لماذا غابت وزيرة الخارجية عن زيارة أمريكا ؟

▪شوف يا عمر، خلي كاساتك مع أهل اللختساس غادي
و نحن كاسنا معاك مجراها الشمال. يعني شغل خرمجة
ساي. عندي قصاصة ناكتا ليك من قعر شنطة الصفيح
كت ماش أفرع بيها بوست بس حأديك منها وش ملاح؛
أكان تظبط مع موضوعك و لا تفتلو ليك مالي خص:

♧درامات على ظهر رمالٍ متحركةٍ
{ من وحي رحلات حمدوك مع جوقة نواعمه )
● مدير شركة قال لسكرتيرته : عندنا أنا و أنتى
رحلة عمل أسبوع رتبي امورك !السكرتيرة بدورها
اتصلِت على زوجها قالت ليه عنديّ رحلة مع مديري
أسبوع؛ أنت دبر امورك و مشِّي حالك بالتيك أوي !

▪ الزوج عندو بغلة تانية في الإبريق أصلن معرسا مسيار عُرفي
كسد (مأرب) لمثل هذه الطوارئ . اتصل قال ليها: عندنا أسبوع
راحة(Off) خلينا نملاه سوا نقضيه كروح واحدة في جسدين !

▪ نمبر 2 شغالة مربية( Baby Sitter) لوليد ناس ؛ إتصلت
قالت ليه أنا عندي (شُغُل) طارئ أسبوع كامل ما بقدر اجيك ..

-الشافع اتصل على جدّهوقال ليه : يا جدو المربية عندها شغل
أسبوع كامل ..و ما بتقدر تجيني. تتال سوقني يوماتي نغيّر جو .

- الجد طلع نفسه هو مدير الشركة اتصل على السكرتيرة قال لها :
ألغي الإجتماع لأنى ح أفضى أفسح مع ولد ولدي الأعز من ولدي.

- السكرتيرة اتصلت على زوجها قالت ليه :
اتلغِت الرحلة و أنا راجعة البيت اتوس ليك الغدا!

-الزوج اتصل على نمبر {2} قال ليها معليش الموضوع
طرشق بغلتي نمبر {1} ما حتسافر وما حأقدر اشوفِك

- الزوجة المربية اتصلت على الشويفع قالت ليه: لا خلاص
ال(شغل) طلت فشنك باباح كيرة بملاح و أنا جاياك بكرة.

- الولد : اتصل على جدو و قال له خلاص يا جدو
المربيه حتجيني سوق (سكرتيرتكك) و سافرو.

الجد رجع اتصل على سكرتيرته و قال ليها :
حضري نفسك لازم نسافر للاجتماع ..
يلا ، كملوا باقي القصة أنا تعبت

*هكذا جرت مفاوضات ، و من ثم خرجت (مخرجات)
ما كان يعرف في عهد الأنقاض البائد بالحومار الوطني
و تخمضت عنه صدماتٌ كما يتمخت فيلٌ ليلد فأراً ميتاً ،
و لا يزال نفس الحومار جار بين السودا وعم ريكا حمدوك
نفسو قايم رايح و جاي ، ليظى يراوح مكانه في حركة
ماكوكية تمامن كالمنبت لا أرضاً قطع و لا ظهراً أراح.
*****((((+)))))*****