|
Re: زيارة حمدوك للولايات المتحدة للاستهلاك ا� (Re: Abureesh)
|
غايتو ياهادي كل مره بتبيض ليك في القفص .. معقول زيارة رسمية من حمدوك لامريكا وللمرة الثانية ودعوة رسمية من الادارة الامريكية .. ولن يقابل حمدوك الرئيس الأمريكي دونالد ترامب .. ولاحتى نائبه مايك بنس .. ولا أضعف الايمان يلتقيه مستشار الأمن القومي .. غايتو دي حقاره راسا عديل ... أصلا الامريكان حاقرين بي سوداننا ده ليه ماعارف يبدو انه الشغلة دي أكبر من حكومة ثورة وارهاب وبطيخ زيارات حمدوك لأمريكا مامنها أي فائدة وزمان قلنا مشكلة الادارة الامريكية مع السودان .. لا علاقة لها بحكومة مواليه أو ضد الشغله أكبر حمدوك مايمش ويجعل كل جهده .. في الاهتمام بالانتاج الزراعي والتعدين وإن شاء الله أمورنا بتمشي .. كفاية مرمطة وتزّلف ومسخرة وقلة قيمة .. اصلا الشحدة مابتحل مشكلة اقتصادنا التعبان ولصيق الطين في الكرعين ماببقى لينا نعلات
مع التحية لاصحاب الاحلام الوردية وحاملي باقات الورود البمبية ..
|
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|