عِلَلُ الوُجودِ: هلْ المَرَضُ و التقاعُدُ نِعَمٌ أم نِقَمٌ؟

(2)
لكن جماعة جامع شروني ديل طبعن ناس رقيقي الحال و الدين الحنيف
داعندهم حاجة مبسطة إلى درجة لامن تخليك تصنقع لو تشربو بدون سُكَّر.
فالزول دا جابا لي بطريقة فعلن سلِسة ، مبتكرة و عجيبة ضحكتني لامن أسالت
لعابي و قربت أشرق لكن ما شرقتا ثم أجهشتني بالبُكاء. وانا أصلن دايمن كدي
مرة أفرح أسرح أمرح و مرة أبكي و مرة تغلبني القراية أم دق .

# المِهم الزول دا أنا عارفو قاصد يجمِّل لي للقبر ممشى. و بالمناسبة دي
الخواطر الواردة في البوست دا غير صالحة لك من هبَّ ودبَّ لذلك يحظر بالذات
دخول النواعم و أولاد ميكي من ذوي القولب الرهيفة، و مسموح فقط لعمر الزهور
من الافر سكستي و كدا ناس عمك هناي شايفو هداك رفع يدو، و إنتا طالع.