|
Re: بتطلعي إنتي من صوت طفلة و سط اللمة منسية (Re: Kostawi)
|
ايييييه يا كوستاوي الحزن القديم هي القصيدة التي كان يهرب منها الدوش ... نعم كان لايطيق سماعها في الاذاعة طلب منه المذيع ان يقرأها على الهواء ، فخرج مسرعا الى الشارع ومرة خرج هو ويحي فضل الله ذات مساء من ليلة شعرية في جامعة الخرطوم وكانوا يسكنوا مع بعض .. اوقف الدوش تاكسي وركب قدام ويحي في المقعد الخلفي قال للسائق : تحرك .. السائق تحرك ببطء وادخل شريط كاسيت جوة المسجل وطلع صوت وردي بتطْلَعِى إنتِ من غابات ومن وديان... ومنى أنا.. ومِن صحْيَة جروف النيل مع الموجَهْ الصباحيَّه. الدوش قال للستئق: اطفي المسجل دا هسي رفض السائق قائلا اوامر ولا طلب ؟ اصر الدوش ان يوقف السائق المسجل ورفض السائق ..الدوش قال لسائق يا توقف يا تنزلني .. السائق فرمل بقوة وقال ليهو : اتفضل نزل الدوش وابتعد ةمسرعا من امام التاكسي ، ويحي يراقب الموقف وكان عارف ان دا حيحصل .. وشرح للسائق ان دا شاعر الاغنية طبعا لم يصدق السائق كلام يحي ،، ولكن يحي استطاع اقناع السائق الذي لحق بالدوش ووقف جنبه وقال ليهو: اتفضبل يا استاذ اهو وقفنا المسجل .. عرف ان يحي شرح الامر للسائق دخل الدوش ونظر الى السائق بحنان غريب وقال معتذرا .. معليش ياخي .. وذهب معهم السائق الى الموردة وسهر معهم حتى الصباح اييييه يا كوستاوي مرة اخري الحزن القديم تفوقت على اختيها ( بناديها ـ الود ) في الرومانسية الرمزية وفي التجديد القائم على الشعر العبقري
| |
|
|
|
|
|
|
Re: بتطلعي إنتي من صوت طفلة و سط اللمة منسية (Re: Ahmed Yassin)
|
ابداع ما بعده ابداع... واوسكار ما بعده اوسكار ،،، وردي الفنان الموسيقار حتى وهو يغني وهو جالس يقود الاوركسترا للخفض والرفع ، وشوفو ابداع وروعة عازف الكمان والساكسفون في مقدمة الاغتية الموسيقية حتى ان احد ابموسيقيين ومن شدة نشوته جاء وقبل راس عازف الساكسفون لروعته وابداعه،،، هذا هو الفن ، فن القامة ، وقامة الفن ،،، ..والحزن القديم احيا فينا حزنا دفينا لما ال اليه الفن اليوم ،،،، انت بتجيب الروائع دي من وين يا كوستاوي !!! ..واحمد ياسين..تعليقك على الاغنية اوسكار خمس نجوم .... فشكرا ليكم الاثنين ،،، مع التحيات النواضر..
| |
|
|
|
|
|
|
Re: بتطلعي إنتي من صوت طفلة و سط اللمة منسية (Re: Yasir Elsharif)
|
الحزن القديم يالله عندها تسجيل في التلفزيون ، اعتقد انو افضل تسجيل اتعمل في التلفزيون ever كان وردي وقتها في قمة شبابه الفني متربعا بكل زهو على عرش الغناء يا خوانا طلب خاص لو في زول عارف ليها فيديو كامل يجيبو لينا ، زمان كده فتشت ليها في يوتيوب ولقيتها اجزاء ، وجني وجن تقطيع الغنا ما بغطي معاي ابدا
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|