . بعدين زولتك دي بعد تعويضها مبلغ ال 44 حتكون ام 44 تتذكر الحشرة الزي الجرادة ديك الاسمها ام 44 ؟
12-24-2019, 06:42 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
يا ود المدير ما عندك مصدر للخبر دا من موقع محترم ذو اعتمادية!! اي صحيفة بريطانية مثلا بدل صفحات الفيس و قنوات لا تنسى اللايك و الاشتراك وتفعيل الجرس دي
12-24-2019, 07:06 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
حبوبتي حبرة إطلقت من جدي ود الجيلي والسبب عرس فيها سوارابية من بانقا بيضا وسمحة ... أها .. كل الرجعت بيهو لي بيت أبوها في كريعات نواحي الصعيد .. قرقابين واحد لابساهو والتاني حاشراهو في جر (زير متوسط الحجم) المريسه حقها ومعاهن توب الزراق اللابساهو ... يعني تعويضا بعد ما ولدتلو ولدين وبتين كان قرقابين وتوب الزراق وجر المريسه ... تقول لي ٤٤ مليار جنيه استرليني ... هههههه .. قريبي ود المدير كيفنك ...
12-24-2019, 07:21 PM
Osman Awoda Osman Awoda
تاريخ التسجيل: 06-19-2017
مجموع المشاركات: 495
(كلمة عادل امين البتبدا بي ف وتنتهي بي كاف) هن حفرتين لا فرق بينهما ... الفرق كان بين جدي وشيخ محمد ... في الزمن الغابر داك تعويضات جدي دي كانت ثروة يفتخر بها والدليل ذكراها لا زالت تحكي عبر الاجيال ... حبوبتي أكان مشت محكمة لندن الزمن داك كان كتبولا أراضي قبيلة الجعليين جت شرق وغرب نهر النيل ... حبرة بت ابوعبيل أبوها رجعا لي راجلا بعد يومين بي تعويضاتا ... وبنا ليها قطية جنب قطية ضرتا ... وعاش الجميع في فرح وحبور ... تقول لي برج خليفة ...
12-24-2019, 09:41 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
صاحبي عنده حبوبتا ليهو عايشة جنب بربر اها قامت مرضت و عندها وليد اموره متيسرة كده قام وداها لندن للعلاج بعد أسبوع في الاسبتاليه زهجت من الرقده و من إنجلترا كلها و اشتاقت لي راكوبتها في بربر و من ضيقها تاوقت من شباك غرفتها و بي قرفه كده قالت ( إتفيي عليك يا المانيا )
اها دي ما كفاها توب زراق ؟
12-25-2019, 01:29 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: هههههههه هههههههههه هههههههههه والله عاوزة اضحك لغاية نهاية السنة الجاية.... وانا اقسم بالله أن هذا الرجل مجنون ،،مجنون ...وكيف يكون مفتي بأعظم بلد إسلامي نزل فيه الوحي ....سبحان الله وان لله في خلقه شؤون.... مش مفروض يقبضو المعتوه ده ويحاكموهو بتهمة الدجل والشعوذة والفتاوي الغريبة المهلكة....ونسوان السعودية ما سمعن الفتوى دي ...وقاعدات يسون شنو !!!! مفروض يقومن بمظاهرات للمطالبة باعتقال هذا المفتي المعتوه وإبداعه مستشفى المجانين....
ههههههههه،
يا إمتثال طبعاً هو حلف طلآق ما قال الكلآم دا وأصلاً ما ممكن يكون قالو لكن نسبةً لأنو أحد علماء السلطان الناس بيفكو فيهو إشاعات هو وأمثاله ؤ بينسبو ليهم فتاوى غريبة، يستاهلو طبعاً .مسكينات نسوان السعودية العربية دي حامينهن يسوقنها ؤ بعد دا دايرين يقرقشوهن !...
12-25-2019, 01:38 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يا معاوية العالم ده قاصد ياتو نوع من الاكل ؟ اكيد خانو التعبير . بعدين زولتك دي بعد تعويضها مبلغ ال 44 حتكون ام 44 تتذكر الحشرة الزي الجرادة ديك الاسمها ام 44 ؟
أُوثمان، يا عمّك خليك زي المنشار أُكُل بالجنبتين رآيح جاي. بعدين قاليك حسب الجوعة يعني لو جوعة خفيفة ممكن تأكلك كيلو من المحل البتحبو سِن البرِك مسلاً، لكن إنت شكلك بتحب الفخدة، دحين سِل سكين ضُراعك وأقع الصُلُب . هههههههه أُم أربعة وأربعين ضبيتا بالله ...
12-25-2019, 02:11 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: قام وداها لندن للعلاج بعد أسبوع في الاسبتاليه زهجت من الرقده و من إنجلترا كلها و اشتاقت لي راكوبتها في بربر و من ضيقها تاوقت من شباك غرفتها و بي قرفه كده قالت ( إتفيي عليك يا المانيا )
هههههههه
يا معاوية، بن راشد دا بعد ما دفع ال 44 مليار فضل معاه كم؟
عقبال إعفاء 44 مليار من ديون السودان.
12-25-2019, 01:33 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يا ود المدير ما عندك مصدر للخبر دا من موقع محترم ذو اعتمادية!! اي صحيفة بريطانية مثلا بدل صفحات الفيس و قنوات لا تنسى اللايك و الاشتراك وتفعيل الجرس دي
يا عمّك إنت خسران حاجة، أعمل لآيك ترمي 2 سنت في حصالة الجماعة ؤ فعّل الجرس يشوتوك بأيّ خبر طلآق مضروب ؤ غير مضروب، بالمناسبة ديّل فرع الضحكونجية في مضارب بني يو تيوب . كدي شوّف الفديو دا ...
12-25-2019, 01:56 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: حبوبتي حبرة إطلقت من جدي ود الجيلي والسبب عرس فيها سوارابية من بانقا بيضا وسمحة ... أها .. كل الرجعت بيهو لي بيت أبوها في كريعات نواحي الصعيد .. قرقابين واحد لابساهو والتاني حاشراهو في جر (زير متوسط الحجم) المريسه حقها ومعاهن توب الزراق اللابساهو ... يعني تعويضا بعد ما ولدتلو ولدين وبتين كان قرقابين وتوب الزراق وجر المريسه ... تقول لي ٤٤ مليار جنيه استرليني ... هههههه .. قريبي ود المدير كيفنك ...
سلآمات يا قريبي . من زمن القرباب !!!، يأخ ديّل كانوا العشرة جنيه ما بيعرفوها . إنت وكِت عرفّت الجر القرباب دا فاطيهو مالك ؤ معاهو توب الزراق ؟...
12-26-2019, 03:29 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: هههههههههههههه يعني يا قريبك انت عارفها اشاعة و عملت على نشرها! ما عارف معانا امتثال هنا ولا شنو
عملت لي شنو في مصدر خبر الحكم بالتعويض الخيالي دا!
هههههههه، يا عمّك إمتثال قبل ما تقرأ ردي فتحت البوست، بس أنا حكاية الفتوى دي تبقى مضروبة ما عجبتني كنت دآير ليهِن القرقشة رغم إنهن مُرآت . التعويض الخيالي برضو مضروب وآخر ظهور للمرا في المحكمة أظنو كان يوم 12/12...
12-26-2019, 03:33 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
ود المدير التعويض الخيالي ما مضروب ، ولكن الرقم صحيح لاني سمعت الخبر في قناة مصرية وقراته في جريدة انجليزية محترمة ،، بعدين الرقم الانت شايفه خيالي ده (٤٤ مليار جنيه)، عند ذلك الشيخ الغني ورئيس دبي ، ما خيالي ولا حاجة ولا يساوي واحد في الميه من ثروته ،ولان ممتلكاته فقط في انجلترا اضعاف اضعاف هذا المبلغ ،،،ومفروض القاضي الانجليزي كان يحكم بتعويض اكبر من ذلك ، مثلا ٢٠٠ مليار جنيه استرليني ،،،،عشان يعرف الله واحد ....
12-26-2019, 08:17 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
خضر الطيب
Osman Musa
حمد عبد الغفار عمر
جلالدونا
Osman Awoda
محمد البشرى الخضر
Salah Zubeir
يحي قباني
ترهاقا
نعمات عماد
فيس بوك
تويتر
انستقرام
يوتيوب
بنتيريست